Seng Jein

12/04/2026

Happy 'songkran' Festival 💦
သူင်သိူဝ်းႁပ်ႉတွၼ်ႈ ပွႆးသွၼ်းၼမ်ႉ🤗💦
🗓️13th-16,April,2026.
ပီ​​ၵေႃးၸႃႇ 1387ၶု

🔸ၼိုင်ႈပီတီႈဢေႇသုတ်း တေလႆႈထူပ်းပီမႂ်ႇတႆး၊ ပီမႂ်ႇလုမ်ႈၾႃႉ၊ ပီမႂ်ႇၶႄႇလႄႈ ပီမႂ်ႇသွၼ်းၼမ်ႉ ပၼ်ႇပဵၼ် သင်ၶႃရယူႇၸိူင်ႉၼႆ။ ပီမႂ်ႇသွၼ်းၼမ်ႉ ပဵၼ်ၾိင်ႈၸၢဝ်းၵလႃးမိူင်းၸမ်းပူး(ၸမ်ႇပူႇတီႇပႃႇ-ဢိၼ်းတိယိူဝ်း) ၸိူဝ်းၼပ်ႉ ယမ်ၶုၼ်သၢင်ပြမ်ႇမႃႇၶဝ်မႃးဢွၼ်တၢင်း။ ဝၢႆးမႃးလႆႈၽႄႈၶဝ်ႈမႃးၼႂ်းမိူင်း ၾင်ႇတၢင်းဢွၵ်ႇမႄႈၼမ်ႉပၢင်ႇလၢႆႇ ၸွမ်း ၵူၼ်းၵႃႉၵူၼ်းၶၢႆၸၢဝ်းႁိၼ်ႇတူႇလႄႈပုတ်ႉထသႃသၼႃးသေ ဢဝ်ယဵၼ်းမႃးပဵၼ်ၾိင်ႈၸၢဝ်းၶိူဝ်း ဢၼ်ၼပ်ႉယမ် ပုတ်ႉထသႃသၼႃးၶဝ်မႃး ၸဵမ်ထႆး လၢဝ်း ၶမဵၼ် သီရိလင်ၵႃ လႄႈ မၢၼ်ႈတင်းတႆးၸိူဝ်းပဵၼ်ၼိၵၢႆႁိၼယၢၼ်း။ ၾိင်ႈ ပီမႂ်ႇသွၼ်းၼမ်ႉၼႆႉ ၵူၼ်းၶိူဝ်းတႆး ႁဝ်းဢမ်ႇဝႃႈထႆး လၢဝ်း လိုဝ်ႉ ၶိုၼ် တႆး ယင်းယုမ်ႇယမ်ဝႃႈ ပဵၼ်ၾိင်းတႆး (ႁဝ်းႁင်းၵွႆး) မႃးၸဵမ်လႂ် ၼႆလူးၵွၼ်ႇ။

01/03/2026

Tai Youth Day.

07/02/2026

(February,7th,2026)
The 79th Anniversary of Shan National Day🎉
ၶွပ်ႈၶူပ်ႇ79ပီႊ ဝၼ်းၸိူဝ်ႉၸၢတ်ႈၸိုင်ႈတႆး
၇၉နှစ်မြောက် သျှမ်းအမျိုးသားနေ့

🔸ဝၼ်းၶိူဝ်းတႆး ဢမ်ႇၼၼ် ဝၼ်းမိူင်းတႆး ဢမ်ႇ ၼၼ် ဝၼ်းၸိူဝ်ႉၸၢတ်ႈၸိုင်ႈတႆးၼႆႉ တီႈတေႉမၼ်း ပဵၼ်ဝၼ်းမိူဝ်ႈတွင်းမၢႆလွင်ႈဝၼ်းထီ.ၸဵတ်း၊ လိူၼ်ထူၼ်ႈသွင်(ၾႅပ်ႇပႂႃႇရီႇ) ပီႊ 1947 ၼီႈ တီႈဝဵင်းပၢင်လူင် ၸိုင်ႈတႆးပွတ်းၸၢၼ်း၊ ဢၼ်ၽူႈတၢင်တူဝ်ၸုမ်းတႆး၊ ၶၢင်၊ ၶျၢင်း ၸိူဝ်းပဵၼ်ၸၢဝ်းၶိူဝ်းသၼ်လွႆၶဝ် လႆႈလူင်းလၢႆးမိုဝ်းၽွမ်ႉၸႂ်ၵၼ် တႃႇႁူမ်ႈႁွမ်းဢၼ်လွတ်ႈလႅဝ်းသဝ်းၶေႃႈတီႈၶုၼ်ဢိင်းၵလဵတ်ႈၶဝ် ၼၼ်ႉယဝ်ႉ။

တီႈလမ်ႇလွင်ႈဝၼ်းၶိူဝ်းတႆး-
🔹7. 2. 1947 ၼီႈၼႆႉ ပဵၼ်ဝၼ်းလၢၵ်ႇလၢႆးလူင် ဝၼ်းၼိူင်ႈ ၼႂ်းပိုၼ်းတႆးပၢၼ်မႂ်ႇ။ ပဵၼ်ဝၼ်း ဢၼ် တင်ႈလၵ်းထၢၼ်သၢၵ်ႈသေႇ ဢၼ်ၸႅင်ႈၼႄလႆႈဝႃႈ တႆးပဵၼ်ၸိူဝ်ႉၶိူဝ်းလူင်ဢၼ်ၼိုင်ႈ ဢၼ်ႁူႉပွင်ႇလွင်ႈၵၢၼ်မိူင်းၸိူဝ်ႉၸၢတ်ႈ။ ပဵၼ်ဝၼ်းပိူင်းၼႄဝႃႈ တႆးမီးၸိူဝ်ႉမီးၶိူဝ်း၊ မီးဝၢၼ်ႈမီးမိူင်း၊ ပဵၼ်ၸိူဝ်ႉၶိူဝ်းမေႃၽွမ်ႉႁူမ်ႈ ဢၼ်တႄႇတင်ႈလႆႈၸိုင်ႈမိူင်း၊ မီးလူင်ပွင်ၸိုင်ႈ၊ မီးတုင်းၸိူဝ်ႉၸၢတ်ႈၸွမ်ပိဝ်ၸိုင်ႈမိူင်း၊ မီးၽဵင်းၵႂၢမ်းၸွမ်ပိဝ်တုင်းၸိူဝ်ႉၸၢတ်ႈၶေႃၶေႃ ဢၼ်တူဝ်ႈတၼ်းၸႅင်ႈၼႄဝႃႈ ပဵၼ်ၶိူဝ်းလွတ်ႈလႅဝ်း ဢၼ်ဢမ်ႇၸႂ်ႈၶီႈၶႃႈတႂ်ႈမိုဝ်းၽႂ်။ ပဵၼ်ဝၼ်းဢၼ်တႅပ်းတတ်း သုၼ်ႇတၢင်းၽွၼ်းပၢင်ႈလွင်ႈ လီလင်ႈ ၸႃႉ တႃႇပိုၼ်းတႆးမႃးဝၼ်းၼိုင်ႈ။

🔸ပဵၼ်ဝၼ်းဢၼ်ဢမ်ႇလီလူင်လီလိုမ်းပႅတ်ႈ၊ ပဵၼ် ဝၼ်းထုၵ်ႇလီဢဝ်ယိုင်ႈယႂ်ႇတႃႇထၢတ်ႈၸႂ်ၸိူဝ်ႉၶိူဝ်းယူႇတႃႇသေႇၼၼ်ႉဝၼ်းၼိူင်ႈ။ ပဵၼ်ဝၼ်းၵူၼ်းမိူင်းတႆး ၶိူဝ်းၵူၼ်းၸိူဝ်ႉၸၢတ်ႈၸိုင်ႈတႆးတင်းလၢႆၵူႊ လၢႆလၢႆၶိူဝ်း လႆႈၸႂ်ၽွမ်ႉႁူမ်ႈၵၼ် ပဵၼ်ၼမ်ႉၼိူင်ႈၸႂ်လဵဝ်မႃးၼၼ်ႉ ဝၼ်းၼိူင်ႈ။ ပဵၼ်ဝၼ်းၸဝ်ႈၾႃႉၸိုင်ႈတႆးတင်းလၢႆ ႁူမ်ႈပႃးၵူၼ်းမိူင်းပတ်းပိုၼ်ႉတင်းသဵင်ႈ မေႃၽွမ်ႉႁူမ်ႈလႆႈၸႂ်ၵၼ် တႃႇၵေႃႇတင်ႈပဵၼ်လုမ်းလူင်တႅၼ်းၽွင်းမိူင်းတႆးလႄႈ လိူၵ်ႈဢဝ် လႆႈၸုမ်းပွင်ၵၢၼ် တၢင်တူဝ်မိူင်းတႆး (လူင်ပွင်ၸိုင်ႈတႆးတူဝ်ႈတၼ်း)ဝႆႉထႃႈၼၼ်ႉၵေႃႈၸႂ်ႈ။ ပဵၼ်ဝၼ်းဢၼ် မၵ်းမၼ်ႈလႆႈ လွင်ႈၽွမ်ႉႁူမ်ႈ တႃႇၵေႃႇတင်ႈမုၵ်ႉၸုမ်းၽွမ်ႉႁူမ်ႈ ၶိူဝ်းသၼ်လွႆၼၼ်ႉၵေႃႈၸႂ်ႈ။ ပဵၼ်ဝၼ်းတမ်းမၼ်ႈလႆႈၸႂ်ၽွမ်ႉႁူမ်ႈ တႃႇတင်ႈၸႂ်ဢဝ်လွတ်ႈလႅဝ်းသဝ်းၶေႃႈ ပုၼ်ႈၸိူဝ်ႉၸၢတ်ႈၵေႃႈၸႂ်ႈယဝ်ႉ။

🔸7. 2. 1947 ၼႆႉ လႆႈမီးမႃးလၢႆၸိုဝ်ႈ ၸွမ်းပိုၼ်းမိူဝ်ႈၵွၼ်ႇတႄႇႁွင်ႉမႃးဝႃႈ ဝၼ်းတႆး၊ဝၼ်းၶိူဝ်းတႆး။ ဝၢႆးမႃး (ဝၢႆး 1974) ႁႂ်ႈႁွင်ႉဝႃႈ ဝၼ်းမိူင်းတႆး(ဝၼ်းၶိူဝ်းတႆးမိူင်းတႆး)၊ ဝၢႆးလင်မႃးသမ်ႉ ႁႂ်ႈႁွင်ႉဝႃႈဝၼ်း ၸေႊမိူင်းတႆး(ရှမ်းပြည်နယ်နေ့) ပဵၼ်ယွၼ်ႉသင်?

ၽိုၼ်ဢိင်-
▪️ပိုၼ်ႊႁၢၼ်တႆး၊ 2012 ၼီႈ။ ၶူၼ်ႉလိူၺ်ႈ ဝၼ်းၶိူဝ်းတႆး(ဝၼ်းမိူင်းတႆး) ၶွပ်ႇၶူပ်ႇ 65 ပီႊ။ သၢႆပႅၼ်း၊ No. 31၊ May၊ 2012။ ၸုမ်းယုၵ်ႉယွင်ႈ ၽူႈၵတ်ႉ ၶႅၼ်ႇၵူၼ်းၶိူဝ်းတႆး။
#ဝၼ်းၸိူဝ်ႉၸၢတ်ႈၸိုင်ႈတႆး #ဝၼ်းမိူင်းတႆး #ဝၼ်းၶိူဝ်းတႆး
#သႅင်ၸိုၼ်

03/02/2026

📍7.2.2026✨

✨According to an annual Shan National Day on February 7ᵗʰ, and in order to be a meaningful day for Tai youths (Sangha Students) in our community – Sariputta College, we have invited Candavara Seng Jein (Weing Mai-Muse) to share and present on the topic: "Time to Realize, Tai", in purpose of remarking 79ᵗʰ Anniversary of Shan National Day.

About presenter;
Name: Candavara (Seng Jein)
Adress: Weing Mai (Muse)
Class: BA 2ⁿᵈ Year
Topic: Time to Realize, Tai

About event;
It will be holding on February 7ᵗʰ 2026 (Saturday), at 7:30 AM (MMT), at our Sariputta College Campus.

ပေႃးထိုင်မႃး ဝၼ်းထိ 7/ 2/ 2026 ၼၼ်ႉ ၼင်ႇႁိုဝ်ပေႃးပဵၼ်တီႈမၢႆတွင်း ဝၼ်းၸိူဝ်ႉၸၢတ်ႈၸိုင်ႈတႆး ၶွပ်ႈၶူပ်ႇ (79) ပီႊတဵမ်ၼႆၼၼ်ႉ ႁဝ်းၶႃႈၸုမ်းလုၵ်ႈႁဵၼ်း ၶေႃးလိၵ်ႉသႃႇပုတ်ႉတ၊ ဝဵင်းမူႇၸေႊ ၸင်ႇလႆႈၽိတ်ႈႁပ်ႉဢဝ် ၸဝ်ႈၸၼ်တႃဝရ (သႅင်ၸိုၼ်ႈ) B.A ပီႊသွင် တၢၼ်ႈၶႆႈပၼ်တၢင်းႁူႉၵႂႃႇ
ၵဵဝ်ႇလူၺ်ႈႁူဝ်ၶေႃႈ " လီႁူႉတူဝ်ယဝ်ႉတႆး " ၼႆသေ ႁႂ်ႈလႆႈပဵၼ်မၢႆတွင်း ဝၼ်းၸိူဝ်ႉၸၢတ်ႈၸိုင်ႈတႆးၶႃႈယဝ်ႉ။

(၂၀၂၆)ခုနှစ်၊ လာမည့် ဖေဖော်ဝါရီ (၇)ရက်နေ့တွင် ကျရောက်မည့် (၇၉) ကြိမ်မြောက် Shan National Day အား ဂုဏ်ပြုကြိုဆိုသောအားဖြင့် B.A ဒုတိယနှစ် ကျောင်းသား ရှင်စန္ဒာဝရ ဝိန်းမိုင်(မူဆယ်) မှ Shan National Day ဆိုင်ရာ အသိပညာ ဗဟုသုတများကို ဟောပြောတင်ပြသွားပါမည်။

Writer:
English - Aloka jailao (Nam Kham)
Shan- Ven, Kovida Kon Khur (Kyaukme)
Burmese -Ven, Kovida Goum Wan (Tang Yan)

Designed:
Candavara Seng Jein (Muse)

#ၶေႃးလိၵ်ႉသႃႇရိပုတ်တ #သာရိပုတ္တကောလိပ် #ဝဵင်းမူႇၸေႊ #မူဆယ်မြို့

01/02/2026

31/12/2025

Happy new year2026🎉
新年快樂2026✨
မႂ်ႇသုင်ပီမႂ်ႇလုမ်ႈၾႃႉ👏

Grateful for the lessons of 2025, ready for the blessings of 2026.

သူင်ႇသင်ႇပီၵဝ်ႇ ႁပ်ႉတွၼ်ႈပီမႂ်ႇလုမ်ႈၾႃႉ တႄႇ
ဢဝ်ၼႆႉၵႂႃႇ ၽႃႈပႅတ်ႈလွင်ႈၶီမႆႈ ႁႂ်ႈလႆႈလွင်ႈလီ ၼႂ်းမိူဝ်ႈပီမႂ်ႇ ​​သေလႄႈ ႁႂ်ႈယူႇလီမီးငိုၼ်းၵူႈၵေႃႉသေၵမ်း။


#မႂ်ႇသုင်ပီမႂ်ႇလုမ်ႈၾႃႉ
#သႅင်ၸိုၼ်ႈ

05/10/2025

မႂ်ႇသုင်ဝၼ်းဢွၵ်ႇဝႃႇသႃ လိူၼ် 11မူၼ်း ဝၼ်းဢၽိထမ်ႇမႃႇ(ၽြႃးလူင်းမိူင်း)🪷

ႁႂ်ႈၽီသၢင်သတ်ႉၵူၼ်း တူဝ်ၸႂ်သွင်ပိူင်ၵတ်ႉယဵၼ် လွတ်ႈ​​ၽေးၶဵၼ် ၵူႈ​​ၵေႃႉ​​သေၵမ်း🙏


#ဝၼ်းလိူၼ်သိပ်းဢဵတ်းမူၼ်း #ဝၼ်းဢွၵ်ႇဝႃႇ
#ဝၼ်းသိၼ်လူင်
#သႅင်ၸိုၼ်ႈ
‎

31/08/2025

ၵႂၢမ်း-ပူႇဢိုၼ်းလၢၼ်
ႁွင်ႉ-သၶႁ

29/07/2025

R.I.P🍂 တူဝ်တၢႆၸိုဝ်ႈဢမ်ႇႁၢႆ ၽိင်းၵႂၢမ်းပီႈၸၢႆးၸိူင်းႁၢၼ်ႁဝ်းၶႃႈ တိုၼ်းတေသိုပ်ႇမီးဝႆႉ ၼႂ်းႁူဝ်းၸႂ်ပီႈၼွင်ႉတႆးႁဝ်းၵႂႃႇယူႇ....

▪️ယွၼ်ႉဢမ်ႇၽွင်းလိူဝ်လႆႈသင်ႇၶႃႇရတြႃး လွင်ႈၵိူတ်ႇ၊ ထဝ်ႈ၊ ပဵၼ်၊ တၢႆ သေလႄႈ မိူဝ်ႈဝႃး တၢမ်းၶမ်ႈ တူၵ်းမႅၼ်ႈၼႂ်းဝၼ်းထီႉ 28 July 2025 (လိူၼ်ၵဝ်ႈမႂ်ႇ 4 ၶမ်ႈ ပီႊတႆး 2119 ၼီႈ) ၶၢဝ်းယၢမ်း 15:25 မူင်းၼၼ်ႉ ၵေႃႉပဵၼ်ၸၢႆးၸိူင်းႁၢၼ် ၽူႈႁွင်ႈၵႂၢမ်းပၢႆးမွၼ်းတႆး ၸိုဝ်ႈသဵင်လိုဝ်းလင် ဢၼ်ၵူၼ်းတင်းၼမ်သူင်ထွမ်ႇၾဵင်းၵႂၢမ်းမၼ်းၸၢႆးၼၼ်ႉ လႆႈလူႉသဵင်ႈသုတ်းမုၼ်ၵႂႃႇ တီႈႁိူၼ်းၼွင်ႉယိင်းမၼ်းၸၢႆး ၼၢင်းမွၼ်းႁွမ် တီႈပွၵ်ႉသိူဝ်ၶမ်း ဝဵင်းတႃႈၶီႈလဵၵ်း ၽွင်းဢႃႇယူႉမၼ်းၸၢႆးလႆႈ (51) ပီႊ ၼႆယဝ်ႉ။

ပိုၼ်းၵႅပ်ႈ-
▫️ၽူႈႁွင်ႉၵႂၢမ်း ၸၢႆးၸိူင်းႁၢၼ်ၼႆႉ ၵိူတ်ႇမိူဝ်ႈလိူၼ် 6 လွင်ႈ 3 ၶမ်ႈ ပီႊၵေႃးၸႃႇ 1337 ၼီႈ (ဝၼ်းဢၢင်းၵၢၼ်း) တီႈဝၢၼ်ႈၼႃးပၢင်ႇ ဢိူင်ႇႁႃႈဝၢၼ်ႈ ၸႄႈဝဵင်းၵေးသီးသေ ၸိုဝ်ႈပေႃႈမႄႈႁွင်ႉ (လုင်းသၢင်ႇၺုၼ်ႉ + ပႃႈၸိင်ႇၺုၼ်ႉ ဢမ်ႇၼၼ်ႁွင်ႉ ပႃႈသႅင်ၸိုၼ်ႈ) ၵေႃႉပဵၼ်ပေႃႈလူႉသဵင်ႈ ၸဵမ်မိူဝ်ႈၸၢႆးၸိူင်းႁၢၼ်တိုၵ်ႉလဵၵ်ႉသေ ယူႇၵိၼ်ၸွမ်းမႄႈမႃး၊ မီးပီႈၼွင်ႉႁူမ်ႈတွင်ႉၵၼ် (3) ၵေႃႉ မၼ်းၸၢႆးပဵၼ် ပီႈဢၢႆႈလူင် ၵေႃႉထီႉၼိုင်ႈ မီးၼွင်ႉယိင်း 1 ၵေႃႉ ၸိုဝ်ႈၼၢင်းမွၼ်းႁွမ် လႄႈၼွင်ႉၸၢႆး 1 ၵေႃႉ ၸိုဝ်ႈႁွင်ႉ ၸၢႆးၼေႃႇၶိူဝ်း ၼႆယဝ်ႉ။

▪️ၸၢႆးၸိူင်းႁၢၼ်တႄႇယၢင်ႈၶဝ်ႈၼႂ်းပၢႆးမွၼ်းသေ ႁွင်ႉဢွၵ်ႇၾဵင်းၵႂၢမ်းမႃး မိူဝ်ႈပီႊ 1997 ၼၼ်ႉသေ တူင်ႉၼိုင်ၼႂ်းၵၢၼ်ပၢႆးမွၼ်းမႃး တေႃႇထိုင်မိူဝ်ႈၼႂ်းပီႊ 2018 ၼၼ်ႉ ၸၢႆးၸိူင်းႁၢၼ်လႆႈတႄႇပဵၼ်တၢင်းပဵၼ်တၢႆၽၢၵ်ႇ တိၼ်မိုဝ်းၽၢႆႇသၢႆႉမၼ်းၸၢႆး ဢမ်ႇတူင်ႉၼိုင် ဢမ်ႇႁူႉၼိူဝ်ႉလႄႈ မိူဝ်ႈၼႂ်းပီႊ 2019 ၼၼ်ႉ လႆႈၶဝ်ႈၵူတ်ႇပၢႆးယူႇလီၼႂ်းမိူင်းထႆးပွင်ႈၼိုင်ႈ ၼႆယဝ်ႉ။

▫️လွင်ႈၸၢႆးၸိူင်းႁၢၼ် လႆႈလူႉသဵင်ႈသုတ်းမုၼ်ၵႂႃႇၼႆႉ ပဵၼ်လွင်ႈငိၼ်းသေလၢႆမွင်ၸႂ် ပုၼ်ႈတႃႇပီႈၼွင်ႉလႄႈ လုၵ်ႈမေးမၼ်းၸၢႆးၵူၺ်းဢမ်ႇၵႃး ပုၼ်ႈတႃႇၼႂ်းတူင်ႇပၢႆးမွၼ်း၊ ၸိူဝ်ႉၸၢတ်ႈတႆးႁဝ်းၵေႃႈ ပဵၼ်လွင်ႈလႆႈသုမ်းၵူၼ်းၵတ်ႉၶႅၼ်ႇ ၵေႃႉႁၵ်ႉၾဵင်းၵႂၢမ်းပၢႆးမွၼ်းတႆးၵေႃႉၼိုင်ႈယူႇယဝ်ႉ ယွၼ်းသူးပၼ်ႁႂ်ႈဝိငဵၼ်ႇၶႂၼ်ငဝ်း ၸၢႆးၸိူင်းႁၢၼ် ႁွတ်ႈထိုင်တီႈသုၵတိၵတ်းယဵၼ်သေၵမ်း။

-taifreedom

08/07/2025

9.7.2025 ၼႂ်းဝၼ်းလိူၼ်ပႅတ်ႇမူၼ်းၼႆႉႁႂ်ႈတူဝ်ၸႂ်သွင်ပိူင်ၵတ်းယဵၼ်သေၵမ်းၶႃႈ။🙏🙏🙏

04/07/2025

┏┯┓ ┏┯┓ ┏┯┓ ┏┯┓
┠毕┨ ┠业┨ ┠快┨ ┠乐┨🎉
┗┷┛ ┗┷┛ ┗┷┛ ┗┷┛
🎉恭喜大家顺利通过期末考试，辛勤的付出终于得到了回报。老师感到非常欣慰。希望未来还有机会与大家再见。

✨ႁူမ်ၸူမ်းၸွမ်းလုၵ်ႈႁဵၼ်းၵူႈၵေႃႉ ဢၼ်ၶတ်ႉၸႂ်ႁဵၼ်းမႃးတေႃႇပေႃးယဝ်ႉ လႄႈ တွပ်ႇဢွင်ႇပူၼ်ႉၸုပ်ႈၼႆႉလီငၢမ်း သိုပ်ႇၶတ်ႉၸႂ်ၵႂႃႇတၢင်းၼႃႈၼမ်ၼမ် လႄႈ မုင်ႈမွင်းဝႃႈ ၸုပ်ႈဢၼ်တေမႃးၼႆႉၵေႃႈတေၶိုၼ်ႈလႆႈၶွႆႈၵၼ်ယူႇ။💫