Phoe Pyae Shun

Phoe Pyae Shun ABout

08/10/2020

ကမ္ဘာ့အချမ်းသာဆုံးပုဂ္ဂိုလ်
ဘီလ်ဂိတ် ( 64 ) နှစ်က ကိုရိုနာဗိုင်းရပ်
ကာကွယ်တိုက်ဖျက်ရေးအတွက်
ဒေါ်လာ ( 85 ) သန်းလှူလိုက်ပါတယ်

သူကပြောတယ်
အရေးကြီးတဲ့ သင်ခန်းစာတွေပေးဖို့
ကိုရိုနာဗိုင်းရပ်စ်က
ရောက်လာတာပါတဲ့

ယူ မယူကတော့
ကျွန်တော်တို့အပေါ်ပဲ
မူတည်တာပါတဲ့ သူပြောတာတွေက

( ၁ ) ကိုရိုနာက ဘာသာ လူမျိုး
အလုပ်အကိုင် ကြွယ်ဝမှု ကျော်ကြားမှု
မခွဲခြားပါ

( ၂ ) လူတစ်ဦးနဲ့ တစ်ဦးက
ဆက်နွယ်နေတာပါ
တစ်ယောက်ဖြစ်ရင်
နောက်တစ်ယောက်လည်း ဖြစ်နိုင်တာပါ

( ၃ ) ကျန်းမာရေးက
အဖိုးတန်ပါတယ် ဂရုစိုက်ရမှာပါ

( ၄ ) ဘဝက တိုတောင်းပါတယ်
အိုမင်းသူ နာမကျန်းသူတွေကို ကူညီပါ

( ၅ ) ရုပ်ဝတ္ထုတွေ မမက်ပါနဲ့
ဇိမ်ခံပစ္စည်းထက် အစားအစာ
ရေနဲ့ ဆေးဝါးက ပိုလိုအပ်တာပါ

( ၆ ) မိသားစုက အရေးကြီးပါတယ်
အိမ်မှာနေတုန်း မိသားစုကို
ခိုင်မြဲအောင် တည်ဆောက်ပါ

( ၇ ) အသက်မွေးဝမ်းကျောင်း
အလုပ်အပြင် တစ်ဦးကို တစ်ဦး
စောင့်ရှောက် ကာကွယ် အကျိုးပြုတဲ့
အလုပ်ကိုလည်း လုပ်ပါ

( ၈ ) မာနတွေ အတ္တတွေ မကြီးပါနဲ့
ကိုယ်က ဘယ်လောက်ပဲ ကြီးမြတ်ပါစေ
ဗိုင်းရပ်စ်တစ်ခုက လောကကြီးကို
အဆုံးသတ်ပစ်နိုင်ပါတယ်

( ၉ ) ကိုယ့်ဆီမှာ
စွမ်းအားတွေ ရှိပါတယ်

( ၁၀ ) အတိတ်မှာ ကပ်အများကြီး
ဆိုက်ခဲ့ဖူးပါတယ် သတိနဲ့နေပါ
ကြောက်တာက အကောင်းထက်
အဆိုးပဲ ဖြစ်နိုင်တယ်

( ၁၁ ) ကမ္ဘာကြီးက ဖျားနာနေလို့
လူတွေ ဖျားနာကြတာပါ
ကမ္ဘာကြီးကျန်းမာအောင်
သစ်တောတွေ ပြန်စိုက်ပါ
လေထု ရေထု သန့်ရှင်းအောင် လုပ်ပါ

( ၁၂ ) မုန်တိုင်းပြီးရင်
လေပြည်လာမှာမို့ကြောက်စရာ မလိုဘူး

( ၁၃ ) ကိုရိုနာက လူတွေကို
မှန်ကန်စွာ တွေးတတ် နေတတ်အောင်
အမှားပြင်ပေးဖို့ရောက်လာတာပါ တဲ့

ဘီလ်ဂိတ် ( Billgate )

Credit to original uploader

01/07/2020

ဝင်ငွေကောင်းသော digital ကြော်ညာဖန်တီးနိုင်သူ ဖြစ်ဖို့ လေ့လာရမည့်ဆိုဒ်များ

ဆင်းရဲမွဲတွေမှု ငွေမရှိမှုမှာ ဂုဏ်ယူစရာ တစ်ခုမှမရှိဘူး !!!!!
ပေးရမဲ့ အသုံးစရိတ်တွေအတွက် ငွေမရှိဘူးဖြစ်နေလား။
ဒါဆိုရင် ပေးထားတဲ့လင့်တွေမှာ သွားပြီးတော့ အစွမ်းကုန် လေ့လာပါ။
သင့်ရဲ့ ဘ၀လက်တွဲဖော်က သင့်ကို စောက်သုံးမကျတဲ့လူတစ်ယောက်လို့ထင်လား။
ဒီလိုဆိုရင် ပေးထားတဲ့လင့်တွေ့မှာ သွားပြီးတော့ အစွမ်းကုန်လေ့လာ။
သင့်ဘ၀ပြဿနာတွေကို ဝင်ငွေကောင်းတဲ့ digital ကြော်ညာဖန်တီးသူ တစ်ယောက်အနေနဲ့ ရင်ဆိုင်ဖြေရှင်းစေချင်တယ်။

Content Marketing ဆိုတာကို ပထမဆုံးတီထွင်ခဲ့တဲ့ အဖွဲ့ဖြစ်ပါသည်
https://contentmarketinginstitute.com/

Headliens တွေဘယ်လိုရေးရမလဲဆိုတာသင်ပေးသည်။
https://copyblogger.com/blog/

Copywriting တွင် အရမ်းကောင်းသော သူတစ်ယောက်ဖြစ်ပါသည်
https://socialtriggers.com/blog/

Hubspot သည် အရမ်းကောင်းသော ဆိုဒ်ဖြစ်ပါသည်
https://academy.hubspot.com/courses/content-marketing

Google ကနေဖန်တီးထားခြင်း
https://learndigital.withgoogle.com/digitalgarage/course/digital-marketing

Blog တစ်ပုဒ်ကို ပီပီပြင်ပြင်ရေးနည်း သင်ပေးသူ
https://neilpatel.com/

Hubspot ရဲ့ ဘလော့
https://blog.hubspot.com/marketing/social-media-marketing-resources

Marketing insight ကုမ္ပဏီ buzzsumo ရဲ့ဘလော့
https://buzzsumo.com/blog/

Social Media Examiner
https://www.socialmediaexaminer.com/

22/06/2020

ဆွဲဆောင်မှု ရှိတဲ့ ခေါင်းစဉ်ရေးနည်းများ
•••••••••••••••••••••••••••••••••••••
Facebook မှာပဲဖြစ်ဖြစ် Website မှာပဲဖြစ်ဖြစ် Blog မှာပဲ ဖြစ်ဖြစ် စာတွေရေးတဲ့အခါ ခေါင်းစဉ် က တော်တော် အရေးကြီးပါတယ်။ အထူးသဖြင့် Facebook ပေါ်မှာ နေ့စဉ် အချိန်တိုင်း Page ပေါင်းစုံ၊ အကောင့်ပေါင်းစုံက စာတွေ တက်နေတဲ့အခါ ကိုယ့်ရဲ့ page က စာကို ဖတ်မိစေဖို့ ခေါင်းစဉ်ဟာ အရေးကြီးတဲ့ အစိအပိုင်း တစ်ခုပါ။
ဒါကြောင့်မလို့ ဆွဲဆောင်မှု ရှိတဲ့ခေါင်းစဉ်ရေးနည်း များစွာထဲက (၁၀) ခုကို မျှဝေပေးလိုက်ပါတယ်။

1. How to …
Whiteboard Animation ကို ကိုယ်တိုင် ဘယ်လိုလုပ်မလဲ …?

2. Number …
အကောင်းဆုံး အသားရည် ထိန်းသိမ်းနည်း (၁၀) ချက်
အင်္ဂလိပ်ဘာသာစကားကို လေ့လာသင့်တဲ့ အချက် (၁၀) ချက်
လုပ်ငန်းငယ်တွေ မှားတတ်တဲ့ အမှား (၁၀) ခု
ဝယ်သူတွေကို ဆွဲဆောင်နိုင်မယ့် နည်းလမ်း (၁၀) မျိုး

3. The Secret of …
လေ့ကျင့်ခန်းမလုပ်ဘဲ အဆီကျခြင်းရဲ့ လျှို့ဝှက်ချက်

4. Little Known Ways to …
လူသိနည်းတဲ့ ရောင်းအားတက်နည်းများ
လူသိနည်းတဲ့ ရန်ကုန်မြို့ရဲ့ သမိုင်းဝင်နေရာများ

5. Get Rid of (Problem) …
ခါးနာခြင်းကို အမြစ်ပြတ်စေဖို့

6. Quick Way to …
အင်္ဂလိပ်စာ အမြန်တတ်စေမယ့် နည်းလမ်းများ
ရောင်းအား အမြန်တတ်စေမယ့် နည်းလမ်းများ

7. Now You Can Have/Do something …
ကင်ချီ ကိုယ်တိုင်ပြုလုပ် နည်း
page ကိုယ်တိုင် ပြုလုပ်နည်း

8. Everybody Ought to Know ….
အိမ်ရှင်မတိုင်း သိသင့်တဲ့ မီးဖိုချောင်က အသုံးဝင်ပစ္စည်းများ

9. Make Your ______ in Just [Number] Hours/ Day …
၃ လအတွင်း အင်္ဂလိပ်စာတိုးတက်စေဖို့
၃ လအတွင်း ဝိတ်ကျစေဖို့

10. You Still Wasting Money/ Time on (__________)
ကားလက်မှတ်ဝယ်ဖို့ အချိန်တွေ ကုန်နေတုန်းပဲလား …

ကဲ မိတ်ဆွေတို့ ခုပဲ လက်တွေ့ အသုံးချလို့ရအောင် ကိုယ့်လုပ်ငန်းအတွက် တစ်ခုလောက် နမူနာရေးပြီး မန့်ခဲ့ပါဗျ …

ကျေးဇူးတင်ပါတယ်

14/06/2020

ကွမ်းယာသည်က Business Management သင်တန်း တက်စရာလိုသလား။
ဒီတစ်ခါမှာလဲ လူမှုကွန်ယက်ပေါ်မှာ ပြန့်နှံ လာတဲ့ ဟာသ လေးတစ်ခုကို ပြန်လည်ဖြေရှင်းလိုတာ ဖြစ်ပါတယ်။ စိတ်ကူးကောင်းကောင်းနဲ့ဟာသ လေးက အတော်လေးရယ် ရပါတယ်။ နိုင်ငံကသာ အဆင်းရဲ ဆုံးဖြစ်နေတာ လမ်းလျှောက်လို့ ပုခုံးချင်းတိုက်မိရင် Management သင်တန်း ဆင်းတွေ ချည်းပဲ ဆိုတာလေးဖြစ်ပါတယ်။ နောက်တစ်ခုကတော့ ကွမ်းယာသည် ကို Management အကြောင်း တွေ သွားပြောရင် ဘာမှ သုံးလို့မရလို့တုတ်နဲ့ လိုက်ရိုက်လိမ့်မယ် ဆိုတာလေးလဲ တွေ့ရပါတယ်။ ဒီတော့ ဒီ ဟာသ လေးတွေ ဟာ မှားလို့လားလို့မေးရင် တော့ လုံးလုံးမှား တယ်လို့လဲ ဆိုလို့မရနိုင်ပြန်ပါဘူး။ ခေတ်ကာ လ အခြေအနေတွေက ဒီလို ဖြစ်ဖို့တွန်းအားပေးနေတာလဲပါပါတယ်။ ဒါပေမယ့် စီမံခန့်ခွဲမှုအကြောင်းတွေကို သိ တာ နဲ့မသိတာ ဘယ်ဟာပိုကောင်းလဲ ဆိုရင်တော့ သိထားတတ်ထားတာက ပိုကောင်းပါတယ်။ အဓိက က အသုံးချတတ်တာနဲ့အသုံးမချတတ်တာပဲ ကွာခြားပါတယ်။
တစ်ချို့မိရိုးဖလာလုပ်ငန်းရှင်တွေ ကတာ့ စီမံခန့်ခွဲမှု သင်တန်းတွေ မတက်ဖူးပဲ အဆင်ပြေအောင် ဘယ်လို လုပ်ရမယ်ဆိုတာ သိနေကြတာလဲရှိပါတယ်။ ဒါကကျတော့ အလုပ်က သင်ပေးသွားတဲ့သဘောဖြစ်ပါတယ်။ တကယ်တော့ စီးပွားရေး နဲ့ စီမံခန့်ခွဲမှုဆိုင်ရာ သီအိုရီတွေ ဆိုတာဟာ လဲ လက်တွေ့တွေကို လေ့လာပြီး မှ ထွက်ပေါ်လာရတာဖြစ်တဲ့ အတွက် သိလဲ သိထားမယ် လက်တွေ့နဲ့အသုံးချတတ်မယ်ဆိုရင် ထိရောက်မှာပါပဲ။ အထက်က ပြောတဲ့ သီအိုရီ တွေကို သိပြီး လက်တွေ့မှာ သုံးလို့မရပါဘူးကွာ လို့ဆိုသူ ဟာ သူသိထားတာကို လက်တွေ့နဲ့ကိုက်အောင် ဘယ်လို ပြုပြင်အသုံးချရမလဲဆိုတာကို မတွေး တတ်တဲ့ သူပဲ ဖြစ်ပါလိမ့်မယ်။
ရန်ကုန် မြို့ထဲက နာမည်ကြီး ဘုရား တစ်ဆူ ရဲ့ဝန်းထဲမှာ ကွမ်းယာ ဆိုင် လေး တစ်ဆိုင် ဖွင့်လာ ပါတယ်။ တစ်ဆိုင်ထဲလဲရှိတာရယ် ဆက်ဆံရေး လဲကောင်းတာရယ်ကြောင့် အတော်လေး ရောင်းရပါတယ်။ ဒီလို နဲ့ ထုံးစံအတိုင်း မလှမ်းမကမ်းမှာ ပြိုင်ဖက်အဖြစ် နောက်ထပ် ကွမ်းယာဆိုင် လေး တစ်ဆိုင် လာဖွင့်ပါတော့တယ်။ တစ်နည်းအားဖြင့် ဆိုရရင် BCG matrix အရ market growth ဖြစ်လာနိုင်တဲ့ အတွက် Competitor ပေါ်လာတဲ့ အခြေအနေဖြစ်ပါတယ်။
ဒါပေမယ့် ကာလ အတော် ကြာလာတဲ့ အထိ ဒုတိယ ဆိုင်ဟာ ပထမဆိုင်လောက် ရောင်းအား မကောင်း ပဲ ဖြစ် နေပါတယ်။ ပထမ ဆိုင်လို ဆက်ဆံရေး ကောင်း တာ အပြင် သူက အကြွေး ပါ ပေးတာ သာပေမယ့် ပထမ ဆိုင်က ပန်း ပန် နေဆဲ ဆိုတာကို အားမလိုအားမရဖြစ် လာပါသတဲ့။ ဒီအခြေအနေကတော့ ပြိုင်ဖက်ထက်သာအောင် အကြွေး ပေးခြင်း ဆိုတဲ့ Competitive Advantages ယှဉ်ပြိုင်မှုဆိုင်ရာ အားသာချက် တစ်ခုကို လုပ်ငန်းမှာ တပ်ဆင်လိုက်တာ ပဲ ဖြစ်ပါတယ်။ ဒီလို နဲ့ ဘာကြောင့် ဆိုတာကို သူက စုံစမ်းပါတော့တယ်။
တကယ် တမ်းကျတော့ ပထမ ကွမ်းယာ သည် ဟာ ကွမ်းစားသူတွေ နဲ့အဓိက ရပ်တည်နေတာ မဟုတ်ဘူးဆိုတာကို သွားတွေ့ရပါတယ်။ ထူးဆန်းပါသည်ကော..ကွမ်းယာသည်ဟာ ကွမ်း စားတဲ့ သူတွေ ကြောင့်မရပ် တည်ရင် ဘယ်သူ့ကြောင့်များဖြစ်မှာပါလိမ့်။ တကယ်ပါပဲ. သူ့ဆီမှာ ကွမ်းယာ လာဝယ်သူတွေ ဟာ ကွမ်းစားသူတွေ ထက် ဘုရားပွဲ နတ်ပွဲ ဘိုးဘိုး ပွဲတွေ ကပ်တဲ့ အခါမှာ သုံးရတဲ့ ပွဲတော်ဆက် ကွမ်းတွေ ကပို ရောင်း နေရတာဖြစ် ပါတယ်။ ဒီအခြေအနေကတော့ ပြိုင်ဖက်ထက် မိမိ ကCustomer segment တစ်ခု ပို မို သိမ်းပိုက် ထား နိုင် ခြင်း ဖြစ်ပြီး ဒါဟာ ပထမ ကွမ်း ယာ သည်ရဲ့competitive advantages ယှဉ်ပြိုင်မှုဆိုင်ရာ အားသာချက်ဖြစ်နေပါတော့တယ်။
ဒီတော့ မှ ဒုတိယ ကွမ်းယာ သည်ကလဲ ပွဲတော်ဆက် ကွမ်း ကတော့ ပုံစံ ရှည်ရှည်လေးတွေ ဖြစ်အောင် ဘယ်လို ယာ ရတယ် ဘာတွေ ထည့်ရတယ် ဆိုတာကို လိုက်လံလေ့လာပြီး ယတြာချေ သူတွေ ပွဲဆက်သူတွေ ကို market ချဲ့ဖို့ကြိုးစားပါတော့တယ်။ ဒီအခြေအနေကတော့ ပြိုင်ဖက်နဲ့ ဈေးကွက်ကို ချဲ့ထွင်ဖို့Resource အသစ်တွေ ထပ်မံ ဖြည့်တင်း တဲ့ သဘောဖြစ်ပါတယ်။
ဒါပေမယ့် ရန်သူရဲ့ခြေလှမ်းကို အမြဲ စောင့်ကြည့်နေတဲ့ ပထမ ကွမ်းယာသည်က လဲ ဒီအတိုင်း တော့ ငြိမ်ခံမနေပါဘူး။ သူက ဘုရားဝန်းအတွင်းမှာ ရှိတဲ့ ကန်တော့ပွဲ တွေ အများဆုံး ထိုး ရတဲ့ ဗေဒင်ဆရာ ဆီကို သွားပြီး ချိတ်ဆက်လိုက်ပါတယ်။ လိုအပ်သမျှ ကန်တော့ပွဲ တွေ အတွက် ထည့်စရာ အစုံ နဲ့ကွမ်းယာတွေကို ဖုန်းတစ်ချက်ဆက်လိုက်တာနဲ့ကြိုက်တဲ့ အချိန် ကြိုက်တဲ့ အရေအတွက်ရအောင် လုပ်ပေးဖို့ပဲဖြစ်ပါတယ်။ ဒီအခြေအနေကတော့ ပြိုင်ဖက် ရဲ့ထိုးနှက်မှုကြောင့် ဈေးကွက်ရှယ်ယာ မဆုံးရှုံးအောင် Strategic Partner တွေ ရှာဖွေ ပြီး ပူးပေါင်း လိုက်တဲ့ သဘောပဲဖြစ်ပါတယ်။ Value added လုပ်တဲ့ သဘောလဲ ဖြစ်ပါတယ်။
အထက်က အကြောင်းတွေ ကတော့ ကျွန်တော့် ပတ်ဝန်းကျင်မှာ တကယ်မြင်ရတဲ့ ကွမ်းယာ သည် တွေရဲ့စီးပွားရေးစစ်ပွဲအကြောင်းကို သီအိုရီနဲ့ချိတ်ဆက်ပြတာပဲဖြစ်ပါတယ်။ တကယ်လို့ဒီကွမ်းယာသည်တွေ သာ စီမံခန့်ခွဲမှု နဲ စီးပွားရေးအကြောင်းတွေကို တတ်မြောက် နားလည် ထားမယ်ဆိုရင် ဒီထက်ပိုပြင်းထန် တဲ့ ပိုပြီး ပြောင်မြောက်တဲ့ စစ်ပွဲတွေကို တောင် ကြည့်ရှုရပါလိမ့်မယ်။
ပြင်ပက တခြား ကွမ်းယာသည်တွေ တောင်မှ customer segment and target customer ယူပုံတွေ မတူကြပါဘူး။ တစ်ချို့က ဘတ်စ်ကား ဒရိုင်ဘာ စပယ်ယာ တွေကို အဓိက ဦးတည်တယ်…တချို့က အကြွေး စနစ်နဲ့…တစ်ချို့ကလဲ အပြောချိုချို အပျိုချောနဲ့…တစ်ချို့က အကောင်း ဆုံးထုံးနဲ့…တစ်ချို့က ကွမ်းရွက် ဆေး အကောင်းစားနဲ့စတဲ့ မဟာဗျူဟာတွေ ကို သုံးကြတာ မြင်နိုင်ပါတယ်။ တစ်ခါ ပွဲဈေးတန်းတွေက ကွမ်းယာသည်တွေ ကတော့ လူငယ် နဲ့မိန်းကလေး တွေ စမ်းစား ဖို့အတွက် အသီးယိုမျိုးစုံပါတဲ့ ကွမ်းယာချိုတွေ နဲ့အဓိက စီးပွား ရှာကြပါတယ်။
ဒီထက်ပိုပြီး စီးပွားရေး နဲ့စီမံခန့်ခွဲမှုတွေ အကြောင်းကို သူတို့သိလာရင်တော့ ကွမ်းယာကို ကမ္ဘာကျော်အောင် ရောင်းချ နိုင်ပါလိမ့်မယ်။
India နိုင်ငံမှာတော့ ကွမ်းယာ ကို ချက်ချင်းယာ ပြီး အရွက်ထဲမီး ရှို့ကာ စားမည့်သူပါးစပ်ထဲ တစ်ခါ ထဲထည့်ပေးပြီး ရောင်းတဲ့ ကွမ်းယာ သည်ဟာ လူတိုးမပေါက်အောင် တန်းစီ စောင့် ရပြီး ကမ္ဘာကျော် တီ ဗီ ရုပ်သံတွေ ထဲတောင် ပါဝင်လာပါတယ်။
ထိုင်ဝမ် မှာတော့ Betel Nut Beauties ဆိုပြီး ခမ်းခမ်းနားနား ဆိုင် ကြီး မှာ 2 pieces သာ ဝတ်ထားပြီး ကွမ်းယာရောင်း တဲ့ လုပ်ငန်းဟာလည်း အထက်ကလို ကမ္ဘာကျော် ကွမ်းယာ ဆိုင် တွေ ထဲကို ပါဝင်လာပါတယ်။
အခြား နိုင်ငံတွေ မှာတော့ ကွမ်း ယာထဲကို ချိစ် ထည့်လိပ်ပြီး ဟိုတယ်ကြီးတွေကို အချို ပွဲ Dessert အနေနဲ့တောင် သွင်းကာ အလုပ်ဖြစ်နေကြတာတွေ လဲ အများကြီး ရှိလာပါတယ်။
အချုပ်အားဖြင့် ဆိုရရင်တော့ စီးပွားရေး နဲ့စီမံခန့်ခွဲမှု ပညာတွေကို မတတ် မသိတာ ထက်စာ ရင်တော့ သိထားတတ်ထားတာက အများကြီး အားသာစေမှာ ဖြစ်ပါတယ်။ ဒါ့အပြင် စာ အသိ တင်မဟုတ်ပဲသီအိုရီတွေကို မိမိ ပတ်ဝန်းကျင် ကအဖြစ်အပျက်လေးတွေ နဲ့ယှဉ်ထိုး သုံးသပ်ကာ လက်တွေ့ပြန် အသုံးချ ဖို့လိုအပ်ပါတယ်။
ကဲ…ဒီလောက်ဆိုရင်တော့ ဆိုလိုရင်းအဓိပ္ဗာယ် ကို သဘောပေါက်လောက်ပြီလို့ထင်ပါတယ်။ ဒါဆိုရင် ကွမ်းယာ သည် တွေ စီးပွားရေး နဲ့စီမံခန့်ခွဲမှု ပညာ တွေ တတ် ဖို့ လို. မလို ကို အငြင်းပွား မယ့်သူတော့ မရှိလောက်တော့ဘူး ထင်ပါရဲ့ဗျား။

14/06/2020

သင့်ကို တစ်စုံ တစ်ယောက်က၊ တိုက်ခိုက် ဝေဖန်လာပြီ ဆိုရင်၊

သေချာပါတယ်။

သင့်မှာ တစ်စုံတစ်ရည် အရည်အချင်း ရှိလို့ပါ။

ဘာ အရည်အချင်းမှ မရှိတဲ့ သူကို၊ ဘယ်သူကမှလည်း တိုက်ခိုက်မှာ မဟုတ်ဘူး။

စိတ်မပျက်ပါနဲ့။

စိတ်ဓာတ် မကျပါနဲ့။

ခံစား မနေပါနဲ့။

ကိုယ့်အလုပ် ကိုယ်လုပ်။

သူ့အလုပ်၊ သူလုပ်လိမ့်မယ်။

ခွေးဆိုရင်၊ ဟောင်မယ်။

ကျွဲဆိုရင်၊ ခတ်မယ်။

ကြောင်ဆိုရင်၊ ကုပ်မယ်။

လူဆိုရင် အတင်း တုတ်မယ်။

ဒါသဘာဝ ပဲ။

အောက်တန်းစား လူတွေရဲ့ အောက်လုံးတွေကို

အထက်တန်းစား လူတွေက ခံစားနေရင်

ခံယူချက်တွေ လွဲသွားမယ်။

- အရှင်လက္ခဏ(အင်းပါ)


မိတ်ဆွေများ အောင်မြင်၊ ပျော်ရွှင်၊ ငြိမ်းချမ်းစေဖို့ မျွှဝေပေးလိုက်ပါတယ်။

စေတနာ မေတ္တာများစွာဖြင်း

22/05/2020

စျေးရောင်းတယ်ဆိုတာ

စျေးရောင်းတာက အမတန်မှ လွယ်ကူတဲ့ အလုပ်ပါ ရောင်းစရာရှိရမယ် နောက် ကုန်ပစ္စည်းတခုကို စျေးသတ်မှတ်လိုက်ရုံနဲ့ စျေးရောင်းလို့ရပါတယ် {{အရင်ဆုံးလုပ်ရတာကစျေးသတ်မှတ်ဖို့ပါပဲ }} ဒီထဲမှာမှ စျေးရောင်းနည်း Trick လေး တခုတင်ပြပေးချင်တာပါ ဘာလဲဆိုတော့ ဒီစာကို ဆုံးအောင်ဖတ်ဖို့လို့ပါတယ်

ဟိုးယခင်က USA မှာ Phramacy shop တွေ ရှိပါတယ် ဒီ ဆေးဆိုင်တွေထဲက မှ တဆိုင်က အရောင်းသမားဟာ စတင်စဉ်းစားပါတယ် လူတွေက ဆေးဆိုင်တွေကို နေမကောင်း ဖြစ်မှ ဆေးလာစပ်ကြတယ် ဆေးလာဝယ်ကြတယ် ဒီနေရာမှာ လူတွေ နေ့စဉ် ငါတို့ဆိုင်ကိုလာဝယ်အောင်ဘယ်လိုလုပ်ကြမလဲဆိုတာကို အရောင်းသမားက စတင်တွေးခေါ်ပါတယ် ဆေး တွေ ပဲ မရောင်းပဲ သူက ဆေးနဲ့ သက်ဆိုင်သယောင်ယောင်ရှိတဲ့ နွားနို့ ကိုပါ တွဲရောင်းပါတယ် နွားနို့ရောင်းတော့ လူတွေ က နွားနို့ လိုချင်ရင် ဆေးဆိုင်ကိုလာပါတယ် ဒီလိုနဲ့ သူဆိုင်က ဆေး ရော နွားနို့ရော စျေးကွက်ရရှိလာပါတယ် နွားနို့က အားရှိပါတယ် - လူတိုင်းသိကြပါတယ်

ဆေးဆိုင်အတွက် နွားနို့ အိုးတခုတည်ပြီး အိတ်နဲ့ ထည့်ပေးရတာ ဘာမှ ခက်ခဲတဲ့ ကိစ္စမဟုတ်ပါဘူး ဒီလိုနဲ့ ဆေး ရော နွားနို့ရော လူရောပုံမှန် ရနေတဲ့ အချိန်မှာ ထပ်ပြီးတွေးပါတယ် ဘာတွဲရောင်းလို့ ရအုံးမလဲ ဒီမှာ ကြက်ဥ ကို ပါတွဲရောင်းပါတယ် ခက်တာက လူတွေ က ကြက်ဥ ကိုသိပ်မဝယ်ကြဘူး ဘာလို့လဲမသိပါဘူး ဒီမှာတင် ကိုနေစေး ဆိုတဲ့ သူတယောက် ရောက်လာပါတယ်

ဆေးပိုင်ရှင်က ညီးညူပါတယ် ကျနော်ဗျာ Idea ကောင်းတော့ ဆေးဆိုင်ကို လူလဲ လာပါတယ် နွားနို့လဲ ရောင်းရပါတယ်တဲ့ ဒါပေမယ့် ကြက်ဥ တွဲရောင်းတော့ မရောင်းရဘူး ဖြစ်နေတယ်တဲ့ အဲတာဘယ်လို လုပ်သင့်လဲဆိုပြီး အကြံတောင်းပါတယ်

ကိုနေစေးက တိုးတိုးလေးပြောပြလိုက်တယ် ဒီလူဟာ အရမ်းကို ပျော်ရွင်သွားပါတယ်

နောက်နေ့မှာ ဆေးဆိုင်ကို နွားနို့လာဝယ်ပါတယ် နွားနို့အိုးနဲ့အတူကြက်ဥရှိပါတယ် နွားနို့ ဝယ်တဲ့ သူ ဆိုင်ရှင်က မေးပါတယ် နွားနို့ 10KG ပေးပါ ဆိုတော့ ဆိုင်ရှင်ကမေးပါတယ်( ကြက်ဥ ဘယ် နှစ်လုံးထည့်မလဲ ) ဆိုတာပဲ ကာစတန်မာက တွေဝေပြီး ကြက်ဥ တလုံးပေးပါ လို့ဆိုတယ် အနည်းဆုံး ဆေးဆိုင်က နွားနို့ တခါလာဝယ်တိုင်း ကြက်ဥ တလုံး ရောင်းရပါတယ် ဒါဟာ Sale Trick ပါ

ကြက်ဥယူပါအုံးလား ပြောမယ့်အစား
ကြက် တ လုံးထည့်မလား ၂လုံးထည့်မလား ဆိုတဲ့ မေးခွန်းကို Change လိုက်တာပါပဲ နွားနို့ နဲ့ ကြက်ဥ ဘာဆိုင်လဲလို့မေးကောင်းမေးမဲ့သူရှိပေမယ့် သင်ပြန်ပြောပြရမှာက အခြားလူတွေလဲ နွားနို့နဲ့ ကြက်ဥ တွဲဝယ်ကြလို့ လို ဖြေရှင်းချက်ပေးရုံပါပဲ ဒါလေးကို တွဲစပ်စဉ်းစားပါ တွဲရောင်းဖို့ နဲ့ စျေးဝယ်ကို ရွေးချယ်ခိုင်းတဲ့ စျေးရောင်းနည်းစနစ်ကို သင်မြင်နိင်ပါတယ် ဒါဟာ အနုပညာပါပဲ

ဒါမို့ Sale တခုမှ Base တခုကနေ တွဲပီး ရောင်းနိင်တဲ့ Product လုပ်ရပါမယ် ထပ်ခါ ထပ်ခါ အရောင်း Sale Boost ကို တွဲပြီး ပြောပြဖို့လဲ လိုနေပါတယ်

ဥပမာ
ထီဆိုင်တဆိုင်က ဘုရားဖူးကားလက်မှတ်တွဲလို့ရတယ်
ဆိုက်ကားသမားက Online Delivery တွဲလုပ်လို့ရတယ်။အပ်ချုပ်ဆိုင်က အကျီဆိုင် တွဲလို့ရတယ်
ကွမ်းယာဆိုင်က ဖုန်းငွေဖြည့်ကတ်ရောင်းရတယ်
ကုန်စုံဆိုင်က ရေသန့်ဘူး ပို့ရတယ်
လေပျံလက်မှတ်ရောင်းသူက Insurence တွဲလို့ရတယ်

Credit: မူရင်းရေးသားသူ

18/05/2020

ကိုဗစ်ကြောင့် ဆုံးရှုံးတဲ့ လုပ်ငန်းများ။

၁။ ခရီးသွားလုပ်ငန်းများ။
ရှင်းပြစရာ မလိုအောင် နားလည်နိုင်ကြပါတယ်။ ခရီးသွားလုပ်ငန်းဆုံးရှုံးမှု ၂.၁ ထရီလီယံ ရှိပါတယ်။ ဘယ်အချိန် ပြန်ကောင်းမလဲ ဘယ်သူမှ မသိနိုင်ပါဘူး။

၂။ လေကြောင်းလိုင်းများ။
ဒေဝါလီခံဖို့ အလွန်နီးစပ်တဲ့ လုပ်ငန်းကြီးတွေအဖြစ် ယဲ့ယဲ့သာ ကျန်ပါတော့တယ်။ ဘယ်သူမှ မမှန်းနိုင်လောက်အောင်နစ်နာမှု အလွန်ကြီးမားပါတယ်။

၃။ ဖျော်ဖြေရေး လုပ်ငန်းများ
Social distancing နဲ့ စားသောက်ဆိုင် ဟိုတယ်လုပ်ငန်းများရပ်တန့်သွားတဲ့နောက် ဒီလို ဖျော်ဖြေရေးလုပ်ငန်းတွေ ထိခိုက်မှု မှန်းတာထက် များစွာ ကြီးမားပါတယ်။

၄။ ဆောက်လုပ်ရေးလုပ်ငန်းများ။
ဆောက်လုပ်ရေးတွေရပ်နားသွားပါတယ်၊ တည်ဆောက်နိုင်တဲ့ လုပ်ငန်းတွေ နည်းလာတယ်၊ အထိခိုက်များတဲ့ လုပ်ငန်းတခုဖြစ်လာပါတယ်။

၅။ ရေနံ ထွက်ပစ္စည်းများ ထုတ်လုပ်ဖြန့်ချီရေး လုပ်ငန်းများ။
ခရီးသွားလာမှု၊ ကုန်စည်စီးဆင်းမှုရပ်တန့်သွားလို့ ဒေါ်လာ ထရီလီယံနဲ့ ချီ နစ်နာသွားတဲ့ လုပ်ငန်းဖြစ်ပါတယ်၊ ဖြေးဖြေးချင်းပဲ ပြန်တက်ပါ့မည်။ ထိခိုက်မှု ကာလ အတိုအရှည် မှန်းဆ မရနိုင်သေးပါ။

၆။ ကျမ်းမာရေးလေ့ကျင့်ခန်း စင်တာများ။
ကိုဗစ် ဖြစ်ဖြစ်ခြင်း ရပ်နားသွားရတဲ့လုပ်ငန်းဖြစ်ပါတယ်။
ရောဂါပိုးကူးစက်ဖို့အလွန်လွယ်ကူတဲ့ လုပ်ငန်းမျိုး ဖြစ်လို့ ပြန်ထူထောင်လာဖို့ မလွယ်ကူသေးပါဘူး။ ဝင်ငွေ ဒေါ်လာ ၉၄ ဘီလီယံ နစ်နာနေပါတယ်။

၇။ အားကစား လုပ်ငန်းများ
တကမ္ဘာလုံးက အားကစားပွဲတွေရပ်နားထားလို့ ဒေါ်လာ ၆၀၀ ဘီလီယံ ဆုံးရှုံးရတယ်လို့ခန့်မှန်းပါတယ်။

၈။ ရုပ်ရှင် နှင့်ဖျော်ဖြေရေးလုပ်ငန်းများ။
ရုပ်ရှင်လုပ်ငန်း တီဗွီလုပ်ငန်းတွေ ရိုက်ကူးမှုအသစ်မလုပ်နိုင်ကြတော့ပါဘူး၊ ကြော်ငြာဝင်ငွေမရှိတော့ဘူး။ ဒီနေ့ကြည့်နေတဲ့ တီဗွီ အစီအစဥ်တွေဟာ ရိုက်ကူးမှုအသစ်မလုပ်နိုင်ကြလို့ အဟောင်းများကို ထပ်တလဲလဲ ပြန်လွှင့်နေတာ တွေ့ရပါတယ်။ ထိခိုက်မှုကြီးမားပါတယ်။ ဒစ္စနေး တခုထဲ ဒေါ်လာဘီလီယံချီဆုံးရှုံးပါတယ်။

၉။ ဟိုတယ် လုပ်ငန်းများ။
ခရီးသွားရပ်တန့်နေလို့ ဟိုတယ်လုပ်ငန်းတွေ ရပ်တန့်နေခဲ့ပါတယ်။ အခြေခံကအစ ပြုပြင်ရမဲ့လုပ်ငန်းတွေဖြစ်လာလို့ တော်တော်ခက်ခက်ခဲခဲရုန်းကန်ရပါဦးမယ်။

၁၀။စားသောက်ဆိုင်လုပ်ငန်းများ
စားသောက်ဆိုင်များဟာ ရေရှည်ရပ်တည်ဖို့ခက်ခဲလာပါတယ်။ ပြန်ဖွင့်ရင်တောင် အယင်လို လူရရှိဖို့ မသေချာနိုင်သေးပါဘူး။ ကိုဗစ်ကာလ ၂၂၅ ဘီလီယံ ဆုံးရှုံးခဲ့ပါတယ်။

သင်ရော ဘယ်လုပ်ငန်း လုပ်ကိုင်နေပါသလဲ?
Credit : မူရင်းရေးသားသူ

06/03/2020

စိုင်းစိုင်း (သို့မဟုတ်) မားကက်တင်း ဆရာတစ်ဆူ
°°°°°°°°°°°°°°°°°°°°°°°°°°°°°°°°°°°°°°°°°°°°°°°°
ခေါင်းစဉ်ကတော့ နည်းနည်းကြီးတယ် … ကြီးရလောက်အောင်လည်း ဦးစိုင်းက မားကက်တင်းမှာ တကယ်ကြမ်းတာကိုး .. မသိဘူး .. ကိုယ်လည်း ကိုယ်မြင်တာ ပြောကြည့်တာပါ ….
ကိုယ့်ရဲ့ Product တစ်ခု ကို ရောင်းတော့မယ်ဆိုရင် ဘယ်သူ့ကို ရောင်းရမလဲ ဆိုတဲ့ Buyer Persona ကို တည်ဆောက်ရတယ် … အဲလို တည်ဆောက်တဲ့အခါ Customer ကို ကြည့်ပြီး ထုတ်တဲ့ Product ရှိသလို Product ကို ကြည့်ပြီးတော့ Customer တွေကို သတ်မှတ်တာ ရှိတယ် …

စိုင်းစိုင်းက တော့ Customer ကို ကြည့်ပြီး Product ကို ထုတ်တယ်လို့ မြင်တယ် …
ရှေ့ရှေ့က လူတိုင်း ပြောခဲ့ကြပြီဖြစ်တဲ့ SAI နှုတ်ခမ်းနီထုတ်တာ … Birthday Show လုပ်ပြီး PR Marketing လုပ်တာ … Gfatt, Bunny, Snare တို့တွေနဲ့ တွဲပြီးတော့ Alliance Marketing လုပ်တာတွေ ကို မပြောတော့ပါဘူး …

အခုပြောချင်တာက #ပိတောက်ကတဲ့ဂီတ
ပိတောက်ကတဲ့ဂီတ ဟာ Music Movie ဂီတကို အခြေခံတဲ့ကားလို့ ပြောပေမယ့် Romantic Drama ခေတ်စကားနဲ့ ပြောရင် စွန်းရိုတဲ့ ဇတ်ကား၊ ဇာတ်ကားထဲက သရုပ်ဆောင်ကလည်း စိုင်းစိုင်းရဲ့ အပြင်က Character ကိုပဲ ရိုက်ထားတာ … ဒါဆိုရင် ဒီ product က သူရဲ့ ပရိတ်သတ် မိန်းကလေးတွေ သေချာပေါက်ကြိုက်မယ့် ရိုကား ကို ရိုက်ထားတာ၊ မိန်းကလေးတွေ ဦးတည်လိုက်တဲ့အတွက် သေချာတဲ့ သူ့ပရိတ်သတ် မိန်းကလေးတွေ ကြည့်မယ် .. ဒါ့အပြင် ရိုတဲ့ကားဖြစ်လို့ RS တွေမှာလည်း မိန်းကလေး က ကြည့်ချင်တော့ ယောင်္ကျားလေးတွေက စိုင်းစိုင်းကို ကြိုက်သည်ဖြစ်စေ မကြိုက်သည်ဖြစ်စေ သူ့ကောင်မလေး ကြည့်ချင်တော့ ပို့ရမှာပဲ … Single မိန်းကလေးတွေကလည်း ပိုးမမှီသာ နေရာမှာ သူတို့ ဝင်ပြီး ခံစားဖို့ ကြည့်ချမှာပဲ .. ကြွေပြီလေ ဘဲကြီးရယ် .. ငါ့ကို အဲလိုလာရိုရင် သေပျော်ပြီ ဘာညာတွေ လာမှာလေ …

အဲဒါနဲ့ မပြီးသေးဘူးနော် Marketing 4.0 ရဲ့ the Ozone 3 ကို သုံးတယ်
OWN ျဖစ္တဲ့
Website
Face book Page and Apps that fits the business
Instagram page
Indoor Ads
Instagram Photo Frame (studio)
You Tube Channel
Online Community page

အဲဒါတွေ အကုန်လုပ်မှာ သေချာတယ် (တစ်ချို့ဟာတွေက လုပ်နေပြီ)

OTHER ျဖစ္တဲ့
Facebook Ads (သူက boost ဖို့တောင်မလိုသလောက်ပဲ ဒါပေမယ့် boost မယ်ထင်ပါတယ်)
Display Search or Google Ads နဲ့ Search Engine Optimization ကတော့ မသိသေးဘူး
Affiliate Marketing (ဒီနည်းကိုလည်း indirect နည်းနဲ့ သုံးတယ်)
Paid Bloggers / Paid Press Release ( Review တွေ လှိုင်လှိုင်မြင်လာပါလိမ့်မယ် Paid ဟုတ်/ မဟုတ် မသိပေမယ့် ခုကို ကျွန်တော် ဖတ်မိသလောက် ဆရာမ လမင်းမိုမို၊ ဆရာရဲမြတ်သူတို့တွေ )
Survey Content လည်း မကြာခင် တစ်ပတ်လောက် ပြပြီးရင် လာမယ် ထင်တယ်

OUTER ျဖစ္တဲ့
Blog Posts
Positive Online Reviews (ဒါကို ဒီနေ့ပဲ မကောင်းရင် သူ့ကို ပြောပါ ကောင်းရင် Facebook ပေါ်တင်ပါ #ပိတောက်အသင်း hash tag နဲ့ တင်ဖို့ ပြောထားပါတယ်)
Shares, Likes, Status message on Facebook
Likes and comments on Instagram,
Positive Mentions
Youtube (vblogs)

တွေကို သုံးတယ်

ဒါတင်ပြီးပြီလား … ဆိုတော့ မပြီးသေးဘူး Marketing 4.0 ရဲ့ F factors တွေ ဖြစ်တဲ့
Family, Friends, Facebook Fans, Followers, IG Followers တွေကို သုံးပါဦးမယ်

ဟိုရက္က
စိုင်း နှင့် ပိုး ကို တွေ့အောင်ရှာပါ 🔎🔎🔎
အဂ္ဂါစိုင်းနှင့် ပိုးမဒီ တို့ နှစ်ယောက်ကို
(၂၉ လမ်း - အထက်ဘလောက်)
📍 နောက်ဖေးလမ်းကြားဥယျာဉ်📍
ပန်းဘဲတန်းမြို့နယ်, ရန်ကုန် မှာ
တွေ့အောင်ရှာပြီး
ဓာတ်ပုံသွားရိုက်ရအောင်ပါ 📸📸📸 ဆိုတဲ့ Post က F factors ကို သံုးတာပါပဲ …

ပြောမယ်ဆိုရင် တော်တော် များပါတယ် …

မိတ်ဆွေတိုရော … မိတ်ဆွေတို့ရဲ့ လုပ်ငန်းကို ဦးစိုင်း လိုမျိုး ဘယ်လို မားကက်တင်း ဗျူဟာတွေ သုံးပြီးပြီလဲ .. သုံးနေပြီလဲ .. သုံးဖို့စဉ်းစားနေကြလဲဗျ …

ကျေးဇူးတင်ပါတယ်

26/02/2020

ကျွန်တော် Content Plan ဘယ်လို စဉ်းစားလဲ? (ဖတ်ချိန် ၄ မိနစ်)

ဒါ ကျွန်တော့်ကို ဖုန်းနဲ့ကော၊ message နဲ့ကော ဒီရက်ပိုင်း အတော်လေး အမေးများတဲ့ မေးခွန်းပါ။ တော်တော်များများ ပြောကြတာကတော့ အချိန်အတိုင်းအတာတစ်ခုရောက်ပြီဆိုရင် ဘာဆက်ရေးရမှန်းမသိကြတော့တာ ဖြစ်တတ်ပါတယ်။ ကျွန်တော့်ကိုကော ဘယ်လိုစဉ်းစားလည်းဆိုတာ လာမေးကြပါတယ်။

Monthly Content အတွက်ကို ကျွန်တော် အမြဲ အပိုင်း ၃ ပိုင်း ခွဲပြီး စဉ်းစားလေ့ရှိပါတယ်ဗျ။
1. ကိုယ်ပြောချင်တာတွေရယ်။
2. Fans တွေအတွက် တန်ဖိုးရှိတာတွေရယ်။
3. Fans တွေ သိချင်တာတွေရယ်။
ဆိုပြီးတော့ပါ။ နည်းနည်းပြန်ရှင်းပြပါ့မယ်။

အဲ မရှင်းခင် တစ်ခု ပြောချင်တာက Product သုံးစားမရရင် Marketing မှာ ဘယ်လောက်ပဲ လန်ပျံထွက်နေအောင် တော် နေတဲ့သူပဲဖြစ်ဖြစ် ကူလို့ ကယ်လို့ ရမှာမဟုတ်ပါဘူး။ အဲဒီတော့ Product ကို အရင် ဂရုစိုက်ကြပါ။ 4P မှာတောင် Product အရင်လာတာကိုးဗျ။

ကဲ ကဲ စရအောင်။

၁။ ကိုယ်ပြောချင်ရာပြောတဲ့ Content

ဒါကတော့ တော်တော်များများ ရှင်းမယ်လို့ထင်တယ်ဗျ။ Digital Marketing လုပ်နေတဲ့သူတွေတော်တော်များများက ကိုယ်ပြောချင်တဲ့ content ကိုပဲ ဦးစားပေးပြီး Create လုပ်ကြတာပါ။ ကိုယ့် Brand ရဲ့ ဒီပစ္စည်းလေးကောင်းတယ်။ ဒီ feature ကတော့ မိုက်တယ်။ ဒါလေးက ဒီလိုလေးနဲ့ သင့်တော်တယ် စသဖြင့်ပေါ့။ အရမ်းကြီးကို Business Owner အကြိုက် content တွေပေါ့။ ကျွန်တော်တို့လည်း လုပ်ရပါတယ်။ ဒါပေမယ့် ကျွန်တော် ဒီဟာကို အတတ်နိုင်ဆုံးပြောင်းလဲနိုင်အောင် ကြိုးစားနေပါတယ်။ အကြောင်းရင်းက Fan က စိတ်မဝင်စားလို့ပါ။ ဘာလို့လည်းဆိုတော့ ဒီလို ဘာရှာလည်း အကို၊ ဝင်ကြည့်လေ ဆိုတဲ့ ပလာဇာ content တွေ တင်တာ ကောင်းတဲ့အချိန် တစ်ခုပဲရှိပါတယ်။ (ပရိသတ်ကလည်း စိတ်ဝင်စားတဲ့အချိန်) ဘာလည်းဆိုတော့ Product Launch နဲ့ Promotion အချိန်တွေပါ။ အဲဒီ့ အချိန် နှစ်ချိန်မှာ ကိုယ့် Product/Service အကြောင်းကို အသားကုန် စိတ်ဝင်စားကြပါတယ်။

ဒါဆို Product Posts တွေ မတင်ရတော့ဘူးလား? အဲလိုလည်း မဟုတ်သေးပါဘူး။ တင်လို့ရပါတယ်။ တင်ပါ။ ဘယ်လိုတင်ရမလဲဆိုတော့ Dark Post အနေနဲ့ တစ်ပတ် တစ်ခုတင်ပြီး တစ်ပတ်စာ Boost လုပ်ထားလိုက်ပါ။ အဲဒီ့မှာတော့ Product အကြောင်း ထဲထဲဝင်ဝင် အသေးစိတ်ကိုရေးထားပါ။ Dark Post ဆိုတာ ကိုယ့် Page Timeline မှာ မပေါ်ဘဲ Fan ရဲ့ newsfeed မှာ ပေါ်နေမယ့် content မျိုးပါ။ Ads Manager မှာ create လုပ်လို့ရပါတယ်။ သိချင်ရင် how to create Dark Post on Facebook ဆိုပြီး Google ကြည့်ပါဗျ။ ဘာကြောင့် Dark Post လုပ်စေချင်တာလည်းဆိုတော့ အကြောင်းရင်းက Fans တွေကို ကိုယ့် Page ကို လာကြည့်ဖို့ Reason ပေးချင်တာပါ။ ကိုယ့် Page မှာ သူတို့ စိတ်ဝင်စားတဲ့ အကြောင်းတွေနဲ့ပဲ ပြည့်နေတယ်ဆိုရင် အမြဲဝင်ကြည့်ဖြစ်နေမယ့်အပြင် see first ပါ လုပ်ထားဦးမှာပါဗျ။

၂။ Fan တွေအတွက် တန်ဖိုးရှိမယ့် Content

ဒါကတော့ ကျွန်တော် အမြဲပြောပြောနေတဲ့ valueable content မျိုးပါ။ Fan တွေကို ကိုယ့် Page ကို Follow လုပ်ထားဖို့၊ ကိုယ့် Page ကို See First လုပ်အောင် လုပ်ထားဖို့ အတွက်က အကြောင်းရင်း ကောင်းကောင်းရှိဖို့လိုပါလိမ့်မယ်ဗျ။ Sales Posts တွေပဲတင်ပြီး အမြဲ ကျွန်တော်တို့ Product က အကောင်းဆုံးပါ လို့ကြေငြာနေရင်တော့ အလုပ်ဖြစ်မှာ မဟုတ်ဘူးဗျ။ ဘာလို့လည်းဆိုတော့ Brand တိုင်းက လုပ်နေကြတာကိုး။ အဲဒီ့တော့ ကိုယ် ဘယ်လို Ground ကို Own လုပ်မလဲဆိုတာကို စဉ်းစားပါဗျ။ ဥပမာ Fashion လား? Racing လား? Lifestyle လား? Luxury လား? Photography လား? အဲဒါနဲ့ဆိုင်တဲ့ Fans တွေ သိရင် အကျိုးရှိမယ့် content တွေ ဆက်တိုက်ကို ရေးပါ။ တစ်နေ့ကို ၁၀ ပုဒ်ရေးနိုင်လည်း ရပါတယ်။ အပုဒ် ၁၀၀ ရေးနိုင်လည်း ရပါတယ်။ ဒါပေမယ့် အရေအတွက်ထက် အရည်အသွေးကိုတော့ ဂရုစိုက်ပါ။ ဒါဆိုရင် ခင်ဗျားတောင် ပြောနေစရာမလိုဘူး။ ခင်ဗျား Page ကို See First လုပ်ထားမှာ အသေအချာပဲဗျ။

၃။ Fan တွေ သိချင်တဲ့ Content

ဒါကတော့ နည်းနည်းရှင်းပြရမယ်။ တော်တော်များများ သိပ်လုပ်လေ့မရှိကြဘူး။ Fans တွေ ကိုယ့် Brand အကြောင်း ကိုယ့် Product အကြောင်း ဘာတွေသိချင်နေလဲဆိုတာ အမြဲ ပြောပြကြလေ့ရှိပါတယ်။ (အနည်းအများတော့ ကွာတာပေါ့) ဘယ်မှာ ပြောပြလည်းဆိုတော့ comment နဲ့ message တွေမှာပါ။ ကျွန်တော်လုပ်နေကျက အဲဒီ့ comment နဲ့ message တွေကို excel sheet တစ်ခုနဲ့ တစ်လတစ်ခါ ထုတ်တယ်ဗျ။ excel ထဲ ဘာပါသလဲဆိုတော့
- Comment Or Message မူရင်း
- မေးခွန်းလား? Complaint လား? ချီးကျူးစာလား?
- ဘာ product လည်း?
- ဘာ topic လည်း?
- ဘာ feature လည်း?
စတာတွေကို စစ်တမ်းကောက်ပါတယ်။ excel ကိုတော့ ကိုယ့် Brand နဲ့ ဆိုင်တာကို ညှိကြပါ။ ဘာကို track မလဲဆိုတာမျိုးပေါ့။ ဥပမာ ဘယ်လောက်လည်း? ဆိုင် ဘယ်မှာလည်း ဆိုတာပဲ အဆက်မပြတ်မေးနေရင်တောင်မှ တစ်ပတ် တစ်ခါလောက် ပြန်ပြန်ပြီး တင်ပေးလို့ရပါတယ်။ ကိုယ့် Brand ဘယ်လောက်ကောင်းကြောင်း ချီးကျူးစာတွေ ပို့နေရင်တောင် ( ရှားတော့ ရှားပါတယ်လေ။ :P ) background လှလှလေးနဲ့ ပြန်တင်ပေးပါ။ ဒါက customer တွေ ဘာပြောနေလဲဆိုတာကို နားထောင်တာပါ။ ဂြိုလ်သားစကား (မဟာဆြာ စကား) နဲ့ဆိုရင်တော့ social listening လို့ ခေါ်ပါတယ်ဗျ။ Complaint တက်တဲ့ customer တော်တော်များများက သူ့တို့ အခက်အခဲကို Brand ဘက်က ပြန်မရှင်းပေးမှာကို ကြောက်တဲ့စိတ်နဲ့ ဒေါသထွက်ပြီး comment နဲ့ message မှာ လာပြီး ဆဲကြ ဆိုကြတာပါ။ customer service နဲ့ ကျွန်တော် အမြဲတမ်း လက်တွဲပြီး content ကို စဉ်းစားလေ့ရှိပါတယ်ဗျ။

ဒီလောက်ဆိုရင်တော့ အိုကေမယ်ထင်ပါတယ်။ မရှင်းတာရှိရင် ထုံးစံအတိုင်း comment below ပါဦး။

26/02/2020

Marketing ရဲ့ Fantastic 4 (F4)
=================
Marketing မှာ သိထားရမယ့် F လေးလုံး ရှိပါတယ်။
ဒီ လေးလုံး သိထားရင် ကြော်ငြာတဲ့အချိန်မှာရော
ရောင်းတဲ့အချိန်မှာရော အကျိုးရှိမှာပါ။

F - Focus
ကြော်ငြာတဲ့အချိန်မှာ Focus အရေးကြီးပါတယ်။
အများစုက ကြော်ငြာရင် လူတိုင်းကို၊ တနည်းအားဖြင့်
စာဖတ်သူတိုင်းကို ရည်ညွှန်းပြီးပြောတတ်ကြပါတယ်။

ဒီအတွက် ကြော်ငြာရင် ဘယ်သူ့အတွက်
ပြောလို့ပြောမှန်းမသိဘဲ... ဟိုမရောက်ဒီမရောက်ဖြစ်သွားတတ်ပါတယ်။

ဒီတော့ ပြောမယ်ဆိုရင်
ဒဲ့ပြောပါ...
ဥပမာ..
- ဆယ်ကျော်သက် ချစ်တို့အရွယ်ဆိုတာ..
- ကားပိုင်ရှင် ကွီးတို့အတွက်..
- ရင်သွေးလေးပိုက်ထားပြီဖြစ်တဲ့ မေမေလောင်းတို့...

F - Facts
ကြော်ငြာဆိုတာ ကျော်အောင် ညာတယ်လို့ သုံးကြပါတယ်..
တခါတလေ ဒီအယူကို လူတော်တော်များများက လက်ကိုင်ထားတာလည်း
ဝမ်းနည်းဖွယ်တွေ့ရပါတယ်...

ကိုယ့်ရဲ့ ပစ္စည်းအကြောင်း၊ ဝန်ဆောင်မှုအကြောင်းတောင်
သေသေချာချာ ကိုယ်တိုင် မသိ၊ မလေ့လာဘဲ
တခြားလူ ဝယ်ချင်အောင် အတင်း ချီးမွှမ်းခန်းဖွင့်၊ မိုးမွှန်အောင်ကောင်းတယ်လို့
ပြောနေတာဟာလည်း ကျော်အောင် ညာနေတာနဲ့ တူပါတယ်..

တကယ် ရောင်းအားတက်ချင်ရင်
ကိုယ်ရောင်းမယ့် ပစ္စည်းရဲ့
- ကောင်းကျိုး
- ဆိုးကျိုး
- အားသာချက်
- အားနည်းချက်
- အသုံးပြုပုံ
- သုံးနိုင်တဲ့ အခြားနေရာ
- ဖြစ်နိုင်တဲ့ အခက်အခဲ
- သက်တမ်း
စတဲ့ အချက်အလက်တွေကို
ကိုယ်ကိုယ်တိုင် သေချာလေ့လာထားရပါတယ်။

လူတွေ တကယ်ဝယ်တာဟာ အမှန်တရားပါ
ဒီပစ္စည်းဟာ တကယ်ဒီလို အကျိုးတွေရှိတယ်ဆိုတာသာ
ပြောပြနိုင်ရင် အရမ်း မပြောလည်း၊ အတင်း မကွန့်လည်း
ဝယ်ကြပါတယ်

ဥပမာ
- ဒီ အင်္ကျီလေးက ကိုယ်ပေါ်တင်လိုက်တာနဲ့ အေးနေတာလို့ ပြောမယ့်အစား
- ဒီ အင်္ကျီလေးက အနှစ်၂၀ ချည်နဲ့လုပ်ထားတာ၊
ချည်ပဲ ကိုင်ကြည့်ရင်တောင် အေးမြတဲ့ခံစားမှုရတယ်။
သဘာဝချည်ဖြစ်လို့ သဘာဝအတိုင်း လေဝင်လေထွက် ကောင်းပြီးသား။
ခန္ဓာကိုယ် Allergy လည်း မဖြစ်ဘူး။ ဝတ်လိုက်တာနဲ့ ပေါ့ပြီး အေးနေမှာ။

F - Future
လူတွေ တခုခုဝယ်မယ်ဆိုရင် ကြားချင်တာ
သူတို့ ဝယ်လိုက်ရင် ဘာဖြစ်မလဲဆိုတာပါ
တနည်းအားဖြင့် သူတို့ရဲ့ အနာဂတ် Future ကိုပါ

ကြော်ငြာရင် လူတွေ ဘာဖြစ်မလဲဆိုတဲ့ Future ကိုပါ
ထည့်ပြောပေးရပါမယ်။
ဒီ Future လေးမှ သူတို့ မခံစားမိရင် ဝယ်ဖို့ ပိုပြီး ကြန့်ကြာတတ်ပါတယ်။

အခုန အနှစ်၂၀ ချည်နဲ့ အင်္ကျီလေးပဲ ဆက်ပြောရရင်
ဒီချည်လေးက ဝတ်တဲ့သူရဲ့ အသားကို မလောင်စေဘူး၊
လေဝင်လေထွက်မကောင်းလို့ ပူအိုက်ချွေးလှောင်တာတွေ၊
လူကြားထဲသွားလို့ ချွေးနံ့ထွက်တာတွေ၊
မရှိဘဲ ပေါ့ပေါ့ပါးပါးနဲ့ ဝတ်လို့ရတဲ့ အထည်လေးပါ

အိမ်ရောင်းတာဆိုရင်လည်း...
ဒီအိမ်က ဈေးနဲ့ နီးတယ်.. အမ သားလေး ရှိတာလား
ကျောင်းလည်း နီးတယ်... ဆေးရုံဆေးခန်းတွေလည်း နီးတယ်
ကလေး တခုခုဖြစ်ရင် အမြန်ပြေးလို့ရတယ်
တုပ်ကွေးတွေလည်း ဖြစ်နေကြတော့
ဒီလိုအိမ်မျိုးရထားတာ မိသားစုအတွက် အားတခုပဲ.. အမ

F - Fear
နောက်ဆုံးလေးတခုကတော့ လူတိုင်းတစ်ကျတဲ့နေရာလေးပါ
Fear ပါတဲ့...
လူတွေဟာ ကြိုက်နေရင်တောင် ဝယ်ဖို့ တွန့်တတ်ကြတယ်
ချီတုံချတုံဖြစ်နေချိန်မှာ ဒီကြောက်စိတ်ဝင်လာပြီး
မဝယ်တော့ပါဘူး ဆိုပြီး မဝယ်ဖြစ်သူတွေ တပုံကြီး

Fear ကလည်း အမျိုးမျိုးရှိတယ်
- ဈေးကြီးမှာ
- ဂျင်းထည့်ခံရမှာ
- မှားဝယ်မိမှာ
- အိမ်ကပြောမှာ
- အရင်အတိုင်းပဲ ဖြစ်နေမှာ
- သူများတွေလှောင်မှာ
အများကြီးမှ အများကြီး

ဒါတွေကို နားလည်ထားရင်တော့
ဝယ်သူတွေကို သူတို့ ရှိနေတဲ့ Fear တွေ
ပြေလည်သွားအောင်

ဥပမာ..
- လုံးဝ ဈေးအာမခံပါတယ်၊ အဲ့ထက် သက်သာတာတွေ့ရင် အဲ့ဈေးထက် နည်းအောင် ထပ်ပေးပါ့မယ်.
- ပစ္စည်း အာမခံပါတယ်၊ ၁နှစ် အတွင်း တခုခုဖြစ်ရင် အလုံးလိုက် လဲပေးပါတယ်
- ဝတ်ကြည့်လို့ မတော်ရင် ပြန်လာလဲလို့ရတယ်နော် ညီမ... ယူသွား
- တကယ်လို့ လက်ဆောင်ပေးမယ်ဆိုလည်းသူမကြိုက်ရင် ပြန်လာလဲလို့ရတယ်နော်

စသဖြင့်လူတွေရဲ့ Fear လေးတွေကို ဖြေရှင်းပေးလိုက်နိုင်ရင်လည်း
အများကြီး အဆင်ပြေတာတွေ့ရလိမ့်မယ်။

ကဲ.. F တခုခု သုံးကြည့်လိုက်ပါဦးဗျာ
F လေးလုံးစလုံး သုံးနိုင်ရင်တော့
တကယ့် လူစွမ်းကောင်း Fantastic 4 လိုပါ
စွမ်းအားထက်တဲ့ Marketing စနစ်ဖြစ်သွားမှာပါ

16/02/2020

စီးပွားရေးမှာ မြင်ဖို့လိုတယ်
====================
ပြီးခဲ့တဲ့ လပိုင်းက စီးပွားရေးမှာ မြန်ဖို့လိုတယ် .. ဆိုတဲ့ စာတစ်ပုဒ် ရေးခဲ့ပါတယ်၊ အဓိကကတော့ ဈေးကွက်ကို လက်ဦးမှု ရယူဖို့ အကြောင်းပါ၊ ဒီနေ့ ပြောချင်လာတာက တရုပ်ပြည်က ကော်ဖီဆိုင် ဈေးကွက်မှာ Starbucks ပြီးရင် နံပါတ် (၂) နေရာကို ရောက်လာတဲ့ Luckin ကော်ဖီအကြောင်းပါ၊ ဒီအကြောင်းကို ကျွန်တော် Page နာမည် မမှတ်မိတော့တဲ့ App ရေးတဲ့ လုပ်ငန်းတစ်ခုက နည်းပညာကို အသုံးချဖို့ အကြောင်းပြောထားတဲ့ ဗွီဒီယိုမှာ ကြားလိုက်မိပြီးတော့ စိတ်ဝင်စားသွားပြီးတော့ လိုက်မွှေတာ … Ref တွေက အစုံဆိုတော့ Credit တွေ မဖော်ပြတော့ပါဘူး … မွှေနှောက်ပြီးသမျှ မှတ်မိသလောက် ပြန်မျှဝေတယ်လို့ပဲ သဘောထားလိုက်ပါဗျ။

Starbucks ဆိုတာ ကော်ဖီဆိုင်လောကမှာ တကမ္ဘာလုံးရဲ့ ဘုရင် လို့ ပြောလို့ရသလို တရုပ်ပြည်မှာလည်း ဘုရင်ပါပဲ၊ Luckin မပေါ်ခင်အထိတော့ တရုပ်ပြည်က ကော်ဖီဆိုင်တော်တော်များများဟာ Starbucks ကို မယှဉ်နိုင်ဘဲ ပြိုလဲကုန်ကျတာ များပါတယ်။ Starbucks က ဘာတွေ အားသာလဲ … နံပါတ် (၁) ကတော့ Branding ပါ .. Starbucks ဆိုတဲ့ နာမည်တစ်လုံးဟာ တော်တော်ကြီးကို အရှိန်ရှိပါတယ် … ဥပမာ iPhone လိုပဲပေါ့ .. ဒါပေမယ့် Mobile Phone လောကမှာလည်း တရုပ်ကုမ္ပဏီတွေ ဖြစ်တဲ့ ဟွာဝေး၊ ရှောင်မီ တို့ဟာ Apple ရဲ့ ဈေးကွက်ကို တော်တော်လေး ဖဲ့ယူလာပြီလို့ ပြောရမှာ ဖြစ်ပါတယ်၊ ထားလိုက်ပါ၊ ကော်ဖီအကြောင်းပဲ ဆက်သွားရအောင် … နံပါတ် (၂) က အရသာပါ၊ ကျွန်တော်လည်း Starbucks အရသာ ကို ကြိုက်ပါတယ် … နာမည်ကြီးတိုင်း ကျွန်တော် မကြိုက်ဘူးဗျ … ဥပမာ ကိုကာကိုလာပေါ့ … ကိုကာကိုလာဟာ ကျွန်တော့်အတွက် Marketing ပိုင်းမှာ Idol Brand တစ်ခုပါ .. ဒါပေမယ့် ကျွန်တော် ကိုကာကိုလာကို မကြိုက်ဘူး … နောက်တစ်ခုက Starbuck ဟာ နေရာတွေ ရွေးတာ ကောင်းတယ်၊ Shopping Mall ပတ်လည်တွေစတဲ့ ကော်ဖီယဉ်ကျေးမှု နဲ့ နီးစပ်တဲ့ နေရာတွေကို ရွေးပြီးတော့ ဖွင့်တယ်၊ ပြီးတော့ Table Exchange Rate လို့ ခေါ်တယ်ထင်တာပဲ (မှားရင်လည်း F&B က သူတွေ ထောက်ပြပေးကြပါဗျ) ဆိုလိုတာက ဆိုင်မှာ Customer တစ်ယောက်က အကြာကြီးထိုင်နေတာက လူပါးတဲ့အချိန်မှာ သိပ်ကိစ္စမရှိပေမယ့် လူကျတဲ့အချိန်ဆို အဲဒါက အခက်အခဲဖြစ်စေတယ်၊ အဲဒါကို သူက Control လုပ်နိုင်တယ်၊ ဘယ်လိုလုပ်လဲဆိုတာတော့ ဒီမှာ မပြောပြတော့ဘူးဗျာ သိတဲ့သူတွေလည်း သိကြပါတယ်။
အဲဒီလို ကမ္ဘာမှာရော .. တရုပ်ပြည်မှာပါ ကော်ဖီလောကရဲ့ ဘုရင် ဖြစ်တဲ့ Starbucks နောက်က ၂၀၁၇ မှ စခဲ့တဲ့ Luckin ကော်ဖီက လိုက်လာပြီးတော့ နံပါတ် (၂) နေရာတင်မကဘဲ Starbucks ကိုပါ ကသောက်ကယက်တွေ ဖြစ်လာစေခဲ့ပါတယ် …

Luckin ဟာ O 2 O လို့ခေါ်တဲ့ Offline to Online နဲ့ ကျွန်တော့် အယူအဆဖြစ်တဲ့ O + O (Offline+ Online) တွေကို သုံးသွားပါတယ်။ Starbucks ဟာ Branding ဖြစ်နေတဲ့အတွက် .. ဆိုလိုတာက Starbucks ခွက်လေးကို ရိုက်ပြီးတင်ရတာကိုက အထာလို့ သတ်မှတ်တဲ့ သူတွေ ရှိတဲ့အတွက် … Luckin ဟာ သူ့ရဲ့ တံဆိပ်ကို တရုပ်ရဲ့ နာမည်ကြီးတွေသုံးပြီးတော့ ကြော်ငြာပါတယ်။ ပြီးတော့ သူလည်း Starbucks လိုပဲ နေရာကို သေချာရွေးပါတယ်၊ Luckin ရဲ့ Target မှာ ရုံးတွေနဲ့ လူနေအိမ်ရာတွေကို target ထားပါတယ်၊ အပြာရောင် လေးကို မြင်လိုက်တာနဲ့ သူလို့ ဖြစ်လာအောင်ကို ကြော်ငြာတွေကို offline + Online ပတ်လည် အကုန် သုံးပါတယ်။ Tang Wei, Zhang Zhen စတဲ့ တရုပ်နာမည်ကြီး သရုပ်ဆောင်တွေကို သုံးပြီး ကြော်ငြာတယ်၊ Online မှာ တရုပ်မှာ အရမ်းသုံးတဲ့ WeChat က ကြော်ငြာတယ် စသည်ဖြင့် အသားကုန်ဝုန်းပါတယ်၊ သူတို့ ကော်ဖီကို Word of Mouth ညွှန်းပေးရင် Free Coffe ရတယ် …
သူတို့ရဲ့ App ကို ဒေါင်းပြီး install လိုက်ရင် Fee Coffee ရတယ်၊ တစ်ယောက်က နော်ကတစ်ယောက်သောက်ဖို့ ခေါ်လာရင် တစ်ယောက်အတွက် Fee ပေးတယ် … ဆိုင်ကိုလာရင် တန်းစီစရာမလိုဘဲ အိမ်က ထွက်လာာကတည်းက App ကနေ အော်ဒါတင်ထားလိုက် ဆိုင်မှာ တန်းပြီးတော့ ဝင်ယူရုံပဲ … တန်းစီစောင့်စရာမလိုဘူး … ရုံးတက်နေရင်း ကော်ဖီသောက်ချင်တယ် မထွက်အားရင်လည်း App ကနေ လှမ်းမှာလိုက် … Deli နဲ့ လာပို့ပေးတယ် … ဈေးနှုန်းကလေည်း Starbucks ထက် သက်သာတယ်
သက်သာတယ်ဆိုသူက ဆိုင် (၃) မျိုး ရှိတယ် (၁) ပုံမှန်အတိုင်း လာမယ်၊ ထိုင်မယ်၊ ကော်ဖီသောက်မယ်။ (၂) ကကျတော့ ကြိုပြီးတော့ အော်ဒါတင်ထားတဲ့ ကော်ဖီကို ယူရုံပဲထားတာ (၃) က Deli ပို့ရမယ့် ကော်ဖီအတွက်ပဲ ပြင်တာ အဲဒီတော့ ဆိုင်တိုင်းအတွက် ငှားရမ်းခတွေက များမနေဘူး၊ ပြီးတော့ လူတွေက ပိုလွယ်တာကို ကြိုက်တယ် … ဆိုပါတော့ ကျွန်တော် မြို့ထဲက ပြန်လာတယ် .. အိမ်ရောက်ရင် စားစရာ မရှိဘူး၊ လှည်တန်းမှာ ကျွန်တော်စားချင်တာ ရှိတယ် … ဖုန်းနဲ့ ဘိုကင် တင်လိုက်မယ် … ရောက်ရင်ကားလေး ခဏရပ်ပြီး ယူသွားရုံပဲ အဲလိုရမယ်ဆိုရင် ကျွန်တော်လည်း ပိုဝယ်မိမှာပါပဲ။ (ကျွန်တော်ဆီမှာက Mobile Money က မတွင်ကျယ်သေးတော့ မှာပြီးလာမယူမှာလဲ စိုးရတော့ ဆိုင်ေ်တွက အဆင်မပြေဘူး) Luckin ကကျတော့ ပိုက်ဆံကိုလည်း Mobile Money နဲ့ ပေးလို့ရတော့ အဆင်ပြေတယ်။

Luckin ဟာ Data Analysis ပိုင်းမှာလည်း တော်တော်လေး လုပ်တယ်လို့ ပြောရမယ် သူ့ရဲ့ ဆိုင်တွေကို နေရာ ရွေးဖို့အတွက် (၃) နေရာလောက် စမ်းပြီးဖွင့်တယ်၊ သူတို့ရဲ့ Target Customer နဲ့ ဘယ်လိုနေရာက ပိုအဆင်ပြေလဲ ဆိုတာကို တွက်ချက်တယ်၊ ကော်ဖီသောက်တာ ဆိုင်ထိုင်သောက်တဲ့ အလေ့အထ တင်မဟုတ်ဘူး ဆိုတာကိုလည်း တွေ့သွားတယ်၊ ကြိုမှာပြီးဝင်ယူတာ၊ Deli နဲ့ ပို့ပေးတာ စတဲ့ Differentiation တွေ လုပ်နိုင်တယ်၊ Luckin ဟာ Customer တွေ ဘာလိုလဲ ဆိုတာကို မြင်အောင် ကြည့်နိုင်တယ်လို့ ပြောရမှာ ဖြစ်ပါတယ်။ အခုဆိုရင် Starbucks တောင် တင်းမခံနိုင်တော့ဘဲ Deli ပို့ရတဲ့ အဖြစ် ဖြစ်သွားပြီ .. Physical Store မှာ မှာတာကိုက Starbucks ထက် ပိုပြီးတော့ မြန်ပါတယ် …

၂၀၁၇ ကမှ စတဲ့ ဒီ Brand ဟာ ၂ နှစ်စွန်းစွန်း၊ ၃-နှစ်ထဲ ဝင်စလေးမှာ ဒီလောက်ဖြစ်အောင် ဝုန်းသွားနိုင်တာ တော်တော်ချီးကျူးဖို့ ကောင်းပါတယ်၊ ပိုက်ဆံ ဘယ်လောက်ပဲ သုံးနိုင် သုံးနိုင် Customer နဲ့ သဟဇာတ မဖြစ်ရင် သိတော့ သိသွားမယ် ဒါပေမယ့် ရေရှည်ရောင်းဖို့ မလွယ်ပါဘူး .. ဘယ်ဈေးကွက်မှာ မဆို မားကက်ရှယ်ယာ အများဆုံးရထားတဲ့ သူတွေလည်း ပေါ့နေလို့မရဘူး ဆိုတာ Luckin က ပြသွားတာပါပဲ .. ထို့အတူ အသစ်တွေ အနေနဲ့လည်း အကြီးကြီးတွေကို တိုးနိုင်ပါ့မလား ဆိုတဲ့ အတွေးကို ဖယ်ထုတ်နိုင်အောင် ပြသွားသလိုပါပဲ ..

ဒီလုပ်ငန်း မြန်မာပြည်မှာဆို အောင်မြင်နိုင်လား … ? ဒီလိုမေးလာရင်တော့
Myanmar is Myanmar ပါပဲ .. မြန်မာမှာ လုပ်ရင် မြန်မာ ဘာကြိုက်လဲ … ? မြန်မာနဲ့ ဘာက သဟဇာတ ဖြစ်လဲ ဆိုတာကို စဉ်းစားရမှာပါ … သေချာတယ် .. ကျွန်တော် ထင်တယ် … မြန်မာမှာဆို Luckin မအောင်မြင်နိုင်ပါဘူး … ဘာကြောင့်လဲ … ?

နံပါတ် (၁) ကော်ဖီ ယဉ်ကျေးမှု က အရမ်း Strong မဖြစ်သေးဘူး
(ဘီယာကို အိမ်တိုင်ရာရောက်၊ ပါတီလုပ်မယ့်နေရာ အရောက် အေးအေးကို ထိန်းပြီး ပို့နိုင်ရင်တော့ တော်တော် အဆင်ပြေလောက်တယ်-စကားချပ်)
နံပါတ် (၂) Mobile Money က အဆင်မပြေသေးတော့ Pre Order တွေမှာ Cancel တွေ ဖြစ်နိုင်တယ်၊
နံပါတ် (၃) လက်ဖျော်/ စက်ဖျော် အရသာ ဆိုတာထက် Instant ယဉ်ကျေးမှုက ပိုအားကောင်းနေသေးတယ်
(ဒါမေပယ့် ဆိုက္ကားတို့၊ မွှေးတို့၊ မင်္ဂလာပါ တို့လည်း ဖောက်နေကြသလို ပေါက်တော့ ပေါက်နေပါတယ်၊ သူတို့လည်း instant လိုင်းကိုပဲ ဖောက်နေကြတာပါ)

ဘာပဲ ဖြစ်ဖြစ် ရေးရင်း ရေးရင်းနဲ့ တောင်ရောက် မြောက်ရောက်တွေ ဖြစ်ကုန်ပြီဆိုတော့ ဒီလောက်နဲ့ပဲ နားပါတော့မယ် …
စာဖတ်သူ လုပ်ငန်းလုပ်ချင်သူ၊ လုပ်ငန်းလုပ်နေသူတွေ အတွက် တွေးဆစရာ တစ်စုံတစ်ရာ ရမယ်လို့ ယုံကြည်ပါတယ်

ကျေးဇူးတင်ပါတယ်

Address

No. 28, Ground Floor, Shwe Dagon Pagoda Road
Yangon
11142

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+959254134314

Website

Alerts

Be the first to know and let us send you an email when Phoe Pyae Shun posts news and promotions. Your email address will not be used for any other purpose, and you can unsubscribe at any time.

Shortcuts

Share

Category