https://www.facebook.com/107362388902196/

Milk Tea Alliance Yangon, Yangon (2026)

15/06/2023

💐

" လာမယ့် ဇွန် ၁၉ မှာ နိုင်ငံလုံးကျွတ် ပန်းသပိတ်ဆင်နွှဲကြပါစို့။ ကျနော်တို့တွေ အဲ့ဒီနေ့မှာ ဘုရားပန်းအိုး အသစ်တင်ကြမယ်၊ အိမ်တွင်းအိမ်ပြင်၊ အိမ်ရှေ့တိုင်းမှာ ပန်းတွေထိုးကြမယ်၊ ဆင်ကြမယ်။ ပန်းအလှတွေ ချိတ်ဆွဲပြင်ဆင်ကြမယ်။ Online ကော Off-line မှာပါ ပန်းသပိတ်ကမ်ပိန်း ဆောင်ရွက်ကြမယ်ဗျာ။

လမ်းမထက်မှာ ‌နိစ္စဓူဝ လှုပ်ရှားသွားလာကြမယ့် အမျိုးသမီး၊ အမျိုးသား ပြည်သူအားလုံးကလည်း ပန်းပန်ကြမယ်၊ ရင်ဘတ်မှာ ပန်းထိုးကြမယ်ဗျာ။ ပန်းနဲ့ပတ်သက်ဆက်နွယ်တဲ့ လှုပ်ရှားမှုမျိုးစုံကို မိမိတို့ ဉာဏ်ရှိသလို ဆန်းသစ် တီထွင် ကွန့်မြူးပြီး ဖော်ဆောင်ကြမယ်ဗျာ။ ပန်းအမျိုးအစားကိုတော့ ကန့်သတ်မထားပါဘူး။ မိမိတို့နှစ်သက်ရာ၊ အဆင်ပြေရာ၊ လက်လှမ်းမီရာ ပန်းကို အသုံးပြုနိုင်ကြပါတယ်ဗျာ။ "

“ဗေဒါပျံ အံကိုခဲ ပန်းပန်လျက်ပဲ”

အခုလာမယ့် (ဇွန်လ၊ ၁၉ ရက်၊ ၂၀၂၃ ခုနှစ်) ဟာ အဓမ္မ ဖမ်းဆီးခံထားရတဲ့၊ ပြည်သူအများ မြတ်နိုး လေးစား တန်ဖိုးထားရတဲ့ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသက် (၇၈) နှစ်ပြည့် မွေးနေ့ချိန်ခါ ဖြစ်ပါတယ်။

အဲ့ဒီနေ့မှာ မွေးနေ့ရှင် ဒေါ်အောင်ဆန်းစုကြည်နှင့်တကွ အဓမ္မ ဖမ်းဆီးခံထားရတဲ့ သောင်းနဲ့ချီတဲ့ ရဟန်းရှင်လူ ကျောင်းသားပြည်သူ နိုင်ငံရေးအကျဥ်းသားများကို ဂုဏ်ပြုလေးစား၊ အောက်မေ့သောအားဖြင့်လည်းကောင်း၊ တော်လှန်ရေးသမိုင်းအဆက်ဆက် ကျရာကဏ္ဍကနေ တာဝန်ကျေပွန်စွာ ထမ်းရွက်နေကြ‌တဲ့ အမျိုးသမီးထုရဲ့ ဂုဏ်ရည်ကို ဖော်ညွှန်းသောအားဖြင့်လည်းကောင်း ကျွန်တော်တို့ ပြည်သူလူထုအားလုံးက ပန်းသပိတ်လူထုလှုပ်ရှားမှုကြီးကို နိုင်ငံလုံးကျွတ် ဖော်ဆောင်၊ ဆင်နွှဲကြဖို့ တိုက်တွန်းနှိုးဆော်အပ်ပါတယ်။

ဒီပန်းသပိတ်လှုပ်ရှားမှုရဲ့ အဓိပ္ပာယ်က ကျနော်တို့လူထုက ဒီစစ်အာဏာရူးတွေရဲ့ ရက်စက်ယုတ်မာ အကြမ်းဖက်မှုတွေကြောင့် ကြောက်ရွံ့၊ သွေးပျက်၊ ချောက်ခြားပြီး တော်လှန်ရေးမှာ နောက်ဆုတ်သွားမှာ မဟုတ်ဘူး၊ ဇွဲလျော့သွားမှာ မဟုတ်ဘူး၊ သွေးအေးသွားမှာ မဟုတ်ဘူး။ ကျနော်တို့ဟာ စစ်မိစ္ဆာတွေကို ဆက်လက်ပြီးတော့ အစွန်းကုန် ရင်ဆိုင်တိုက်ပွဲဝင်သွားကြမှာ ဖြစ်တယ်။ ကြောက်သွားမှာ မဟုတ်ဘူး၊ ကျနော်တို့ ပြည်သူတွေဟာ ဘယ်လောက်ပဲ ဒုက္ခဆင်းရဲမျိုးစုံကို ခံနေရပါစေ၊ အာဏာရူးကို မောင်းထုတ်ဖို့အတွက်ဆို ကြံ့ကြံ့ခံလျက်ပဲ၊ ပန်းပန်လျက်ပဲဆိုတာကို ဖော်ညွှန်းခြင်းပဲ ဖြစ်ပါတယ်။

နောက်ထပ် အဓိပ္ပာယ်တစ်ခုကတော့ ဇွန် ၁၉ ရက် မွေးနေ့ရှင် ဒေါ်အောင်ဆန်းစုကြည်ရဲ့ပုံရိပ်ကို ကမ္ဘာက‌ရော ၊ ကျနော်တို့မြန်မာပြည်သူတွေကပါ ပန်းနဲ့တွဲပြီး ရှုမြင်တတ်ကြတယ်မို့လား။

ဇွန် ၁၉ မှာ ပန်းသပိတ်လှုပ်ရှားမှုအပြင် အနုပညာရှင်တွေ၊ Social Influencers တွေကလည်း လူထုကို ဖျော်ဖြေတင်ဆက်မှုအချို့ ပြုကြမယ်လို့ သိရပါတယ်။ အထူးသဖြင့် ခွန်အားဖြည့် မိငယ်၊ သွေးမုန်တိုင်း၊ အရေးကြီးပြီ အစရှိတဲ့ တော်လှန်အားဖြည့် သီချင်းတွေကို ဆိုကြ၊ တီးကြမှာပါ။

ဒါ့ကြောင့် ကျနော်တို့တွေ လာမယ့် ဇွန် ၁၉ မှာ နိုင်ငံလုံးကျွတ် ပန်းသပိတ်ဆင်နွှဲကြပါစို့။ ကျနော်တို့တွေ အဲ့ဒီနေ့မှာ ဘုရားပန်းအိုး အသစ်တင်ကြမယ်၊ အိမ်တွင်းအိမ်ပြင်၊ အိမ်ရှေ့တိုင်းမှာ ပန်းတွေထိုးကြမယ်၊ ဆင်ကြမယ်။ ပန်းအလှတွေ ချိတ်ဆွဲပြင်ဆင်ကြမယ်။ Online ကော Off-line မှာပါ ပန်းသပိတ်ကမ်ပိန်း ဆောင်ရွက်ကြမယ်ဗျာ။

လမ်းမထက်မှာ ‌နိစ္စဓူဝ လှုပ်ရှားသွားလာကြမယ့် အမျိုးသမီး၊ အမျိုးသား ပြည်သူအားလုံးကလည်း ပန်းပန်ကြမယ်၊ ရင်ဘတ်မှာ ပန်းထိုးကြမယ်ဗျာ။ ပန်းနဲ့ပတ်သက်ဆက်နွယ်တဲ့ လှုပ်ရှားမှုမျိုးစုံကို မိမိတို့ ဉာဏ်ရှိသလို ဆန်းသစ် တီထွင် ကွန့်မြူးပြီး ဖော်ဆောင်ကြမယ်ဗျာ။ ပန်းအမျိုးအစားကိုတော့ ကန့်သတ်မထားပါဘူး။ မိမိတို့နှစ်သက်ရာ၊ အဆင်ပြေရာ၊ လက်လှမ်းမီရာ ပန်းကို အသုံးပြုနိုင်ကြပါတယ်ဗျာ။

လက်နက်အားကိုး ဗိုလ်ကျချင်တဲ့ ဖက်ဆစ်အာဏာရူးတွေက ဓားရေးတွေ ဘယ်လောက်ပဲပြပြ ကျနော်တို့ လူထုတော်လှန်ခြင်းရဲ့ ပန်းတွေကတော့ ဖွေးဖွေးလှုပ်အောင် ဆက်လက် ပွင့်နေမှာဖြစ်ကြောင်းကို လာမယ့် ဇွန် ၁၉ မှာ တစ်နိုင်ငံလုံး အုံးအုံးကြွကြွ သက်သေပြလိုက်ကြပါစို့။

#ရေဘဝဲ
#၁၉ဇွန်_ပန်းသပိတ်

14/06/2023

မြို့ပြကို CCTV နဲ့မသတ်နဲ့ ကမ်ပိန်းအား ရန်ကုန်အခြေစိုက် ‌ေတာ်လှန်ရးအဖွဲ့များ မြု့ပြ UG များနှင့် ပြည်သူ့ကာကွယ်ရေးတပ်ဖွဲ့များပူးပါင်လှုပ်ရှားခဲ့

ရန်ကုန်
ဂျွန်လ ၁၄

မြို့ပြတော်လှန်ရေးအတွက် အခက်အခဲဖြစ် နေတဲ့ မလိုလားအပ်သောcctv တပ်ဆင်မှုများကို လျှော့ချပေးရန်နှင့် တော်လှန်ရေးတွင်ပူး ပေါင်းပါဝင် ပေးကြရန်ပြုလုပ် နေတဲ့ မြို့ပြကို CCTV နဲ့မသတ်နဲ့ ကမ်ပိန်းကို ယနေ့ ဂျွန်လ ၁၄ရက် နေ့မှာ တော်လှန်ရေးအင်အားစုများနှင့်အတူ ပြည်သူအချို့ကပူး ပေါင်းပြုလုပ်ခဲ့ကြတာဖြစ်ပါတယ်။

မြို့ပြတော်လှန်ရေးရဲဘော်များဟာ CCTV မှတ်တမ်းများ ကြောင့်မကြာခဏဖမ်းဆီးနှိပ်စက်ခံ နေကြရပြီး အသက်သေဆုံးသည်အထိ စစ်ကောင်စီရဲ့ မတရားဖိနှိပ်မှုများရှိ ‌ေနတာပါ။ ဒါကြောင့် မိမိတို့လုံခြုံရေးထက်ပိုတဲ့ လမ်းဘက်သို့လှည့်ထားသောအပို CCTV တွေတပ်ဆင်ပြီး တော်လှန်ရေးအရှိန်ကျဆင်း စေမယ့် ဖြစ်ရပ်မျိုး တွေကိုမပြုလုပ်ခြင်းဖြင့် ဒီကမ်ပိန်းမှာပါဝင်ဖို့လိုပါတယ်။ CCTV မှတ်တမ်းများကိုလည်း မကြာခဏဖျက် ပေးရန်နှင့် ပြောက်ကျားသပိတ်၊ ပြစ်ခတ်သံများကြားလျှင်လည်း မိမိတို့ CCTV မှတ်တမ်းများကို ကြိုတင်ဖျက်ထားပေးကြပါရန်လည်းတိုက်တွန်းလိုက်ရပါတယ်။

ယခု ဓာတ်ပုံ campaign ကို စမ်းချောင်းပင်မသပိတ်စစ် ကြောင်း၊ UG Supporter Group, (ရေဘဝဲ)ပြည်သူ့အကျိုးပြုလူငယ်အဖွဲ့အစည်း၊ Yangon Drone၊ Black Bear Federal Force, Youth Strike Committee, People Supply Force Yangon နှင့် ပြည်သူအချို့မှပြုလုပ်ခဲ့ကြတာလည်းဖြစ်ပါတယ်။

#မြို့ပြကိုCCTVနဲ့မသတ်နဲ့

12/06/2023

🚫 မြို့ပြကို CCTV နဲ့မသတ်နဲ့ 🚫

၁၁ ဂျွန် ၂၀၂၃
ရန်ကုန်

ရန်ကုန်၊ မန္တလေးအပါအဝင် မြို့ပြနေမိဘပြည်သူများခင်ဗျာ။
ကျွန်ုပ်တို့တော်လှန်ရေးအဖွဲ့အစည်းများနှင့် တော်လှန်ရေးရဲဘော်များဟာ အာဏာရှင်၏လက်အောက်မှရုန်းထွက်ပြီး ညီညွတ်မျှတ အေးချမ်ဖွံ့ဖြိုးသော ဖက်ဒရယ်နိုင်ငံ‌တော်သစ်တည်ဆောက်နိုင်ရေးနှင့်ပြည်သူတရပ်လုံးဆုံးရှုံးနေခဲ့ရသော လွတ်လပ်ခြင်း၊ တရားမျှတခြင်း၊ ကိုယ်ပိုင်လူ့အခွင့်အရေးများပြန်လည်ရရှိနိုင်ရန် လိုအပ်နေသောဒီမိုကရေစီစနစ်အား ပြန်လည်ရယူနိုင်ရန်အတွက် အသက် သွေး ချွေး အနာဂတ်နှင့် မိသားစုဘဝများကိုပါစွန့်လွှတ်တိုက်ပွဲဝင်လျက်ရှိပါသည်။

ထိုသို့တိုက်ပွဲဝင်နေသောကာလအတွင်း အသက်များကိုစတေးခဲ့ရသည်မှာလည်းစာရင်းပြုစု၍ပင်မရအောင် အလွန်အမင်းများပြားခဲ့ပါပြီ။ ထိုသိုစတေးခံခဲ့ရသည်များထဲမှ အချို့မှာမစတေးသင့်ပဲစတေးလိုက်ရသည့်အခြေအနေများလည်းရှိခဲ့ပါသည်။ ထိုအကြောင်းအရာမှာ လမ်းမများပေါ်မှ CCTV ဟူသည့် လုံခြုံရေးကင်မရာများကြောင့်သာဖြစ်ပါသည်။

🔥 မြို့ပြနေပြည်သူများခင်ဗျာ။
တရားဥပ ဒေစိုးမိုးမှုမရှိသည့် ခေတ်ပျက်ကာလအတွင်း ပျက်စီးယိုယွင်းနေသော နိုင်ငံအတွင်းနေထိုင်ရသောကြောင့် မိမိတို့၏အိုးအိမ်ဥစ္စာများအား ကာကွယ်စောင့် ရှောက်ရန် CCTV များတပ်ထားခြင်းမှာ ဖြစ်သင့်သောလုပ်ဆောင်ချက်တစ်ခုဟု ကျွန်ုပ်တို့ နားလည်သိရှိပြီးဖြစ်ပါသည်။

သို့ပါသော်ငြားလည်း CCTV များအား မလိုအပ်သောနေရာများသို့ ချိန်ထားခြင်း၊ မလိုအပ်သောနေရာများတွင် အပိုတပ်ဆင်ထားခြင်းများကြောင့် မလိုလားအပ်သောဆုံးရှုံးမှုများဖြစ်ပါ်နေသည့်အတွက် CCTV တပ်ဆင်ရာတွင် မိမိတို့ပစ္စည်းဥစ္စာများ၊ မိမိတို့အိမ်အဝင်တံခါးများ၊ ဆိုင်အတွင်းဧရိယာ၊ ကားပါကင်၊ ခြံဝင်းအတွင်းသို့သာလှည့်ပြီးတပ်ဆင်ထားကြပါရန်နှင့် မလိုအပ်သည့်အများပြည်သူသွားလာလှုပ်ရှားနေသော လမ်းမများ၊ မိမိတို့အိမ် ဆိုင် ရုံးခန်းဧရိယာကို ကျော်လွန်၍ချိန်ရွယ်တပ်ဆင်ထားခြင်းများကို မပြုလုပ်ကြပါရန်၊ CCTV မှတ်တမ်းများကိုလည်း ရက်အနည်းငယ်တစ်ကြိမ်ဖျက်ပေးကြရန်အနူးအညွတ် တောင်းဆိုလိုက်ပါရစေခင်ဗျာ။

မိမိတို့နေအိမ်၊ ရုံးခန်း၊ ဆိုင်ခန်းများအနီး သပိတ်အသံကြားခြင်း၊ ပြစ်ခတ်ပေါက်ကွဲသံကြားခြင်း၊ တော်လှန်ရေးရဲဘော်များကမ်ပိန်းလုပ်ခြင်းများ တွေ့မြင်ရလျှင်လည်း မိမိတို့ CCTV မှတ်တမ်းများကို ကြိုတင်ဖျက်ပေးထားကြပါရန်လည်းတောင်းဆိုပါရစေ။

မိမိတို့ကိုယ်ရေးကိုယ်တာ ပိုမိုလုံခြုံစေရန် မလိုအပ်သော CCTV တပ်ဆင်ထားခြင်းဟာ မြို့ပြ‌တွင်တိုက်ပွဲဝင်နေကြပါသော တော်လှန်ရေးတပ်သား၊ ရဲဘော်များ၏ လှုပ်ရှားမှုများကိုထိခိုက်စေရုံမျှမက ထိုလှုပ်ရှားသူတို့အား အသက်များပေးဆပ်စေနိုင်သည်မှာ အမှန်ပင်ဖြစ်ပါသည်။ ထိုသူများတွင်လည်း မိသားစုရှိပါသည်၊ အနာဂတ်များ၊ အိပ်မက်များ၊ တန်ဘိုးထားရသောသူများရှိပါသည်။

အကြမ်းဖက်စစ်တပ်ဟာ တော်လှန်ရေးရဲဘော်များအားဖမ်းဆီးသတ်ဖြတ်ပြီး ၎င်းတို့၏အာဏာတည်မြဲရေးနှင့် ပြည်သူလူထုအားစစ်ကျွန်ဘဝတွင်းနှစ်မြှုတ်နိုင်ရေးအတွက် CCTV များအကူအညီဖြင့်စုံစမ်း ဖော်ထုတ်လျက်ရှိပါသည်။ ယခုလ ပထမအပတ်ထဲအတွင်း မြို့ပြရဲဘော်များ mission ပြုလုပ်အပြီး အဖွဲ့လိုက်ဖမ်းဆီးခံလိုက်ရသည့်အဖြစ် နှစ်ကြိမ်ရှိပြီး ရဲဘော်ဆယ်ဦးထက်မနည်းမတရားဖမ်းဆီးနှိပ်စက်ခံလိုက်ရပါသည်။
သို့ပါသောကြောင့် မြို့ပြနေမိဘပြည်သူများအနေဖြင့် မိမိတို့၏ CCTV ဖြင့် မြို့ပြတော်လှန်ရေးရဲဘော်များအား အကျဉ်းစံ၊ ကြိုးစင်ပေါ်မတက်ရအောင် ကူညီစောင့် ရှောက်ပေးကြပါရန် လေးစားစွာ တောင်းပန် (တောင်းဆို) လိုက်ရပါသည်။ တော်လှန်ရေးရဲဘော်များအားမှတ်တမ်းမယူထားမိခြင်းဖြင့်တော်လှန်ရေးတွင် နိုင်ရာတာဝန်ထမ်းဆောင် ပေးပါခင်ဗျာ။

🔥 CCTV ဓာတ်ပုံကမ်ပိန်း
ဤကမ်ပိန်းအား ရက်အကန့်အသတ်မရှိပြုလုပ်ပါသည်။
မိမိတို့မျက်နှာအားလုံခြုံ စွာအုပ်၍ စာရွက်အဖြူပါ်တွင် ယခုကမ်ပိန်းနှင့်သက်ဆိုင် သောစာသားရေး၍ဖြစ်စေ၊ No CCTV on public area, No CCTV, မြို့ပြကို CCTV နဲ့မသတ်နဲ့၊ No CCTV for Urban Revolution, CCTVသည် ဝောာ်လှန်ရေးအဖွဲ့အစည်းများကို ဒုက္ခပေး‌ေနသည်၊ CCTV အန္တရာယ်ကို UGများအထူးသိတိထားကြပါ စသောစာသားများရေး၍ဖြစ်စေ၊ လက်နှစ်ချာင်းအား cross ❌ sign လုပ်၍ဖြစ်စေ ပါဝင် ပေးနိုင်ပါတယ်။

အရေးတော်ပုံ မုချအောင်မြင်ရမည်

#မြို့ပြကိုCCTVနဲ့မသတ်နဲ့

03/06/2023

"ဗျူဟာကိုဖမ်းထားလည်း စော-က်ပေါက စော-က်ပေါပဲ"

ဇွန် ၃၊ ရန်ကုန်
ယနေ့နံနက် ရန်ကုန်မြို့ပြတစ်နေရာတွင်
'ဗျူဟာ'ကိုဖမ်းထားလို့ မင်းအောင်လှိုင်နှင့်သူ၏နောက်လိုက်များမှာ 'စော-က်ပေါ'ဘဝမှ ပြောင်းလဲသွားမည်မဟုတ်ကြောင်း အာဏာရူးများနှင့်နောက်လိုက်ကျွန်များ စိတ်နဲ့ကိုယ်သတိကပ်စေရန် အသိပေးစာချိတ်ဆွဲခဲ့သည်။

ဤလှုပ်ရှားမှုကို Zorro, Revolution Photographs နှင့် ရန်ကုန်လူထုသပိတ်မှ ပူးပေါင်းပြုလုပ်သည်။

#တော်လှန်ပုန်ကန်နေမယ့်ရန်ကုန်
#တော်လှန်မျိုးဆက်ပုန်ကန်ရုန်းထွက်
#ရန်ကုန်လူထုသပိတ်

30/03/2023

" ရဲရဲရှာ " လူထုကမ်ပိန်း 🔴

ဧပြီလ (၂) ရက်၊တနင်္ဂနွေနေ့တွင် " ရဲရဲရှာ " လူထုကမ်ပိန်းကို နိုင်ငံတော်အနှံ့အွန်လိုင်းမှပြုလုပ်သွားမည်ဖြစ်သည်။

ပြည်သူလူထုတရပ်လုံးအနေဖြင့် Facebook ရှိ Search Bar တွင် အောက်ပါစကားလုံးများကို အတူတကွ ရေးသားရှာဖွေကြမည်။

နွေဦးတော်လှန်ရေး
တော်လှန်သင်္ကြန်
FDC

နေ့ရက် - ဧပြီ (၂) ရက်၊ ၂၀၂၃ ခုနှစ်

#ရဲရဲရှာလူထုကမ်ပိန်း

ဒီနေ့ တော်လှန်ရေးအင်အားစုများ လှုံ့ဆော်ကြမယ်နေ့ဖြစ်ပါတယ်ခင်ဗျာ
စာသားကမိမိရဲ့အာဘော်အတိုင်းပြင်ဆင်ရေးသားပြီးတင်လို့ရပါတယ်ခင်ဗျာ
သမဂ္ဂ၊သပိတ်ကော်မတီအင်အားစုတွေကိုဝိုင်းတွန်းပေးကြပါဦးခင်ဗျာ
တင်မဲ့အချိန်ကတော့မသတ်မှတ်ထားပါဘူးခင်ဗျာ

27/03/2023

အဆုံးအထိတော်လှန်နေမယ့် ရန်ကုန် (ရုပ်သံ)
We Will Fight, Till The End 🔥🔥🔥

၂၀၂၁ ဖေဖော်ဝါရီ ထဲက လမ်းပေါ်ထွက်လာခဲ့တဲ့ ရန်ကုန်သပိတ်တွေရဲ့အသံဟာ ယခုအထိမတိတ်သေးဘူး။ ရန်ကုန်ဟာ လူငယ်တွေရဲ့အိပ်မက်ဆုံရာ မြို့တော်ပါ။ ဒီမြို့မှာနေ ဒီမြို့မှာရှင်သန်ကြပြီး အနာဂတ်အတွက် တောက်ပဖို့အသင့်ဖြစ်နေကြတဲ့ကြယ်တွေဟာ အလင်းရောင်တွေမတရားသိမ်းယူခံလိုက်ရတဲ့နောက်မှာတော့ တရားမျှတမှုကိုပြန်လည်ရယူဖို့အတွက် လမ်းပေါ်ထွက်ပုန်ကန်လာခဲ့ကြတယ်။

တရားသောစစ်ကိုဆင်နွှဲဖို့အတွက် လက်နက်ရယ်လို့မပါကြပေမယ့် မိစ္ဆာနတ်ဆိုးတို့ရဲ့အကြမ်းဖက်မှုတွေအောက်မှာ ‌ကြယ်တွေကြွေခဲ့ကြတယ်။ အနာဂတ်တွေကျေခဲ့ကြတယ်။ ယုံကြည်မှုတွေအကျဉ်းစံခဲ့ကြတယ်။

ဒါပေမယ့်၊ ဒါဟာ ရန်ကုန်မြို့နဲ့ ရန်ကုန်သားတွေလေ။
ဖိရင်ကြွတယ်၊ ထိရင်ချတယ်။ စစ်ဖိနပ်အောက်ဒူးမထောက်ဘူး။ လက်သီးဆုပ်တွေဘယ်တော့မှမပြေဘူး။ အဆုံးအထိတော်လှန်နေကြတယ်။ ဖိနှိပ်မှုတွေကြားမှာနန်းချခံရတဲ့မြို့တော်ဟာ အသံတိတ်သွားလည်း လူငယ်တွေဟာ မာန်ဟုန်အပြည့်နဲ့ ချီတက်နေဆဲပဲ။

မိဘပြည်သူများခင်ဗျာ။
ရန်ကုန်မြို့ဟာ ခေတ်အဆက်ဆက်၊ အစိုးရအဆက်ဆက်၊ အာဏာရှင်အဆက်ဆက်မှာ တစ်တိုင်းပြည်လုံးရဲ့ရှေ့တန်းကနေသူရဲကောင်းတွေမွေးဖွားပေးနေဆဲပါ။ ပေတရာပေါ်ကသွေးတွေဟာ ယနေ့အထိစီးဆင်းနေဆဲဆိုတာ ပန်းပင်နီ၊ တံတားဖြူနဲ့ ရန်ကုန်မြို့ကလမ်းမတွေကသက်သေခံနေဆဲပါ။

ဒီစနစ်ဆိုးကြီးကိုတိုက်ထုတ်ဖို့အတွက် အဓိကပင်မဒေါက်တိုင်ကြီးက ပြည်သူဆိုတဲ့အားကိုးရာပါပဲ။ ပြည်သူကနောက်မှာရပ်တည်ပေးနေသ၍ ကျွန်တော်တို့တွေအသက်စွန့်ဖို့ဝန်မလေးပါဘူး။ ကျွန်တော်တို့ရဲ့အားကိုးရာ ပြည်သူတွေကမှ ကျွန်တော်တို့ဘက်မရပ်တည်ပေးနိုင်တော့ရင် ရှေ့ဆက်ဖို့အင်အားဆိုတာရှိတော့မှာမဟုတ်ပါ။ ယနေ့လက်ရှိအချိန်လိုမျိုး စနစ်ဆိုးအောက်မှာ အများစုကနေသားကျနေမယ်ဆိုရင် ကျွန်တော်တို့အသက်တွေဘယ်လောက်စတေးပေးနေရဦးမလဲခင်ဗျာ။

ကျေးဇူးပြု၍ မိမိနိုင်ရာတာဝန်ကိုထမ်းဆောင်ပြီးတော်လှန်ရေးမှာ ပါဝင်ပေးကြပါ။ စစ်တပ်ထုတ်ကုန်တွေသုံးစွဲခြင်းရှောင်ကျဉ်ပေးပါ။ စစ်တပ်အသိုင်းအဝိုင်းနဲ့ပတ်သတ်ခြင်းရှောင်ကျဉ်ပေးပါ။ စစ်တပ်လက်ပါးစေများနဲ့နီးကပ်စွာသွားလာလှုပ်ရှားခြင်းမပြုပါနှင့်၊ သင်္ကြန်ပွဲတော်အပါအဝင် စစ်ကောင်စီမှကျင်းပသော ပျော်ပွဲရွှင်ပွဲများ ဖျော်ဖြေရေးနေရာများတွင် ပါဝင်ပျော်ရွှင်ခြင်းမပြုလုပ်ကြပါနှင့်။ စစ်ကိုမုန်းပေမယ့် စနစ်ကိုမကြိုက်လို့တိုက်ကြတာချင်းအတူတူ တော်လှန်ရေးကိုအဆုံးအထိပါဝင်ပေးကြပါရန် ရန်ကုန်တော်လှန်ရေးအင်အားစုများကိုယ်စား အနူးအညွတ်မေတ္တာရပ်ခံ တောင်းဆိုလိုက်ရပါသည်ခင်ဗျာ။

This is Yangon
The city of dreams
ဘာတွေလဲ ရန်ကုန်သားတွေ။

အရေးတော်ပုံ မုချအောင်မြင်ရမည်။

#ရန်ကုန်လူထုသပိတ်

26/03/2023

🌿🌼 တော်လှန်မဏ္ဏပ် အောင်ပွဲလက်မှတ် 🌼🌿

မြန်မာ့ရိုးရာ အတာသင်္ကြန် မဏ္ဏပ်လက်မှတ်များ ဝယ်ယူနိုင်ပါပြီ 📣

လက်မှတ်တစ်စောင် - ၁၀၀၀၀ ကျပ်ပါ 🌼🌿

သင်္ကြန်မှာမပျော်ရဘူးလို့ဘယ်သူတားမလဲ။ ပျော်လို့ရပါတယ်။ ဒါပေမယ် တော်လှန်သင်္ကြန်ဖြစ်လို့ တော်လှန်မဏ္ဏပ်မှာပဲပျော်ပေးကြပါ။

🌼1 day ticket (မဲတစောင်) ၁၀၀၀၀ ကျပ်
🌻Vip Full day ticket (မဲ ၅ စောင်) ၅၀၀၀၀ ကျပ်ပါ

မဲတစ်စောင်ဝယ်သူနဲ့ မဲပိုဝယ်သူကိုခွဲခြားခြင်းမဟုတ်ရပါဘူးနော်။
မဏ္ဏပ်ထိုင်ရတာကြိုက်တဲ့ညိုကီတို့ အောမေတို့အကြိုက် ရသမပျက်ရအောင်စီစဉ်ပေးခြင်းသာဖြစ်ပါတယ်။

🛑 Vip ticket ဝယ်တဲ့ညိုကီတို့အတွက် ဘုံဆိုင်ထိုင်ရင်းလှူ မှာ မိမိတို့ချစ်ခင်လေးစားရတဲ့သူကို ဆုတောင်းမေတ္တာပို့သရင်း ကျပ် ၁၀၀၀၀ ဖိုးအသုံးပြုခွင့် voucher လေးမေတ္တာလက်ဆောင်ပေးမှာကတော့အမှန်ပါ‌ဗျ။

မဲလက်မှတ်မှာ ဘာလက်ဆောင်တွေပါမလဲ
🌿 iPhone XS 128 gb
🌿 Samsung Galaxy A04s
🌿 Seafood export quality Premium Set 100,000 ကျပ်တန်
🌿 Air cooler
🌿 ကိုဇေယျာသော်ပုံပါ တီရှပ်
🌿 ကရင်နီရဲဘော်များမှထုတ်လုပ်ထားသော ချပ်ဝတ်ဟူဒီ
တို့ပဲဖြစ်ပါတယ်။

အင်္ကျီလက်ဆောင်များကိုတော့ မဲပေါက်သူမှကြိုက်နှစ်သက်ရာအရောင်နဲ့ ဆိုဒ်ကိုရွေးချယ်ပြီးမှ အော်ဒါမှာယူပေးမှာပါ။ (ကြိုတင်ဝယ်ယူထားရင် ကံထူးသူစိတ်ကြိုက်မရမှာစိုးတဲ့အတွက် မဲဖောက်ပြီးမှဝယ်ယူရမှာဖြစ်လို့ အင်္ကျီဖန်တီးသူများအနေနဲ့ နားလည်ပေးပါရန် ကြိုတင်ခွင့်တောင်းပါရစေခင်ဗျာ။ အမည်အလွဲသုံးစားလုပ်လိုစိတ်မရှိပါ။)

မဲကာလကတော့ ယနေ့မှစ၍ မဟာသင်္ကြန်အတက်နေ့အထိဖြစ်ပြီး နှစ်ဆန်းတစ်ရက်နေ့မှာ ကံထူးသူများရွေးချယ်ပေးမှာဖြစ်ပါတယ်။

🌼🌿 တော်လှန်မဏ္ဏပ်မှာ ဘယ် (စီစဉ်သူ) DJ တွေပါမလဲ
DJ YD (Yangon Drone)
DJ SC Strike (စမ်းချောင်းပင်မသပိတ်စစ်ကြောင်း)
DJ USG ( UG Supporter Group) တို့ကပင်တိုင်တီးခတ်ကြမှာဖြစ်ပြီး

🌼🌿 Featuring (ပါဝင်အားဖြည့်) အနေနဲ့ကတော့
အမ်း Fundraising
Thabate click
People Supply Force Yangon
ဘုံဆိုင်ထိုင်ရင်း လှူ
အဖွဲ့တွေပဲဖြစ်ပါတယ်။

🌼🌿 မဲလက်မှတ်တွေကို ဘယ်လိုဝယ်ကြမလဲ
ပြည်တွင်းမှဝယ်ယူမည့် စေတနာရှင်အသစ်များအတွက်
Nugpay တစ်မျိုးထဲဖြင့်သာလက်ခံပေးမှာဖြစ်ပြီး ‌ပုံမှန်ထောက်ပို့နေကျစေတနာရှင်များအနေနဲ့ကတော့ Wave, Kpay တို့ဖြင့်ပါဝယ်ယူနိုင်မှာဖြစ်ပါတယ်။

ပြည်ပနေစေတနာရှင်များအနေနဲ့ကတော့
Thai Bank, Singapore Bank များအပြင် Pay Now app ဖြင့်ပါဝယ်ယူထောက်ပံ့နိုင်ပါတယ်ခင်ဗျာ။

🌼🌿 ဘယ်မှာဝယ်ယူနိုင်ကြမလဲ
page များဖြစ်ကြသော
Yangon Drone
စမ်းချောင်းပင်မသပိတ်စစ်ကြောင်း
UG Supporter Group
အမ်း Fundraising
MILK TEA ALLIANCE YANGON
People Supply Force Yangon
Thabate click
ဘုံဆိုင်ထိုင်ရင်း လှူ
တို့မှာဝယ်ယူနိုင်ပြီး မဲကမ်ပိန်းရဲ့ တရားဝင်ခွင့်ပြုချက်ရထားသော Fundraiser များထံမှာပါဝယ်ယူရရှိနိုင်မှာပါ။

မဲဝယ်ပြီးရင် မဲနံပါတ်တောင်းဖို့မမေ့ကြပါနဲ့နော်။

ယခုမဲရောင်းရငွေအားလုံးကို မြေပြင်အရောက် စာရင်းများနဲ့တကွထောက်ပို့သွားမှာပါ။

မဟာသင်္ကြန်ပျော်ကြမယ်။ ဒါပေမယ့် တော်လှန်မဏ္ဏပ်မှာပဲနော်။ 🌿🌼

25/03/2023

ထောက်ပို့မဟာမိတ်များအဖြစ် ဖွဲ့စည်းပြီးကြောင်းအသိပေးချက်

ကျွန်ုပ်တို့ MILK TEA ALLIANCE YANGON နှင့် ဘုံဆိုင်ထိုင်ရင်း လှူ အဖွဲ့သားများသည် နွေဦးတော်လှန်ရေးတွင် မြေပြင်ထောက်ပံ့ရေးလိုအပ်ချက်များအား ပိုမိုအချိတ်အဆက်မိစွာထောက်ပို့နိုင်ရန်အတွက် ယနေ့ ၂၅ ရက် မတ်လ ၂၀၂၃ ခုနှစ်တွင် ထောက်ပို့မဟာမိတ်များအဖြစ်လက်တွဲခဲ့ပြီဖြစ်ကြောင်း မိဘပြည်သူများသိစေရန်အလို့ငှာ ကြေငြာချက်ထုတ်လိုက်ရပါသည်။

Yangon Drone, စမ်းချောင်းပင်မသပိတ်စစ်ကြောင်း၊ UG Supporter Group, Youth Association of Thingangyun တို့နှင့်အတူ ဘုံဆိုင်ထိုင်ရင်း လှူ အဖွဲ့သည် MILK TEA ALLIANCE YANGON ၏ ၅ ဖွဲ့မြောက်မဟာမိတ်ဖြစ်ကြောင်း ယနေ့ကြေငြာချက်နှင့်အတူ ဝမ်းမြောက်ဝမ်းသာကြိုဆိုလိုက်ရပါသည်ခင်ဗျာ။

နို့လက်ဘက်ရည်တန်ခိုးနှင့် အောင်ပွဲဆီသို့

MILK TEA ALLIANCE YANGON
#ဘုံဆိုင်ထိုင်ရင်းလှူ

25/03/2023

သွေးစွန်းပွဲတော် သပိတ်မှောက်
စစ်ဖိနပ်အောက် ဒူးမထောက်

မိဘပြည်သူများခင်ဗျာ
ယခုအချိန် တိုင်းပြည်အရပ်ရပ်မှာ ဖက်ဆစ်အာဏာရှင်ကို တော်လှန်နေကြပြီး အသက်၊ ‌သွေးချွေး တို့ကိုရင်း၍ စစ်ကျွန်လက်အောက်မှရုန်းထွက်ရန်ကြိုးစားနေကြတာပဲဖြစ်ပါတယ်။
အချို့နေရာများတွင် မိစ္ဆာစစ်တပ်ရဲ့ယုတ်မာမှုများကြောင့် ရွာလုံးကျွတ်မြို့လုံးကျွတ်ပြာပုံဘဝရောက်ရှိနေကြသူတွေ၊ အိုးမဲ့အိမ်မဲ့ဖြင့် ဘေးကင်းရာသို့ထွက်ပြေးနေကြရတဲ့ သက်ကြီးရွယ်အိုတွေ၊ မိတကွဲ ဖတကွဲဖြင့် ငိုကျွေးနေကြရတဲ့ လူမမယ်ကလေးငယ်တွေ၊ မိသားစုလိုက် အဆုံးစီရင်ခံလိုက်ရသူတွေ၊ မတရားပြုကျင့်ခံလိုက်ရတဲ့အပြင် အသက်ပါရန်ရှာခံလိုက်ကြရတဲ့ မိန်းမပျိုတွေ၊ ခံယူချက်တစ်ခုကြောင့် အသက်ကိုပေးဆပ်သွားကြရဲ့တဲ့ရဲဘော်ရဲဘက်တွေ များစွာရှိနေပါတယ်။
ယခု မြန်မာ့ရိုးရာ မဟာသင်္ကြန်ပွဲတော်ဟာ ပြည်သူ့အစိုးရထံမှ မတရားလုယူအနိုင်ကျင့်ပြီး အာဏာကိုသိမ်းပိုက်ထားသော စစ်ကောင်စီမှ ကြီးမှူးကျင်းပမှာဖြစ်တဲ့အပြင်၊ နိုင်ငံတကာတွင် ပြန်လည်နေသားကျပြီး အုပ်ချုပ်လို့ရနေပြီဆိုသည့်အမြင်များထည့်သွင်းကြေငြာနိုင်ရန်ကြိုးစားနေမှုတရပ်ပင်ဖြစ်ပါတယ်။ ပြည်သူကိုစေတနာပါသော၊ တိုင်းပြည်ကိုအလေးထားပြုလုပ်သော ပျော်ပွဲရွှင်ပွဲတစ်ခုမဟုတ်ပါ။
ဒါ့အပြင် ငိုကြွေးအော်ဟစ်နေသော ပြည်သူတွေကိုမျက်ကွယ်ပြုပျော်ပါးကြရန် လုံးဝမသင့်ပါဟုလည်း ကျွန်တော်တို့ခံယူထားပါတယ်။
သင်္ကြန်ဆိုတာနှစ်ဟောင်းမှ အညစ်အကြေးများကိုဆေးကြောသန့်စင်ပြီး နှစ်သစ်ကိုကြိုဆိုခြင်းဖြစ်ပါတယ်။ ပြည်သူသိန်းသန်းချီတို့၏သွေးများစွန်းထင်းနေသောလက်ဖြင့်ကျင်းပသော သင်္ကြန်ဖြစ်သည့်အလျောက် မိစ္ဆာတို့၏ယုတ်မာညစ်ညမ်းသောလက်ကို သင်္ကြန်ရေဖြင့်ဆေးကြောသန့်စင်ခွင့်လုံးဝပြုလုပ်ခွင့်မပေးနိုင်ပါ။
ဒါကြောင့် ယခုလာမည့် ၂၀၂၃ မဟာသင်္ကြန်အား လုံးဝပါဝင်ဆင်နွှဲခြင်းမပြုကြပါရန်နှင့် မိဘပြည်သူတို့အနေဖြင့် ကုသိုလ်ကောင်းမှုပြုလုပ်ရန် ဘုန်းတော်ကြီးကျောင်းများတွင်ဥပုသ်သီလယူခြင်း၊ နေအိမ်အတွင်းတွင် မိသားစုဖြင့်အတူဖြတ်သန်းခြင်းများမှအပ လမ်းမထွက်၊ ရေမပက်၊ အပျော်အပါးမလုပ်ကြခြင်းအားဖြင့် တော်လှန်ရေးတွင်ပါဝင်ပြီး စစ်ကောင်စီအားဆက်လက်သပိတ်မှောက်ပေးကြပါရန် တော်လှန်ရေးအင်အားစုများနှင့်အတူ ကျွန်ုပ်တို့ Yangon Drone, စမ်းချောင်းပင်မသပိတ်စစ်ကြောင်း၊ UG Supporter Group, Youth Association of Thingangyun, Thabate click, People Supply Force Yangon, MILK TEA ALLIANCE YANGON, အမ်း Fundraising တို့မှ အနူးအညွတ်မေတ္တာရပ်ခံလိုက်ရပါတယ်ခင်ဗျာ။

10/03/2023

Milk Tea Alliance Yangon မှ နာရီ&Pod -မဲ မှ ရရှိခဲ့သောအလှူငွေများကို PDF , UG နဲ့ သပိတ်အဖွဲ့များကို ထောက်ပို့ပေး‌သော မှတ်တမ်းများဖြစ်ပါသည်❤️
ဝယ်ယူပေးကြတဲ့‌တော်လှန်ပြည်သူတစ်ဦးချင်းစီကိုကျေးဇူးအထူးတင်ပါတယ်🙏🏼

02/03/2023

ပြည်သူ့အသဲ ရေဘဝဲ တို့အတွက် မြေပြင်လိုအပ်ချက်များတွင်အသုံးပြုရန် ၅၀,၀၀၀ ကျပ်တိတိအား နာရီမဲရောင်းရငွေများမှပေးအပ်ခဲ့ပါတယ်။

အရေးတော်ပုံ မုချအောင်ရမည်။

02/03/2023

Black Wolf PDF အတွက် စစ်ကိုင်းတိုင်းသန့်ရှင်းရေးလုပ်ရန် ၂၀၀,၀၀၀ ကျပ်တိတိအား MILK TEA ALLIANCE YANGON နာရီမဲရောင်းရငွေများမှ ပေးအပ်နိုင်ခဲ့ပါတယ်။

မဲဝယ်ခဲ့သူများအားကျေးဇူးအထူးတင်ရှိပါတယ်။ နောင်လည်း မဲလေးတွေရောင်းရင်အားပေးကြပါဦးနော်။

Milk Tea Alliance Yangon

15/06/2023

14/06/2023

12/06/2023

03/06/2023

30/03/2023

27/03/2023

26/03/2023

25/03/2023

25/03/2023

10/03/2023

02/03/2023

02/03/2023

Address

Website

Alerts

Shortcuts

Share

Category