28/01/2026
နီပါးရ်ဗိုင်းရပ်စ်ရောဂါလက္ခဏာများခံစားရပါက ကျန်း မာရေးဌာန၌ လိုအပ်သည့်စစ်ဆေးကုသမှုများခံယူရန် ကျန်းမာရေးဝန်ကြီးဌာနအသိပေး
မြန်မာနိုင်ငံတွင် နီပါးရ်ဗိုင်းရပ်စ် ကူးစက်ဖြစ်ပွားမှုများတွေ့ရှိရခြင်းမရှိသေးသော်လည်း နီပါးရ်ဗိုင်းရပ်စ်ရော ဂါလက္ခဏာများခံစားရပါက ကျန်းမာရေးဌာန၌ လိုအပ်သည့်စစ်ဆေးကုသမှုများခံယူရန် ကျန်းမာရေးဝန်ကြီး ဌာနမှ ဇန်နဝါရီ ၂၆ ရက်က အသိပေးထုတ်ပြန်ခဲ့သည်။
မြန်မာနိုင်ငံသည် နီပါးရ်ဗိုင်းရပ်စ်၏ မူလလက်ခံကောင် လင်းနို့မျိုးစိတ်ဖြစ်သည့် သစ်သီးစားလင်းနို့/လင်းဆွဲများပေါများစွာတည်ရှိရာဒေသဖြစ်ပြီး ကူးစက်မှုများမကြာခဏဖြစ်ပွားလေ့ရှိသည့် ဒေသတွင်းနိုင်ငံများနှင့် နယ်နိမိတ်ချင်းထိစပ်နေ၍ နီပါးရ်ဗိုင်းရပ်စ် ရောဂါစောင့်ကြပ်ကြည့်ရှုခြင်းလုပ်ငန်းများကို အထူးအလေးပေးဆောင်ရွက်လျက်ရှိသည်ဟု အသိပေးခဲ့သည်။
ထို့ကြောင့် လတ်တလော နီပါးရ်ဗိုင်းရပ်စ်ရောဂါဖြစ် ပွားနေသည့်ဒေသများသို့ မလိုအပ်ဘဲခရီးမသွားရန်၊ လတ်တလောရောဂါဖြစ်ပွားရာဒေသများသို့ရောက်ရှိနေသူများသည် ရောဂါဖြစ်ပွားရာဒေသများရှိ ဆေးရုံများ(သို့)ဖျားနာသူများပြားသော နေရာများသို့မလိုအပ်ဘဲသွားရောက်ခြင်းမပြုရန် အသိပေးခဲ့သည်။
ထို့ပြင် လတ်တလောရောဂါဖြစ်ပွားရာဒေသများသို့ ခ ရီးသွားခဲ့ပြီး မိမိနိုင်ငံသို့ပြန်လာစဉ်၌ သံသယရောဂါလ က္ခဏာများဖြစ်သည့် ပြင်းထန်စွာဖျားခြင်း၊ ခေါင်း ကိုက်ခြင်း၊ ချောင်းဆိုးခြင်း၊ အသက်ရှူရခက်ခဲခြင်း၊ စိတ်ရှုပ်ထွေးခြင်း(သို့)အိပ်ငိုက်ခြင်းတို့ခံစားရပါက လေဆိပ်ကျန်းမာရေးဌာန(သို့)နယ်စပ်ဝင်/ထွက်ပေါက်များရှိ တာဝန်ကျကျန်းမာရေးဝန်ထမ်းများထံ မပျက်မ ကွက်သတင်းပို့ရမည်ဟု အသိပေးခဲ့သည်။
အကယ်၍ ရောဂါဖြစ်ပွားရာဒေသမှပြန်လာပြီး (၁၄) ရက်အတွင်း သံသယရောဂါလက္ခဏာများခံစားရပါက ချက်ချင်းနီးစပ်ရာကျန်းမာရေးဌာနသို့ဆက်သွယ်၍ ရောဂါဖြစ်ပွားရာဒေသသို့ ခရီးသွားခဲ့သည့်ရာဇဝင်ရှိကြောင်းကို ဆရာဝန်အားသေချာစွာပြောပြပြီး လိုအပ်သည့်စမ်းသပ်စစ်ဆေးကုသမှုများအချိန်မှီခံယူရန် အသိပေးခဲ့သည်။
ထို့အတူ မိသားစုတွင်ရောဂါဖြစ်ပွားရာနိုင်ငံများမှ ပြန် လည်ရောက်ရှိလာသည့် သံသယဖြစ်ဖွယ်ရောဂါ လက္ခ ဏာရှိသူများတွေ့ရှိခြင်း၊ နေထိုင်ရာပတ်ဝန်းကျင်တွင် တိရစ္ဆာန်များ(ဝက်/လင်းနို့)တို့ ထူးထူးခြားခြားသေဆုံးခြင်းများတွေ့ရှိပါက နီးစပ်ရာကျန်းမာရေးဌာနသို့ ချက် ချင်းအသိပေးအကြောင်းကြားရန်လည်း အသိပေးခဲ့သည်။
