01/04/2025
ငလျင်ဘေးဒဏ်ကြောင့် ကျွန်ုပ်တို့၏ အဖိုးတန်ဝန်ထမ်း (၃)ဦး အသက်ဆုံးရှုံးမှုနှင့်ပတ်သတ်၍ အထူးဝမ်းနည်းကြေကွဲခြင်း
(၀၁ ဧပြီ ၂၀၂၅) -ကျွန်ုပ် Mahar NET မိသားစုအနေဖြင့် မတ်လ ၂၈ရက်နေ့ကဖြစ်ပွားခဲ့သော ငလျင်ဘေးဒဏ်ကြောင့် မဟာနက်စစ်ကိုင်းရုံးတွင် ကျွန်ုပ်တို့၏အဖိုးတန်ဝန်ထမ်း (၃)ဦး အသက်ဆုံးရှုံးခဲ့ရသည့်အတွက် အနက်ရှိုင်းဆုံးသော ဝမ်းနည်းကြေကွဲမှုကို ဖော်ပြလိုပါသည်။
ကျွန်ုပ်တို့ဆုံးရှုံးခဲ့ရသည့် မိသားစုဝင်များမှာ -
(၁) မဖူးရနံ့သောင်း-(၂၅)နှစ် (ငွေတောင်းခံလွှာဌာန)
(၂) မအိအိမွန်-(၂၃)နှစ် (ဝန်ဆောင်မှုနှင့် အရောင်းမြင့်တင်ရေးဌာန)
(၃) မောင်ဝေယံဘုန်းနိုင်-(၂၃)နှစ် (ဝန်ဆောင်မှုနှင့် အရောင်းမြင့်တင်ရေးဌာန)
တို့ဖြစ်ပြီး ၎င်းတို့သည် ကျွန်ုပ်တို့အဖွဲ့အစည်း၏ တကယ့်အားကိုးရာများဖြစ်ခဲ့ပါသည်။
ကျွန်ုပ်တို့အနေဖြင့် ငလျင်ဘေးဒဏ်ကြောင့်ဆုံးရှုံးခဲ့ရသည့် ဝန်ထမ်းများ၏ ရုပ်ကလာပ်များကို မိသားစုများထံ ဂုဏ်သိက္ခာရှိစွာ အပ်နှံပြီးဖြစ်ကာ ဆုံးပါးသွားသူများ၏ မိသားစုများအား လိုအပ်သော ပံ့ပိုးမှုများ ဆက်လက်ဆောင်ရွက်ပေးသွားပါမည်။
"သူတို့၏ ကျေးဇူးတင်စရာ လုပ်ဆောင်ချက်များကို ကျွန်ုပ် အမြဲတမ်းအမှတ်ရနေမည်"
ဤကဲ့သို့သော ဝမ်းနည်းဖွယ်ရာအချိန်တွင် နားလည်မှုနှင့် ပူးပေါင်းကူညီမှုအတွက် ကျွန်ုပ်တို့၏ လေးစားတန်ဖိုးထားရပါသော မဟာနက်အသုံးပြုသူများအား ကျေးဇူးတင်ရှိပါသည်။
