Shwe Taw Win

17/02/2026

ဗုဒ္ဓဂယာကြွမည့် ဆရာတော်ဘုရားကို လေဆိပ်မှာ ဦးချကန်တော့ပြီး နှုတ်ဆက်တဲ့အချိန် ဆရာတော်ကမေးတယ်၊ ဒီလုပ်ငန်းလုပ်တာ ဘယ်နှစ်နှစ်ရှိပြီလဲတဲ့...
၁၅နှစ်ရှိပါပြီဘုရားလို့လျှောက်တော့
ဆရာတော်ကမိန့်တယ်...တော်တော်ကြာပြီပဲတဲ့

🙏ရတနာသုံးပါးကိုကြည်ညိုသောစိတ်🙏

🙏မြတ်စွာဘုရားပွင့်ရာ မြေမြတ်မဟာနှင့်သံဝေဇနိယဌာန၊ အဝိဇဟိတဌာနများကို ပါရမီမြောက် ဘုရားဖူးခရီးဖြစ်အောင် ဖူးမျှော်ကြည်ညိုနိုင်စေရန် ပါရမီဖြည့်ချင်သောစေတနာ🙏

🙏ခရီးသွားနေရရင်ကို စိတ်ချမ်းသာ ကိုယ်ကျန်းမာ ပျော်နေတတ်သော ဝါသနာ🙏

များအရင်းခံကာ ခရီးသွားလာရေး ဝန်ဆောင်မှုကို ဆောင်ရွက်ခဲ့တာ ၁၅နှစ်ကျော် သက်တမ်းရှိခဲ့ပါပြီ

ကျေးဇူးရှင်ဆရာတော်ဘုရားများ၊ သီလရှင်ဆရာကြီး ဆရာလေးများ​၏ ကူညီစောင့်ရှောက်မှု၊ ဘုရားဖူးဓမ္မမိတ်ဆွေများ​၏ ယုံကြည်စိတ်ချစွာဖြင့် ခရီးစဉ်များ စီစဉ်ဆောင်ရွက်ခွင့်ပေးမှုများကြောင့် ဒီနေ့ ဒီအချိန်ထိ "ရွှေတော်ဝင်မိသားစု" ရေရှည်ရပ်တည်နိုင်ခဲ့တာဖြစ်ပါတယ်🙏🙏🙏

ရွှေတော်ဝင်ဘုရားဖူးအဖွဲ့နှင့်ဘုရားဖူးလိုက်ပါခဲ့ကြသော၊ လိုက်ပါနေကြသော၊ လိုက်ပါကြမည့် ဆရာတော်ဘုရားများ၊ သီလရှင်ဆရာကြီးဆရာလေးများ၊ ဘုရားဖူးသူတော်စင် သူတော်ကောင်းအပေါင်းနှင့်တကွ ကမ္ဘာသူကမ္ဘာသားများ ကိုယ်စိတ်နှစ်ဖြာ ကျန်းမာချမ်းသာကြပါစေ🙏🙏🙏

ကပ်ကြီးသုံးပါးမှကင်းဝေးကြပါစေ🙏🙏🙏

အလိုရှိအပ် တောင့်တအပ်သော ကောင်းသောလိုအင်ဆန္ဒများ ပြည့်စုံကြပါစေ🙏🙏🙏

01/02/2026

အိန္ဒိယနိုင်ငံမှာ နီပါးဗိုင်းရပ်စ် ကူးစက်ခံရသူ ၂ ယောက်နဲ့ ထိတွေ့ခဲ့သူပေါင်း ၁၉၀ ကျော်ကို စစ်ဆေးခဲ့ရာမှာ ရောဂါပိုးတွေ့ရှိတာ ဒါမှမဟုတ် ရောဂါလက္ခဏာပြသတာ တယောက်မှ မရှိတဲ့အတွက် ဗိုင်းရပ်စ်ပြန့်ပွားနိုင်ခြေမှာ နည်းပါးကြောင်း ကမ္ဘာ့ကျန်းမာရေးအဖွဲ့ (WHO) တာဝန်ရှိသူတယောက်က ဇန်နဝါရီ ၃၀ ရက်မှာ ပြောပါတယ်။

အိန္ဒိယနိုင်ငံမှာ နီးပါးဗိုင်းရပ်စ် ကူးစက်မှုတွေကို အတည်ပြုပြီးနောက်မှာ ဟောင်ကောင်၊ မလေးရှား၊ စင်ကာပူ၊ ထိုင်းနဲ့ ဗီယက်နမ်တို့ အပါအဝင် အာရှဒေသရှိ နိုင်ငံတချို့ဟာ ကူးစက်ပြန့်ပွားမှုကို ကာကွယ်ဖို့အတွက် လေဆိပ်တွေမှာ စစ်ဆေးရေးလုပ်ငန်းတွေကို အခုသီတင်းပတ်အတွင်း တင်းကျပ် လုပ်ဆောင်ခဲ့ကြပါတယ်။
အပြည့်အစုံ ကွန်မန့်မှာ ဆက်လက်ဖတ်ရှုနိုင်ပါတယ်။
# #နီပါးဗိုင်းရပ်စ်

01/02/2026

နှစ်သစ်ကူးအခါသမယမှာ ဟိမဝန္တာတောင်တန်းများကြားမှ ပျော်ရွှင်ခြင်းနိုင်ငံငယ်လေးဆီ ငြိမ်းချမ်းအေးမြမှုလေးတွေ ခံစားလိုသူများအတွက် သင်္ကြန်ဘူတန်ခရီးစဉ်လေးရှိပါတယ်ခင်ဗျာ

15.4.2026 - 19.4.2026 (၄)ညအိပ် (၅)ရက်ခရီးစဉ်
*ရန်ကုန်-ပါရို တိုက်ရိုက်လေယာဉ်*

27/01/2026

🎈တုံ့ပြန်မှုက ဂုဏ်သိက္ခာ

စကားကြမ်းတစ်ခွန်းကြောင့်
ကိုယ့်ရဲ့ မေတ္တာပျက်မသွားစေပါနဲ့။
မဟုတ်မမှန်စကား တစ်ခွန်းကြောင့်
ကိုယ့်ရဲ့ ဂုဏ်သိက္ခာ မလဲကျစေပါနဲ့။

အပြင်က လေက မပြင်းတာ မဟုတ်ဘူး။
အတွင်းကမီး မတောက်အောင်
ကိုယ့်စိတ်ကို သတိနဲ့
ကာထားရတာပါ။

သူတို့စကားက သူတို့ရဲ့ အဆင့်။
ကိုယ့်တုံ့ပြန်မှုက ကိုယ့်ရဲ့ အဆင့်။

အဲ့ဒါကြောင့်
စိတ်မဆိုးနဲ့…
စိတ်မပျက်နဲ့…
စိတ်မညစ်နဲ့…

ကိုယ့်စိတ်ကို မပြောင်းစေပါနဲ့။
အပြင်က စကားကြမ်းတွေကြားမှာ
အတွင်းက စိတ်သန့်ကို ထိန်းနိုင်တာက
တကယ့်အောင်မြင်မှုပါ။

ဂုဏ်သိက္ခာဆိုတာ
အခြားသူက ပေးတာမဟုတ်ဘူး…
ကိုယ့်တုံ့ပြန်မှုနဲ့ ကိုယ်တည်ဆောက်တာပါ။

ဓမ္မဒူတ
ဒေါက်တာ အရှင်ပညိဿရ
(01-26-2026)

22/12/2025

⛩️⛩️⛩️ ပါရမီရှင်သဲအင်းဓမ္မရိပ်သာ ဆရာတော်ဦးဥတ္တရ နှင့် ဆရာကြီးဒေါ်ဧကစာရီ မှ ကြီးမှူးကျင်းပပြုလုပ်အပ်သော "ဒုတိယအကြိမ်မြေမြတ်မဟာတရားစခန်း"

📆 ၃.၃.၂၀၂၆ မှ ၁၁.၃.၂၀၂၆ အထိ
(၈)ညအိပ်(၉)ရက်ခရီးစဉ်

✅ စာရင်းပေးသွင်းရန် -
☎️ 095109768(Phone, Viber)
☎️ 09891699545(Viber)
☎️ 09787989896(Phone)

‼️ ၃.၂.၂၀၂၆ နေ့ နောက်ဆုံးထား၍ စာရင်းပေးသွင်းရပါမည်။

15/12/2025

ရွှေတော်ဝင်မိသားစုကို အစဉ်အမြဲ အားပေးကြသော ဘုရားဖူးမိတ်ဆွေများခင်ဗျာ🙏🙏🙏

မြတ်စွာဘုရားရှင် ပွင့်ထွန်းတော်မူရာ မြေမြတ်မဟာ ဗုဒ္ဓဂယာနှင့် သံဝေဇနိယလေးဌာန၊ အဝိဇဟိတလေးဌာန စသည့် နေရာဌာနများကို လစဉ်ပုံမှန်ခရီးစဉ်များ စီစဉ်ပို့ဆောင်ပေးလျှက်ရှိပါတယ်🙏🙏🙏

သီရိလင်္ကာဗုဒ္ဓမြတ်စွယ်တော်ဖူးမျှော်သည့်ခရီးစဉ်များ၊ ဘူတန်ခရီးစဉ်များ၊ ကက်ရှ်မီး ၊ မနာလီရေခဲတောင် အပန်း​ဖြေခရီးစဉ်များကိုလည်း စီစဉ်ပို့ဆောင်ပေးလျှက်ရှိပါတယ်🙏🙏🙏

ကြော်ငြာလေးတွေ မတွေ့လို့ ၊ Page မှာတင်ထားတာမတွေ့လို့ ဖုန်းဆက်ပြီးမေးကြတဲ့ ရွှေတော်ဝင်ရဲ့ မိတ်ဟောင်းမိတ်သစ်များအတွက် ၂၀၂၆ ခုနှစ်မှာ အောက်ပါခရီးစဉ်လေးများရှိပါကြောင်း သတင်းကောင်းလေးပါးအပ်ပါတယ်ခင်ဗျာ🙏🙏🙏

၁။ ၁၄.၂.၂၀၂၆ မှ ၂၈.၂.၂၀၂၆ အထိ

သံဝေဇနိယလေးဌာန + အဝိဇဟိတလေးဌာန + နယူးဒေလီ + တပ်ချ်မဟာရ် (၁၄)ညအိပ် (၁၅)ရက်ခရီးစဉ်

၂။ ၁၆.၂.၂၀၂၆ မှ ၂၃.၂.၂၀၂၆ အထိ

သံဝေဇနိယလေးဌာန (၇)ညအိပ် (၈)ရက်ခရီးစဉ်

၃။ ၁၆.၂.၂၀၂၆ မှ ၂.၃.၂၀၂၆ အထိ

သံဝေဇနိယလေးဌာန + အဝိဇဟိတလေးဌာန + နယူးဒေလီ + တပ်ချ်မဟာရ် (၁၄)ညအိပ် (၁၅)ရက်ခရီးစဉ်

၄။ ၂၈.၂.၂၀၂၆ မှ ၁၄.၃.၂၀၂၆ အထိ

သံဝေဇနိယလေးဌာန + အဝိဇဟိတလေးဌာန + နယူးဒေလီ + တပ်ချ်မဟာရ် (၁၄)ညအိပ် (၁၅)ရက်ခရီးစဉ်

၅။ ၃.၃.၂၀၂၆ မှ ၁၁.၃.၂၀၂၆ အထိ

ပါရမီရှင်သဲအင်းဓမ္မရိပ်သာ ဆရာတော်ဦးဥတ္တရ နှင့် ဆရာကြီးဒေါ်ဧကစာရီ မှ ကြီးမှူးကျင်းပပြုလုပ်အပ်သော "ဒုတိယအကြိမ်မြေမြတ်မဟာတရားစခန်း"
(၈)ညအိပ်(၉)ရက်ခရီးစဉ်

၆။ ၉.၃.၂၀၂၆ မှ ၂၃.၃.၂၀၂၆ အထိ

သံဝေဇနိယလေးဌာန + အဝိဇဟိတလေးဌာန + နယူးဒေလီ + တပ်ချ်မဟာရ် (၁၄)ညအိပ် (၁၅)ရက်ခရီးစဉ်

၇။ ၁၆.၃.၂၀၂၆ မှ ၂၃.၃.၂၀၂၆ အထိ

သံဝေဇနိယလေးဌာန (၇)ညအိပ် (၈)ရက်ခရီးစဉ်

၈။ ၄.၄.၂၀၂၆ မှ ၁၃.၄.၂၀၂၆ အထိ

သံဝေဇနိယလေးဌာန (၉)ညအိပ် (၁၀)ရက်ခရီးစဉ်

#မိသားစုများ၊ #ကုမ္ပဏီအဖွဲ့အစည်းများ၊ #သီးသန့်သွားလိုသူများအတွက်လည်းစီစဉ်ဆောင်ရွက်ပေးလျှက်ရှိပါတယ်ခင်ဗျာ🙏🙏🙏

ခရီးစဉ်အသေးစိတ်သိရှိလိုပါက 👉

09 891699545 (Viber)
09 5109768 (Phone, Viber)
09 787989896

ရုံးချိန်အတွင်း ဆက်သွယ်စုံစမ်းနိုင်ပါတယ်ခင်ဗျာ

15/12/2025

06/10/2025

#သီတင်းကျွတ်လပြည့် #အဘိဓမ္မာအခါတော်နေ့
*****************************************

မြတ်စွာဘုရား တာဝတိံသာနတ်ပြည်မှာ နိမ္မိတ ရုပ်ပွားတော်ကိုယ်စားထားခဲ့၍ အဘိဓမ္မာ တရားတော် အကျယ်ကို ဝါတွင်းသုံးလပတ်လုံး ဟောကြားတော်မူပြီး တရားစစ်သူကြီး ရှင်သာရိပုတ္တရာ ကိုယ်တော်မြတ်ကြီးကို စန္ဒကူးတော၌ အဘိဓမ္မာ တရားတော် အကျဉ်းချုပ်ကို တချိန်တည်းမှာ ဟောကြားသင်ပြတော်မူသည်။ ထို့နောက် သီတင်းကျွတ်လပြည့်နေ့တွင် လူ့ပြည်သို့ ပြန်ကြွခဲ့သည့် အထိမ်းအမှတ်အဖြစ် သီတင်းကျွတ်လပြည့်နေ့ကို အဘိဓမ္မာအခါတော်နေ့ အဖြစ် သတ်မှတ်ခေါ်ဝေါ် ခဲ့ကြသည်။ အရှင်သာရိပုတ္တရာက တပည့်ငါးရာတို့အား အဘိဓမ္မာဒေသနာကို မကျဉ်းမကျယ် အလယ်အလတ် ဟောကြားပြီးဆုံးသော နေ့သည်လည်း သီတင်းကျွတ်လပြည့်နေ့ပင် ဖြစ်သည်။

အကြောင်းအရင်း

ဘုရားရှင်သည် မဟာသက္ကရာဇ်(၁၀၉)ခုနှစ်၊ ဝါဆိုလပြည့်ညနေချမ်း၌ သာဝတ္ထိပြည်အနီး ကောသလမင်း၏ ဥယျာဉ်မှူး ကဏ္ဍ ဘုရားရှင် မိန့်ကြားချက်အတိုင်း စိုက်ပျိုးအပ်သော ကဏ္ဍမ္ဗသရက်ဖြူပင်အနီးတွင် တိတ္ထိတို့ကို နိမ်နင်းပြီး ရေမီးအစုံ တန်ခိုးပြာဋိဟာ ပြပွဲကြီးကို အဆန်းတကြယ် ဖန်ဆင်းပြတော်မူသည်။ ထိုပွဲအပြီးတွင် မယ်တော်ဟောင်းနတ်သားအား အဘိဓမ္မာဒေသနာဖြင့် ကျေးဇူးဆပ်ရန် ခြေလှမ်းနှစ်လှမ်းဖြင့်သာ တာသတိံသာ နတ်ပြည်သို့ ကြွသွားတော်မူသည်။ ပရိသတ်က ဘုရားရှင်ကိုမမြင်တွေ့တော့၍ အရှငအနုရုဒ်ဓါမထေရ်အား မေးမြန်းရာ မထေရ်မြတ် ရှင်းပြမှ အကြောင်းစုံသိကြရသည်။ ပရိသတ်ကြီးသည် ဘုရားရှင်ကို မဖူးရဘဲ မပြန်ဟုတိုင်ပင်ကြကာ ထိုနေရာမှာပဲ ယာယီတဲနန်းထိုးကာ နေကြလေသည်။ သီတင်းကျွတ် ခါနီးမှ ရှင်မဟာမောဂ္ဂလန်ထံမှတစ်ဆင့် ဘုရားရှင် သင်္ကဿမြို့သို့ကြွဆင်းတော်မူမည့် အကြောင်းသိရသဖြင့် သင်္ကဿမြို့မှ သွားရောက်ကြိုဆိုကြသည်။

အဘိဓမ္မာ တရားတော် အကျယ်ဟာ အလွန် ရှည်လျား များပြားတဲ့ အတွက် ဝါတွင်း သုံးလ ပတ်လုံး မရပ်မနား ဟော ကြားမှ ပြီးပြည့်စုံ အောင် ဟောကြား နိုင်မှာ ဖြစ်လို့ လူ့ပြည်မှာ တထိုင် တည်း တနေရာတည်း ဆက်တိုက် နာကြားနိုင်တဲ့သူ မရှိသည် ဖြစ်၍ နတ်ပြည်တွင် နိမ္မိတ ရုပ်ပွားတော် ကိုယ်စားထား ဟောကြားပြီး လူသား စင်စစ် ဖြစ်တော်မူသော မြတ်စွာဘုရား ကိုယ်တော်တိုင်သည် လူ့ပြည်ဆင်းပြီး က္ကရိယာပုဒ် လေးပါး ညီညွတ် မျှတအောင်စံပယ်၍ တရား စစ်သူကြီး ဖြစ်ရုံမက အဘိဓမ္မာ တရားတော်မှာ အထုံ ပါရမီပါသူ လက်ယာတော်ရံ ရှင်သာရိပုတ္တရာ ကိုယ်တော်မြတ်ကြီးကို အဘိဓမ္မာ တရားတော် အကျဉ်းချုပ်ကို ဟောပြတော် မူလေသည်။ ရှင်သာရိပုတ္တရာ ကိုယ်တော်မြတ်ကြီးသည် တခြား သာ၀ကငါးရာကို မကျဉ်းမကျယ် ပြန်လည် ဟောပြ သင်ကြား ပေးခဲ့သည်။

ထိုသို့ ဘုရားရှင်သည် တာဝတိံသာပြည် မဏ္ဍုကမ္ဗလာ မြကျောက်ဖျာ၌မယ်တော်ဟောင်း သန္တုသိတအမှူးရှိသော နတ်ဗြဟ္မာတို့အား ဝါတွင်းသုံးလနေ့ညမစဲ အဘိဓမ္မာတရားကို ဟောကြားတော်မူရာ သီတင်းကျွတ်လပြည့်နေ့၌ ပြီးဆုံးလေသည်။ သီတင်းကျွတ်လပြည့်နေ့၌ သိကြားမင်းအား လူ့ပြည်ပြန်တော့မည့် အကြောင်း နှုတ်ဆက်စကား မိန့်ကြားရာ သိကြားမင်းက ရွှေစောင်တန်း၊ ငွေစောင်းတန်း၊ ပတ္တမြား စောင်းတန်း၊စောင်းတန်းသုံးသွယ်တို့ကို ဖန်တီးပေးသည်။ လက်ျာဘက်ရွှေစောင်းတန်းက နတ်များအဖို့ရည်ရွယ်သည်။ လက်ဝဲဘက်ငွေစောင်းတန်းက ဗြဟ္မာများအတွက် ရည်ရွယ်သည်။ ပတ္တမြားစောင်းတန်းက ဘုရားရှင်အတွက် ရည်ရွယ်သည်။ စောင်းတန်းတို့၏ မုခ်ဦးကမြင်းမိုရ်တောင်ထိပ်မှာ ရှိ၍ အခြေကသင်္ကဿမြို့တံခါးဝတွင် ရှိသည်။

ကျမ်းများ

ဘုရားရှင်သည်လူ့ပြည်ဆင်းခါနီး မြင်းမိုရ်တောင်ထိပ်တွင်ရပ်လျက်ရေအစုံမီးအစုံတန်ခိုးပြာဋိဟာတို့ကို ပြတော်မူ၍ ထက်ကောင်းကင်သို့ကြည့်တော်မူသောအခါ အကနိဋ္ဌဗြဟ္မာပြည်တိုင်အောင်အဆီးအတားမရှိ ဟင်းလင်းဖြစ်သွားတော့၏။ အောက်ကိုကြည့်သောအခါအဝီစိငရဲတိုင်အောင် အပိတ်အပင်အတားအဆီးမရှိ ဟင်းလင်းပြင် ဖြစ်သွားတော့၏။ ယင်းအဘိဓမ္မာသည် ဓမ္မသင်္ဂဏီ၊ ဝိဘင်း၊ ဓာတုကထာ၊ ပုဂ္ဂလပညတ်၊ ကထာဝတ္ထု၊ ယမိုက်၊ ပဋ္ဌာန်းဟူ၍ ခုနစ်ကျမ်းရှိသည့် ကုသိုလ်၊ အကုသိုလ်စသောတရားတို့ကို အကျဉ်းချုပ် အားဖြင့် ဟောကြားတော်မူသော ကျမ်းကို "ဓမ္မသင်္ဂဏီကျမ်း"ဟုခေါ်သည်။ ခန္ဓာစသောတရားတို့ကိုသုတ္တ တန်နည်း၊ အဘိဓမ္မာနည်းတို့ဖြင့် အမေးအဖြေပြုလုပ်ကာအကျယေ်၀ဖန်ဟောကြားသောကျမ်းကို "ဝိဘင်း ကျမ်း"ဟုခေါ်သည်။

ဓာတ်အမျိုးမျိုး ဟောကြားသောကျမ်းကို "ဓာတုကထာ" ဟုခေါ်သည်။ ပုဂ္ဂိုလ် အမျိုးတို့ကို ခွဲခြားသတ် မှတ်အမည်တပ်၍ဟောကြားသောကျမ်းကို "ပုဂ္ဂလပညတ်" ဟုခေါ်သည်။ အယူဝါဒနှင့်ဆိုင်သောစကားတို့ ၏တည်ရာဖြစ်၍ အဘိဓမ္မာ အနှစ်သာရတို့နှင့်ပြည့်စုံသောကျမ်းကို "ကထာဝတ္ထု"ဟုခေါ်သည်။ အနုလုံနှင့် ပဋိလုံ၊ပုစ္ဆာနှင့်ဝြိသဇျဇာနာ၊ သန္နိဋ္ဌာန်နှင့်သံသယအစုံစုံပြု၍ဟောကြားတော်မူသောကျမ်းကို "ယမိုက်ကျမ်း" ဟုခေါ်သည်။ အကြောင်းအမျိုးမျိုးကို ဟောတော်မူသောကျမ်း၊ ကုသိုလ်စသောတရားတို့ကို နှစ်ဆယ်လေး ပစ္စည်းဖြင့် ဝေဖန်သောကျမ်း၊ သဗ္ဗညုတဉာဏ်တော်၏ ကျက်စားရာဖြစ်သော ကျမ်းကို "ပဋ္ဌာန်းကျမ်း"ဟု ခေါ်သည်။

အဘိဓမ္မာတရားသည် အမိကျေးဇူးဆပ်တရားဖြစ်ခြင်း၊ နတ်ပြည်၌ဟောကြားခြင်း၊သုံးလကြာမျှဟောရခြင်း၊ ပကတိဘုရားနှင့် နိမ္မိတဘုရားတို့ တစ်လှည့်စီဟောကြားခြင်းဟု ထူးခြားချက်လေးမျိုးနှင့်ပြည့်စုံသော တရားဖြစ်သည်။ ပါဠိ၏ နက်နဲခြင်း၊ သဘောအဓိပ္ပာယ်၏ နက်နဲခြင်း၊ ဟောကြားပုံအစီအစဉ်၏ နက်နဲခြင်း၊ ဉာဏ်တော်၏ နက်နဲခြင်းစသော ဂမ္ဘီရလေးမျိုးနှင့် ပြည့်စုံသောတရားဖြစ်သည်။ အဘိဓမ္မာတရားတော်ကို သင်ယူခြင်း၊ ကြားနာခြင်း၊ ရွတ်ဖတ်ပူဇော်ခြင်းကြောင့် လင်းနို့သား ရဟန်းငါးရာကဲ့သို့ နမရူပ ပရိစ္ဆေဒ ဉာဏ်ရင့်သန်ခြင်း၊ မဂ်ဖိုလ်နိဗ္ဗာန်ရရန်အကြောင်း အထောက်အပံ့ ကောင်းဖြစ်ခြင်း၊ ဘေးဥပါဒ်အန္တရာယ်ကင်းဝေးခြင်း၊ ကျက်သရေမင်္ဂလာ အဖြာဖြာနှင့်ပြည့်စုံခြင်းဟူသော အကျိုးထူးတရားများရရှိနိုင်သည်။

မြန်မာနိုင်ငံတွင် သီတင်းကျွတ်လပြည့်နေ့ရောက်တိုင်း ပဝါရဏာပွဲ နင့် မီးမြင်းမိုရ်ပွဲ ဟူ၍ ပွဲတော်များကို ကျင်းပကြသည်။

ပဝါရဏာပွဲ

အဓိပ္ပာယ်မှာ ဖိတ်ကြားခြင်း၊ တိုက်တွန်းခြင်း၊ တောင်းပန်ခြင်း တို့ ဖြစ်လေသည်။ သာသနာ့ဝန်ဆောင် ရဟန်းတော်များသည် ဝါကျွတ်သည်နှင့် သီတင်းကျွတ် လပြည့်နေ့တွင် အရှင်ဘုရားတို့။ တပည့်တော်သည် သံဃာကို ဖိတ်ကြား ပါ၏။ တပည့်တော်၏ အပြစ်ကို မြင်သော်လည်းကောင်း၊ ကြားသော်လည်းကောင်း၊ သံသယရှိလျှင် သော်လည်းကောင်း တပည့်တော်အား သနားသောအားဖြင့် ပြောဆို သတိပေးကြပါ။ အပြစ်ကို ကုစား ပါ မည်" ဟု ဖိတ်ကြား တိုက်တွန်းပြီး ရဟန်းများက မိမိ၏အပြစ်များကို အခြားတစ်ပါးထံမှာ မိမိ ရဲ့ သဘောဆန္ဒ အလျောက် ဖွင့်ဟပြောဆိုပြီး ဝန်ချတောင်းပန် ကြသလို သာသနာတော် သန့်ရှင်း တိုးတက်ရေးအတွက် အပြုသဘော ဆောင်ပြီး ဝေဖန် သုံးသပ် ကြသည့် ပွဲလဲ ဖြစ် ပေသည်။ အလွန်ပင် ဒီမိုကရေစီ နည်းလမ်းကျ၍ စည်းစနစ် ကောင်းလှသောပွဲဖြစ်သည်။

မီးမြင်းမိုရ်ပွဲ

သီတင်းကျွတ်လပြည့်နေ့ ညနေ၌ နတ်ပြည် မှ လူ့ပြည်ကို ဆင်းအလာ လပြည့်ဝန်းနှင့်အတူ ကောင်းကင်မှာ တင့်တယ်စွာ ဖူးမြင်ရသည့် မြတ်စွာဘုရားကို နတ်လူအများက ပူဇော်သည့်အနေဖြင့် အိမ်၊ ကျောင်း၊ တန်ဆောင်း များမှာ ဆီမီး၊ မီးပုံးများ ထွန်းညှိ ပူဇော်ကြသလို ဘုရားစေတီ များတွင်လဲ ပွဲများ ပြုလုပ်ပြီး မီးမြင်းမိုရ်ပွဲများ ပြုလုပ် ကြသည်။ ပုဂံမြို့ မြင်းကပါ ဂူပြောက်ကြီးဘုရားမှ ပန်းချီ ကားတွင် ဗုဒ္ဓမြတ်စွာဘုရား တာဝတိံသာမှ သင်္ကသနဂိုရ်ပြည်သို့ သက်ဆင်းပုံ ပန်းချီကို တွေ့ရသည့်အတွက် မီးမြင်းမိုရ်ပွဲကို ပုဂံခေတ်ကတည်းက ကျင်းပခဲ့သည်ဟု ယူဆနိုင်ပေသည်။

ဘုရားပွဲတော်၊ နိဗ္ဗာန်ဈေးပွဲတော်များ၊ သက်ကြီး ပူဇော်ပွဲနှင့် ဆရာကန်တော့ပွဲများ စသည်တို့ ကိုလည်း မြန်မာနိုင်ငံ တဝှမ်း ကျင်းပလေ့ ရှိကြသည်မှာ ယနေ့တိုင် ဖြစ်လေသည်။

သီတင်းကျွတ်လကို တူရာသီဟု ခေါ်ပြီး ချိန်ခွင်ရုပ်သဏ္ဌာန် နက္ခတ် ထွန်းပ လေသည်။ ထိုမျှမက ၁၂လ ရာသီတွင် နေ့တာနဲ့ ညတာ တူညီသော တခုတည်းသော လလဲ ဖြစ်လေသည်။ ထို့ကြောင့် ကင်းဝန်မင်းကြီးက သီတင်းကျွတ်ပြီ တူရာသီ အာသဝဏီ ရှိန်ဝါရွန်း၊ ကြာမျိုးလည်းစို မီးမြင်းမိုရ် ဗဟိုအချာထွန်း ဟု ဖွဲ့ဆို ခဲ့လေသည်။

အခြားနိုင်ငံများ

အခြား ဗုဒ္ဓဘာသာ နိုင်ငံများဖြစ်ကြသည့် ထိုင်းနိုင်ငံ၊ ကမ္ဘောဒီးယား၊ လာအိုနှင့် သီရိလင်္ကာနိုင်ငံများတွင်လည်း ဆီမီးများ မျှောခြင်း၊ နံသာ ဆီမီးများဖြင့် ပူဇော်ခြင်း၊ မီးပုံးပျံများ လွှတ်ခြင်းဖြင့် ပူဇော်ကြလေသည်။

Credit