02/03/2023
Модата е уметност, a дизајнот знае за етика • по 26 пат FWSK
Fashion Weekend Skopje, со оправдано уверување дека модата е уметност, повеќе од две децении го организира Модниот викенд, кој оваа година од 9 до 11 март по 26 пат ќе се случи на нова локација и со нов концепт.
Мотото на 26-то издание на FWSK е "Јазикот на етиката и дизајнот", локацијата ќе биде East Gate Mall, а календарски и концептуално настанот се вклопува во Деновите на италијанскиот дизајн, при што ова издание се реализира во тесна соработка со Италијанската Амбасада во Скопје и Италијанската агенција за трговија ITA.
Модниот викенд годинава прави спој на возбудата и гламурот кои ќе го донесат италијанските славни брендови во Скопје со ревиите на ARMANI EXCHANGE, LIU JO, PATRIZIA PEPE, TWINSET, SIGMA JEWELRY, DAN JOHN, KIKO MILANO, ERREA, BARK SHOES, SMARAGD 1969 ( FRATELLI BOVO, DANIELA COARO, UTOPIA), DIOPTRA OPTICS (DOLCE GABANNA, GUCCI, VALENTINO, PERSOL), BOZINOVSKI WATCHES & JEWELRY with TI SENTO.
Но и на домашните дизајнерски сили на модната сцена:
"Hope this feels familiar" е соработка помеѓу модната дизајнерка Теодора Митровска и визуелниот уметник Душан Стефановски, потоа модна ревија на студентите на Интернационалниот институт за мода Изет Цури, ќе биде претставена колекцијата "Goddess" на EMIRA YMERI, свое претставување ќе има и YAMUNA SHOW со уникатна колекција на марами - powered by IQOS.
Најавен е и цел блок посветен на THE BRIDAL FASHION со колекции на „Ал Апарел" на Наташа Карчева, SIGMA Jewelry, VLORA & KALTRINA и FA-BU на Јагода Пачемска.
Програмата во трите денови ќе ги претстави најважните аспекти на овој проект, пред сѐ развојот на авторскиот моден дизајн на кој FWSK е посветен од самите почетоци и за кој низ овие 26 години дал непроценлив придонес. Бројни дизајнери, преку оваа смотра започнаа, растеа и се формираа до препознавање дома и надвор.
Активизмот на FWSK, низ бројни општествено одговорни проекти најмногу поврзани со циркуларната мода, со години наназад го врти вниманието кон одредени проблеми во нашето опкружение и иницира начини да се приближиме кон решавањето на истите.
Оттука, годинава се планирани панел дискусии:
"SMALL BUT PERFECT: THE ENERGY OF DESIGN FOR PEOPLE AND THE ENVIRONMENT" на кој ќе говорат истакнати дизајнери, екпсерти и истражувачи, а модератор ќе биде Гордана Вренцоска, универзитетска професорка, уметник и дизајнер. Почесен гостин на настанот ќе биде Арслан Додо, еден од најреномираните и наградувани италијански дизајнери на светско ниво.
Ќе има презентација на ‚‚3D и модна индустрија" - инфо ден на Текстилното трговско здружение – Текстилен кластер и Македонското модно здружение со дигитална модна ревија на Искра Џокиќ Кецап.
Планирани се неколку необични локации низ East Gate Mall, кои за прв пат ќе се претворат во сцена за дебати, перформанси и ревии, со што мотото на деновите на италијанскиот дизајн "The quality that illuminates: the energy of design for people and the environment-La qualità che illumina: l'energia del design per le persone e l'ambiente" ќе биде оправдано.
Настанот ќе го следат водечките македонски медиуми и гости од светот на модата и дизајнот од дома странство, кои овој настан го следат со години и го афирмираат и за домашната публика, но и во поширокиот регион.
Низ бројки, изминатите години на FWSK изгледаа вака: реализирани се 303 модни ревиии, истите ги следеле преку 100.000 гледачи, се претставиле околу 50 самостојни дизајнери и 42 модни брендови и странски гости, организирани се 27 општествено одговорни настани, моделите ги носеле над 3.000 манекени, во организацијата биле вклучени над 500 луѓе и сѐ се одржувало на 50 типични и нетипини локации.
26-то издание на FWSK ќе ги оправда очекувањата на модната публика, ќе дише со нова креативна енергија, ќе ја слави лулката на дизајнот Италија и силата на домашното модно творење.
Комплетната програма е на следниот линк https://fashionweekendskopje.mk/mk/vesti/programa-2/
А ова се компании и брендови кои се поддршка на целиот настан:
Ambasciata d'Italia in Skopje
ITA - Italian Trade Agency - Skopje
East Gate Mall
Манекенките ќе ги разубавува официјалниот партнер за фризура Alfaparf Milano Professional во соработка со школата „Димитар Влахов", како и KIKO Milano официјален партнер за шминка во соработка со „Школата за Убавина АРТ".
Пријател за нега и убавина ќе биде француската медицинска козметика Uriage Macedonia - за здрава и негувана кожа без брчки, овој бренд ја има добитната формула.
Исто како ново! За три пати подолг век на траење на вашата облека – Первол Renew.
Животот е посладок со Сандеј! Слатко задоволство од колачиња и десерти за секојдневно уживање или за сите среќни, успешни и незаборавни моменти. Произведени во Македонија, препознаени во цел свет!
Бајадера Ткаена со задоволство! Свиленкаст чоколаден вкус од одбрани бадеми, лешници и најфино какао, кој се топи во уста и ве повикува на уживање...
Одблесокот на огледалата од уметничката инсталација на MG ART ќе биде вистински магнет за селфи фотографии.
За атмосферата и комфорот на дебатното катче ќе се погрижат Smart Living.
Гасто партнер е Amanti паста.
URMA прва концептуална е-продавница.
Do More
Irina Tosheva
