26/01/2024
စွန့်လွှတ်သင့်ရင်
ပြတ်ပြတ်သားသား စွန့်လွှတ်ပါ🍒
ဖတ်ကြည့်နော်…
ကျွဲတစ်ကောင်ဟာ…
သူ အလွန်မြတ်နိုး တန်ဖိုးထားတဲ့
သိပ်လှသော သူ့ရဲ့ဦးချိုလေးကို
အိုင်ထဲမှာ ကြည့်ပြီး
ဝမ်းသာပီတိတွေနဲ့
သူ့ဘဝသူ ကျေနပ်နေရှာပါတယ်။
နှစ်အနည်းငယ်ကြာလာတာနဲ့အမျှ
တဖြည်းဖြည်းရှည်လာတဲ့ သူ့ရဲ့ဦးချိုဟာ
ကျောပြင်နဲ့
ဗိုက်နားတစ်ဝိုက်ကို
စတင် ထိုးစိုက်ဝင်လာသတဲ့။
ဒီလိုနဲ့ပဲ
သွေးယိုစီးနေတဲ့ဒဏ်ရာက
နာကျင်နေပေမဲ့
ဦးချိုကို ချိုးထုတ်လိုက်ရင်
ဒီထက် ပိုနာကျင်လေမလားဆိုတဲ့
အတွေးနဲ့
မချိုးထုတ်ရက်ဘဲ
နာကျင်မှုတွေနဲ့အတူ
နေ့ရက်တွေကို ရှေ့ဆက်နေခဲ့တယ်
လေ…
ဒါကို
ကျီးတစ်ကောင်က တွေ့တော့
ကျွဲကို မေးတယ်။
#အဆွေကျွဲ
ဒဏ်ရာတွေနဲ့ ဘဝကိုရှေ့ဆက်နေတာ
မနာကျင်ဖူးလား-?
သင့်ရဲ့ဦးချိုကို
ချိုးထုတ်လိုက်ပါလား-?တဲ့။
ကျွဲက ပြန်ဖြေတယ်။
#မိတ်ဆွေကျီး
ချိုးထုတ်ချင်ပေမဲ့
ဒီထက်ပိုနာကျင်ရမှာကြောက်လို့
ဒီအတိုင်းလေး ထားထားတာပါ။
ကျီးက နောက်တစ်ခါ ထပ်ပြောပြန်တယ်။
#အဆွေကျွဲ
ကျွန်တော်ပြောတာ ယုံပါ
နာကျင်ခံပြီး အဓိပ္ပါယ်မဲ့နေတာနဲ့စာရင်
ချိုးထုတ်လိုက်စမ်းပါ။
ဒီတော့မှ ကျွဲဟာ
ကျီးစကားကို နားထောင်ပြီး
ချိုးထုတ်လိုက်တော့
ဒဏ်ရာက ရက်အနည်းငယ်အတွင်း
သိသိသာသာ သက်သာသွားခဲ့သတဲ့။
နောက်ဆုံးတော့ ကျွဲဟာ
ဦးချိုကို စွန့်လွှတ် ဆုံးရှုံးလိုက်ရပေမဲ့
နာကျင်မှု ဒဏ်ရာတွေလည်း
အချိန်နဲ့မျှသက်သာသွားခဲ့တယ်လေ။
ဘဝမှာ…
ကိုယ်အလွန်မြတ်နိုး တန်ဖိုးထားပြီး
မျှော်လင့်ထားတဲ့ အရာတွေက
တစ်ခါတစ်ရံမှာ ကိုယ့်အတွက်
နာကျင်စရာတွေ ဖြစ်မှန်းမသိ
ဖြစ်နေတတ်သလို
အဆိပ်အတောက်တွေလည်း
ဖြစ်နေတတ်ပါတယ်။
နာကျင်ရမှာ ကြောက်လို့
ဆုပ်ကိုင်ထားလေ
ပိုနာကျင်ရလေပါပဲ။
အစွဲအလမ်းကြီးလွန်းတဲ့စိတ်
တပ်မက်လွန်းတဲ့စိတ်ကို ပြင်ပြီး
နာကျင်စရာတွေကြားမှာ
စွန့်လွှတ်သင့်တာကို
ပြတ်ပြတ်သားသား စွန့်လွှတ်နိုင်မှ
ဘဝဟာ ပိုတန်ဖိုးရှိမှာပါ။
#ℂ𝕣𝕖𝕕𝕚𝕥 𝐭𝐨 𝐨𝐫𝐢𝐠𝐢𝐧𝐚𝐥 𝐰𝐫𝐢𝐭𝐞𝐫.
