29/12/2021
😊😊 ကျွန်တော် အရင်တုန်းက ကိုယ့်ကိုယ် developer တစ်ယောက်လို့ မဆိုရဲဘူး။
ဘာလို့လည်းဆိုတော့ အရံသင့် script တွေကိုပဲ အသုံးများခဲ့တယ်လေ။
Joomla , WordPress စတာတွေကိုပဲ အဓိကသုံးခဲ့တယ်။ ကိုယ်တိုင် own tune ရေးတယ်ဆိုတာ မရှိပါဘူး။ အခုတလော JQuery ကိုလေ့လာရင်း own tune လေးတွေ ရေးဖြစ်တယ်။ CMS ကြီး တစ်ခုတော့ ရေးဖို့ အချိန်မပေးနိုင်ဘူးပေါ့ ။ ဒါပေမယ့် ကိုယ် လိုချင်တဲ့ဟာ ကို ကိုယ်ကိုယ် တိုင်ဖန်တီးရတာ ပျော်ဖို့ကောင်းတယ်။ ရေးရတာ သိပ်ခက်ခဲရင် ကိုယ်တိုင်ရေးလိုက်တာ ပိုကောင်းတယ်ဗျ။ ကိုယ့်ဘာသာကိုယ် ကောင်းကောင်းပြုပြင်နိုင်တယ်။ လိုအပ်သလို ထပ်ဖြည့်နိုင်တယ်။ အခြား service တွေထပ်လုပ်နိုင်တယ်လေ။
ကျွန်တော်တို့အနေနဲ့ web developer တစ်ယောက်ဖြစ်ဖို့ ဘာတွေ လိုအပ်လဲ။ ဘာတွေ ပြင်ဆင်ဖို့လိုလဲ။ ဘာတွေ လေ့လာဖို့လဲ။
တတ်မြောက်ဖို့ လိုတာတွေက ?
သေချာတာကတော့ web ဆိုကတည်းက HTML ကို မဖြစ်မနေ တတ်မြောက်ဖို့လိုပါတယ်။
HTML ကို သေသေချာချာ တတ်မြောက်ချင်ရင်တော့ အရင်ဆုံး notepad နဲ့ လေ့လာသင့်တယ်။ ပြီးမှ Dreamweaver ကို သုံးပြီး HTML ရေးပေါ့။ HTML ပြီးရင်တော့ CSS ကို ဆက်လေ့လာဖို့လိုတယ်။ CSS ဆိုတာက web design ရဲ့ အသက်ပဲလို့ ဆိုလို့ရတယ်။ သူက website တစ်ခုလုံး လှပပြီး ဆွဲဆောင်မှုရှိအောင် ဖန်တီးပေးမှာလေ။ Design လှလှ မဆွဲတတ်ရင် နေမယ်။ ဒါပေမယ့် CSS ကို တတ်ကျွမ်းနားလည်မှသာ web developer တစ်ယောက်ဖြစ်နိုင်မှာပါ။ CSS ကို သေသေချာချာ သိပြီး HTML နဲ့ CSS ပေါင်းပြီး web site တွေရေးနိုင်ပြီဆိုရင်တော့ ကိုယ်ပိုင် site တစ်ခုလေး စမ်းသင့်တယ်။ အဲဒီအခါမှာတော့ ကိုယ်ဖန်တီးထားတဲ့ website တစ်ခုလုံး ရုပ်လုံးပေါ်လာတာကို တွေ့ပြီး ပိတီဖြာရပါလိမ့်မယ်။
ပြီးရင်တော့ Javascript ကို စတင်လေ့လာဖို့ လိုလာပါပြီ။ javascirpt ကို သေသေချာချာ နားလည်ဖို့အတွက် pseudo code နဲ့ programming အခြေခံ တတ်ကျွမ်းထားဖို့လိုတယ်။ programming skill က web developer တစ်ယောက်အတွက် လိုအပ်တဲ့ skill တစ်ခုပါပဲ။ programming ကို မပိုင်နိုင် မတတ်ကျွမ်းဘူးဆိုရင် web developer ဖြစ်ဖို့ ခက်ခဲပါတယ်။ နောက်ပြီး javascript အဆင့်မှာ တင် စိတ်ပျက်သွားနိုင်တယ်လေ။
Javascript တွေ လေ့လာ တတ်ကျွမ်းသွားရင်တော့ web developer တစ်ယောက်လို့ ဆိုလို့ရပါတယ်။ ဒါပေမယ့် Professional တစ်ယောက် မဟုတ်သေးဘူး။ beginner အဆင့်ထက်တော့ နည်းနည်းသာတာပေါ့။
Web developer ဆိုတာ ဘာလဲဆိုတာ အရင် သိဖို့လိုတယ်။ web developer ဆိုတာက website တစ်ခုလုံးကို developing လုပ်နိုင်တဲ့လူပေါ့။ တနည်းပြောရင် ကိုယ်ပိုင် website တစ်ခုကို ကျွမ်းကျွမ်းကျင်ကျင် ဆောက်နိုင်သူပေါ့။
Joomla , WordPress စတာတွေနဲ့လည်း website တစ်ခု လွယ်လွယ် ဆောက်လို့ရတယ်။ professional web developer တွေသာ လိုအပ်တဲ့အခါမှာ ကိုယ်တိုင် own code or own creation တွေ အသုံးပြုပြီး web site ကို တည်ဆောက်နိုင်စွမ်းရှိပါတယ်။
Joomla, WordPress စတာတွေ သုံးပေမယ့် လိုအပ်တဲ့ customization တွေကို ကိုယ်တိုင် ဖန်တီးနိုင်စွမ်းရှိကြတယ်။ Opensource တွေကို ကောင်းမွန် အသုံးတည့်စွာ သုံးတတ်ကြတယ်။ web designer ရဲ့ design ကို ကောင်းမွန်တဲ့ website တစ်ခုဖြစ်လာအောင် develop လုပ်နိုင်တယ်လေ။
အခု HTML , CSS , Javascript တတ်မြောက်သွားတာက web designer အဆင့်ပဲရှိသေးတယ်လေ။
ကိုယ်ပိုင် website တစ်ခုကို static ပဲ တည်ဆောက်နိုင်သေးတယ်။
Database တွေအပြင် အခြား အပိုင်းတွေဖြစ်တဲ့ JSON , XML စတာတွေ အကြောင်း နားလည်ဖို့ လိုသေးတယ်။ Javascript တတ်ကျွမ်းပြီဆိုရင်တော့ programming အခြေခံ ရှိသွားပြီလို့ ဆိုလို့ရတာပေါ့။ အဲဒီအခါ ကိုယ် ဘယ်လိုင်း ဆက်သွားမလဲဆိုတာ စဉ်းစားရတော့မယ်လေ။ ယခု လက်ရှိ တည်ရှိနေတဲ့ လိုင်းတွေကတော့ ASP.NET , PHP , ROR , Django စတာတွေ လက်ရှိ ရှိနေပါတယ်။
ဒါကြောင့် လူငယ်တွေ အနေနဲ့ ကိုယ်ပိုင်လုပ်ငန်းလုပ်ချင်လို့ပဲ ဖြစ်ဖြစ်၊ Web Develope, Designer အနေဖြင့် အသက်မွေးဝမ်းကြောင်း လုပ်ချင်တဲ့ ဝါသနာပါတဲ့ လူငယ်တွေအတွက် အခုလိုအချိန်မှာ အချိန်ကို အကျိုးရှိအောင် အသုံးချရင် လေ့လာနိုင်မဲ့ သင်တန်းလေးတွေကို စီစဉ်ပေးလိုက်ပါတယ်....
🚩 Web Design Basic Training(အခုမှစပြီးလေ့လာမဲ့သူတွေအတွက်....)
🔹 HTML, CSS, JavaScript
🚩 Web Design Advance Training(အခြေခံရှိပြီးသားသူတွေအတွက်....)
🔹 HTML 5, CSS 3, JavaScript Advance, Bootstrap
🚩 Web Development Basic Training(Web Design မသိသေးသူများအတွက်....)
🔹 HTML, CSS, JavaScript, Bootstrapm PHP, Mysql, Database
🚩 Web Development Basic Training(Web Design တတ်မြောက်ထားသူများအတွက်....)
🔹 PHP, Mysql, Database
အခုပြောပြပေးခဲ့တဲ့ သင်တန်းများအတွက် အသေးစိတ် သိချင်လို့ပဲ ဖြစ်ဖြစ်၊ Web Design, Web Development အကြောင်း လေ့လာချင်လို့ မေးမြန်းလို့ဖြစ်ဖြစ် Page Cb (or) ဖုန်းနံပါတ် (09-964851547) သို့ အသေးစိတ်ဆက်သွယ်စုံစမ်းမေးမြန်းနိုင်ပါတယ်....
