08/08/2026
◼️ဖားကန့်မြို့နယ်တွင် ၈၈၈၈ အရေးတော်ပုံ (၃၈)နှစ်ပြည့် လူထုသပိတ်ကျင်းပ၊ စစ်ကောင်စီမှ အစစ်ဆေးကြမ်းနေ
ဩဂုတ် ၈၊ ၂၀၂၆။
ကချင်ပြည်နယ်၊ ဖားကန့်မြို့နယ်တွင် ၁၉၈၈ ခုနှစ် ဩဂုတ်လ ၈ ရက်နေ့က စတင်ခဲ့သော ဒီမိုကရေစီအရေးတော်ပုံ (၃၈) နှစ်ပြည့်အထိမ်းအမှတ်အဖြစ် ယနေ့တွင် လူထုသပိတ်တစ်ရပ်ကို ကျင်းပပြုလုပ်ခဲ့ကြသည်။
အဆိုပါလူထုသပိတ်တွင် ပြည်သူများက စစ်အာဏာရှင်စနစ်ကျရှုံးရေး။ ဘယ်အာဏာရှင်စနစ်မှ အလိုမရှိ။ ပြည်သူလူထု၏အသံကို ငါတို့အစိုးရ နားထောင်ပေးဦး။ မြစ်ဆုံစီမံကိန်းအလိုမရှိ။ ဒေါ်အောင်ဆန်းစုကြည်နှင့်တကွ နိုင်ငံရေးအကျဉ်းသားများ လွတ်မြောက်ရေး။ အရေးတော်ပုံအောင်ရမည်။ စသည့်ဆောင်ပုဒ်များဖြင့် ကြွေးကြော်ခဲ့ကြသည်။
၈၈၈၈ အရေးတော်ပုံသည် မြန်မာနိုင်ငံ၏ ဒီမိုကရေစီရေး ကြိုးပမ်းမှုများ၏ အထင်ကရဖြစ်ရပ်တစ်ခုဖြစ်ပြီး ယနေ့ခေတ် နွေဦးတော်လှန်ရေးအထိ ဆက်လက်ရှင်သန်နေဆဲဖြစ်ကြောင်း လူထုသပိတ်တွင်ပါဝင်သူများက ပြောဆိုခဲ့ကြသည်။
လက်ရှိတွင် ဖားကန့်ဒေသ၌ လုံခြုံရေးအခြေအနေမှာ တင်းမာနေဆဲဖြစ်ပြီး စစ်ကောင်စီမှ ဖားကန့်မြို့နေရာတချို့တွင် အစစ်ဆေးများပြုလုပ်နေကြောင်းသိရသည်။
သတင်း၊ဓာတ်ပုံ
ကိုကိုဦး(ဖားကန့်)
