https://www.facebook.com/1332932680061693/

Thingangyun News, Yangon (2026)

18/03/2026

အမျိုးသားဒီမိုကရေစီအဖွဲ့ချုပ်၊ ဗဟိုအလုပ်ကော်မတီ က ပြည်ထောင်စုလွှတ်တော် နဝမအကြိမ် အစည်းအဝေးသို့ ပေးပို့သည့် သဝဏ်လွှာ

18/03/2026

လေးနာရီခြား တခါ၊ ရှစ်နာရီတခါ အဆစ်ပါ၊ တကယ်ဖြတ်မှာပါ။

Photo-internet

17/03/2026

ယနေ့မှစ၍ လျှပ်စစ်ဓာတ်အားဖြန့်ဝေခြင်း အချိန်ပိုင်းဖြင့် ပြန်ဖြစ်တော့မည်ဟု မြန်မာ့အသံက ကြေညာထားသည်။အချို့နေရာများဟုလည်း ပါသည်။

15/03/2026

ယနေ့ ညနေ ၃ နာရီခန့်မှစ၍ လေတိုက်ပြီး မိုးရွာသွန်းနေသည်။

02/03/2026

ဗင်နီဇွဲလားနိုင်ငံထံ တရုတ်သံ သွားခဲ့သည်။နောက်တရက်မကြာ ဗင်နီဇွဲလားသမ္မတကို အမေရိကန်နိုင်ငံက ကြက်ကလေးငှက်ကလေး ဖမ်းသလို ဖမ်းသွားသည်။
အီရန်၊ရုရှ၊တရုတ်တို့ ပူးပေါင်းစစ်ရေးလေ့ကျင့်ကြသည်။ရက်ပိုင်းအတွင်း အီရန်ကို အမေရိကန်တို့တိုက်ပြီး အီရန်ခေါင်းဆောင်များကို အပျောက်ရှင်းလိုက်ပြီဖြစ်သည်။
တကယ်ကို သွားမရှုပ်သင့်သူမှာ အမေရိကန်ဖြစ်ပြီး ကျန်သည့်အင်အားကြီးနိုင်ငံများကမူ မျက်နှာလွှဲ ခဲပစ်မူကို ကျင့်သုံးမြဲ ကျင့်သုံးလျှက် ရှိနေဆဲပင်ဖြစ်သည်။
နိုင်ငံတနိုင်ငံကို ကျူးကျော်စစ်ဆင်နွှဲခြင်းအား အပြင်းအထန်ရှုံ့ချသည်။
နိုင်ငံငယ်များကို မိမိအိပ်ထဲထည့်ပြီး စိတ်တိုင်းကျခြယ်လှယ်နေသည့် ယုတ်မာရိုင်စိုင်း အကြံပက်စက်သော နိုင်ငံများကို အလိုမရှိပါ။

28/02/2026

အင်အားကြီးနိုင်ငံများ၏ နိုင်ငံငယ်များအပေါ် အနိုင်ကျင့် ဗိုလ်ကျစိုးမိုးခြယ်လှယ် လူပါးဝကာ လုပ်ချင်တိုင်းလုပ်တော့မည့်သဘောကို မျက်ဝါးထင်ထင်တွေ့ရပြီဖြစ်သည်။
မိမိလက်ထဲ ငွေရှိသော်လည်း စိန်ရွှေရတနာ ဝယ်ယူခွင့် မရှိနိုင်တော့ပေ။ပတ်ဝန်းကျင်ရှိလူများ မျက်စိကျိန်းနိုင်သည့် ပစ်ချက်ဖြင့် ရာဇဝတ်ကြောင်းအရ အရေးယူမည့်သဘောကိုလည်း စက်ဆုပ်ဖွယ်ရာ တွေ့မြင်ရသည်။
စစ်အင်အား၊နည်းပညာအင်အား အစစအရာရာ မသာလွန်ပါဘဲ အဆုတ်ပွ လေထ အာသီးယောင်မိလျှင် သူခိုးရွှေပြ တပြပြလုပ်နေမိလျှင်တော့ သွားရည်တမြမြဖြင့် ကောက်ယူစားသုံးမည့် စားဖားကြီးများ၏ ဂွင်ထဲ ရောက်ရှိသွားနိုင်သည်ကိုလည်း သတိမူသင့်သည်။
ဘယ်သူ့မှ မကူညီပါ။တုတ်၊ဓား၊သေနတ်တွေနဲ့ ရန်ဖြစ်တဲ့ပွဲတခုကို ရှောင်သွားသူနဲ့ လက်ပိုက်ကြည့်နေသူ ခိုးကြည့်နေသူတို့သာ ရှိနိုင်သည်။ငါ့အသိ ငါ့ဆွေမျိုး ငါ့သွေးချင်းကွရယ်လို့ ဝင်ရောက်ကူညီမည့်သူရှားသည်။တချိန်က မင်းထိရင် ငါမခံဘူးကွလို့ တစာစာပြောခဲ့ ကတိကဝတ်များ ပေးခဲ့သူများလည်း အချိန်တန်ရင် ငါမခံဘူး ပြောပြီးသား၊ မင်းဖြစ်မင်းခံပေါ့ကွလို့ ဝိုင်းပြောကြမည်ဖြစ်သည်။
ကမ္ဘာကြီး သက်ဆိုးရှည်ပါစေလို့သာ--

26/02/2026

လင်မယားနှစ်ယောက် ရန်ဖြစ်မိ၍ ရန်ကုန်တိုင်း သင်္ဃန်းကျွန်းမြို့နယ်ရှိ ရန်ကုန်သစ်အုပ်ချုပ်ရေးမှူးရုံးရောက်ရာ မှတ်ပုံတင်သိမ်းယူခံရပြီး မှတ်ပုံတင်ပြန်သွားတောင်းသည့်အချိန် စစ်မှုထမ်းထဲပါသည်ဆိုပြီး အုပ်ချုပ်ရေးမှူးရုံးမှ လျှောက်လွှာတစောင်ထုတ်ပေးလိုက်သည့်ဖြစ်စဉ်ဖြစ်ပွားခဲ့ကြောင်း social media များ၌ ပျံ့နှံ့လျက်ရှိသည်။
ငမိုးရိပ်ရပ်ကွက်နှင့် စံပြရပ်ကွက်အကြားတွင်လည်း နေ့ခင်းကြောင်တောင် လူငယ်များများ ဆိုက်တွဲများဖြင့် ဖမ်းဆီးသည့်ဖြစ်စဉ်များလည်း ကြားသိရသည်။
စစ်မှုထမ်းကိစ္စနှင့်ပတ်သက်၍ လက်ရှိတာဝန်အကြီးဆုံးယူထားသူမှ အထောက်အထားဖြင့်တိုင်လျှင် အရေးယူပေးမည်ဟု ပြောထားသည့်ကြားက ဧည့်စာရင်းတိုင်ကြေးများတိုးမြှင့်ကောက်ခံခြင်း၊လုပ်ငန်းရှင်များအား အလှူငွေကောက်ခံခြင်းများကို ဆယ်အိမ်မှူး၊ရာအိမ်မှူးများ ဗြောင်ကျကျ လက်ရဲဇက်ရဲလုပ်လာကြကြောင်းလည်း ပြည်သူများ၏ သတင်းများပေးပို့မှုအရ သိရှိရသည်။

11/02/2026

သင်္ဃန်းကျွန်း အမက(၉)ရှိ ဆရာမတဦး၏လုပ်ရပ်နှင့်ပတ်သက်၍ ပွဲဆူနေကြပြန်သည်။
သူမက ကျောင်းတွင် စာမသင်၊ကျူရှင်တွင် စာသင်သည်။ကျောင်း၌ စာမေးပွဲတွင် ပါမည့် ပြန်လည်လေ့ကျင့်ခန်းပေးရာတွင် အောင်မှတ်ဖိုးလောက်ပါ၍ ကျူရှင်ပြန်လည်လေ့ကျင့်ခန်းထဲက ဂုဏ်ထူးမှတ်ကျော်အထိပါသည်ကို သတိမူမိသော ကျူရှင်မတက်ကျောင်းသားများ၏ မိဘတချို့က ကျူရှင်တက်သည့်ကျောင်းသားများထံမှ မိတ္တူကူးယူပြီး အိမ်၌ပြန်သင်ပေးကြသည်။
ထိုဆရာမမှာ သူ့၌ကျူရှင်မတက်သော ကျောင်းသားများ သူ့ကျူရှင်၌သင်ပေးထားသည့် စာများကို ဖြေဆိုနိုင်ပါက ထိုကလေးမိဘကို သူခိုးအမည်တပ် ပြဿနာရှာသည်ဟု ကြားသိရသည်။
ပညာရေးလောကသည် စီးပွားရေးသမားများ၏ စားကျက်သဖွယ်ဖြစ်နေသည့်အတွက် လခစားပညာ‌‌ေရးဝန်ထမ်းများအနေဖြင့် မေတ္တာရှေ့ထား လူစိတ်မွေးကြပါရန် အထူးလိုအပ်ပါသည်။
ကျန်သည့် အထကကျောင်းမှ ကျူရှင်စာအပြင်ထွက်ရင် ဓားကြိမ်းကြိမ်းသောဆရာမများ ရှိပါသေးသည်။ကျောင်းမှာ သင်ရိုးအပြည့်မသင်ပေးနိုင်ကြပါ။စာမေးပွဲနီးသည့်အခါ စာမေးပွဲ၌ ထည့်မေးမည့်စာများကို ရွေးပေးလိုက်ကြသည်။တချို့ဆရာဆရာမတို့က ရှင်းပြတွက်ပြသော်လည်း တချို့ဘာသာရပ်သင်ဆရာတချို့မှာ မေးခွန်းပေး၍ အတန်းမဝင်တော့ချေ။ကျောင်းသူကျောင်းသားအများစုမှာ စာမသင်၍ သက်သာသဖြင်ကြိုက်ကြသော်လည်း Grade11 လိုအတန်းမျိုးကို သင်ရိုးကုန်မသင်မိလျှင် Grade12၌ ကိုယ်ကျိုးနည်းကြတော့မည်ဖြစ်သည်။
မိဘများ ကိုယ့်သားသမီးကို ကျူရှင်ထားလျှင် ရေရှည်ကြည့်ပြီး ဆရာဆရာမကောင်းများကို ရွေးချယ်အပ်နှံကြပါ။ကိုယ့်သားသမီး သုံးတန်းဆိုလျှင် သုံးတန်း၌ နှစ်ပေါင်းများစွာသင်နေသော ဆရာဆရာမထံ မအပ်နှံသင့်ပါ။ကုန်ကုန်ပြောရလျှင် ပညာရေးကွင်းဆက်ပြတ်နေသော ကျောင်းဆရာဆရာမများထံ မအပ်နှံသင့်ပါ။ကိုယ့်သားသမီးGrade11ဆိုလျှင် Grade12အထိ သင်နေသော ဆရာဆရာမများထံ အပ်နှံသင့်သည်။သို့မှသာ ပညာရေးကွင်းဆက်အကျိုး ခံစားရပါမည်။ပညာရေးကွင်းဆက်ဆိုသည်မှာ ဒီစာသည် သုံးတန်းစာ လေးတန်းဆို ဘယ်လိုဖြစ်မည် ငါးတန်းဆို ဘယ်လိုပြောင်းသလဲ တခါတည်း သိသွားခြင်းဖြစ်သည်။

04/02/2026

အမှိုက်တွေကို မီးရှို့‌ချင်တိုင်း မီးရှို့၍ မရပါ။စည်ပင်က သတ်မှတ်ပေးသည့်နေရာ၌သာ မီးရှို့ရပါမည်။
အမှိုက်များအား ခြင်အကြောင်းပြ၍ မီးရှို့ခြင်း၊ချမ်းအေး၍ မီးလှုံခြင်း၊အကြောင်းအမျိူမျိူကြောင့် မီးရှို့ခြင်းအာ ရှောင်ကျဉ်သင့်ပါသည်။တချို့က နေ့စဉ်လုပ်နေကျဖြစ်၍ ဘယ်သူ့ဂရုစိုက်စရာမလိုဟုထင်ကာ အမှိုက်များမီးရှို့နေကြသည်။
မြို့တော်စည်ပင်သာယာ ပတ်ဝန်းကျင်ထိန်းသိမ်း‌ေရးနှင့်သန့်ရှင်းရေး ဥပဒေပုဒ်မ ၃၂၂-ပ ၌ ထိုအကြောင်းကို အတိအကျ ပြဌာန်းထားသည်။အမှိုက်များမီးရှို့နေခြင်းကို သက်သေအထောက်အထားဖြင့် စည်ပင်ကို တိုင်ကြား၍ရသည်။
အမြင့်ဆုံးဒဏ်ငွေ သုံးသိန်းကျပ်ဖြစ်ပြီး ထောင်ဒဏ်သုံးလပင် ကျနိုင်ပါသည်။
အမှိုက်မီးရှို့လျှင် မီးမရှို့အောင် သွားရောက်ပြောပါ။မရလျှင်တော့ ရပ်ကွက်အုပ်ချုပ်ရေးမှူးခေါ်၍ စည်ပင်ကို တိုင်ကြားကြပါ။

#လေကောင်းလေသန့်_ရှူရှိုက်ခွင့်_ရကြပါစေ
#အမှိုက်_၃၂၂_ပ

03/02/2026

2026-2027 Grade 12 တက္ကသိုလ်ဝင်တန်းအတွက် သင်ရိုးညွှန်းတမ်းများ ပြောင်းလဲကြဦးမည်ဟု ကြားသိရပြန်သည်။

01/02/2026

ယနေ့မှစ၍ စီးပွားရေးလုပ်ငန်းရှင်များအနေဖြင့် လျှပ်စစ်တယူနစ်သုံးစွဲလျှင် ၉၀၀ ကျပ်နှုန်း ကောက်ယူခြင်းခံရမည်ဟု သတင်းများ ပေါ်ထွက်နေသည်။

24/01/2026

နီပါဗိုင်းရပ်စ် (Nipah virus - NiV) ဆိုသည်မှာ တိရစ္ဆာန်မှတစ်ဆင့် လူသို့ ကူးစက်တတ်သော ပြင်းထန်သည့် ဗိုင်းရပ်စ်ရောဂါတစ်ခု ဖြစ်ပါသည်။ ၎င်းကို ၁၉၉၉ ခုနှစ်တွင် မလေးရှားနိုင်ငံ၌ စတင်တွေ့ရှိခဲ့ပြီး ဝက်များနှင့် လူများတွင် ရောဂါဖြစ်ပွားခဲ့ခြင်း ဖြစ်သည်။
နီပါဗိုင်းရပ်စ်နှင့် ပတ်သက်ပြီး သိထားသင့်သည့် အချက်များကို အောက်တွင် အနှစ်ချုပ် ဖော်ပြပေးထားပါသည်။
၁။ ရောဂါကူးစက်ပုံ (Transmission)
လင်းနို့မှတစ်ဆင့် ကူးစက်ခြင်း: သစ်သီးစားလင်းနို့ (Fruit bats) များသည် ဤဗိုင်းရပ်စ်၏ အဓိက လက်ခံကောင်များ ဖြစ်သည်။ လင်းနို့ကိုက်ထားသော အသီးများ သို့မဟုတ် လင်းနို့၏ တံတွေး၊ ဆီးတို့ဖြင့် ညစ်ညမ်းနေသော သစ်သီးများနှင့် ထန်းရည်၊ ဓနိရည်များကို စားသောက်မိရာမှ ကူးစက်တတ်သည်။
တိရစ္ဆာန်မှတစ်ဆင့် ကူးစက်ခြင်း: ရောဂါရှိသော ဝက်များနှင့် နီးကပ်စွာ ထိတွေ့ရာမှလည်း ကူးစက်နိုင်သည်။
လူအချင်းချင်း ကူးစက်ခြင်း: ရောဂါရှိသူ၏ ကိုယ်ခန္ဓာမှ ထွက်သော အရည်များ (ဥပမာ- တံတွေး၊ ချွေး၊ ဆီး) နှင့် တိုက်ရိုက်ထိတွေ့ရာမှ ကူးစက်တတ်သည်။
၂။ ရောဂါလက္ခဏာများ (Symptoms)
ကူးစက်ခံရပြီးနောက် (၄) ရက်မှ (၁၄) ရက်အတွင်း လက္ခဏာများ စတင်ပြတတ်ပါသည်။
ဖျားခြင်း၊ ခေါင်းကိုက်ခြင်း၊ ကြွက်သားများ နာကျင်ခြင်း။
ချောင်းဆိုးခြင်း၊ အသက်ရှူရခက်ခဲခြင်း။
ပြင်းထန်ပါက ဦးနှောက်ရောင်ခြင်း (Encephalitis) ဖြစ်ကာ သတိလစ်ခြင်း၊ တက်ခြင်း၊ စိတ်ရှုပ်ထွေးခြင်းများ ဖြစ်ပေါ်ပြီး ၂၄ နာရီမှ ၄၈ နာရီအတွင်း သတိမေ့မြော (Coma) သွားတတ်ပါသည်။
၃။ ကြောက်စရာကောင်းသည့်အချက်
သေဆုံးနှုန်းမြင့်မားခြင်း: ရောဂါဖြစ်ပွားသူများ၏ ၄၀% မှ ၇၅% အထိ သေဆုံးနိုင်ခြေ ရှိပါသည်။
ဆေးဝါးမရှိခြင်း: လက်ရှိအချိန်အထိ နီပါဗိုင်းရပ်စ်ကို အမြစ်ပြတ်ကုသနိုင်သော ဆေး သို့မဟုတ် ကာကွယ်ဆေး (Vaccine) တိတိကျကျ မရှိသေးပါ။
၄။ ကာကွယ်ရန် နည်းလမ်းများ
လင်းနို့ကိုက်ထားသော အသီးများကို လုံးဝ မစားပါနှင့်။
သစ်သီးများကို မစားမီ သေချာစွာ ဆေးကြောပြီး အခွံနွှာစားပါ။
လတ်ဆတ်သော ထန်းရည်၊ ဓနိရည်များကို သောက်သုံးမည်ဆိုပါက သေချာစွာ ကျိုချက်ပြီးမှ သောက်ပါ။
နေမကောင်းသော တိရစ္ဆာန်များ (အထူးသဖြင့် ဝက်) နှင့် နီးကပ်စွာ ထိတွေ့ခြင်းကို ရှောင်ကြဉ်ပါ။
လက်ကို ဆပ်ပြာဖြင့် ခဏခဏ ဆေးကြောပါ။
မှတ်ချက်: ၂၀၂၆ ခုနှစ် ဇန်နဝါရီလအတွင်း အိန္ဒိယနိုင်ငံ၊ အနောက်ဘင်္ဂလားပြည်နယ်တွင် နီပါဗိုင်းရပ်စ် ကူးစက်မှုအချို့ တွေ့ရှိကြောင်း သတင်းများ ထွက်ပေါ်နေသဖြင့် နယ်စပ်ဒေသနှင့် ခရီးသွားလာသူများအနေဖြင့် အထူးသတိပြုရန် လိုအပ်ပါသည်။

မှတ်ချက်။ AI မှ ကူးယူဖော်ပြသည်။

Thingangyun News

18/03/2026

18/03/2026

17/03/2026

15/03/2026

02/03/2026

28/02/2026

26/02/2026

11/02/2026

04/02/2026

03/02/2026

01/02/2026

24/01/2026

Address

Website

Alerts

Contact The Business

Shortcuts

Share

Category