Bashkësia Lokale Veleshtë

Bashkësia Lokale Veleshtë Marketing information

Në nderim të veprimtarisë dhe kontributit të paçmuar të Irfan Vlash*t - Daj' Fon, ftohen të gjithë dashamirësit, miqtë d...
07/09/2026

Në nderim të veprimtarisë dhe kontributit të paçmuar të Irfan Vlash*t - Daj' Fon, ftohen të gjithë dashamirësit, miqtë dhe bashkëqytetarët të marrin pjesë në ceremoninë e tij përkujtimore.

​Atdhedhashuria, përkushtimi dhe humanizmi i tij lanë gjurmë të pashlyeshme në jetën kombëtare e shoqërore, duke shërbyer si shembull lartësie e fisnikërie për të gjithë ne.

​Detajet e takimit:
​Data: 13.09.2026
​Ora: 13:00
​Vendi: Qendra e Veleshtës - Te Rrapi

​Prania juaj do të jetë një nderim i madh për kujtimin dhe veprën e tij.
Të gjithë të interesuarit janë të mirëseardhur!

02/09/2026

🚨 APEL PËR KUJDES DHE FALËNDERIM I VEÇANTË 🚨

​Të nderuar qytetarë,

​Edhe pse situata është nën kontroll, ju bëjmë thirrje të gjithëve që të tregojmë kujdes maksimal edhe për pak kohë!
Zjarret mund të shpërthejnë nga një pakujdesi e vogël, ndaj asnjëherë nuk duhet të ulim vigjilencën. Mbroni natyrën, pronën dhe jetën e secilit prej nesh.

​Një falënderim nga zemra dhe mirënjohje e veçantë shkon për Ekipin e Zjarrfikësve të Strugës! 🚒👏
​Falë reagimit të tyre të menjëhershëm, profesionalizmit dhe përkushtimit në terren, zjarri u lokalizua me shpejtësi, duke parandaluar një dëm shumë më të madh.
Heronjtë tanë të qytetit treguan edhe një herë se janë gjithmonë në mbrojtje të komunitetit.

​Për çdo rast rreziku apo tymi të dyshimtë, mos hezitoni të njoftoni menjëherë shërbimet përkatëse.

​Kujdesi sot parandalon tragjedinë nesër! 🙏🌲🌿

Me respekt
Kryetari BL Veleshte Axhi Shehu

13/07/2026

NJOFTIM

Të nderuar banorë,

Ju njoftojmë se për shkak të një defekti në rrjetin e furnizimit me energji elektrike, një pjesë e vendbanimit është pa energji.

Ekipet përgjegjëse janë në terren dhe po punojnë intensivisht për eliminimin e defektit dhe rikthimin sa më të shpejtë të furnizimit me energji elektrike.

Ju falënderojmë për mirëkuptimin dhe durimin!

13/07/2026

Sot u realizua pastrimi i rrugës që të çon drejt varrezave të reja, me qëllim krijimin e një mjedisi më të pastër, më të sigurt dhe më të rregullt për të gjithë qytetarët.

Falënderojmë të gjithë ata që kontribuan në realizimin e këtij aksioni dhe njëkohësisht apelojmë te të gjithë banorët që të kujdesen për pastërtinë, të mos hedhin mbeturina dhe të ruajnë mjedisin për të mirën e përbashkët.

Bashkë për një Veleshtë më të pastër dhe më të rregullt! 🌿

03/07/2026

Të nderuar bashkëqytetarë,

Në këto ditë me temperatura të larta, ju bëjmë apel të gjithëve që ta përdorim ujin me kujdes dhe përgjegjësi. Uji është nevojë dhe pasuri e përbashkët, prandaj secili prej nesh duhet të kontribuojë që të ketë mjaftueshëm për të gjithë.

Është e çuditshme se sa herë që kemi reshje shiu, furnizimi me ujë është i mjaftueshëm për të gjithë banorët, ndërsa në ditët me diell dhe vapë të madhe shpesh përballemi me mungesë të ujit. Kjo tregon se në shumë raste uji po keqpërdoret për nevoja që nuk janë të domosdoshme.

Ju lutemi:
• Mos e përdorni ujin për larje oborresh, rrugësh apo automjetesh gjatë këtyre ditëve.
• Shmangni ujitjen e tepërt të kopshteve dhe hapësirave të gjelbra.
• Kontrolloni rrjedhjet dhe mos e lini ujin të shpërdorohet pa nevojë.

Vetëm me ndërgjegje dhe kujdes të përbashkët mund të sigurojmë furnizim normal për çdo familje.

Ta ruajmë ujin sot, që të mos na mungojë nesër!

25/06/2026

Gjatë kësaj jave u realizua faza e dytë e pastrimit të vijave, konkretisht në Vijën e Re dhe Vijën e Xhelincës. Punimet do të vazhdojnë deri në pastrimin e plotë të tyre.

Njëkohësisht, ju njoftojmë se ditën e diel, Bashkësia Lokale ka organizuar një aksion për pastrimin e rrugëve të fshatit.

Ftojmë dhe bëjmë apel te të gjithë qytetarët që kanë dëshirë dhe mundësi t’i bashkëngjiten këtij aksioni.

🕗 Ora e nisjes: 08:00
📍 Vendi i nisjes: te Rrapi në qendër

Së bashku për një ambient më të pastër! 🌿

Me respekt
Kryetari Axhi Shehu

17/06/2026

📢 NJOFTIM

Të nderuar banorë,

Ju njoftojmë se nesër në orën 4h e mëngjesit do të realizohet ngjyrosja dhe shënjimi i vijave të vendparkimeve në qendrën e fshatit.

Për të mundësuar zhvillimin e punimeve pa pengesa dhe për të siguruar cilësinë e tyre, apelojmë tek të gjithë pronarët e automjeteve që të mos i parkojnë veturat në hapësirat e parashikuara për parkim deri në përfundimin e punimeve.

Bashkëpunimi juaj është i rëndësishëm për realizimin me sukses të këtij projekti në të mirë të komunitetit tonë.

Ju falënderojmë për mirëkuptimin dhe bashkëpunimin!

Me respekt,
Bashkësia Lokale Veleshtë

13/06/2026

U realizua me sukses aksioni për pastrimin e vijës së shelerve deri te burimet në fisin Hani.

Falënderojmë të gjithë që kontribuan për të përmirësuar ambientin dhe për të mundësuar qasje më të lehtë deri te burimet.

Këto iniciativa janë dëshmi e bashkëpunimit dhe kujdesit për të mirën e përbashkët.

Apelojmë që të vazhdojmë së bashku me aktivitete të ngjashme për ruajtjen e pastërtisë dhe zhvillimin e fshatit tonë.

👏 Faleminderit !

Me respekt Axhi Shehu

Sot, në drekën e organizuar me rastin e ditëlindjes së kryetarit të Bashkësisë Lokale, Axhi Shehu, ishte i pranishëm edh...
07/06/2026

Sot, në drekën e organizuar me rastin e ditëlindjes së kryetarit të Bashkësisë Lokale, Axhi Shehu, ishte i pranishëm edhe kryetari i Komunës së Strugës, Mendi Qyra.

Me këtë rast, kryetari i komunës e uroi Axhi Shehun për ditëlindjen dhe e përgëzoi për projektin e realizuar së fundmi, duke vlerësuar angazhimin dhe përkushtimin në shërbim të banorëve.

Në fjalën e tij, ai bëri apel që puna të vazhdojë me të njëjtin ritëm edhe në të ardhmen, për realizimin e projekteve të reja që do të jenë në dobi të komunitetit dhe për përmirësimin e kushteve të jetesës për të gjithë qytetarët.

Urime dhe suksese në realizimin e nismave të ardhshme! 🎉🤝🏽🏡

07/06/2026

Këshilli i Bashkësisë Lokale i shpreh urimet më të sinqerta Kryetarit tonë me rastin e ditëlindjes së tij.
I urojmë shëndet të plotë, lumturi familjare, suksese në jetë dhe mbarësi në çdo hap. Falënderojmë përkushtimin, angazhimin dhe punën e palodhur që e bën në shërbim të banorëve dhe zhvillimit të komunitetit tonë.
Qoftë kjo ditëlindje fillimi i një viti të mbushur me gëzime, realizime dhe momente të bukura pranë familjes, miqve dhe bashkëpunëtorëve.

Gëzuar Ditëlindjen Kryetar Axhi Shehu ! 🎂🎈🎉

Me respekt,
Këshilli i Bashkësisë Lokale Veleshtë

Address

Veleshtë Pn
Struga
6334

Telephone

+38970586703

Website

Alerts

Be the first to know and let us send you an email when Bashkësia Lokale Veleshtë posts news and promotions. Your email address will not be used for any other purpose, and you can unsubscribe at any time.

Shortcuts

Share

Category