07/11/2021
Web Designer ကပေးတဲ့ ဒီီဇိုင်းအတိုင်းထွက်လာဖို့.. အခြေခံ coding တွေ Javascript, jQuery, Node.js, PHP, ASP.NET Python စတာတွေနဲ့ နာရီပေါင်းများစွာ ထိုင်ရေးကြရတဲ့ သူတွေကို Web Developer aka Programmer တွေလို့ကျွန်တော်တို့က ခေါ်ကြပါတယ်။ သူတို့ရဲ့ အဓိကတာဝန်ကတော့… fully functoning ဖြစ်တဲ့ .. run တဲ့အခါ error လုံးဝမရှိတဲ့ smooth ဖြစ်တဲ့ website တစ်ခုဖြစ်လာဖို့ပါပဲ။
Web Designer မှာကျတော့ UI/UX ဆိုပြီး ထပ်ခွဲပါသေးတယ်။ UI ဆိုတာကတော့.. User Interface designer ပေါ့လေ.. သူ့ရဲ့အဓိကတာဝန်ကတော့.. ဒီ website ရဲ့အလှတရားလို့ပြောရမှာပါပဲ။ Coding တွေ Function တွေဘယ်လောက်ကောင်းနေပါစေ.. ဆွဲဆောင်မှုမရှိတဲ့ website တစ်ခုဟာ လူစိတ်ဝင်စားမှု.. Customer Satisfaction လို့ခေါ်တဲ့ customer ရဲ့ စိတ်ကျေနပ်မှုကိုရလေ့မရှိပါဘူး။
ပြောရရင် Web Developer တွေရဲ့အားသာချက်က coding ပိုင်တာဖြစ်ပါတယ်။ သူက အရောင်တွေရဲ့သဘောတရားတို့ .. font တွေရဲ့ အဓိပ္ပာယ်တို့သိချင်မှသိပါမယ်။ ဒါတွေကို သိရမှာကကျတော့.. Web Designer ရဲ့တာဝန်ဖြစ်လာပါတယ်။
ဒါ့ကြောင့်ပဲ ကျွန်တော်တို့လက်ရှိတာဝန်ထမ်းဆောင်နေတဲ့ ကုမ္ပဏီကြီးတွေမှာတော့.. Web Developer, UI Web Designer, UX Web Designer, Visual Designer စတဲ့ တစ်ယောက်နဲ့တစ်ယောက် အားသာချက်မတူတဲ့ လူတွေစုပြီး team တစ်ခု အနေနဲ့ ဆွဲရတဲ့အခါ အလှပအကောင်းမွန်ဆုံး Website တွေထွက်လာပါတယ်။
ဒါပေမယ့် ဒီလို website တွေရဲ့ စျေးကလည်း $2000 လောက်အနည်းဆုံးရပြန်ပါတယ်။ နိုင်ငံနဲ့လည်းဆိုင်ပါလိမ့်မယ်။ မြန်မာပြည်အတွက် Website တစ်ခု $2000 ဆိုရင် တော်ရုံ ဆွဲဖြစ်မှာမဟုတ်တာကို.. ကျွန်တော်တို့ Developer တွေအနေနဲ့လည်းသိထားရပါဦးမယ်။
ကျွန်တော်တို့က Code တွေဘယ်လောက်အထိ ထည့်ထားတာ.. function တွေလည်း ရှယ်မိုက်.. Designers တွေ ကျွမ်းကျင်သူတွေလည်း အများကြီးသုံးထားတာမို့ ဒီစျေးဖြစ်ရတာပါလို့ပြောရင်တောင်… ဒါကို customer အနေနဲ့က သိပ်စိတ်ဝင်စားမှာ မဟုတ်ပါဘူး။
Customer တစ်ယောက်လိုအပ်တာက.. သူ့လုပ်ငန်းအတွက် သူလိုချင်တဲ့ function တွေပါမယ့် website တစ်ခု.. သူ့ customer တွေသုံးတဲ့အခါ အဆင်ပြေမယ့် website တစ်ခုပါ။ သူပေးချင်တဲ့ စျေးအနေအထားလည်းရှိရပါဦးမယ်။ ကျွန်တော်တို့ ဘာတွေနဲ့ ရေးထားရေးထား.. ဘယ် function တွေ.. လူဘယ်နှစ်ယောက်သုံးပြီးရေးထားတာတွေက… နောက်ဆုံး result-oriented သုံးသပ်တဲ့အခါ အသုံးမဝင်ဖြစ်တတ်ပါတယ်။ အဲ့တော့ Customer ရဲ့လိုအပ်ချက်.. သုံးနိုင်တဲ့ budget.. ပါဝင်ချင်တဲ့ function စတာတွေအပေါ်မူတည်ပြီး ကျွန်တော်တို့ပေးနိုင်တဲ့အထဲက အကောင်းဆုံး… အလှဆုံးလေးတွေလုပ်ပေးဖို့ပဲလိုလိမ့်မယ်လို့ထင်မိပါတယ်။
မေတ္တာဖြင့်
-Website Builder Team