31/01/2024
❝ဝမ်းနည်းပါကြောင်း❞
လမ်းဖောက်တော့ သူမပါ၊
လမ်းပြင်လည်း သူမရောက်၊
ဖြူးဖြောင့်စွာ လမ်းပြေချောတော့
ကျော့ကျော့လေးသူလျှောက်။
ကန်တူးရာ သူမပါ၊
ကန်ဆည်ရာသူမရောက်၊
မြကန်သာရေကြည်သန့်မှ
ခန့်ခန့်လေးသူသောက်။
ပန်းစိုက်ရာ သူမပါ၊
ပေါင်းသင်ရာ သူမရှိ၊
ပန်းပေါင်းစုံသင်းကြူမွှေးတော့
ရွေးပန်ချင်၏။
ရပ်ရွာအရေးဆွေးနွေးရာ၊
ဖယ်ရှောင်ခွာ သူမရော၊
သူထင်ရာမြင်အတွေးနဲ့
ဘေးထိုင်ဘုပြော။
လူ့ဘဝ ခဏတာ၊
မြင့်မြတ်စွာ လူဖြစ်ခိုက်မှာ၊
လူပီသစွာ ကိုယ့်အမျိုးအတွက်
ကြိုးစားလိုက်စမ်းပါ။
သိလျက်နဲ့ သွေရှောင်ခွာ၊
ဝေဖန်ကာ အမြင်စောင်း၊
မူမမှန်တယူသန်အတွေးနဲ့
ကလေးလို အရေးဆိုကြမ်းတာတော့
ဝမ်းနည်းပါကြောင်း
#မင်းသုဝဏ်
#မူရင်းရေးသားသူများကိုလေးစားစွာဖြင့် credit ပေးပါသည်။