Marketing Village

29/06/2021

ဘယ်လို Content အမျိုးအစားတွေတင်ပြီး သင့် page Engagement တက်လာအောင်လုပ်နိုင်မလဲ။

page ကို ကိုယ်တိုင်ပဲ စီမံပြီးလုပ်ကိုင်နေရတဲ့ အသေးစားလုပ်ငန်းရှင်တွေ၊ online business သမားတွေအနေနဲ့ တစ်ပတ်နဲ့ တစ်ပတ် content တွေမထပ်အောင်၊ page မှာရှိတဲ့ follower တွေနဲ့ engage ဖြစ်နေအောင် စဥ်းစားရင်း ခေါင်းခြောက်နေရတယ် ဆိုရင် အခု marketing village က ရှဲပေးမယ့် ဒီ post က သင့်တို့အတွက် အိုင်ဒီယာတွေ၊ အကြံတွေ အများကြီးရစေမှာပါ။

Page မှာ အမြဲတမ်းရောင်းတဲ့ post တင်နေတာမျိုးထက်၊ သင့် page မှာရှိတဲ့ follower တွေအတွက် အကျိုးရှိစေမယ့် တစ်ခြား ပိုစ်တွေ၊ သတင်းလေးတွေ တင်ပေးမယ့်ဆိုရင် သင့် follower တွေအနေနဲ့ လည်း သင်နဲ့ အမြဲ engage ဖြစ်နေမှာဖြစ်ပါတယ်။

၁) Blogs

လုပ်ငန်း တွေတော်တော်များများအနေနဲ့က page မှာ သက်ဆိုင်ရာ ကုန်ပစ္စည်း၊ ၀န်ဆောင်မှုနဲ့ ပတ်သတ်ပြီး customer တွေကို educate လုပ်နိုင်မယ့် Blog post လေးတွေ အများဆုံးတင်ကြပါတယ်။ တင်ပေးလိုက်တဲ့ Blog တွေကို like လုပ်ရင်း၊ share ရင်းနဲ့ ကုန်ပစ္စည်း၊ ၀န်ဆောင်မှုကို လူများများ သိသွားကြတာများလို့ Blogs ကတော့ page မှာ မဖြစ်မနေတင်သင့်တဲ့ content မျိုးဖြစ်ပါတယ်။

ဥပမာသင့်အနေနဲ့ အလှကုန်နဲ့ ပတ်သတ်တဲ့ ကုန်ပစ္စည်းမျိုးကိုရောင်းတာမျိုးဆိုရင် “အသားအရေကို အထူးဂရုစိုက်နိုင်မယ့် သဘာ၀နည်းလမ်း ၅ မျိုး” တို့လို သင့် follower တွေ၊ customer တွေ အတွက် အကျိုးရှိစေမယ့် Blog လေးတွေ တင်ပေးနိုင်ပါတယ်။

၂) Videos

Videos တွေဟာ engagement အကောင်းဆုံး content အမျိုးအစားထဲမှာပါပါတယ်။ အခုနောက်ပိုင်းဆို လူစိတ်၀င်စားတဲ့ content videos တွေ၊ motion video တွေ၊ Illustration video တွေဟာဆိုရင် engagement ROI အကောင်းဆုံးလို့တောင် ပြောလို့ရပါတယ်။ Tutorial video တွေ၊ Live video တွေဟာ ဆိုရင်လည်း video ကြည့်ရတာ ကြိုက်တဲ့ audiences အတွက် အရမ်းကိုအဆင်ပြေစေနိုင်ပါတယ်။

ဒါကြောင့် လုပ်ငန်းတွေအနေနဲ့ ကြော်ငြာချင်တဲ့ ကုန်ပစ္စည်း၊ ၀န်ဆောင်မှုနဲ့ ပတ်သတ်ပြီးပဲ ဖြစ်ဖြစ်၊ ဒါမှမဟုတ် Awarness နဲ့ ပတ်သတ်ပြီး story line ကောင်းတဲ့ video တွေပဲ ဖြစ်ဖြစ် ဖန်တီးပြီး page မှာတင်သင့်ပါတယ်။

၃) Quotes

သင့်ရဲ့ page မှာ blog post တွေအပြင် Quote တွေလည်း တင်လို့ရပါတယ်။ Quote တွေဟာဆိုရင် သင့်ရဲ့ Follower တွေကို motivation၊ inspriation ပေးနိုင်သလို သင်လုပ်ငန်းနဲ့ လည်း engage ဖြစ်နေစေမှာဖြစ်ပါတယ်။

သင့်လုပ်ငန်း၊ ၀န်ဆောင်မှု၊ ကုန်ပစ္စည်းပေါ်လိုက်ပြီး Quotes လေးတွေ ရွေးချယ်ပြီးတင်နိုင်ပါတယ်။ အလှအပဆိုရင်လည်း အလှအပနဲ့ ပတ်သတ်ပြီး အောင်မြင်သူတွေ ပြောထားဖူးတဲ့ Quotes လေးတွေကို အလွယ်တကူရှာပြီး share ပေးနိုင်လို့ Quote ဟာဆိုရင်လည်း ထည့်ပြီး စဥ်းစားသင့်တဲ့ content အမျိုးအစားတစ်ခုဖြစ်ပါတယ်။

၄) Contests

Page မှာ engagement များချင်ရင် နောက်ထပ်စဥ်းစားရမှာကတော့ Contest တွေဖြစ်ပါတယ်။ Contests ဆိုရင် game ဆော့ခိုင်းတာပဲဖြစ်ဖြစ်၊ puzzles လေးတွေ ဆက်ခိုင်းတာပဲဖြစ်ဖြစ်၊ အဖြေမှန်ရွေးပြီး မဲဖောက်ပေးတာမျိုး၊ Like & Share လုပ်ခိုင်းပြီး လက်ဆောင်ပြန်ပေးတဲ့ အစီအစဥ်မျိုးတွေကို သင့်လုပ်ငန်းနဲ့ အဆင်ပြေပြီး ကိုက်ညီတာမျိုးဖန်တီးနိုင်ပါတယ်။

Contests လုပ်တာမျိုးကတော့ ၁ လမှာတစ်ကြိမ်လောက်၊ ဒါမှမဟုတ် သင့်အနေနဲ့ seasonal promotion လုပ်ပေးချင်တဲ့အချိန်မျိုးမှာ အလျဥ်းသင့်သလို အသုံးပြုနိုင်ပါတယ်။

တစ်ခုသတိပေးချင်တာကတော့ အမြဲတမ်း contest တွေလုပ်နေတာမျိုးဆိုရင် Facebook အနေနဲ့ Engagement Bait သုံးတယ်လို့ Algorithm က ယူဆပြီး သင့် page ရဲ့ normal engagement တွေကျလာနိုင်တဲ့အတွက် ဒီအချက်ကိုတော့ နည်းနည်းသတိထားရပါမယ်။

၅) Infographics
နောက်ထပ် content အမျိုးအစားတစ်ခုကတော့ Infographics တွေပဲဖြစ်ပါတယ်။ Infographics တွေကတော့ အမျိုးအစားအများကြီးရှိပါတယ်။ Survey data လို Statistical infographics မျိုး အပါအ၀င် အခြား Infographics အမျိုးအစားတွေလည်း ရှိလို့ သင့်လုပ်ငန်းနဲ့ ပတ်သတ်ပြီး ကိုက်ညီတဲ့ Inforgraphics မျိုး ရွေးချယ်ပြီး တင်နိုင်ပါတယ်။

ဥပမာဆိုရင် နှစ် ၁၀၀ အတွင်းပြောင်းလဲလာတဲ့ မိတ်ကပ်နဲ့ ၀တ်စားဆင်ယင်မှု video တွေ၊ photos တွေ ကြည့်ဖူးကြမယ် ထင်ပါတယ်။ ဒါဆိုရင် Timline Infographics ဖြစ်ပါတယ်။ ဒါကြောင့် Infographics ကလည်း သင့်အနေနဲ့ ထည့်ပြီးစဥ်းစားသင့်တဲ့ content အမျိုးအစားတစ်ခုပဲဖြစ်ပါတယ်။

၆) Testimonials

ဒီ Content အမျိုးအစားကတော့ သင့်ရဲ့ ကုန်ပစ္စည်းနဲ့ သင့်ရဲ့ အလားအလာရှိတဲ့ ၀ယ်သူအကြား ယုံကြည်မှုတည်ဆောက်ပေးနိုင်လို့ သင့် page မှာ မပါမဖြစ်တင်သင့်ထဲမှာ ပါပါတယ်။
သင့် ပစ္စည်း၊ ၀န်ဆောင်မှုကို သုံးပြီးတဲ့ ၀ယ်သူရဲ့ experiences တွေကို အခြားအလားအလာရှိတဲ့ ၀ယ်သူတွေကို ၀ယ်ချင်စိတ်ပေါ်လာအောင် လှုံ့ဆော်နိုင်ပါတယ်။

နောက်တစ်ခုက ၀ယ်သူအများစုအနေနဲ့ လည်း လူသုံးများတဲ့၊ review ကောင်းတဲ့ ပစ္စည်း၊ ၀န်ဆောင်မှုကို သုံးဖို့အတွက် အများကြီးစဥ်းစားစရာမလိုတဲ့ အတွက်ကြောင့် သင့်ရဲ့ content plan မှာ Testimonials မဖြစ်မနေထည့်ပြီး စဥ်းစားလိုက်ပါ။

၇) Website Content

ဒါကတော့ ကိုယ်ပိုင် website ရှိထားတဲ့ လုပ်ငန်းတွေအနေနဲ့ မဖြစ်မနေတင်သင့်တဲ့ content ဖြစ်ပါတယ်။ Website မှာရေးထားတဲ့ Content တွေ၊ ဖန်တီးထားတဲ့ Landing page တွေကိုလည်း Website Visitor တက်လာစေဖို့ သင့်ရဲ့ page မှာတင်နိုင်ပါတယ်။

ဒါမှပဲ သင့်အနေနဲ့ page မှာ engagement တက်ရုံသာမက website promotion လည်း တစ်ခါတည်း လုပ်နိုင်မှာဖြစ်လို့ တစ်ပတ်မှာ ၁ ခါလောက်တော့ Website Content တွေပြန် share သင့်ပါတယ်။

ဒီလောက်ဆိုရင် သင့်ရဲ့ content plan မှာပါသင့်တဲ့ content အမျိုးအစားတွေကိုသိလောက်ပြီး ဒီတစ်ပတ် ဘယ်လို content မျိုးတွေတင်ပြီး engagement တက်အောင်လုပ်မလဲဆိုတဲ့ အိုင်ဒီယာတွေ၊ အကြံဥာဏ်တွေ ရသွားလောက်မှာ အသေအချာပါပဲ။

သင့် page Growth အတွက် ထိရောက်တဲ့ Content Strategy နဲ့ Content Plan တွေ လိုအပ်နေပြီဆိုရင် Marketing Village ကိုသာ ချက်ခြင်းဆက်သွယ်လိုက်ပါ။

19/06/2021

IOS 14 ရဲ့ changes အတွက် သင့် Facebook Ad Account တွေမှာလုပ်ဆောင်ရမယ့် Action (၂) ခု။

IOS 14 နဲ့ 14 နောက်ပိုင်းတွေရဲ့ security changes တွေဟာ ကျွန်မတို့ရဲ့ Facebook Ad Campaign တွေအပေါ် အနည်းနဲ့ အများအကျိုးသက်ရောက်မှုရှိပါတယ်။ ပြည်တွင်းစျေးကွက်ကို ဦးတည်ထားတဲ့ brand တွေအတွက် အရမ်းမသိသာပေမယ့် international စျေးကွက်ကို ဦးတည်ထားတဲ့ brand တွေကတော့ အများကြီးအကျိုးသက်ရောက်မှု ရှိပါတယ်။

Facebook အနေနဲ့ ဆိုရင် ဒီအကျိုးသက်ရောက်မှုကို respond လုပ်ပေးနိုင်မယ့် Solution တွေဖြစ်တဲ့
Facebook’ SDK version အသစ်တွေ၊ App Event API တွေ၊ IOS 14 devices တွေကိုရောက်နိုင်စေမယ့် Mobile Measurement Partners တွေကို လုပ်ဆောင်ပေးနေပါတယ်။

ဒီလိုပဲ ကျွန်မတို့ business တွေအနေနဲ့လည်း ဒီ Solution တွေကို ကိုယ့်ရဲ့ Ad Account မှာ effect ဖြစ်စေဖို့ မဖြစ်မနေလုပ်ဆောင်ပေးရမှာ (၂) ခုရှိပါတယ်။

ဒါတွေကို သင့် Ad Account ရဲ့ Resource Center မှာလည်းစစ်ကြည့်လို့ရပါတယ်။

◾️ Review Pixel

ပထမဆုံးအနေနဲ့ကတော့ ကိုယ့်မှာ website ရှိတယ်ဆိုရင် အဲ့ဒီ website Pixel၊ Facebook Pixel တွေကို review ပြန်လုပ်ပေးဖို့ လိုအပ်မှာဖြစ်ပါတယ်။ Review လုပ်ပေးပြီးပြီဆိုရင် Domain Verifciation လုပ်တာတွေ၊ ပြီးတော့ Event Configure လုပ်တဲ့ process တွေကို မဖြစ်မနေလုပ်ဆောင်ပေးရမှာဖြစ်ပါတယ်။ ဒါမှပဲ Web Event တွေအတွက်ရော၊ Ad Acount ကနေ reporting လုပ်ရတဲ့အခါပိုပြီးထိရောက် နိုင်မှာဖြစ်ပါတယ်။

◾️ Review Audience

IOS 14 Changes အပြင် အခုလက်ရှိမှာက VPN သုံးပြီးကြော်ငြာနေရတာဖြစ်တဲ့အတွက် Audience Size က အများကြီး အပြောင်းအလဲဖြစ်နေတာကို ကြုံတွေ့ရမှာပါ။ ဒါကြောင့် ကိုယ့်ရဲ့ Audience တွေရဲ့ Size ကို ပြန်ပြီး Review လုပ်ဖို့လိုပါတယ်။ ဒါမှပဲ ဒီ အပြောင်းအလဲဖြစ်သွားတဲ့ Audience အပေါ်မှာ ကြော်ငြာစရိတ်ကို ပြန်သတ်မှတ်နိုင်မှာဖြစ်ပါတယ်။

ဒီအချက်နှစ်ချက်ကို လုပ်ထားမယ်ဆိုရင် IOS 14 Changes တွေက ကျွန်မတို့ရဲ့ ကြော်ငြာ campaign တွေမှာ အကျိုးသက်ရောက်မှုနည်းမှာဖြစ်လို့ အရင်လိုပဲ ကြော်ငြာ result မှာလည်း အပြောင်းအလဲမရှိပဲ Effective ဖြစ်နေစေမှာဖြစ်ပါတယ်။

သင်တို့ရဲ့ Facebook ကြော်ငြာ campaign တွေမှာ ပိုကောင်းတဲ့ ROI တွေရလာဖို့အတွက် ကျွန်မတို့ Marketing Village က ကူညီလုပ်ဆောင်ပေးဖို့အသင့်ရှိနေလို့ အသေးစိတ်ကို chatbox ကတစ်ဆင့် အချိန်မရွေးဆက်သွယ်နိုင်ပါတယ်။

16/06/2021

ဖောက်သည် အဟောင်းတွေကိုများများပို၀ယ်အောင်ဆွဲဆောင်နိုင်စေဖို့။

လက်ရှိအခြေအနေတွေကြောင့် brand တွေ၊ business တွေအနေနဲ့ customer အသစ်ရှာရတာ အရမ်းကို challenging ဖြစ်တယ်လို့ ပြောလို့ရပါတယ်။ ဒါ့အပြင် ၀ယ်သူအသစ်ရှာရတဲ့ ကုန်ကျစရိတ်က ၀ယ်သူအဟောင်းကို ဆွဲဆောင်ဖို့ ဗျူဟာချရတဲ့ ကုန်ကျစရိတ်ထက် (၃)ဆ ပိုများပါတယ်။ အချိန်တွေ၊ ၀န်ဆောင်မှုတွေလည်း အများကြီး invest လုပ်ရပါတယ်။

ဝယ်သူအသစ်တွေကိုချည်းဖိရှာနေတာ၊​ဝယ်သူအဟောင်းတွေကို မေ့ထားတာမျိုးဟာ ပလိုင်းပေါက်နဲ့ဖားကောက်သလိုပါဘဲ။

ဒါကြောင့် business တွေတော်တော်များများက ၀ယ်သူအဟောင်းကို ကိုယ့် brand နဲ့ နီးကပ်ပြီး၊ အဆက်သွယ်မပြတ်သွားစေဖို့၊ ပြိုင်ဖက်ဆီမရောက်သွားစေဖို့ ကို နည်းအမျိုးမျိုးနဲ့ ဆွဲဆောင်ထားနိုင်ဖို့လိုအပ်ပါတယ်။ တစ်ဖက်ကလည်း ဖောက်သည်အသစ်ရှာပြီး loyal ဖောက်သည်ဟောင်းဖြစ်အောင် လည်းကြိုးစားရမှာပါ။

လက်ရှိ ရှိနေပြီးသား ၀ယ်သူအဟောင်း၊ ဖောက်သည်အဟောင်းက ကိုယ့်ဆီက ထပ်ခါထပ်ခါ၀ယ်အောင်လုပ်တာမျိုး (Customer Retention) များအောင် ဘယ်လိုလုပ်နိုင်မလဲ ဆိုတာ မျှ၀ေပေးချင်ပါတယ်။

၁) Metrics & Data Analysis တွေထားပါ။

ပထမဆုံးအနေနဲ့ ၀ယ်သူဟောင်း၊ ဖောက်သည်ဟောင်းကို များများ၀ယ်စေချင်တယ်ဆိုရင် အနည်းဆုံးတော့ ဘယ်၀ယ်သူက ဘယ်လောက်ဖိုး၊ ဘယ်အချိန်က နောက်ဆုံး၀ယ်ထားလဲဆိုတဲ့ CRM Data တွေ၊ information တွေ ရှိဖို့ရယ်၊ ဒီ Data အပေါ်မူတည်ပြီး ဘယ်လောက်သုံးထားတဲ့ ၀ယ်သူ၊ ဖောက်သည်ကို ဘယ်လို Strategy နဲ့ ဘယ်လို Services နဲ့ အပိုဆောင်း၀န်ဆောင်မှု ပေးနိုင်မလဲဆိုတာ ကိုယ့်မှာရှိတဲ့ budget နဲ့ ချိန်ပြီး စဥ်းစားလို့ ရနိုင်မှာဖြစ်ပါတယ်။

၂) Customer Feedback တောင်းပါ။

၀ယ်သူ၊ ဖောက်သည်အဟောင်းတွေကို သင့် brand ဆီမှာပဲ ထပ်ခါထပ်ခါ၀ယ်စေချင်တယ်ဆိုရင် သင့်ကလည်း သင့်၀ယ်သူတွေကို ချစ်သူ၊ ရည်းစားတစ်ယောက်လို ဂရုစိုက်တတ်ဖို့လိုပါတယ်။ ကိုယ့်၀န်ဆောင်မှုမှာ ဘယ်နေရာများလိုအပ်ချက်ရှိနေလဲ၊ ဘယ်လိုလေးပြင်ဆင်လိုက်ရင် ငါ့၀ယ်သူတွေပိုအဆင်ပြေမလဲဆိုတာ သိဖို့ Customer Feedback တောင်းဖို့လိုပါတယ်။ Customer တွေကို Feedback တောင်းတဲ့အခါမှာလည်း သူတို့ရဲ့ experience ကိုလွတ်လွတ်လပ်လပ် ဖော်ပြနိုင်အောင်လည်း encouragment ပေးနိုင်ဖို့ ကြိုးစားသင့်ပါတယ်။ Customer တွေရဲ့ Feedback တွေပေါ်မူတည်ပြီး ပိုကောင်းတဲ့ ၀န်ဆောင်မှု၊ ကုန်ပစ္စည်း ပေးနိုင်အောင်ကြိုးစားနိုင်မှာဖြစ်ပါတယ်။

၃) ယုံကြည်မှုတည်ဆောက်ပါ။

သတင်းအချက်အလက် အလွယ်တကူရပြီး အပြိုင်အဆိုင်များနေတဲ့ခေတ်ကြီးမှာ ၀ယ်သူက brand တစ်ခုကနေ နောက်တစ်ခုကို ပြောင်းသုံးဖို့ အရမ်းကိုလွယ်ကူပါတယ်။ ၀ယ်သူ၊ ဖောက်သည်က သင့် Brand မှာပဲအမြဲရှိနေဖို့ဆိုရင် သင့် brand နဲ့ ၀ယ်သူ၊ ဖောက်သည်ကြားမှာ ခိုင်မာတဲ့ ယုံကြည်မှု တည်ဆောက်နိုင်အောင် ကြိုးစားသင့်ပါတယ်။ သင့် brand အနေနဲ့ ၀န်ဆောင်မှုတွေ၊ ကုန်ပစ္စည်း အရည်အသွေးကို consistancy ရှိပြီး ၀ယ်သူတွေအတွက် တစ်ကယ်ကို အကျိုးများစေမယ်ဆိုရင် သင့် brand နဲ့ ၀ယ်သူ၊ ဖောက်သည်အကြား ယုံကြည်မှုခိုင်မာလာစေမှာပါ။

၄) မကြာခဏ အဆက်အသွယ်လုပ်ပါ။

သင့်ဖောက်သည်၊ ၀ယ်သူနဲ့ အဆက်အသွယ် မပြတ်ဖို့ အရေးကြီးပါတယ်။ ဒီလို အဆက်အသွယ်မပြတ် ရှိနေစေဖို့ ဆိုရင် “Customer Communication Calender” တစ်ခုထားပြီးတော့ ဘယ်သူ့ကိုတော့ ဘယ်အချိန်မှာ ဘယ်နည်းနဲ့ အဆက်အသွယ်လုပ်ရမယ်ဆိုတာမျိုး တစ်ခါတည်း plan ချထားလို့ ရပါတယ်။ Email Marketing နဲ့လည်း ဆက်သွယ်လို့ရသလို၊ အခြား exclusive program လေးတွေ လုပ်ပြီးတော့ လည်း ဖောက်သည်နဲ့ အမြဲ အဆက်အသွယ်လုပ်နေလို့ရပါတယ်။

၅) Exclusive Program တွေလုပ်ပါ။

ဖောက်သည်အဟောင်းတွေ အတွက် သီးသန့် Exclusive Program လေးတွေလုပ်ပေးပါ။ တစ်ချို့ brand တွေဆို ၀ယ်အား ဘယ်လောက် amount ရှိတဲ့ ၀ယ်သူတွေအတွက်ဆို ဘယ်လို program၊ စသည်ဖြင့် Exclusive Program လေးတွေလုပ်ပေးလေ့ရှိတော့ ၀ယ်သူတွေကလည်း များများ၀ယ်ချင်ကြတာပေါ့။ အထူးသဖြင့် B2B ကိုဦးစားပေးပြီး လုပ်ကိုင်နေတဲ့ Brand တွေဆိုရင် သူတို့ agent တွေအတွက် exclusive programs တွေအနေနဲ့ ကျေးဇူးတင်လွှာလိုမျိုး၊ ခရီးစဥ် လက်ဆောင်အစရှိတာလေးတွေ လုပ်ပေးတာကို တွေ့ရမှာပါ။ ဒီလိုလုပ်ချင်းအားဖြင့် အခြားသူတွေအနေနဲ့လည်း များများထပ်ပြီး ၀ယ်ဖို့ encouragement ရတာပေါ့။

Revenue Growth ဖြစ်ဖို့ အတွက်၊ cost သက်သာပြီး profit များဖြစ်အတွက်ဆိုရင် ၀ယ်သူ၊ဖောက်သည်အဟောင်းကို များများဆွဲဆောင်ဖို့၊ Customer Retention Rate မြင့်ဖို့ လိုအပ်လို့ ဒီအချက်တွေကို လုပ်ကြည့်မယ်ဆိုရင် ခက်ခဲနေတဲ့ ဒီလိုအခြေအနေမျိုးမှာတောင် ရောင်းအား level တစ်ခုကို ထိန်းထားနိုင်မှာဖြစ်ပါတယ်။

09/06/2021

Facebook ကို VPN သုံးပြီး ကြော်ငြာတဲ့အခါ ဘာတွေအပြောင်းအလဲရှိနိုင်မလဲ။

လတ်တလော Facebook Advertising လုပ်နေသူတွေ အဓိကကြုံနေရတဲ့ အခက်အခဲကတော့ Facebook Ads တွေကို VPN သုံးပြီး run ရင် တစ်ကယ်ပဲ Target ထားချင်တဲ့ Audience ကိုရောက်ရဲ့လား။ ကိုယ်လိုချင်တဲ့ ရလာဒ်မျိုးရရဲ့လား ဆိုတာပဲဖြစ်ပါတယ်။

ဒါနဲ့ ပတ်သတ်ပြီး marketing village ကနေ တာ၀န်ယူပြီးဆောင်ရွက်ပေးနေတဲ့ ကြော်ငြာ Campaigns တွေရဲ့ experiments တွေပေါ်မူတည်ပြီး ဘာတွေအပြောင်းအလဲရှိနိုင်မလဲ၊ ဘာတွေသိထားသင့်လဲဆိုတာမျှ၀ေပေးလိုက်ပါတယ်။

၁) Market Size

အရင်က target ထားတဲ့ Save Audience တွေကိုပြန်ကြည့်ရင် market size အပြောင်းအလဲရှိနေတာကို တွေ့ရပါလိမ့်မယ်။ ဥပမာ အရင်တုန်းက Location က Yangon ရွေးထားတဲ့ ကိုယ့်ရဲ့ Save Audience က ၄၀၀,၀၀၀ ရှိတယ်ဆိုရင် အခု ၂၅၀,၀၀၀ ကနေ ၃၀၀,၀၀၀ ၀န်းကျင် (Behavior) အရ အပြောင်းအလဲရှိတာမျိုးကိုတွေ့ရပါလိမ့်မယ်။

ဒါပေမယ့် Market Size အပြောင်းအလဲက သင့်အတွက်ပြဿနာမဟုတ်ပါဘူး။ အဓိက သတိထားရမှာက ဒီ market size ကို run မယ့် ကြော်ငြာရဲ့ budget ကိုချိန်တတ်ဖို့ပဲဖြစ်ပါတယ်။ အရင်ထက်နည်းသွားတဲ့ market size ကို အရင်တုန်းက သုံးတဲ့ budget ပဲသုံးမယ်ဆိုရင် ကြော်ငြာ Frequency ထပ်လာပြီး ကိုယ့်ကြော်ငြာက ဒီ၀ယ်သူကိုပဲ ခဏခဏ၊ အကြိမ်ကြိမ်ပြန်ပြနေတာမျိုး Audience ထပ်တာမျိုး ကြုံလာရနိုင်ပြီးတော့ ရလာဒ်နည်းသွားစေနိုင်တဲ့ အတွက် ကြော်ငြာ မစခင်မှာ market size နဲ့ budget ကိုချိန်တတ်ဖို့ အရမ်းကိုအရေးကြီးပါတယ်။

၂) Geographical Changes

VPN နဲ့ သုံးနေရတဲ့ Target Audience ကိုကြော်ငြာရတာဖြစ်တဲ့အတွက်ကြောင့် Geographic အပိုင်း၊ Location ရွေးရတာနဲ့ ပတ်သတ်ပြီး အပြောင်းအလဲရှိပါတယ်။ ဒီနည်းအတွက် ဖြေရှင်းနည်းရှိပါတယ်။

အရင်ကရွေးထားတဲ့ Save Audience ကို ပြန်သုံးရင် market size အပြောင်းအလဲပဲရှိပေမယ့် Location ပြန်းချိန်းစရာမလိုပဲ ကြော်ငြာ run နိုင်ပါတယ်။ ဘာလို့လဲဆိုရင် Save Audience ကို Facebook ရဲ့ Algorithm ကမှတ်ထားပြီးသား ဖြစ်လို့ အရမ်းကြီးအပြောင်းအလဲ မဖြစ်ပါဘူး။ ဒါကြောင့် ကိုယ် လိုချင်တဲ့ Target Audience ဆီရောက်အောင် ကြော်ငြာနိုင်မှာဖြစ်လို့ ရလာဒ်ပိုင်းမှာလည်း အရမ်းပြောင်းလဲတာမျိုး မရှိပါဘူး။

အကယ်လို့ ကိုယ်က custom audience အသစ်ရွေးမယ်ဆိုရင်တော့ အရင်လို “People living in this location” ကို မရွေးပဲ “People Living In or recently in this Location” နဲ့ ရွေးနိုင်ပါတယ်။ ဒါဆိုရင် ကိုယ့် Target Audience က VPN သုံးပြီး ဘယ်နိုင်ငံရောက်နေမလဲ ဆိုတာမျိုး အရမ်းစဥ်းစားနေစရာမလိုတော့ပါဘူး။

၃) Impression & Frequency Changes

VPN နဲ့ ကြော်ငြာရတာဖြစ်လို့ Impression နဲ့ Frequency အပြောင်းအလဲရှိပါတယ်။ များသောအားဖြင့် impression က သက်ရောက်မှု သိပ်မရှိပေမယ့် Frequency ကတော့ ကြော်ငြာအပေါ် အများကြီးကို သက်ရောက်မှု ရှိပါတယ်။

Frequency ဆိုတာ ကိုယ့်ရဲ့ ကြော်ငြာကို ၀ယ်သူတစ်ယောက်ချင်းစီကို တစ်ပတ်အတွင်းပြတဲ့ ကြိမ်နှုန်းပဲ ဖြစ်ပါတယ်။ market size အပေါ်မူတည်ပြီး Frequency အပြောင်းအလဲသက်ရောက်မှုရှိပါတယ်။

အရင်ကတည်းက Reach & Engagement Campign တွေကို Frequency Cap နဲ့ Control လုပ်လို့ရပေမယ့် Message Campaign တွေအတွက်တော့ Frequecny Control လုပ်လို့ မရပါဘူး။​ Facebook ကြော်ငြာတိုင်းရဲ့ ပျမ်းမျှ Frequency နှုန်းက ၃ ကြိမ် ကနေ ၄ ကြိမ်အထိရှိပါတယ်။ ၀ယ်သူတစ်ယောက်က ကိုယ့်ရဲ့ ကြော်ငြာကို အနည်းဆုံး တစ်ပတ်အတွင်းမှာ ၃ ကြိမ်ကနေ ၄ ကြိမ်အထိ တွေ့ရမယ်လို့ ဆိုလိုတာပါ။

အခုကတော့ VPN နဲ့ သုံးရလို့ market size ပြောင်းသွားတဲ့ အခါ Frequency နှုန်းတက်လာတာမျိုး ဖြစ်နိုင်ပါတယ်။ ၀ယ်သူတစ်ယောက်ကို တစ်ပတ်ထဲ ၅ ကြိမ်၊ ၆ ကြိမ်ပြနေမယ်ဆိုရင် ကြော်ငြာက reach များများမရောက်တော့တာမျိုး ဖြစ်နိုင်လို့ ဒါက အရေးကြီးတဲ့ changes ဖြစ်ပါတယ်။

ဒါကို control လုပ်နိုင်ဖို့ကတော့ 60 days Engagement, 30 days Engagement တွေကို excluded လုပ်ပြီး ဖြေရှင်းမယ်ဆိုရင်တော့ Frequency ကို အနည်းအကျဥ်းတော့ ထိန်းနိုင်မှာဖြစ်ပါတယ်။

ဒါတွေလုပ်ကြည့်မယ်ဆိုရင်တော့ VPN နဲ့ ကြော်ငြာပေမယ့်လည်း အရင် result နဲ့ အများကြီး ကွာခြားမှု သိပ်မရှိပဲ အရင်အတိုင်းပဲ ရလာဒ်ကောင်းတာမျိုးတွေ့ရပါလိမ့်မယ်။

ပြောင်းလဲလာတဲ့ အခြေအနေတွေပေါ်မူတည်ပြီး ကြော်ငြာနိုင်ဖို့၊ ကြော်ငြာ ရလာဒ်တွေကောင်းဖို့ ဆိုရင်
ထိရောက်ပြီး effective ဖြစ်တဲ့ Social Media Strategies တွေ Plan တွေလိုပါတယ်။

မိတ်ဆွေတို့ရဲ့ အချိန်တွေ၊ investment တွေက တန်ဖိုးကြီးပါတယ်။ အဆင်ပြေနိုးနိုး နည်းလမ်းတွေအတွက် အချိန်ကုန်ခံ၊ ငွေကုန်ခံပြီး စမ်းသပ်စရာမလိုပါဘူး။

ဒါကြောင့် မိတ်ဆွေတို့ရဲ့ brand တွေ၊ business တွေအတွက် Social media advertising strategies တွေ Advertising Services တွေလိုအပ်နေပြီ ဆိုရင် ကျွန်တော်တို့ Marketing Village ကိုသာအမြန်ဆုံး ဆက်သွယ်လိုက်ပါ။ ကျွန်တော်တို့ ပိုကောင်းတဲ့ ရလာဒ်၊ ROI တွေဖန်တီးပေးဖို့ အသင့်ရှိနေပါတယ်။

05/06/2021

Content Marketing လုပ်ခြင်းအားဖြင့် ဘယ်လို ROI တွေရနိုင်သလဲ။

Content is the King ဆိုတဲ့ ဆိုရိုးအတိုင်း social media တွေမှာ ကိုယ့်ရဲ့ Brand ကိုလူသိများဖို့ဆိုရင် Content ကောင်းကောင်းတွေ ဖန်တီးဖို့လိုပါတယ်။ ဒီလို Content တွေဖန်တီးခြင်းအားဖြင့် ကိုယ့် brand၊ ကိုယ့် product ကိုလည်း လူသိများစေမှာဖြစ်ပါတယ်။

သင့် page မှာ တင်တဲ့ content တိုင်းဟာ သင့် brand image ကိုထင်ဟတ်စေမှာဖြစ်တဲ့ အပြင် သင့်ရဲ့ အရောင်း Revenue Growth ကိုလည်း တစ်ဖက်တစ်လမ်းက အထောက်အကူဖြစ်စေမှာပါ။
ဒါကြောင့် brand တွေ၊ business တွေ အများစုဟာ Professional Content Writing Services တွေကို အသုံးပြုပြီး Content ဖန်တီးလာကြတာကို တွေ့ရပါတယ်။

ဒီလို Content Writing Services တွေကိုသုံးပြီး Content ဖန်တီးတယ်၊ Content Marketing မှာ ရင်းနှီးမြုပ်နှံထားတယ်ဆိုရင် သင့် brand အတွက် ပြန်ရတဲ့ Return တွေရှိပါတယ်။ Content Marketing ကိုသုံးလိုက်လို့ ငွေကြေးအတိုင်းအတာတစ်ခုကုန်ကျတဲ့အတွက် ပြန်ရတဲ့ ROI တွေကို တိုင်းတတ်ဖို့ လိုအပ်ပါတယ်။

ဒါကြောင့် ဒီလို Content Marketing လုပ်ခြင်းအားဖြင့် ဘယ်လို ROI မျိုးတွေရနိုင်မလဲ။

၁) Qualified Leads

သင့်ရဲ့ Content ကို share ကြတယ်ဆိုရင် organic reach ရောက်ပြီး စိတ်၀င်စားတဲ့ လူအချို့ပါ လာပြီး Like & Follow ကြတဲ့အတွက် သင့် page မှာ သင့်အတွက် quailty ကောင်းတဲ့ potential Leads တွေ တိုးလာမှာဖြစ်ပါတယ်။

Viral ဖြစ်ပြီး relevant ဖြစ်တဲ့ content မျိုး များများဖန်တီးပြီး မားကတ်တင်းလုပ်တယ်ဆိုရင် သင့် page growth အတွက်ပါ cost သက်သာပြီး engagement rates လည်း ပိုကောင်းလာမှာဖြစ်ပါတယ်။

၂) Revenue Growth

သင့် ဆီမှာ Qualified ဖြစ်တဲ့ Leads တွေ၊ potential customer တွေများလာပြီဆိုရင် သင့် Advertising အတွက် ပိုပြီးအထောက်အကူဖြစ်လာပြီး effective ဖြစ်လာမှာဖြစ်လို့ revenue growth ကလည်း တဖြည်းဖြည်းချင်း တက်လာမှာဖြစ်ပါတယ်။

ဒါကြောင့် လုပ်ငန်းအသစ်၊ brand အသစ်တွေအနေနဲ့ဆိုရင် selling ထက် content marketing မှာပိုပြီး အာရုံစိုက်ထားဖို့လိုပါတယ်။ အချိန်တစ်ခုရောက်လာတဲ့အခါမှာ သင့်ရဲ့ content marketing က သင့် ရောင်းအားကို အများကြီးအထောက်ကူပြုလာပါလိမ့်မယ်။

၃) Cost Effectiveness

Content Marketing ကို invest လုပ်သင့်တဲ့ နောက်ထပ်အကြောင်းအရင်းတစ်ခုကတော့ marketing cost effectivness ပါပဲ။ Content Marketing လုပ်ထားတယ်ဆိုရင် Quality Leads တွေရှိနေပြီဆိုတော့ သင့်ရဲ့ advertising budget အနေနဲ့ဆိုရင် broad audience ထက်ပိုပြီး ROI ကောင်းတဲ့အတွက် သင့်အနေနဲ့လည်း cost saving အများကြီးဖြစ်တာကိုတွေ့ရမှာပါ။

၄) Credibility & Trust

Content Marketing လုပ်ခြင်းအားဖြင့် Quantity ROI တွေအပြင် Quality ROI တွေလည်း ရနိုင်ပါသေး တယ်။ Quality ROI အနေနဲ့ဆိုရင် သင့်ရဲ့ potential customer တွေဟာ သင့်ရဲ့ content တွေကြောင့် သင့် brand အပေါ် ယုံကြည်မှုလည်း ပိုမြင့်လာနိုင်သလို သင်ကိုယ်တိုင်လည်း content တွေကို သုံးပြီး သင်တည်ဆောက်ချင်တဲ့ brand မျိုးကို customer စိတ်ထဲရောက်အောင် ဖန်တီးနိုင်မှာဖြစ်ပါတယ်။

၅) Keyword Ranking

Keywords Ranking က Search Engine တွေဖြစ်တို့ Google တို့ဘာတို့မှာပဲရှိတယ်လို့ အထင်မှားတတ်ကြပါတယ်။ ဒီနေ့ခေတ်မှာဆိုရင် customer တွေဟာ သူတို့လိုအပ်တဲ့ ပစ္စည်း၊ ၀န်ဆောင်မှုကို Facebook ကနေ တစ်ဆင့်လည်း ရှာတတ်ကြပါတယ်။

ဥပမာ - Beauty products ဆိုပါစို့။ သင်က Shampoo/ Hair အစရှိတဲ့ content တွေလုပ်ထားမယ်ဆိုရင် ၀ယ်သူက Shampoo လို့ ရှာတာနဲ့ သင့် post က အရင်ဆုံးပြပေးတာမျိုးဖြစ်အောင်၊ သင့် page ကို suggestion ပေးအောင် သင် အသုံးပြုချင်တဲ့ စကားလုံးတွေသုံးပြီး content marketing လုပ်ထားနိုင်ပါတယ်။

Content Marketing က ချက်ခြင်းလုပ်၊ ချက်ခြင်း result ရတဲ့ campaign ပုံစံမျိုးလို့ စဥ်းစားတာထက် ရေရှည် ရင်းနှီးမြုပ်နှံသင့်တဲ့ Brand Asset တစ်ခုအနေနဲ့ စဥ်းစားဖို့ လိုပါတယ်။ ဒါမှပဲ content marketing ကနေပြီး ပိုကောင်းတဲ့ ရလာဒ် ROI တွေရလာမှာဖြစ်ပါတယ်။

သင့်လုပ်ငန်းအတွက် viral ဖြစ်တဲ့ Content Ideas တွေလိုအပ်နေပြီဆိုရင် ကျွန်တော်တို့ Marketing Village က အဆင်သင့်ရှိပါတယ်။

Content Ideas တွေအပြင် ထိရောက်စေမယ့် Content Strategy တွေပါ သိသွားမှာဖြစ်လို့ Content အတွက်ဆိုရင် အခုပဲ Marketing Village ကိုဆက်သွယ်လိုက်ပါ။

01/06/2021

With passion and expertise in digital marketing and creatives, the team Marketing Villagers are ready to creat brand that stand last and better .

31/05/2021

Marketing Magic is on the way now.

visit - www.marketing-village.com

Subscribe and Get the latest marketing trends and special offers for your business.

To create brands that people love and make businesses grow, Marketing Village is coming soon to provide fully digital marketing services.

29/05/2021

သင့် Facebook Ads အတွက် မှန်ကန်တဲ့ Target Audience ရွေးပြီး ပိုကောင်းတဲ့ ရလာဒ်ဖန်တီးပါ။

ကြော်ငြာတစ်ခု အောင်မြင်ဖို့၊ ROI ကောင်းကောင်းရဖို့၊ cost သက်သာဖို့ဆိုရင် creative ideas မှန်ဖို့လည်း လိုအပ်သလို သင်ကြော်ငြာကို ပြချင်တဲ့ Target Audience မှန်ဖို့လည်းလိုပါတယ်။

Creatives တွေ၊ Content တွေတောကတော့ အရမ်းကောင်းနေပမယ့် ကိုယ့်ဆီကိုရောက်လာတဲ့ inquiry message တွေ၊ engagment တွေက မမှန်ဘူးဆိုရင် ဒီကြော်ငြာက အောင်မြင်တယ်၊ ROI ကောင်းတယ်လို့ ပြောလို့မရသလို junk lead တွေဖြစ်လာတဲ့ အခါမှာလည်း အရောင်းထိခိုက်စေပြီး အရောင်းသမားတွေကို ခေါင်းကိုက်စေပါလိမ့်မယ်။

ဒါကြောင့် မှန်ကန်တဲ့ Target Audience ရွေးနိုင်ဖို့ အရမ်းအရေးကြီးပါတယ်။ ဒါဆို Facebook Ads အတွက် မှန်ကန်တဲ့ Target Audience ကို ဘယ်လိုရွေးကြမလဲ၊ ဘာတွေလုပ်ကြမလဲဆိုတာ လေ့လာကြည့်ရအောင်။

၁) Customer Personas ရေးပါ။

သင့်ရဲ့ ၀ယ်သူအမှန်ဆီကို ရောက်အောင်ကြော်ငြာဖို့ဆိုရင် ပထမဆုံးအနေနဲ့ သင့်၀ယ်သူအမှန်တွေက ဘယ်သူလဲ ဆိုတာတော့ ကိုယ်တိုင်ရှင်းလင်းရပါမယ်။ ဘယ်သူတွေက သင့် ၀ယ်သူလဲ၊ ဘယ်မှာရှိလဲ၊ Income Level ဘယ်လောက်ရှိတယ်၊ ဘာတွေ ကြိုက်တတ်လဲ။ ဘယ်လို media တွေသုံးပြီး သူတို့ဆီရောက်အောင် ကြော်ငြာဖို့ အတွက် သူတို့ကို နားလည်ထားဖို့ လိုတဲ့အတွက် သင်ကိုယ်တိုင် ရှင်းလင်းပြတ်သားတဲ့ Customer Personas ရေးထားသင့်ပါတယ်။ ဒါမှပဲ သင့် audience တွေအကြိုက်တွေ့စေမယ့် ကြော်ငြာတစ်ခုဖန်တီးနိုင်မှာဖြစ်ပြီး Audience ရွေးတဲ့အခါလည်း သင့်အတွက်ပိုပြီး လွယ်ကူစေမှာဖြစ်ပါတယ်။

၂) Audience အမျိုးအစားတွေ အရင်နားလည်အောင်လုပ်ပါ။

Facebook မှာဆိုရင် Audience (4) မျိုးရှိပါတယ်။

❶ Core Audience
❷ Custom Audience
❸ Lookalike Audience
❹ Special Ads Audience

ဆိုပြီး ရှိတဲ့အထဲမှာမှ လုပ်ငန်းတွေအများစု သုံးကြတာကတော့ Core, Custom နဲ့ Lookalike Audience တွေဖြစ်ပါတယ်။ Special Ads Audience ကတော့ Special Ads Category အတွက်သုံးတာများပါတယ်။

ဥပမာ - အသုံးများတဲ့ Core Audience ဆောက်မယ်ဆိုပါစို့။ Core Audience ဆောက်မယ်ဆိုရင်
သင့် Target Audience ရဲ့ အသက်အရွယ်၊ ကျား/မ၊ အလုပ်အကိုင်အစရှိတဲ့ Demographic infos တွေရွေးရမယ်။ Location ရွေးရမယ်။ ပြီးရင် သူတို့ ဘာတွေစိတ်၀င်စားလဲဆိုတဲ့ Interest တွေ၊ သူတို့ ရဲ့ Digital Activities တွေ၊ Behaviros တွေ သေချာရွေးရမယ်။ ပြီးရင်သုံးမယ်ပေါ့။

ဒီလိုပဲ Core ကိုဘယ်အချိန်မှာသုံးသင့်ပြီး၊ Custom ကို ဘယ်လိုအခြေအနေမျိုးမှာသုံးသင့်တယ်။ Lookalike ကို ဘယ်လိုနေရာမျိုးမှာသုံးလဲဆိုတာတော့ အသေးစိတ်နားလည်ထားသင့်တယ်။ ဒါမှ သင့်brand အနေနဲ့ ဘယ်အချိန်မှာဘယ်လို Audience မျိုးသုံးရင် Result ပိုကောင်းမလဲဆိုတာမျိုးသိနိုင်မှာဖြစ်ပါတယ်။

၃) Marketing Funnel အဆင့်ချင်းစီတိုင်းအတွက် Audience ဆောက်ပါ။

နောက်တစ်ခုက သင့်အနေနဲ့ Marketing Funnel အဆင့် တစ်ဆင့်ချင်းစီတိုင်းအတွက် audience ဆောက်ဖို့ လိုပါတယ်။

◾️Awareness
◾️Interest
◾️Desire
◾️Action
◾️Loyalty

အစရှိတဲ့ Stage တစ်ခုချင်းစီအတွက် “cold audience, warm audience, hot Audience ဆိုပြီး ကြော်ငြာ run လို့ ရပါတယ်။

ဥပမာပြောရရင် - brand awareness အတွက် Reach Campaign များများ run ပြီး “Cold Audience”စုမယ်။ အဲ့ဒီစုထားတဲ့ Audience ကိုပဲ သင့် website က Blog ကိုပဲ ဖြစ်ဖြစ်၊ ဒါမှမဟုတ် သင့် page က content ကောင်းကောင်းကိုပဲ ဖြစ်ဖြစ် ထပ်ကြော်ငြာလိုက်ရင် ဒီ audience က warm ဖြစ်လာပြီ။ သင့် brand နဲ့ နီးစပ်နေပြီဖြစ်တဲ့ ဒီ warm audience ကိုမှ product ကြော်ငြာပြမယ်ဆိုရင် သူအနေနဲ့ ၀ယ်ယူဖို့ အတွက် အများကြီး စိတ်၀င်စားမှုရှိနေပြီး ၀ယ်ယူမှုကိုပြုလုပ်မှာဖြစ်ပါတယ်။

ဒီလို run ခြင်းအားဖြင့် ကြော်ငြာစရိတ်လည်း သက်သာမယ်။ မှန်ကန်တဲ့ audience ဆီလည်းရောက်မယ်။ အရောင်းအတွက် quality ကောင်းတဲ့ ၀ယ်သူ၊ဖောက်သည်ကိုလည်းရမှာဖြစ်သလို ရောင်းအားလည်းတက်လာမှာဖြစ်ပါတယ်။

၄) Audience Testing လုပ်ပါ။

မှန်ကန်တဲ့ audience ရဖို့ဆိုရင် audience အမျိုးမျိုးကို စမ်းသပ်ကြည့်ဖို့လိုပါတယ်။ ကိုယ့် product အတွက် target ထားထားတဲ့ audience ကို နှစ်မျိုးလောက် ဖန်တီးပြီးတော့ ဘယ် audience က result ပိုကောင်းမလဲဆိုတာ စမ်းသပ်ကြည့်ဖို့လိုပါတယ်။

ဥပမာဆိုရင် Facebook ကြော်ငြာတွေမှာ A/B testing လုပ်လို့ရပါတယ်။ ဒီမှာ creatives ကိုလည်းစမ်းလို့ရသလို၊ audience ကိုလည်း စမ်းသပ်ကြည့်လို့ရတယ်။ ကြော်ငြာတစ်ခုကို မတူညီတဲ့ audience နှစ်ခုကို run ပြီး ၃ ရက်လောက်ကြာရင် result ကို comparision လုပ်ပြီး ရလာဒ်ပိုကောင်းတဲ့ audience ကိုရွေးမယ်ဆိုရင် ကြော်ငြာစရိတ်က အများကြီးသက်သာသွားပါလိမ့်မယ်။

၅) Data စုပါ။

ရလာဒ်ကို နှိုင်းယှဥ်ဖို့၊ ဘယ် audience က ပိုကောင်းလဲ၊ ထိရောက်လည်းလို့ ဆုံးဖြတ်နိုင်ဖို့ ဆိုရင် Data လိုပါတယ်။ နောက်တစ်ခုက target မှန်သွားပြီဆိုရင်လည်း ဒီ၀ယ်သူတွေနဲ့ အမြဲမပြတ်ဆက်သွယ်နိုင်ဖို့ Data လိုတယ်။

ဘယ်လို Data တွေလိုမလဲဆိုရင်တော့ business တွေ၊ brand တစ်ခုချင်းစီရဲ့ ပုံစံနဲ့ ကွာခြားမှုရှိပါတယ်။
ဒါပေမယ့်လည်း အဓိကကျတဲ့ အခြေခံ Data, measurements တွေတော့ ရှိပါတယ်။

ဥပမာဆိုရင် - မက်ဆေ့ ကြော်ငြာ campaign တစ်ခုမှာဆိုရင် “Cost per result, Reach, Impression, Frequency၊ Result စတာတွေကို Sales Data ဖြစ်တဲ့ revenue၊ no. of customer လိုမျိုးနဲ့ ချိတ်ထားမယ်ဆိုရင် ဒီကြော်ငြာမှာ cost ဘယ်လောက်သုံးရင် ဘယ်လောက် result ရလာလဲ။ performance ဘယ်လိုရှိတယ်ဆိုတာမျိုးကို evaluate လုပ်နိုင်မှာဖြစ်လို့ Data စုဆောင်းပါ။

Data တွေစုပြီး performance တွေ comparison လုပ်နိုင်မယ်ဆိုရင် ကိုယ့်အတွက် ဘယ် audience က ဘယ်လောက် result ရနိုင်လဲဆိုတာ ထင်သာမြင်သာရှိမှာဖြစ်ပါတယ်။

ဒီအချက်တွေကို သေချာလုပ်ကြည့်မယ်ဆိုရင် ကြော်ငြာစရိတ်သက်သာပြီး၊ ပိုကောင်းတဲ့ ရလာဒ်တွေရလာမှာ အသေချာပါပဲ။ ဒါကြောင့် ဒီအချက်တွေသုံးပြီး မှန်ကန်တဲ့ target audience ရွေးပြီး အရောင်းမြှင့်တင်နိုင်မှာဖြစ်ပါတယ်။

Facebook Advertising နဲ့ ပတ်သတ်တဲ့ Tips & Tricks တွေနဲ့ ပတ်သတ်ပြီး ကျွန်တော်တို့ marketing village ကနေ ကြုံထားဖူးတဲ့ experience ပေါ်မူတည်ပြီး အမြဲမျှ၀ေပေးနေမှာမို့လို page ကို like & follow လုပ်ထားလိုက်ပါနော်။

26/05/2021

Facebook Advertising လုပ်တော့မယ်ဆိုရင် မဖြစ်မနေသိထားသင့်တဲ့အချက်များ။

သင့် brand ကိုလူများများသိစေဖို့၊ product အသစ်ပေါက်ချင်လို့၊ engagement များများရချင်လို့ အစရှိတဲ့ မတူညီတဲ့ ရည်ရွယ်ချက်တွေနဲ့ ကျွန်တော်တို့ brand တွေ၊ business တွေဟာ Facebook မှာ ကြော်ငြာကြပါတယ်။

ဒီလိုကြော်ငြာမယ်၊ Ads Run မယ်ဆိုရင် design လုပ်၊ content ရေးပြီး၊ audience ရွေးပြီး ကြော်ငြာလိုက်တာအပြင် အခြားသိထားသင့်တဲ့ အရာတွေလည်း အများကြီးရှိပါတယ်။ ဆောင်သင့်၊ ရှောင်သင့်တဲ့ အကြောင်းတွေ၊ ads guidlines တွေ သေချာသိထားမှ effective ဖြစ်တဲ့ Ads ကို run နိုင်မှာဖြစ်ပြီး သင့်အတွက်ပိုကောင်းတဲ့ Return (ROI) တွေ၊ profit တွေရမှာဖြစ်ပါတယ်။

❶ Goals & Objectives

ပထမဆုံးအနေနဲ့ အရေးကြီးတာက ကြော်ငြာ run မယ်ဆိုရင် ဒီကြော်ငြာကနေ ဘယ်လိုရလာဒ်မျိုး လိုချင်တာလဲဆိုတာ သေချာရှင်းလင်းဖို့ လိုပါတယ်။ Brand Awarness လိုချင်တာလား၊ Engagement များချင်တာလဲ။ message များများ ရချင်တာလား။ ဒါတွေကို သေချာရှင်းလင်းဖို့ လိုပါတယ်။ ဒါမှ Ads Run တဲ့အခါ ကိုယ့်လိုအပ်ချက်နဲ့ ကိုက်ညီမယ့် objectives ကိုရွေးနိုင်မှာဖြစ်ပြီး ထိရောက်တဲ့ ရလာဒ်မျိုးရလာမှာဖြစ်ပါတယ်။

ဥပမာဆိုရင် ကိုယ့် product ကို လူများများဆီရောက်သွားပြီး များများသိစေချင်တယ်ဆိုရင် “Engagement” ကိုရွေးတာမျိုးထက် “Awarness” အောက်က “Reach” objective ကိုရွေးမယ်ဆိုရင် ပိုပြီး လူများများသိနိုင်ပါတယ်။

နောက်တစ်ခုက ဒီလိုမျိုးဆိုရင် “Auction” Campaign နဲ့ run တာမျိုးထက် “Reach & Frequency” နဲ့ run မယ်ဆိုရင် “Frequency Bid” ကိုပါ control လုပ်နိုင်မှာဖြစ်လို့ ပိုပြီး ROI ကောင်းလာစေမှာပါ။

❷ Advertising Strategy

Business တွေတော်တော်များများက ကြော်ငြာတွေအများကြီး run တယ်။ budget တွေလည်း အများကြီး သုံးပေမယ့် ပြန်ရတဲ့ ROI ကမကောင်းနေဘူး။ နည်းနေတယ်။ အဲ့လိုမျိုးတွေဖြစ်ပြီဆိုရင် သေချာတယ် Ads Strategy လိုနေပါပြီ။

အထူးသဖြင့် Control လုပ်ရတာခက်ခဲနေတဲ့ ပြင်ပအခြေအနေအပြောင်းအလဲတွေအတွက်ဆို Budget များများသုံးတာထက် ကျစ်ကျစ်လစ်လစ်နဲ့ effetive ဖြစ်စေနိုင်မယ့် Ads strategy ကပိုတောင်လို အပ်ပါလိမ့်မယ်။

ဥပမာဆိုရင် မားကတ်တင်း Funnel တွေဖြစ်တဲ့
Awareness
Consideration
Conversion

အစရှိတဲ့ Funnel တစ်ခုချင်းစီကို စဥ်းစားပြီး ငါ့ brand အနေနဲ့ Awarness များများရလာအောင် ဘာလုပ်နိုင်မလဲ။ Consideration အဆင့်မှာရော ဘယ်လိုကြော်ငြာမျိုး run သင့်လဲဆိုတာကို သေချာစဥ်းစားပြီး Strategy ချ Budgeting လုပ်မယ်ဆိုရင် ပိုကောင်းတဲ့ ရလာဒ်ရလာစေမှာပါ။

❸ ROI Measurements

သင့် ကြော်ငြာရလာဒ်ကောင်းမကောင်း ဆုံးဖြတ်နိုင်ဖို့ဆိုရင် သင်ကိုယ်တိုင်လည်း ROI measurements တွေကို ကောင်းကောင်းနားလည်ထားဖို့ လိုပါတယ်။ ကိုယ်တိုင် ကြော်ငြာလုပ်တာမဟုတ်ပဲနဲ့ အခြားလူကို ခိုင်းတာမျိုးပဲ ဖြစ်ဖြစ်၊ အေဂျင်စီကို အပ်တာမျိုးပဲ ဖြစ်ဖြစ် သင်ကိုယ်တိုင် measurements တွေနားမလည်ထားဘူးဆိုရင် Ads Report တွေကို သင်ကိုယ်တိုင် အကဲဖြတ်ဖို့ အခက်အခဲဖြစ်ပါလိမ့် မယ်။

တစ်ချို့တွေဆိုရင် ကြော်ငြာ run ထားတယ်။ ရောင်းရတယ်။ ဒါဆို အဆင်ပြေပြီလို့ သတ်မှတ် ထားပေမယ့် တကယ်တမ်းကျရင် အဲ့ထက်အများကြီးပိုသိသင့် ပါတယ်။

ဥပမာ - ကြော်ငြာ တစ်ခုကို $ 20 သုံးလိုက်တယ်ဆိုပါတော့။ message အစောင် (၂၀) ၀င်တယ်ဆိုရင် Cost Per Result အနေနဲ့ message တစ်ခုကို $ 1 ကျမယ်။ Reach က စုစုပေါင်း ဘယ်လောက်ရောက်သလဲ။ Impression ကရောဘယ်လောက်ရှိသလဲ။ ဘယ်လို Bid Strategy ကိုသုံးထားတာလဲ စတာတွေကို သေချာသိသင့်တယ်။ Impression က Reach ရဲ့ ၃ ဆလောက်ဖြစ်နေပြီ ဆိုရင် ဒီကြော်ငြာဟာ cusomter တစ်ယောက်ကို အနည်းဆုံး Frequency (3) ခါ လောက်ပြတယ်လို့ ယူဆနိုင်တယ်။ ဒါဆိို ကြော်ငြာရဲ့ result က ကောင်းလားမကောင်းလားဆိုတာ evaluate လုပ်ပြီး ပြင်သင့်တာပြင်နိုင်မယ်ဆိုရင် cost အများကြီးသက်သာနိုင်တယ်။

❹ Budgeting & Scheduling

ကြော်ငြာ မစခင်မှာ အရင်ဆုံးလုပ်သင့်တာက Budegting နဲ့ ဘယ်အချိန်စမယ်၊ ဘယ်အချိန် budget တိုးမယ်၊ ဘယ်အချိန်ရပ်မယ်ဆိုတဲ့ scheduling ကိုလုပ်သင့်ပါတယ်။

ကြော်ငြာစ Run တဲ့ အချိန်မှာ Budget ဘယ်လောက်နဲ့ run ပြီး ဘယ်နှစ်ရက်ကြာတဲ့အခါမှ performance ပေါ်ကြည့်ပြီး တိုးမလား၊ ရပ်မလား အစရှိတာတွေကြိုပြီးပြင်ဆင်ထားမယ်ဆိုရင် မလိုအပ်ပဲ marketing budget တွေပိုသုံးမိတာ၊ ကြော်ငြာဖို့ နောက်ကျတာ စောတာတွေမဖြစ်နိုင်တော့ပဲ လိုချင်တဲ့ result ကို သက်သက်သာသာနဲ့ ရနိုင်မှာဖြစ်ပါတယ်။

ဥပမာ - ကြော်ငြာက အရမ်း performance တွေ၊ result တွေကောင်းနေလို့ ကိုယ်က Budget တိုးချင်တယ်ဆိုရင် လက်ရှိ run ထားတဲ့ ကြော်ငြာစရိတ်ရဲ့ ၅% ကနေပြီး ၂၅% လောက်အထိ တစ်ပတ်ချင်းတိုးသွားနိုင်ပါတယ်။

❺ Ads Optimization

ကြော်ငြာ run ထားတာ တစ်ပတ်လောက်ရှိတဲ့အခါကျတော့ ကြော်ငြာရဲ့ result ကစျေးတွေကြီးလာတယ်။ Message ဆိုလည်း Inquiry မ၀င်တော့ဘူး။ ဒီလိုမျိုး ဖြစ်ဖူးလား။

ဒါမှမဟုတ် ကြော်ငြာက Strategy လည်း ကောင်းတယ်။ ရလာဒ်လည်း ကောင်းနေပြီ။ Target လည်းမှန်နေပြီ။ အဲ့ဒါကို budget လည်း ထပ်တိုးလိုက်ရော Result က ကမောက်ကမတွေဖြစ်သွားတယ်ဆိုတာမျိုး ကြုံဖူးကြလား။

ဒါဆို Ads Optimization ကို သေချာလေ့လာသင့်တယ်။ ကြော်ငြာ Run ထားတာပဲ Result ရလိမ့်မယ် ဆိုပြီး ပစ်ထားလို့ မရဘူး။ အပတ်တိုင်း Ads performance ကို evaluate လုပ်ပြီးရင် Ads Optimization လုပ်ရမယ်။ ဒီအဆင့်က အရမ်းအရေးကြီးလို့ မဖြစ်မနေလုပ်ကိုလုပ်ရမယ်။

ဥပမာ - ကြော်ငြာ Run ထားတာ တစ်ပတ်လောက်ဖြစ်လာပြီဆိုရင် Target မှန်ရဲ့လား ပြန်စစ်ရမယ်။ ဟုတ်ပြီ Target မှန်နေပြီဆိုရင် ကြော်ငြာနဲ့ လတ်တလော engage ဖြစ်ထားတဲ့ Audience တွေကို ခဏခဏ ထပ်ပြီး မပြနေအောင် 30 days Engagement ဖြုတ်တာ၊ ထည့်တာ စတာတွေ ပြန်လုပ်သင့်တယ်၊ ကြော်ငြာစရိတ်လျော့တာ၊ တိုးတာ တွေလည်း ပြန်လုပ်နိုင်ပြီး ကိုယ်လိုချင်တဲ့ ရလာဒ်ရဖို့ Optimize လုပ်နိုင်တယ်။

ဒီနေရာမှာ တစ်ခုသတိပေးချင်တာက ကြော်ငြာ စ runမယ်ဆိုရင် သေချာပြင်ဆင်ပါ။ စ Run ပြီး ၃ ရက် အတွင်း ကြော်ငြာကို ပြင်တာမျိုး၊ Audience ချိန်းတာမျိုး၊ Budget ချိန်းတာမျိုးလုံး၀မလုပ်ဖို့ အကြံပေးပါရစေ။ မဟုတ်ရင် Facebook Algorithum က ကြော်ငြာကို သူ့ Target ရောက်အောင် မ run နိုင်တော့ပဲ performance ကျတာမျိုးတွေ ကြုံရပါလိမ့်မယ်။

ဒီအချက် (၅) ချက်ကိုသာ သေချာလေ့လာပြီး သေချာလုပ်မယ်ဆိုရင် သင့်ရဲ့ Facebook Advertising မှာ ပိုကောင်းတဲ့ ရလာဒ်၊ ROI တွေ၊ Profit တွေရလာမှာအသေချာပဲဖြစ်ပါတယ်။

နောက်တစ်ပတ်မှာလည်း Marketing ROI တွေအကြောင်း share ပေးဦးမှာမို့လို့ Marketing Village ကို Like & See First လုပ်ထားလိုက်နော်။

18/05/2021

ဘယ်လို Project တွေကို Outsource Digital Agency တွေကို အပ်လေ့ရှိသလဲ။

Brand တွေ၊ Business တွေတော်တော်များများဟာ In-house marketing team အပြင် အခြား project တွေကို outsource Digital Marketing Agency တွေကို သုံးလေ့ရှိပါတယ်။ ဒီလို outsource agency တွေကို သုံးခြင်းအားဖြင့် cost လည်း effective ဖြစ်သလို၊ efficiency လည်း ပိုမြင့်တဲ့အတွက် ပိုကောင်းတဲ့ ရလာဒ်၊ ROI တွေလည်း ရကြပါတယ်။

ဘယ်လို project မျိုးတွေကို outsource လုပ်လို့ရမလဲ။ outsource လုပ်သင့်လဲလို့ အမေးများတဲ့ အတွက်ကြောင့် Pyxl က 2021 အတွက်လုပ်ထားတဲ့ Digital marketing Industry Report ထဲက outsource အများဆုံးလုပ်လေ့ရှိတဲ့ project တွေ အကြောင်း share ပေးလိုက်ပါတယ်။

◾️​Design
◾️Development
◾️Paid Media
◾️Content Creation
◾️Marketing Strategy
◾️Social Media Management
◾️Email/Database

အစရှိတဲ့ projects တွေကို အများဆုံး outsourcing အပ်လေ့ရှိပါတယ်။

Design တို့ content တို့မှာဆိုရင်လည်း Social Media Expert တွေက ကိုယ့် Target Audience နဲ့ ကိုက်ညီတဲ့ sense ဖန်တီးပေးနိုင်တဲ့ အတွက် သင့် Brand အတွက် impression ပိုရစေနိုင်မှာဖြစ်သလို၊ Paid Media တွေ အတွက် Strategy တွေ Tactics တွေဆိုရင်လည်း Experts တွေရဲ့ အတွေ့အကြုံနဲ့ ကျွမ်းကျင်မှုက သင့် Business အတွက် ရလာဒ်ကောင်းတွေ၊ profit တွေ ROI တွေ ဖန်တီးပေးနိုင်မှာ ဖြစ်လို့ outsource Digital Agency တွေကို သုံးပြီး သင်လိုချင်တဲ့ ရလာဒ်တွေဖန်တီးနိုင်ပါတယ်။

Design၊ Content Creation နဲ့ Social Media မှာ advertising လုပ်ဖို့ လိုအပ်နေပြီဆိုရင် Marketing Village က Digital Strategist တွေက ဆွေးနွေးပြီး Services ပေးဖို့အတွက် အဆင့်သင့် ပဲမို့ အခုပဲဆက်သွယ်လိုက်ပါ။