24/08/2026
“Global B2B Brand Management (First Myanmar Edition)” စာအုပ်မိတ်ဆက်ပွဲ အောင်မြင်စွာကျင်းပပြီးစီးခြင်းနှင့် အထူးကျေးဇူးတင်လွှာ
မြန်မာနိုင်ငံ၏ စီးပွားရေးနှင့် ပညာရေးကဏ္ဍ ဖွံ့ဖြိုးတိုးတက်မှုအတွက် သမိုင်းဝင် အထောက်အပံ့ကောင်းတစ်ခု ဖြစ်လာစေမည့် “B2B Brand Management (First Myanmar Edition)” စာအုပ်မိတ်ဆက်ပွဲ အခမ်းအနားကို အောင်မြင်စွာ ကျင်းပပြီးစီးခဲ့ပြီ ဖြစ်ပါသည်။
ဤသမိုင်းဝင် မှတ်တိုင်တစ်ခု စိုက်ထူနိုင်ရန်အတွက် ဘက်ပေါင်းစုံမှ ဝိုင်းဝန်းကူညီ၊ အားပေးချီးမြှင့်ခဲ့ကြသော ပုဂ္ဂိုလ်များနှင့် အဖွဲ့အစည်းအသီးသီးအား လှိုက်လှဲစွာ အထူးပင် ကျေးဇူးတင်ရှိပါသည်။
📕ယခုစာအုပ်ဖြစ်မြောက်ရေးနှင့် စာအုပ်ထုတ်ဝေနိုင်ရန် လက်တွဲခေါ်ယူ လမ်းညွှန်ပေးခဲ့ကြသော Father of Modern Marketing Professor Dr. Philip Kotler၊ Father of B2B Brand Management Professor Dr. Waldemar Pfoertsch၊ အမြဲမပြတ် တွန်းအားပေးကူညီခဲ့သော Global Marketing Nexus ၏ Co-Founder Dr. Ahmad Kibria အပါအဝင် ယုံကြည်မှုအပြည့်ဖြင့် ထုတ်ဝေနိုင်ရန် အားပေးကူညီပေးခဲ့ကြသော Dr. Hla Tun Oo နှင့် Dr. Myint Myint Moe တို့အား အထူးကျေးဇူးတင် ဂါရဝပြုအပ်ပါသည်။
🤝စာအုပ်ဖြစ်မြောက်ရေး လူတွေ့အင်တာဗျူးများနှင့် ကဏ္ဍစုံတွင် အချိန်ပေး ပံ့ပိုးကူညီခဲ့ကြသော Diamond Sponsor ဖြစ်သည့် Rohto-Mentholatum Myanmar Co., Ltd. မှ ဒေါ်စန္ဒာရွှေ၊ Gold Sponsor များဖြစ်ကြသော YATHARCHO Industry Limited နှင့် Myanmar ZARLA Distribution Company Limited ၏ Founder & Managing Director ဦးဝေဖြိုး၊ မြန်မာ့ဩဘာလုပ်ငန်းစုမှ ဦးသတိုးဟိန်း နှင့်တကွ Silver Sponsor နှင့် လိုအပ်သည်များကို ကူညီပေးပါသောMESI Public Company ၏ Chairman ဆရာဇင်ဖြိုးပိုင် နှင့် အခြားသော ပါဝင်ပံ့ပိုးပေးခဲ့ကြသည့် Partner ကုမ္ပဏီများအားလုံးကို အထူးပင် ကျေးဇူးတင်ရှိပါသည်။
👏အခမ်းအနားသို့ ကိုယ်တိုင်ကိုယ်ကျ ကြွရောက်ချီးမြှင့် ဂုဏ်ပြုပေးကြသော အသင်းအဖွဲ့အသီးသီးမှ ဥက္ကဋ္ဌကြီးများ၊ လူကြီးမင်းများနှင့် ဖိတ်ကြားထားသော ဧည့်သည်တော်များ အားလုံးကိုလည်း လှိုက်လှဲစွာ ကျေးဇူးတင်ပါသည်။
အခမ်းအနားသတင်းများကို အချိန်နှင့်တစ်ပြေးညီ ကူညီရိုက်ကူး ထုတ်လွှင့်ပေးခဲ့ကြသော Sky Net Up To Date Channel နှင့် မီဒီယာအဖွဲ့အစည်းများ အားလုံးကို ကျေးဇူးတင်ရှိပါသည်။
💜အရာရာတိုင်းတွင် အမြဲစိတ်တူကိုယ်တူ တွန်းတိုက်အားပေးပြီး ပွဲဖြစ်မြောက်ရေး လုပ်ငန်းစဉ်အားလုံးကို နေ့မနားညမနား အတူတူ လက်တွဲလုပ်ဆောင်ပေးခဲ့သည့် ကျွန်တော့်ရဲ့ ချစ်ရပါသော ဇနီး ဒေါ်မေစန္ဒီလွင် နှင့်တကွ ကူညီဆောင်ရွက်ပေးခဲ့ကြသော အဖွဲ့သားများ အားလုံးကို ရင်ထဲမှ အထူးကျေးဇူးတင်ပါသည်။
ဤ “B2B Brand Management” စာအုပ်သည် မြန်မာ့စီးပွားရေးလောကမှ လုပ်ငန်းရှင်များ၊ မားကတ်တင်းပညာရှင်များနှင့် ပညာရေးလောကမှ မျိုးဆက်သစ်များအတွက် တန်ဖိုးမဖြတ်နိုင်သော ဗဟုသုတနှင့် မဟာဗျူဟာမြောက် လက်တွေ့အသုံးချ လမ်းညွှန်ကောင်းတစ်ခု ဖြစ်ပါစေကြောင်း ဆုမွန်ကောင်းတောင်းအပ်ပါသည်။
