https://www.facebook.com/107362388902196/

Milk Tea Yangon, Yangon (2026)

09/08/2026

လက်ရှိ အညာဒေသမှာ ရေအလုံးအရင်း ဝင်ရောက်လာတာတွေအပြင် မိုးသည်းထန်နေဆဲဖြစ်တာကြောင့် ဒေသခံပြည်သူအများစု ရေဘေးဒုက္ခအခက်အခဲများစွာရင်ဆိုင်နေရတာဖြစ်ပါတယ်။

ရေဘေးအခြေအနေက နေရာအလိုက် ပြောင်းလဲနိုင်တာကြောင့် အရေးပေါ်အကူအညီတွေ ပိုမိုလိုအပ်လာမဲ့ အခြေအနေလဲ ဖြစ်နေပြန်ပါတယ်။

လက်ရှိအ‌ညာ ဒေသ နဲ့ပတ်သက်လို့ တိုက်ရိုက် ကူညီပေးနိုင်တဲ့ နေရာတွေ ရှိနေတဲ့ အတွက် အဲဒီ ‌နေရာတွေကို အကြောင်းအရာနဲ့တကွ ဝေမျှပေးလိုက်ခြင်းဖြစ်ပါတယ်။

📌 တိုက်ရိုက်ပါဝင်ကူညီနိုင်မဲ့ အကောင့်တွေနဲ့ Page တွေ ကိုစုစည်းပေးထားပါတယ်။

လုံခြုံစိတ်ချစွာသွားရောက်ပါ၀င်နိုင်တဲ့ နေရာတွေဖြစ်ပါတယ်။

1. Ywat Thit
https://www.facebook.com/share/p/1H4YSkHkLr/

2. Vitamins - for Spring Revolution
https://www.facebook.com/share/p/1BkmQUvFix/

3. Doh Khit
https://www.facebook.com/share/p/18J5W5TqzP/

4. ANTS - ပုရွက်ဆိတ်များ
https://www.facebook.com/share/p/198VM7xSQN/

5. Cats- Association
https://www.facebook.com/share/p/1E7UMQd5JQ/

6. S&C မီးဘေးစစ်ဘေးပညာရေးကူညီစောင့်ရှောက်ရေးအဖွဲ့
https://www.facebook.com/share/p/19KsGbCYZX/

7. Diary of Comrade
https://www.facebook.com/share/p/1LpZQSfRx1

တို့ပြည်သူတွေညီရဲ့လားဟေ့ဆိုပြီး အသံပေး ဟစ်ကြွေးတာ ထက် ပြည်သူ အချင်းချင်း အကူအညီပေးမှုက ပို အရေးကြီးပါတယ်။

မျှဝေခြင်း သည်သာ မေတ္တာ ဖြစ်သလို မျှဝေခြင်းကပဲ ရင်ဘတ်ခြင်း နီးစေမှာပါ။

ပါ၀င်ပေးကြဖို့လဲ တိုက်တွန်းပါတယ်။

မူရင်း Post Rhino Page ကနေ အချက်အလက်တွေထည့်သွင်းဖော်ပြထားတာဖြစ်ပါတယ်။

08/08/2026

🔥 မပြီးဆုံးသေးတဲ့ ၈၈၈၈ - လူထုအားနဲ့ ဒို့အတူရုန်း 🔥
Online Photo Campaign
8 Aug 2026

၈၈၈၈ အထိမ်းအမှတ်အဖြစ်ဖော်ဆောင်သည့် "မပြီးဆုံးသေးတဲ့ ၈၈၈၈ - လူထုအားနဲ့ ဒို့အတူရုန်း" Online Photo Campaign အား Milk Tea Yangon နှင့် Yangon Drone၊ စမ်းချောင်းပင်မသပိတ်စစ်ကြောင်းတို့နှင့်အတူ မြန်မာပြည်တွင်းနှင့် နိုင်ငံတကာရောက် မြန်မာပြည်သူများမှပူးပေါင်းဖော်ဆောင်ခဲ့ကြပါတယ်။

၁၉၈၈ ခုနှစ် ဩဂုတ်လ (၈၈၈၈) လူထုအရေးတော်ပုံ သည် ဒီမိုကရေစီ၊ လွတ်လပ်ခွင့်နှင့် တရားမျှတမှုအတွက် ပြည်သူတစ်ရပ်လုံး အတူတကွ ရပ်တည်ခဲ့သော သမိုင်းဝင် လူထုလှုပ်ရှားမှုတစ်ခု ဖြစ်ကာ ထိုစိတ်ဓာတ်သည် ယနေ့တိုင် မပျောက်ကွယ်သေးဘဲ ဆက်လက်ရှင်သန်နေဆဲ ဖြစ်ပါသည်။

၈၈၈၈ မှာ စတင်ခဲ့သော ဒီမိုကရေစီခရီးစဉ်ကို နွေဦးတော်လှန်ရေးတွင် အောင်မြင်စွာ အဆုံးသတ်နိုင်ရန် ကျွန်ုပ်တို့အားလုံး၏ အသံ၊ အင်အားနှင့် ပါဝင်မှုများ လိုအပ်နေပါသည်။

မပြီးဆုံးသေးတဲ့ ၈၈၈၈ ရဲ့ စိတ်ဓာတ်ကို လူထုအားနဲ့ ဆက်လက်အသက်သွင်းပြီး နွေဦးအောင်ပွဲဆီ ဒို့အတူရုန်းကြပါစို့။

#မပြီးဆုံးသေးတဲ့၈၈၈၈လူထုအားနဲ့ဒို့အတူရုန်း
#စမ်းချောင်းပင်မသပိတ်စစ်ကြောင်း

05/08/2026

မပြီးဆုံးသေးတဲ့ ၈၈၈၈ - လူထုအားနဲ့ ဒို့အတူရုန်း

📢 TikTok Photo Campaign ဖိတ်ခေါ်ခြင်း

Milk Tea Yangon နှင့် Yangon Drone ပူးပေါင်းဖော်ဆောင်သည့် "မပြီးဆုံးသေးတဲ့ ၈၈၈၈ - လူထုအားနဲ့ ဒို့အတူရုန်း" TikTok Photo Campaign တွင် ပြည်သူအားလုံး ပါဝင်ကြရန် လေးစားစွာ ဖိတ်ခေါ်အပ်ပါသည်။

၁၉၈၈ ခုနှစ် ဩဂုတ်လ (၈၈၈၈) လူထုအရေးတော်ပုံ သည် ဒီမိုကရေစီ၊ လွတ်လပ်ခွင့်နှင့် တရားမျှတမှုအတွက် ပြည်သူတစ်ရပ်လုံး အတူတကွ ရပ်တည်ခဲ့သော သမိုင်းဝင် လူထုလှုပ်ရှားမှုတစ်ခု ဖြစ်ကာ ထိုစိတ်ဓာတ်သည် ယနေ့တိုင် မပျောက်ကွယ်သေးဘဲ ဆက်လက်ရှင်သန်နေဆဲ ဖြစ်ပါသည်။

ယနေ့ခေတ်တွင် အွန်လိုင်းကမ်ပိန်းများ သည် ပြည်သူများ၏အသံကို စုစည်းပေးနိုင်သည့်အပြင် သမိုင်းအမှတ်တရကို မမေ့ပျောက်စေရန်နှင့် နိုင်ငံတကာထံ ပိုမိုကျယ်ပြန့်စွာ ရောက်ရှိစေရန် အရေးပါသော နည်းလမ်းတစ်ခုလည်း ဖြစ်ပါသည်။

၈၈၈၈ မှာ စတင်ခဲ့သော ဒီမိုကရေစီခရီးစဉ်ကို နွေဦးတော်လှန်ရေးတွင် အောင်မြင်စွာ အဆုံးသတ်နိုင်ရန် ကျွန်ုပ်တို့အားလုံး၏ အသံ၊ အင်အားနှင့် ပါဝင်မှုများ လိုအပ်နေပါသည်။

📸 ပါဝင်နိုင်မည့်ပုံစံ

🔴 အနီရောင်အဝတ်အစား ဝတ်ဆင်၍ ဓာတ်ပုံရိုက်ပါ။

🔴 အနီရောင်ပါသော ထီးကို ဆောင်း၍ ဓာတ်ပုံရိုက်ပါ။

🔴 "၈၈၈၈" ဟု မြန်မာဂဏန်းဖြင့် ရေးသားထားသော စာရွက်ကို ကိုင်ဆောင်၍ ဓာတ်ပုံရိုက်ပါ။

🔴 အနီရောင်အဝတ်အစား သို့မဟုတ် "၈၈၈၈" စာရွက်ဖြင့် ပါဝင်ရန် အဆင်မပြေပါက လက်မောင်းတွင် အနက်ရောင်ပိတ်စ စည်း၍ ဓာတ်ပုံရိုက်ပါ။

🔴 အထက်ပါပုံစံများထဲမှ ပုံစံတစ်ခုရိုက်ကူးပြီး ပေးပို့ခြင်း အပြင် မိမိတို့ စိတ်ကူးထားသည့် ပုံစံများဖြင့်လည်း ရိုက်ကူးပြီး ပေးပို့နိင်ပါသည်။

🔒🚨 လုံခြုံရေးသတိပြုရန်

- မိမိလုံခြုံရေးကို ဦးစားပေးပါ။
- မျက်နှာမပေါ်စေရန် Mask၊ မျက်နှာဖုံး၊ ဦးထုပ်၊ ထီး သို့မဟုတ် အခြားသင့်လျော်သော နည်းလမ်းများဖြင့် ဖုံးကွယ်၍ ပါဝင်နိုင်ပါသည်။
- နေအိမ်ပုံစံ၊ ခြံ၀င်းပုံစံ၊ အိမ်လိပ်စာ၊ တည်နေရာ၊ ယာဉ်နံပါတ် သို့မဟုတ် ကိုယ်ရေးကိုယ်တာ အချက်အလက်များ မပေါ်စေရန် သတိပြုပါ။
- လုံခြုံရေးအရ ဩဂုတ်လ (၇) ရက်နေ့ ည၈နာရီမှ ဩဂုတ်လ(၈)ရက်နေ့ ည၈နာရီအထိသာ ဓာတ်ပုံများကို ပေးပို့ကြပါရန် မေတ္တာရပ်ခံအပ်ပါသည်။

⚠️ Facebook နှင့် TikTok တွင် တင်စဉ် သတိပြုရန်

- အကြမ်းဖက်မှု၊ သွေးထွက်သံယို သို့မဟုတ် ထိခိုက်ဒဏ်ရာ မြင်ကွင်းများ မထည့်သွင်းပါနှင့်။
- ရန်လိုမှု သို့မဟုတ် မုန်းတီးမှုဖြစ်စေနိုင်သော စကားလုံးများကို ရှောင်ကြဉ်ပါ။
- ဓာတ်ပုံနှင့် Caption တွင် ငြိမ်းချမ်းစွာ အမှတ်တရပြုခြင်း၊ လူထုစည်းလုံးညီညွတ်မှုနှင့် မျှော်လင့်ချက်ကို အဓိကထား ဖော်ပြပါ။
- Caption နှင့် Hashtag များကို ရှင်းလင်း၍ တိုတောင်းစွာ အသုံးပြုပါ။

မပြီးဆုံးသေးတဲ့ ၈၈၈၈ ရဲ့ စိတ်ဓာတ်ကို လူထုအားနဲ့ ဆက်လက်အသက်သွင်းပြီး နွေဦးအောင်ပွဲဆီ ဒို့အတူရုန်းကြပါစို့။

#မပြီးဆုံးသေးတဲ့၈၈၈၈
#လူထုအားနဲ့ဒို့အတူရုန်း

31/07/2026

📢 တော်လှန်ပြည်သူများခင်ဗျာ...

ယခင်က "Head of State" အမည်ဖြင့် page တစ်ခုကို တော်လှန်ပြည်သူများ၏ အင်အားဖြင့် ဝိုင်းဝန်း Report လုပ်ခဲ့ကြပြီးနောက် အဆိုပါ Page ဖျက်သိမ်းခံလိုက်ရကြောင်း တွေ့ရှိခဲ့ပါသည်။

ယခုအခါ "Head of State" အမည်ဖြင့် Page အသစ်တစ်ခု စစ်ကောင်စီမှ ထပ်မံဖွင့် လာကြောင်း တွေ့ရှိရပါသည်။

ယခု Link ချပေးထားသည့် "Head of State" Page သည် အာဏာသိမ်းစစ်အစိုးရ၏ လက်အောက်ခံ Page တစ်ခုဖြစ်ပြီး လက်ရှိ မြန်မာနိုင်ငံ၏ အမှန်တကယ် အခြေအနေများကို ဖုံးကွယ်ကာ နိုင်ငံတော်အား အေးချမ်းတည်ငြိမ်နေသယောင် ပုံဖော်ဖန်တီး၍ ဝါဒဖြန့်ချီမည့် Page အသစ် တစ်ခုဖြစ်ပါသည်။

ထို့ကြောင့် ၎င်းတို့၏ ဝါဒဖြန့်ချိမှုများ ပိုမိုကျယ်ပြန့်စွာ မပြန့်ပွားစေရန်အတွက် ပြည်သူများအနေဖြင့် ဝိုင်းဝန်း၍ Report ပြုလုပ်ပေးကြပါရန် မေတ္တာရပ်ခံအပ်ပါသည်။

📌 Report ပြုလုပ်နည်း
➡️ Page ကိုဝင်ပါ။
➡️ ⋯ (Three Dots) ကိုနှိပ်ပါ။
➡️ Find Support or Report ကိုရွေးချယ်ပါ။
➡️ သင့်လျော်သည်ဟု ထင်မြင်သော အကြောင်းပြချက်ကို ရွေးချယ်ပြီး Submit ပြုလုပ်ပါ။

လူတိုင်းသည် မိမိတို့၏ ကိုယ်ပိုင်သုံးသပ်ချက်နှင့် ဆုံးဖြတ်ချက်အပေါ် အခြေခံ၍သာ ပါဝင်ဆောင်ရွက်ကြပါရန် မေတ္တာရပ်ခံအပ်ပါသည်။

"Head of State" Page Link 👇👇👇
https://www.facebook.com/share/1D4ETXGRUx/

Milk Tea Yangon

27/07/2026

သေမင်းတံခါး

"မသေရင် ပြန်လွတ်မယ်" ဆိုတဲ့ စကားဟာ
တချို့နိုင်ငံရေးအကျဉ်းသားတွေအတွက် မျှော်လင့်ချက်မဟုတ်တော့ဘူး။
အသက်ရှင်နိုင်ရင်သာ လွတ်မြောက်ခွင့်ကို မြင်ရမယ့် အခြေအနေဖြစ်နေတယ်။

သံတိုင်တွေနောက်ကွယ်မှာ
ရိုက်နှက်နှိပ်စက်ခံရတယ်။
ဖိနှိပ်ခံရတယ်။
လူ့ဂုဏ်သိက္ခာကို ချိုးဖျက်ခံရတယ်။

ဖျားနာရင်လည်း ဆေးကုသခွင့် မရ။
ရောဂါအခြေအနေ ဆိုးရွားလာတဲ့အထိ လျစ်လျူရှုထားကြတယ်။
အသက်မမှီတော့တဲ့ အချိန်ရောက်မှ ဆေးရုံကို ပို့ကြတယ်။
အဲဒီအချိန်မှာ ကယ်တင်ဖို့ထက် မှတ်တမ်းတင်ဖို့သာ ကျန်နေတတ်တယ်။

နိုင်ငံရေးအကျဉ်းသားတစ်ယောက်ရဲ့ နေ့ရက်တိုင်းဟာ
လွတ်မြောက်ဖို့ စောင့်ဆိုင်းရတာ မဟုတ်ဘူး။
သေမင်းတံခါးကို နေ့စဉ်ဖြတ်ကျော်နေရတာပါ။

ဒါပေမယ့် တစ်ဖက်မှာတော့
"နိုင်ငံရေးအကျဉ်းသား" ဆိုတဲ့ နာမည်ကို အကာအကွယ်လုပ်ပြီး
ကိုယ်ကျိုးရှာသူတွေ၊ ကိုယ်ပိုင်အကျိုးစီးပွားအတွက် အသုံးချသူတွေလည်း ရှိနေတယ်။
အဲဒီလိုလုပ်ရပ်တွေဟာ တကယ် အနစ်နာခံနေသူတွေရဲ့ အသံကို ပိုပြီး မှေးမှိန်စေတယ်။

တကယ်အကျဉ်းကျခံနေရသူတွေရဲ့ နာကျင်မှုဟာ
နိုင်ငံရေးအမှတ်တံဆိပ် မဟုတ်ဘူး။
လူ့အခွင့်အရေး၊ ဂုဏ်သိက္ခာနဲ့ အသက်ရှင်ခွင့်အတွက် ပေးဆပ်နေရတဲ့ အမှန်တရားပဲ ဖြစ်တယ်။

"သေမင်းတံခါး" ဆိုတာ
သံတိုင်တွေကြားက တံခါးတစ်ချပ် မဟုတ်ဘူး။
တရားမျှတမှု မရှိတဲ့ အခြေအနေတိုင်းက ဖွင့်ထားတဲ့ တံခါးပဲ ဖြစ်တယ်။

Milk Tea Yangon

19/07/2026

ဇူလိုင် ၁၉ - အာဇာနည်နေ့

ဒီနေ့ဟာ မြန်မာနိုင်ငံ၏ လွတ်လပ်ရေးအတွက် မျှော်မှန်းချက်၊ ယုံကြည်ချက်၊ စွန့်လွှတ်အနစ်နာခံမှုများဖြင့် အသက်ပေးခဲ့ကြသော အာဇာနည်ခေါင်းဆောင်ကြီးများအား အောက်မေ့သတိရ ဂုဏ်ပြုရမည့် နေ့တစ်နေ့ဖြစ်ပါသည်။

၎င်းတို့၏ စွန့်လွှတ်အနစ်နာခံမှုများ၊ ရဲစွမ်းသတ္တိများနှင့် တိုင်းပြည်အပေါ်ထားရှိခဲ့သော မေတ္တာစိတ်များသည် သမိုင်းတွင် အမြဲရှင်သန်နေမည်ဖြစ်ပြီး မျိုးဆက်သစ်များအတွက်လည်း အဖိုးတန်သင်ခန်းစာများအဖြစ် ဆက်လက်တည်ရှိနေမည်ဖြစ်သည်။

"မမေ့မလျော့ အောက်မေ့သတိရလျက်"

အာဇာနည်ခေါင်းဆောင်ကြီးများနှင့် အာဇာနည်အားလုံးအား အလေးအမြတ်ထား၍ ဦးညွှတ်ဂုဏ်ပြုအပ်ပါသည်။

#အာဇာနည်နေ့

18/07/2026

📢 ဇူလိုင် (၁၉) ရက်နေ့ Campaign တွင် ပါဝင်နိင်ရန် ဖိတ်ခေါ်ခြင်း။

တော်လှန်သူ / သားများခင်ဗျာ …

ဇူလိုင် (၁၉) ရက်နေ့ဟာ မြန်မာနိုင်ငံ၏ သမိုင်းတွင် အရေးပါဆုံး နေ့တစ်နေ့ဖြစ်ပါတယ်။ ၎င်းနေ့တွင် နိုင်ငံအတွက် အသက်ပေး စွန့်လွှတ်အနစ်နာခံခဲ့ကြတဲ့ အာဇာနည်ခေါင်းဆောင်ကြီးများကို လေးစားဂုဏ်ပြု အောက်မေ့သည့်အနေဖြင့် ကျွန်တော်တို့ Campaign လေးတစ်ခု ပြုလုပ်သွားမှာ ဖြစ်ပါတယ်။

ဒီ Campaign မှာ ပါဝင်ချင်တဲ့သူများအနေနဲ့ အင်္ကျီအမဲ (Black) ကို ဝတ်ဆင်ပြီး မျက်နှာကို Mask သို့မဟုတ် အခြားနည်းလမ်းတစ်ခုခုဖြင့် ဖုံးကွယ်ထားတဲ့ ဓာတ်ပုံ တစ်ပုံကို ရိုက်ကူးပေးပို့ပေးပါ။

မျက်နှာဖုံးကွယ်ထားခြင်းက Campaign ရဲ့ Concept အတွက်သာ ဖြစ်ပြီး၊ တစ်ဦးတစ်ယောက်ကို အထူးပြသခြင်းထက် အာဇာနည်နေ့ကို အလေးအနက်ထား အောက်မေ့ဂုဏ်ပြုတဲ့ စိတ်ဓာတ်ကို အတူတကွ ဖော်ပြလိုခြင်း ဖြစ်ပါတယ်။

ဓာတ်ပုံကို ရှင်းလင်းပြတ်သားစွာ ရိုက်ကူးပြီး 19 ရက်နေ့ ညနေ ၆နာရီ မတိုင်ခင် Page Chat box သို့အချိန်မီ ပေးပို့ပေးပါရန် မေတ္တာရပ်ခံအပ်ပါတယ်။

လူတိုင်းရဲ့ ပါဝင်မှုက အဓိပ္ပာယ်ရှိပါတယ်။ အတူတကွ ပါဝင်ပေးခြင်းအားဖြင့် အာဇာနည်ခေါင်းဆောင်ကြီးများရဲ့ စွန့်လွှတ်အနစ်နာခံမှုကို လေးစားဂုဏ်ပြုနိုင်သလို သမိုင်းကိုလည်း မမေ့မလျော့ အမှတ်ရနေကြောင်း ပြသနိုင်မှာ ဖြစ်ပါတယ်။

"အောက်မေ့ခြင်းသည် မမေ့လျော့ခြင်း၏ သက်သေဖြစ်သည်။"

ပါဝင်ပေးသည့် တစ်ဦးတစ်ယောက်ချင်းစီကို အထူးကျေးဇူးတင်ရှိပါသည်။

" အရေးတော်ပုံ အောင်ရမည် "

#ရန်ကုန်ဒရုန်း

#ဇူလိုင်၁၉
Milk Tea Yangon

11/07/2026

📢 ပြည်သူများသို့ လုံခြုံရေးသတိပေးချက်။

ရက်စွဲ – ၁၁ ဇူလိုင် ၂၀၂၆

မိဘပြည်သူများခင်ဗျာ .....

လက်ရှိကာလအတွင်း ကလေးသူငယ်များအပါအ၀င် အမျိုးသားများ နှင့်အမျိုးသမီးများသည် စစ်မှုထမ်းနှင့် လူကုန်ကူးမှုများအတွက် အတင်းအဓမ္မဖမ်းဆီးခေါ်ဆောင်သွားခံရပြီး ပျောက်ဆုံးနေကြသည့် ဖြစ်စဉ်များကို သတင်းမီဒီယာများနှင့် လူ့အခွင့်အရေးဆိုင်ရာ မှတ်တမ်းများတွင် ဖော်ပြမှုအလွန်များပြားလာသည့်အတွက် ပြည်သူများအကြား စိုးရိမ်ပူပန်မှုများ မြင့်တက်လျက်ရှိပါသည်။

ထို့ကြောင့် မိမိနှင့် မိသားစု၏ လုံခြုံရေးအတွက် အောက်ပါအချက်များကို အထူးဂရုပြု ဆောင်ရွက်ကြပါရန် မေတ္တာရပ်ခံအပ်ပါသည်။

ဆောင်ရန် .....

- မလိုအပ်ဘဲ ညအချိန်နှင့် လူအသွားအလာနည်းသော နေရာများသို့ တစ်ဦးတည်း သွားလာခြင်းကို ရှောင်ကြဉ်ပါ။

- အပြင်ထွက်သည့်အခါ မိသားစု သို့မဟုတ် ယုံကြည်ရသူတစ်ဦးကို သွားမည့်နေရာနှင့် ပြန်လာမည့်အချိန်အား ကြိုတင်အသိပေးထားပါ။

- ဖုန်းအားအပြည့်ရှိစေရန် ဂရုပြုသတိထားပြီး အရေးပေါ်ဆက်သွယ်ရမည့် ဖုန်းနံပါတ်များကို အသင့်ထားပါ။

- ညဘက် အချိန်မတော်အရေးပေါ်အခြေအနေအရ အပြင်သွားလာရန် လိုအပ်ပါက တစ်ဦးတည်းမသွားဘဲ ယုံကြည်ရသူများနှင့်အတူ သွားလာပါ။

- ယုံကြည်စိတ်ချရသော သတင်းရင်းမြစ်များမှ လုံခြုံရေးအခြေအနေကို ပုံမှန်စောင့်ကြည့်ပါ။

ရှောင်ရန် .......

- ကောလာဟလများနှင့် အတည်ပြုမရသေးသော သတင်းများကို ပြန်လည်မျှဝေခြင်း မပြုပါနှင့်။

- လူစုလူဝေးများ၊ အခြေအနေတင်းမာနိုင်သော နေရာများနှင့် စစ်ဆေးရေးဂိတ်များအနီးတွင် မလိုအပ်ဘဲ ရပ်နားခြင်း၊ စုဝေးခြင်းတို့ကို ရှောင်ရှားပါ။

- မိမိ၏ လက်ရှိတည်နေရာနှင့် ကိုယ်ရေးကိုယ်တာအချက်အလက်များကို လူမှုကွန်ရက်များပေါ်တွင် အချိန်နှင့်တပြေးညီ မျှဝေခြင်းမှ ရှောင်ကြဉ်ပါ။

- အရေးပေါ်အခြေအနေများတွင် စိတ်တည်ငြိမ်စွာ ဆောင်ရွက်ပြီး မိမိ၏ အသက်အန္တရာယ်ကင်းရှင်းရေးနှင့် လုံခြုံရေးကို အမြဲဦးစားပေးကြပါရန် လေးစားစွာ တိုက်တွန်းအပ်ပါသည်။

"အသိရှိခြင်းသည် လုံခြုံရေး၏ ပထမခြေလှမ်းဖြစ်သည်။ သတိရှိရှိ သွားလာနေထိုင်ကြပါစို့။"

06/07/2026

"ငလျင်ဒဏ်မခံနိုင်လို့" ဆိုတဲ့ အကြောင်းပြချက်နဲ့ နိုင်ငံတစ်ဝှမ်းက ဗိုလ်ချုပ်အောင်ဆန်းရုပ်ထုတွေကို ညအချိန် လူမသိ၊ သူမသိ တိတ်တိတ်လေး ဖျက်ဆီးပစ်နေကြတယ်။

ဒါပေမဲ့ နောက်ပိုင်းမှာတော့ "ငလျင်ဒဏ် ကြောင့် မဟုတ်ဘဲ ယတြာချေဖို့အတွက် ဗိုလ်ချုပ်ရုပ်ထုတွေကို ဖျက်ဆီးပြီး မြေမြှုပ်ခိုင်းတာ" ဆိုတဲ့ သတင်းတွေက သူတို့နဲ့ နီးစပ်တဲ့ စစ်အသိုင်းအဝိုင်းကနေ ထွက်ပေါ်လာခဲ့တယ်။ အဲဒီသတင်းတွေ ထွက်လာပြီးနောက်မှာတော့ သူတို့အချင်းချင်းတောင် ခေါင်းစားကုန်ကြပြီ တချို့က မလုပ်စေချင်ကြဘူး တချို့ကတော့ သမိုင်းကို ဖျောက်ပစ်ချင်ကြတယ်။ ဒါပေမဲ့ စစ်ကောင်စီရဲ့ အမိန့်ကိုတော့ ဘယ်သူမှ မလွန်ဆန်ရဲကြဘူး။

ဘာအကြောင်းပြချက်ပဲဖြစ်ဖြစ် သမိုင်းဆိုတာ ဖျက်လို့မရဘူး။ ရုပ်ထုကို ဖြိုဖျက်လိုက်ရုံနဲ့ လူတစ်ယောက်ရဲ့ သမိုင်းနဲ့ သူလုပ်ခဲ့တဲ့ အရာတွေ ပျောက်ကွယ်သွားမှာ မဟုတ်ဘူး။

Milk Tea Yangon

20/06/2026

🌹 ဇွန်လ ၁၉ ရက် အမေစု၏ ၈၁ နှစ်ပြည့် မွေးနေ့အထိမ်းအမှတ် အလှူအစီအစဉ်

အမေစု၏ ၈၁ နှစ်ပြည့် မွေးနေ့အထိမ်းအမှတ်အဖြစ် Milk Tea Yangon မှ လတ်တလောစား၀တ်‌နေရေး အခက်အခဲကိုဖြေရှင်းရန် လိုအပ်နေသော တက်ကြွလှုပ်ရှားမိသားစုများနှင့်CDMမိသားစု စုစုပေါင်း အိမ်ထောင်စု ၈ စုအတွက် ဆန်နှင့်စားသုံးဆီထောက်ပံ့ခဲ့ပြီဖြစ်ကြောင်း အသိပေးအပ်ပါသည်။

ဤအလှူအစီအစဉ်သည် မွေးနေ့အမှတ်တရတစ်ခုအဖြစ်သာမက လက်ရှိအချိန်တွင် အခက်အခဲများနှင့်ရင်ဆိုင်နေရသောပြည်သူများအတွက် မျှဝေကူညီခြင်း ဖြစ်ပါသည်။

အလှူငွေများ ပါဝင်လှူဒါန်းပေးခဲ့ကြသော အလှူရှင်တစ်ဦးချင်းစီအား Milk Tea Yangon မှအထူးကျေးဇူးတင်ရှိပါသည်။ ယခုPost နှင့်အတူ အလှူရှင်များ၏အမည်စာရင်းနှင့် ပါ၀င်အားဖြည့်သည့်ငွေပမာဏများပူးတွဲဖော်ပြလိုက်ပါသည်။

Ma RQ - 30,000 MMK
Gold Pisi - 100,000 MMK
မနှင်းဆီ - 400 THB
HUK - 50,000 MMK
April Zaw Gyi - 50,000 MMK
Sayar Kyaw - 1,000 THB

🌹 "မွေးနေ့အတွက် ပန်းတစ်ပွင့်ထက် လိုအပ်နေသူတစ်ဦး၏ အပြုံးကပိုပြီးအဓိပ္ပါယ်ရှိပါတယ်"

လေးစားစွာဖြင့်
Milk Tea Yangon

Milk Tea Yangon

09/08/2026

08/08/2026

05/08/2026

31/07/2026

27/07/2026

19/07/2026

18/07/2026

11/07/2026

06/07/2026

20/06/2026

Address

Website

Alerts

Shortcuts

Share

Category

Listing takedown request