Hla Zay Yar Phyo

24/09/2024

❤️ 💕

24/09/2024

24/09/2024

Naturally 💕

24/05/2022

အိမ်ထောင်ပြုလို့အကောင်းဆုံးအရွယ်ကိုပြပါ
ဆိုရင်......
အသက်၅၀ ၆၀ကျော်
၇၀အရွယ်ကိုပဲ ညွှန်းပါရစေ😁

ဘာလို့လဲဆိုတော့
အဲ့ဒီအရွယ်က---
စုဆောင်းသင့်သလောက်စုဆောင်းမိပြီ
ဝန်ထမ်းဖြစ်ခဲ့မယ်ဆိုရင်လဲ ပင်စင်လစာလေးနဲ့
အလုပ်လဲဆင်းစရာမလိုတော့ဘူး

ပြီးတော့
ကလေးတွေဘာတွေလဲမွေးစရာမလိုတော့ဘူး
ထိန်းစရာလဲမလိုတော့ဘူး ကလေးစရိတ်လဲမလိုတော့ဘူး
နှစ်ဖက်မိဘမျက်နှာနာစရာ ထောက်စရာလဲမလိုတော့ဘူး
ယောက္ခမတွေလဲရှိမနေကြတော့လို့
အတော့်ကိုစိတ်ချမ်းသာကြရတော့မယ်

စားတာသောက်တာကလဲ အဆီ အငန် အသားတွေလျော့စားနေရတော့ စားစရိတ်သက်သာသလို မီးဖိုချောင်ကိစ္စအချိန်ကုန်သက်သာလာလို့ တစ်ယောက်မျက်နှာတစ်ယောက်ကြည့်ရင်းတီတီတာတာတွတ်ထိုးချိန်လေးတွေပိုထွက်လာပြီ

အိမ်ပိုင်ရမယ် ကားပိုင်ရမယ်နဲ့
ဖိအားတွေဝင်နေစရာမလိုတော့တဲ့အရွယ်ဆိုတော့
TVလေးတစ်လုံးရှိရင်ကိုကျေနပ်စရာ
TVကလာတဲ့တရားအတူထိုင်နာမယ်
ဇာတ်လမ်းတွဲတွေအတူကြည့်မယ်
ဘောပွဲအတူကြည့်ပြီးလောင်းမယ်
ငါ့အသင်းနိုင်ရင်နင့်ကိုနမ်းမယ် ငါ့အသင်းရှုံးရင်နင်ကနမ်းပါပေါ့🙄

တစ်ခါတလေကျတော့
ကိုယ်ဝါသနာပါတဲ့အနုပညာကိုအတူဖန်တီးကြရုံဘဲ ..
ကဗျာရေးမယ်၊တယောထိုးမယ်၊ပန်းချီဆွဲမယ်၊
ပန်းပင်လေးတွေရေအတူလောင်းမယ်၊
ငှက်ကလေးတွေအစာကျွေးမယ်......
အဖွားကြီးမင်းက အဖိုးကြီး ငါ့ကို
မောင်တွေဘာတွေခေါ်ပါအုန်းဆိုတဲ့
ကိုင်ဇာသီချင်းသူကအသံတုန်တုန်နဲ့ဆိုရင်
ကိုယ်ကသွားကျိုးလေးနဲ့ပြုံးပြီးစံပယ်ပန်းလေး ပန်ခိုင်းရုံပဲ😏

ဟိုလူနဲ့စိတ်မချ ဒီလူနဲ့သဝန်တိုဆိုတဲ့
အကုသိုလ်မစ္ဆရိယစိတ်လေးတွေလဲမရှိတော့သလောက်မို့
မင်းရဲ့လက်ကိုအတူတွဲရင်းနိဗ္ဗာန်သောင်ကမ်း
အတူကူးဖြတ်နိုင်တဲ့အခွင့်အရေးလေးပါရမှာပါနော်

နောက်ဆုံးအချက်တွေးမိတာကတော့......
စပ်စလူးအရွယ်တုန်းကလို လက်ထပ်ပြီးရင်
အိုအောင်မင်းအောင်ပေါင်းရပါစေလို့
စိုးရိမ်သောကဗျာပါဒနဲ့ဆုတောင်းနေစရာမလိုတော့ဘူးလေ.....
အိုအောင်မင်းအောင်ပေါင်းပြီးသားလေ😌

ဒါရယ်စရာဟာသ မဟုတ်ဘူး
ဥာဏ်ကိုလွှာပြီးတွေးကြည့်ပါ
မပိန်းနဲ့။

သင့်မျှော်လင့်ချက်တွေနောက်မကျသေးဘူး
ဆိုတဲ့အတွေးနဲ့ကို
သင်ပီတိတွေတဝေဝေဖြစ်နေရမှာပါ။

😁😁

Crd ... ✍️✍️✍️

24/05/2022

“ရွာတစ်ရွာတည်ရင် စုန်း ခုနစ်ယောက်လိုတယ်”


မြန်မာတို့၏အယူအဆယဉ်ကျေးမှုများတွင် စုန်း၊ ဖုတ်၊ ကဝေများကို ယုံကြည်ခြင်း
အယူအဆသည်လည်း တစ်ခုအပါအ၀င်ဖြစ်ပါသည်။ ငယ်စဉ်က စုန်းဖုတ်ကဝေများကို ကလေးတို့ဘာသာဘာ၀ ယုံကြည်ကြောက်ရွံ့ခဲ့ပါသည်။ ယုံကြည်ကြောက်ရွံ့ရလောက်အောင်ပင်
စုန်း ဖုတ် ကဝေနှင့်ပတ်သက်သော ပုံပြင်များ၊ သာဓကများ၊ ယုံတမ်းစကားများမျိုးစုံကို ကြားနာခဲ့ကြရပါသည်။ အမျိုးတော်စပ်သည့်အဘွား
တစ်ယောက်ဆိုလျှင် ဆန်ဖွတ်သော မောင်းဆုံခွက်ထဲကျနေသော ချီး(မစင်)စား
စုန်းမတစ်ယောက်ကို ကိုယ် တိုင်ကြုံတွေ့ခဲ့ရကာ ကယ်တင်ခဲ့ဖူးကြောင်း ပြောပြသည်ကို နားထောင်ခဲ့ဖူးပါသည်။ စုန်းနှင့်ပတ်သက်သော အမည်နာမများမှာလည်း ချီးစားစုန်း၊ မီးစုန်းစသည်ဖြင့်အလွန် ပင်များပြားလှပါသည်။ “ရွာလယ်က မန်ကျည်းပင်မှာ ညတုန်းက မီးစုန်းနှစ်ယောက်ပညာ ပြိုင်နေတာ”စသည်ဖြင့်ပြောဆိုကြသည်
ကိုလည်း ကြောက်လန့်တကြား နားထောင်ခဲ့ရ ဖူးပါသည်။
သို့သော် ကိုယ်တိုင်တွေ့
မြင်ကြုံတွေ့ဖူးခြင်းမရှိခဲ့သည်ကို ရိုးသားစွာ၀န်ခံရပါ မည်။

ငယ်စဉ်က “အဲဒီမိန်းမကြီးဟာ စုန်းမကြီးတဲ့၊ ဟိုတနေ့ကသေတဲ့လူဟာ သူလုပ်
တာတဲ့။ ဘယ်သူ့ကို ဘယ်လိုလုပ်လိုက်တာ တဲ့။ အဲဒီလူဆိုရင် စုန်းပြုစားလို့ သေ
ရတာဆိုဘဲ၊ အဲဒီလူကို စုန်း ပြုစားလိုက်တာ ဗိုက်ထဲ ဆံပင်ထွေးကြီးတွေ့လို့တဲ့” စသဖြင့် တောရွာဓလေ့ပြောဆိုနေကြသောစကားများကို နားမဆံ့အောင်ကြားခဲ့ရသည်။
ထို့ပြင်စုန်းမကြီးအကြောင်းပြောတော့မည်ဆိုလျှင် မြောင်းခြားချောင်းခြားမှပြောရကြောင်း၊ မြောင်းမခြားချောင်းမခြားဘဲပြောမိက ကိုယ်ပြောတာကိုသိပြီး ကိုယ့်ကိုသေ အောင်သတ်နိုင်ကြောင်းများကိုလည်း ထိတ်လန့်ဖွယ်ရာကြားခဲ့ဖူးပါ
သည်။ ရှေးလူကြီး သူမများ၏စကားသဖွယ်၊ ထုံးတမ်းစဉ်လာတစ်ခုသဖွယ် ပြောဆို
ကြသောစကားလည်း ရှိပါသေးသည်။ “ရွာတစ်ရွာတည်ရင် စုန်း ခုနစ်ယောက်လို
တယ်” ဟူ၍ဖြစ်ပါသည်။

ရွာတစ်ရွာတွင် စုန်းခုနစ်ယောက်မပြည့်ပါကရွာတည်၍မရနိုင်ကြောင်း၊ တည်ခဲ့မည်
ဆိုပါ ကလည်း ရွာပျက်တတ်ကြောင်း များစွာကြားခဲ့ဖူးပါသည်။ အကယ်၍ ရွာပျက် ရွာဟောင်းများရှိခဲ့လျှင်လည်း “အဲဒီရွာက စုန်းခုနစ်ယောက်မရှိလို့ ရွာပျက်ရတာ”
ဟူ၍ ပြောဆိုယူဆချက်များ ယနေ့တိုင်ရှိနေပြီး စာရေးသူတို့ကိုယ်တိုင်ကလည်း မျက်ကန်း ယုံကြည်ခဲ့ကြသည်။

ယခု စာရေးသူတို့ကိုယ်တိုင် စာပေဗဟုသုတများကို ဖတ်မှတ်လေ့လာခွင့်ရလာပြီး ဦး နှောက်တံခါးများဖွင့်မိလာသောအခါ၊ အရာရာတွင်နှိုင်းချိန်စဉ်းစားတတ်လာသော
အခါ၊ ယုံကြည်မှုနှင့်ဆက်စပ်သည်များကို ဝေဖန်သုံးသပ်တတ်လာသေအခါ အယူ
အဆများစွာကိုအလွယ်တကူလက်မခံနိုင်တော့ပေ။
ထို့ပြင် “ရွာတစ်ရွာတည်ရင် စုန်းခုနစ် ယောက်ပြည့်မှရမယ်ဆိုရင် ငါတို့ရွာတွေရွာတွေမှာ စုန်းတွေအများကြီးနေ
မှာ ပေါ့”ဟူ သောအတွေးမျိုးကို ခဏခနတွေးနေမိသည်။ သို့သော် အလွန်ဆန်းကြယ်သောလောကကြီးတွင် မဖြစ်နိုင်သောအရာမရှိသဖြင့် မဟုတ်တန်ရာဟူသော တစ်ဖက်သတ်အမြင် မျိုးဖြင့် ဇွတ်အတင်းအငြင်းမပွါးလိုပါ။

မြတ်ဗုဒ္ဓ၏ပါဠိစာပေများတွင်“ရွာတစ်ရွာတည်ရင် စုန်း(ကဝေ)ခုနစ်ယောက်လိုတယ်”
ဆိုသောဟောကြားချက်ကိုမတွေ့ရဖူးပါ။ စာရေးသူတို့၏ လေ့လာမှုအားနည်း ချက်
ကြောင့် လည်းဖြစ်နိုင်ပါသည်။ “ရွာတစ်ရွာတည်ရင် စုန်း ခုနစ်ယောက်လိုတယ်”ဟူ
သော အယူအဆကို ဆရာသမားများထံ မေးမြန်းဖူးပါသည်။ ဆရာတော်တစ်ပါးက “အဲဒီအ ကြောင်းကို ငါလည်းစာရေးမလို့၊ ဒါပေမယ့် မအားတဲ့အတွက်ကြောင့် မရေး
ဖြစ်ပါဘူး” ဟူ၍မိန့်ပါသည်။ “အဲဒီ စုန်း ဆိုတာနဲ့ပတ်သက်ပြီးတော့ ဋီကာစာပေတစ်
ခုမှာ ဖွင့်ပြထားတာဖတ်ဖူးတယ်ကွ”ဟူ၍လည်း ဆရာတော်ကပြောပြသည်။

“အဲဒီ ဋီကာမှာဆိုထားတာက စုန်း ဆိုတာနဲ့ပတ်သက်ပြီး 'စုန္နောတိ ဥဇုကတော'လို့ ဖွင့်ပြထားတာကိုတွေ့ရတယ်။ စုန္နော= စုန်း ဟူသည်၊ ဥဇုကတော=ဖြောင့်မှန်သော
သူ လို့ အဓိပ္ပါယ်ဖွင့်ထားတယ်။ အဲဒိဋီကာမှာ ဖွင့်ပြတာက ရွာတစ်ရွာတည်ရင် စုန်း ခုနစ် ယောက်လိုတယ်ဆိုတာ လူတွေထင်သလို ပညာနဲ့ပြုစားတတ်တဲ့ စုန်း(ကဝေ)၊ လူ တွေကို လှည့်စားဖြားယောင်းပြီး မထင်ရင်မထင်သလို ပြုစားတတ်တဲ့စုန်းကိုပြော
တာ မဟုတ်ဘူး။ ဖြောင့်မှန်သော၊ တတ်သိသော၊ နားလည်သော မြင့်မြတ်သော ပညာရှင် ခုနစ်ယောက်သာ ဖြစ်တယ်လို့ ဆိုတယ်ကွ”စသည်ဖြင့် ဆရာတော်က သူ
လ့လာ မိသမျှကို ပြန်လည်ပြောပြပါသည်။ စဉ်းစားကြည့်ကြပါစို့ ။ “ရွာတစ်ရွာတည်
ရင် စုန်း ခုနစ်ယောက်လိုတယ်”ဆိုသောအယူအဆအရ စာရေးသူတို့ လွဲမှားစွာမှတ်
ယူခဲ့သည့် လူတို့ကိုပြုစားတတ်သော ပညာသည် စုန်း(ကဝေ) ခုနစ် ယောက်သည် ရွာတစ်ရွာအတွက် မည်သို့မည်ပုံ ကောင်းကျိုးပြုတတ်ပါသနည်း။ မည်သည့်ကောင်း
ကျိုးမှ ပြုမည်မဟုတ်ပါ။ အကယ်၍သာ ရွာတစ်ရွာအတွက် ကောင်း ကျိုးပြုမည်ဆိုလျှင် လူတို့ကိုသေခြင်းစသည့် ဒုက္ခရောက်အောင်လုပ်မည်မဟုတ်ပေ။ ယခု တောကျေး
လက်၌နေထိုင်သောလူအများကယုံကြည်ထားသည်မှာ စုန်းမကြီးတစ် ယောက်သည် သူ့ပညာဖြင့် သူတစ်ပါးကို(အပင်း ထည့်ကာ)သတ်တတ်သည်ဟူ၍သာ ဖြစ်သည်။ ထိုကဲ့သို့ဖြစ်လျှင် ပညာသည် စုန်း(ကဝေ)များကို “ရွာတည်ရင် ခုနစ် ယောက်လိုတယ်”
ဟူ၍ ပြောလိုခြင်းမဖြစ်နိုင်။ ဋီကာဆရာကဖွင့်ပြခဲ့သည့်အတိုင်းသာ ဖြစ်နိုင်ချေရှိပါ
သည်။ “ရွာတစ်ရွာတည်ရင် ဖြောင့်မှန်သော ပညာရှိခုနစ်ယောက်ကို လိုတယ်”ဟု ဆိုလိုခြင်းဖြစ်ပါသည်။ ဋီကာဆရာ၏အဆိုကို ယုတ္တိရှိ/မရှိ ဆက် လက်လေ့လာ
ကြည့်နိုင်သည်။

ဖြောင့်မတ်သည့် ပညာရှိခုနစ်ယောက်ဆိုသည်မှာ…..

(၁) မြေအနေအထားကို ကျွမ်းကျင်ရမည်။ (ရွာမြေပြန့်ပြူးမှုရှိ/မရှိ၊ စိုက်ပျိုးရေး
အတွက် မြေဆီမြေကောင်းရှိ/မရှိစသော မြေအနေအထားကို သိသောပညာ
ရှင်တစ်ယောက် )

(၂) ရေအနေအထားကို ကျွမ်းကျင်ရမည်။ (ကိုယ်တည်ဆောက်မည်ရွာသည်
သောက် ရေ သုံးရေ စိုက်ပျိုးရေးအတွက်ရေ ပေါများမှုရှိ/မရှိ၊ ရေချိုရ/မရ စသော
ရေအနေအ ထားကို သိသောပညာရှင်တစ်ယောက်)

(၃) လေအနေအထားကို ကျွမ်းကျင်ရမည်။ (ရွာတည်မည့်နေရာသည် လေကြော တည့်တည့်တွင် တည်နေခြင်းလော။ လေငြိမ်အရပ်တွင်တည်နေခြင်းလောစသည့်
လေ၏သဘာ၀ အနေအထားကိုသိသော ပညာရှင်တစ်ယောက်)

(၄) စီးပွားရေး အနေအထားကို ကျွမ်းကျင်ရမည်။ (ရွတည်မည့်နေရာသည် စီးပွား
ရေးအရ အချက်အချာဖြစ်မဖြစ်၊ စီးပွားရေးအရ လုပ်ကိုင်စားသောက်၍ ရနိုင်/မရနိုင် စသော ကုန်သွယ်ရေးကို ကျွမ်းကျင်စွာသိသော ပညာရှင်တစ်ယောက်)

(၅) ပညာရေးအတွက် တိုးတက်မှု ရှိ/မရှိကို ခန့်မှန်းတတ်သော ပညာရှင်တစ်ယောက်။
(၆၀ ကျန်းမာရေးအတွက် ကောင်းမွန်သောရာသီဥတုနှင့် သဘာဝတောတောင် ပတ်
၀န်းကျင် ရှိ/မရှိ ကိုသိသော ပညာရှင်တစ်ယောက်။

(၇) ပညာရေး စီးပွါးရေး ကျန်းမာရေး ကြီးပွါးရေးစသောကိစ္စများအတွက် မြို့ကြီးပြ
ကြီးများနှင့် ဆက်သွယ်ရေးကောင်းမွန်လွယ်ကူသည့်နေရာဟုတ်/မဟုတ်ကို သိ
သောပညာရှင်တစ်ဦးတို့ ဖြစ်ကြပါသည်။

အထက်ပါပညာရှင်ခုနစ်ဦးတို့သည် ဖြောင့်မှန်သော မြင့်မြတ်သော အမှန်တကယ်တတ် သိသော ပညာရှင်များဖြစ်ရပါမည်။ မဖြောင့်မှန်သော မမြင့်မြတ်သော အမှန်တကယ် တတ်သိခြင်းမရှိသော ပညာရှင်အတုအယောင်တို့သည် အများအကျိုးတိုးတက်ရာ တိုးတက်ကြောင်းကို ဆောင်ရွက်နိုင်မည်မဟုတ်ပေ။ ရွာတစ်ရွာတွင် မြေကွက်များကို အကွက်ရိုက်ပြီး လူများကိုခေါင်းပုံဖြတ်သော မမြင့်မြတ်သည့်အတုအယောင်ပပညာရှိ များကိုမလိုလားအပ်ကြောင်း ရှေးပညာရှင်တို့က ကြိုတင်သိရှထားသောကြောင့် ဖြောင့် မှန်သော ပညာရှင်ခုနစ်ဦးဟူ၍ ဆိုထားပုံရပါသည်။အထက်ပါ ဋီကာဆရာ၏အဆိုအရ “ရွာတစ်ရွာတည်ရင် စုန်း ခုနစ်ယောက်လိုတယ် ” ဆိုသည်မှာ ပညာသည် စုန်း(ကဝေ)
ခုနစ်ယောက်မဟုတ်ကြောင်း နားလည်သဘောပေါက်ပြီဟုထင်သည်။

“ရွာတစ်ရွာတည်ရင် စုန်း ခုနစ်ယောက်လိုတယ်”ဟူ၍အဆို ရှိသည်။ ရွာတည်ရာ၌လို
အပ်သော စုန်း ခုနစ်ယောက်ဆိုသည်မှာ “စုန္နောတိ ဥဇုကတော-ဖြောင့်မှန်သူ မြင့်မြတ်
သူ အမှတ်တကယ်တတ်သိသူ ပညာရှင်ခုနစ်ဦး ဖြစ်ပါသည်။ ထိုပညာရှင်ခုနစ်ဦးကသာ
ရပ်ရွာတိုးတက်အောင် လုပ် ဆောင်ပေးနိုင်မည် ဆိုသည်ကိုသဘောပေါက်ကြပြီး မိမိ
တို့ယူဆထားသော လွဲမှား သောအယူအမြင်များကို ပယ်စွန့်ကာ အသိမှန်အမြင်မှန်
တို့ဖြင့် အသိအလိမ္မာ ညာဏ်ပညာများ တိုးတက်ကြပါစေ။ လောကအတွက်ကောင်း
ကျိုးကိုသာ ဆောင်နိုင်သော သူများ ဖြစ်နိုင်ကြပါစေ။

14-7-2018=sat ရေးသားသည်။

ကျမ်းကိုး
၃။ အရှင်စန္ဒကုမာရ (ရွှေတြိဂံ)
07-03-2015(စနေနေ့)

အရှင်ဉာဏဝရ (ယောနယ်နှင့်သာသနာ)
သာသနတက္ကသီလဓမ္မာစရိယ
သာသနတက္ကသီလမဟာဓမ္မာစရိယ
B.A (Hons;) ၊ M.A (Part-2)
09-401526093

အဆောင် (၇)၊ အခန်း (၄)၊
နိုင်ငံတော်ပရိယတ္တိသာသနာ့တက္ကသိုလ်။(မန္တလေး)

ရွာသစ်ရွာ၊ ဂန့်ဂေါမြို့နယ်။ မကွေးတိုင်း။

24/05/2022

♥ဆောမြို့သမိုင်း♥
===========

♥ဗျာဒိတ်တော်ရမြို့♥
****************
ဆောမြို့သည် မြတ်စွာဘုရားရှင်၏ ဗျာဒိတ်တော်နှင့်အညီ တည်ထောင်ခဲ့သော မြို့တစ်မြို့ ဖြစ်သည်။ မြတ်စွာဘုရား သိက္ခာတော် (၂၀)ဝါအရ(ပရိနိဗ္ဗာန်မစံမီ ၂၅-နှစ်)တွင် မြန်မာပြည်မှ စူလပုံနှင့်မဟာပုံတို့သည် (ယောသမိုင်းကျမ်း၌ စူလပုံ၊ မဟာပုံဟု ရေးထားသည်) စန္ဒကူးနံ့သာကျောင်းကို ဆောက်လုပ်၍ မြတ်စွာဘုရားအား ပင့်ဖိတ်ကာ လှူဒါန်းကြသည်။ ထိုအခါ သုနာပရန္တတိုင်းတွင် မင်းပြုနေသော ပုရန္တပ္ပမင်းနှင့် သမီးကြီး စောကလျာတို့သည် မြတ်စွာဘုရား မြန်မာပြည်သို့ ကြွလာတော်မူမည့်အကြောင်း ကြားသိလေသည်။ တဖုဿနှင့် ဘလ္လိကာ ညီနောင်နှစ်ယောက်တို့သည် မြတ်စွာဘုရား၏ ဆံတော်ကို တောင်းယူပြီး ဖိုးခေါင်တောင်လမ်းမှ လှည်း ၅၀၀-ဖြင့် လာသည်ကိုထောက်၍ ပုရန္တပ္ပမင်း၏ သမီးတော် စောကလျာသည်လည်း ထိုဖိုးခေါင်တောင်လမ်းသို့ လှည်း ၅၀၀-ဖြင့် သွား၍ မြတ်စွာဘုရားအား ဆီးကြိုလေသည်။

မြတ်စွာဘုရားသည် စန္ဒကူးနံ့သာကျောင်းတော်သို့ ဖိုးခေါင်တောင်လမ်းမှ ကြွလာတော်မူသည် မဟုတ်၊ မြတ်စွာဘုရားသည် အလယ်လမ်းဖြင့် ကြွလာတော်မူကြောင်း မင်းသမီးကြားလျင် အလယ်လမ်း၏ ချောင်းနားသို့ ဆင်း၍ ရှိခိုးလျှက်နေ၏။

မြတ်စွာဘုရားသည် ထိုအခြင်းအရာကို မြင်တော်မူလျှင် ပြုံးတော်မူ၏။ ရဟန်းတော်များက မြတ်စွာဘုရားအဘယ်ကြောင့် ပြုံးတော်မူပါသနည်းဟု မေးလျှောက်လျင် မြတ်စွာဘုရားက ''ချစ်သား ရဟန်းတို့ ဤဒါယိကာမသည် ငါဘုရားအား အဆောတလျင် ကြိုဆိုခြင်း၊ လက်အုပ်ချီခြင်းတို့ကြောင့် နောင်သောအခါ ထိုအရပ်၌ ''စောမြို့''ကို တည်ထောင်၍ အုပ်စိုးလတ္တံ့၊ ငါးဘုရား၏ သာသနာသည်လည်း ထိုအရပ်၌ အရှည်ထွန်းလတ္တံ့''ဟု ဗျာဒိတ်စကား မိန့်ကြားတော်မူခဲ့ပါသည်။

♥သီရိဓမ္မာသောကမင်း စမ္ပာယ်နဂရဟု သမုတ်ခြင်း♥
*************************
သီရိဓမ္မာသောကမင်းကြီးသည် ဘီစီ ၃၀၉- ခုနှစ်တွင် ကိုးတိုင်းကိုးဌာနကို သာသနာပြုစေလွှတ်၍ မြို့ငယ် ကိုးသန်းကိုးသိန်းကို တည်ရာတွင် 'စောမြို့'ကို 'စမ္ပာယ်နဂရ'ဟု သမုတ်ခဲ့သော်လည်း 'စောမြို့'အမည်သာ တွင်လေသည်။ ကာလကြာသောအခါ 'စောမြို့'မှ 'ဆောမြို့' ဖြစ်လာခဲ့သည်။

♥စမ္ပာနဂရဟု အမည်တစ်မျိုးပေးခြင်း♥
******************************
စောကလျာဏီမင်းသမီးသည် သက်တမ်းကုန်၍ သေဆုံးပြီးသောအခါ ထက်ရပ်နတ်ပြည်လားကာ ထိုစောမြို့တွင် 'မင်းယဉ်စော'ဟူသော မင်းတစ်ပါး ဖြစ်လာသည်။ ထိုမင်းယဉ်စောမင်းသည် သာသနာသက္ကရာဇ် ၃၇၀ -ပြည့်နှစ်တွင် မြို့သစ်တည်ထောင်သည်။ မြို့ကိုလည်း 'စမ္ပာနဂရ'ဟု အမည်ပေးလေသည်။ သို့သော်လည်း မြတ်ဗုဒ္ဓကိုယ်တော်တိုင် 'စောမြို့တွင်အံ့'ဟု ဗျာဒိတ် ပေးထားတော်မူသောကြောင့် 'စမ္ပာနဂရ'ဟု အမည်မတွင်ဘဲ 'စောမြို့'ဟုသာ အမည်တွင်လေသည်။ ကာလကြာသောအခါ 'စောမြို့'မှ 'ဆောမြို့' ဖြစ်လာခဲ့သည်။

♥စောမြို့တစ်နည်း မည်ပုံ♥
*****************
ပုဂံ အနော်ရထာမင်းသည် (၄၀၆ - ၄၃၉) စောမွန်ချောင်းနှင့် စောမွန်ဘုရားကို မွမ်းမံရန် စေလွှတ်၍ 'စောမြို့'ကိုလည်း စောမွန်လှအား အပိုင်စားပေးလေသည်။ ထို့ကြောင့် စောမွန်ချောင်းနှင့် စောမွန်ဘုရားကို အစွဲပြု၍လည်းကောင်း၊ စောမွန်လှ အပိုင်စားရခဲ့ခြင်းကြောင့်လည်းကောင်း 'စောမြို့' တွင်လေသည်။ ကာလကြာသောအခါ 'စောမြို့'မှ 'ဆောမြို့' ဖြစ်လာခဲ့သည်။

♥အလောင်းစည်သူမင်း စောမြို့တည်ထောင်ခြင်း♥
********************
အလောင်းစည်သူမင်းသည်(၄၇၄-၅၂၉) ကောဇာသက္ကရာဇ် ၄၄၈-ခုနှစ်တွင် စောမြို့ကို အပြီးသတ်တည်ပြီး နာမည်ကိုလည်း 'စောမြို့'ဟုပင် သမုတ်ခဲ့လေသည်။ ကာလကြာသောအခါ 'စောမြို့'မှ 'ဆောမြို့' ဖြစ်လာခဲ့သည်။
(ခုနှစ် မှားနေသည်)

ဆောမြို့သည် မြို့နေရာ (၃)ကြိမ် ပြောင်းခဲ့ရသည်။ ယခုမြို့နေရာမှာ နောက်ဆုံးဖြစ်ကာ မြို့၏တောင်ဘက်နှင့် မြောက်ဘက်တို့တွင် မြို့ဟောင်းနေရာများ ရှိသည်ဟု ဆိုသည်။

(မှတ်ချက်/ဆောမြို့မည်ပုံများမှာ ဒေသန္တရ မှတ်တမ်းများသာ ဖြစ်ပါသည်)

♥တည်နေရာနှင့်အကျယ်အ၀န်း♥
************************
ဆောမြို့သည် မကွေးတိုင်း၊ ဂန့်ဂေါခရိုင်အတွင်းပါ၀င်ပြီး မြောက်လတ္တီတွဒ် (20ဒီဂရီ၊ 40မိနစ်)နှင့် (21ဒီဂရီ၊ 30မိနစ်)အကြား၊ အရှေ့လောင်ဂျီတွဒ် (94ဒီဂရီ၊ 12မိနစ်)နှင့် (94ဒီဂရီ၊ 36မိနစ်)အကြားတွင် တည်ရှိသည်။

အရှေ့ဘက်တွင် ပေါက်မြို့နယ်နှင့် ဆိပ်ဖြူမြို့နယ်၊ တောင်ဘက်တွင် စေတုတ္တရာမြို့နယ်၊ အနောက်ဘက်တွင် ချင်းပြည်နယ် မင်းတပ်မြို့နယ်နှင့် ကန်ပက်လက်မြို့နယ်၊ မြောက်ဘက်တွင် ထီးလင်းမြို့နယ်တို့အကြား တည်ရှိပါသည်။

ဆောမြို့၏အကျယ်အ၀န်းသည် အရှေ့မှ အနောက်သို့ (၂၂)မိုင် ရှည်လျားပြီး တောင်မှမြောက်သို့ (၆၂)မိုင် ကျယ်၀န်းပါသည်။ မြို့နယ်အကျယ်အ၀န်းမှာ (၄၄၀၁၁၀)ဧကရှိပြီး စတုရန်းမိုင်အားဖြင့် (၆၈၇.၀၀၃)မိုင် ကျယ်၀န်းပါသည်။

♥ဆောမြို့နယ်နိမိတ်♥
******************
ဆောမြို့နယ်သည် အရှေ့လားသော် ၀က်ဖြုတ်ချောင်းဖျား နွားတပ်မြေနှင့် ကျောခိုင်း၊ တောင်လားသော် လောင်းရှည်မြို့မြောက်ဘက် ကန့်လန့်စီးသည့် ချောင်း၊ အနောက်လားသော် ရိုးမ၊ မြောက်လားသော် ယောမြို့မြေနှင့် ကျောခိုင်း။

♥မြို့နယ်စသည် ဖွဲ့စည်းခြင်း♥
**********************
ပြည်ထဲရေး၀န်ကြီးဌာန အမိန့်ကြောငြာစာဖြင့် (၃-၆-၁၉၇၃)ခုနှစ်တွင် ဆောမြို့ဟု သတ်မှတ်ပြီး၊ (၈-၃-၁၉၇၃) ခုနှစ်တွင် ဆောမြို့နယ်ဟု သတ်မှတ်ကာ၊ (၆-၅-၂၀၁၄)ခုနှစ်တွင် ဆောမြို့နယ်၊ ကျောက်ထုမြို့နယ်ခွဲအဖြစ် သတ်မှတ်ခဲ့သည်။
ဆောမြို့နယ်တွင် မြို့ (၂)မြို့၊ မြို့နယ်ခွဲ (၁)ခု၊ ရပ်ကွက် (၅)ခု၊ ကျေးရွာအုပ်စု (၆၃)အုပ်စု၊ ကျေးရွာ (၁၁၅)ရွာ၊ မြို့နေအိမ်ခြေ (၁၀၁၁)အိမ်၊ ကျေးလက်နေအိမ်ခြေ (၁၃၁၂၂)အိမ် စုစုပေါင်း (၁၄၁၃၃)အိမ်တို့ဖြင့် ဖွဲ့စည်းထားပါသည်။

ဆောမြို့နယ်သည် အင်္ဂလိပ်၊ နယ်ချဲ့၊ ဗြိတိသျှအစိုးရလက်ထက်တွင် မကွေးတိုင်း၊ ပခုက္ကူစီရင်စုအတွင်း ပါ၀င်ခဲ့ပြီး ပေါက်မြို့နယ်ပိုင် ၀န်ထောက်၏ ကြီးကြပ်မှုဖြင့် ဆောမြို့တွင် မြို့ပိုင်ရုံးဖွင့်လှစ် အုပ်ချုပ်ခဲ့သည်။

၁၉၄၈-ခုနှစ်တွင် ပြည်တွင်းသောင်းကျန်သူ အလံနီကွန်မြူနစ်သူပုန်များသည် ဆောမြို့နယ် ဒူးတော်တောင်နှင့်နွားမတောင်တို့တွင် အခြေစိုက်၍ မြို့နယ်အတွင်း ကျေးရွာများတွင် လူသတ်၊ မုဒိန်းကျင့်၊ ဓားမြတိုက်မှုများ မကြာခဏဖြစ်ပွား၍ ဆောမြို့နယ်အား အမည်းရောင်နယ်မြေအဖြစ် သတ်မှတ်ခံခဲ့ရသည်။

မြန်မာအစိုးရတပ်မတော်သည် ၁၉၅၆-ခုနှစ်တွင် ''အောင်မာဃ''စစ်ဆင်ရေးဖြင့် အလံနီကွန်မြူနစ်သူပုန်များအား တိုက်ခိုက်ချေမှုန်းခဲ့သည်။

၁၉၇၃-ခုနှစ်တွင် အမည်းရောင်နယ်မြေအဖြစ်မှ အဖြူရောင်နယ်မြေအဖြစ် ပြန်လည်သတ်မှတ်ခဲ့သည်။ ၁၉၈၃-ခုနှစ်တွင် အမာခံနယ်မြေအဖြစ် တည်ဆောက်နိုင်ခဲ့သည်။ (၄-၄-၁၉၉၆)ခုနှစ်တွင် ပြည်ထဲရေး၀န်ကြီးအမိန့်ကြော်ငြာစာဖြင့် ဆောမြို့ကို ဂန့်ဂေါခရိုင်အတွင်း ပြောင်းလဲဖွဲ့စည်းခဲ့သည်။

♥ဆောမြို့နယ်၏ ရာသီဥတုနှင့် ပင်လယ်ရေမျက်နှာအထက်အမြင့်♥
***************************
ဆောမြို့နယ်သည် ပူအိုက်စွတ်စိုသော ရာသီဥတုရှိပြီး အမြင့်ဆုံး အပူချိန် (43°C)နှင့် အနိမ့်ဆုံးအပူချိန်မှာ (12 °C) ဖြစ်ပါသည်။ ပင်လယ်ရေမျက်နှာအထက် (၁၂၅၀)ပေ မြင့်သည်။

♥ဘာသာရေးဆိုင်ရာ အဆောက်အဦးများနှင့် သာသနာ၀င်ပုဂ္ဂိုလ်များ♥
*****************************
ဆောမြို့နယ်၌ ဘုရား (၁)ဆူ၊ စေတီ(၃၃၅)ဆူ၊ ဘုန်းကြီးကျော်း (၁၁၉)ကျောင်း၊ ရဟန်းတော် (၂၀၅)ပါး၊ သာမဏေ (၃၀)ပါး စုစုပေါင်း (၂၃၅)ပါး။ သီလရှင်ကျောင်း (၄)ကျောင်း၊ သီလရှင် (၃၇)ပါး၊ ဘုန်းတော်ကြီးသင်ပညာရေးကျောင်း (၁)ကျောင်း တို့ဖြစ်ကြပါသည်။

🙏ဆောမြို့နယ်၌ ထင်ရှားသော စေတီတော်မှာ ဆောမြို့၊ သီရိရပ်ကွက်၌ရှိသော ''ရှင်မာလဲဘုရား'' ဖြစ်တော်မူသည်။🙏

👨‍👩‍👧ဆောမြို့နယ်၌ ထူးခြားသည်မှာ တရုတ်လူမျိုး (၂၁)ဦး ရှိခြင်းပင် ဖြစ်သည်။👨‍👩‍👧

♥ကိုးကွယ်သည့် ဘာသာအလိုက်လူဦးရေ♥
*******************************
ဆောမြို့နယ်၌ ယောက်ျားဦးရေ (၃၀၈၄၀)ဦး၊ မိန်းမဦးရေ (၃၄၀၅၀)ဦး ရှိပါသည်။ မိန်းမဦးရေမှာ ယောက်ျားဦးရေထက် (၃၂၁၀)ဦး ပိုနေပါသည်။
ဆောမြို့နယ်၌ ဗုဒ္ဓဘာသာကိုးကွယ်သူ (၆၄၆၉၉)ဦး၊ ခရစ်ယာန်ဘာသာကိုးကွယ်သူ (၁၉၁)ဦး ရှိပါသည်။

♥သုံးသပ် အကြံပြုချက်♥
********************
ဘာသာခြားအင်အား (၁၉၁)ကျော်သာရှိပါတယ်၊ ဗုဒ္ဓဘာသာအင်အား (၆၄၆၉၉)ကျော်ရှိလို့ အဆ (၁၀၀)ကျော် သာလွန်ပါတယ်။ ဒီတော့ အင်အားခြင်း လုံး၀နှိုင်းယှဉ်မရပါ။ မိမိဘာသာ၀င်များက အိမ်ထောင်စု တစ်စု (၁၀၀)ကျပ်ထည့်လျင်ပင် ဗုဒ္ဓဘာသာ အိမ်ထောင်စု (၁၃၈၈၄)ကျော်ရှိလို့ တစ်ရက် (၁၃၈၈၄၀၀)ကျပ် ရရှိပါမယ်။ ဘာသာခြားတစ်ယောက်ကို တစ်ရက် (၁၀)သိန်းပေးပြီး စည်ရုံးလျင်ပင် (၇)လလောက် ထောက်ပံ့စည်းရုံးလိုက်တာနဲ့ ဘာသာခြား တစ်ယောက်မကျန် ဖြစ်လာပါမယ်။ ရဟန်းတော်များကလည်း သာသနာပြုသင်တန်းများဖွင့်လှစ်ပြီး သာသနာပြုနည်းများ ပို့ချကာ သာသနာပြု စေလွှတ်ရပါမယ်။ မိမိဘာသာ၀င်များကိုလည်း နွေရာသီ ယဉ်ကျေးလိမ်မာသင်တန်း၊ ဓမ္မစကူးလ်သင်တန်းများ ဖွင့်လှစ်ကာ ဘာသာရေးအသိညဏ်များ နှလုံးသားထဲအရောက် ထည့်ပေးရပါမယ်။

✿ဆောမြို့၌ ထင်ရှားသောပုဂ္ဂိုလ်✿
ယောနယ်၊ ဆောမြို့သား၊ (၉၉)တပ်မမှ သီဟသူရညိုအေး အကြောင်း

သီဟသူရညိုအေးကို ဖခင် ဦးပြန့် + မိခင် ဒေါ်မယ်ရှင်တို့မှ ၁၉၅၂ ခုနှစ်၊ ဇွန်လ ၂ရက်နေ့၊ တနင်္လာနေ့တွင် ဖွားမြင်ခဲ့သည်။ မောင်ညိုအေး တစ်နှစ်သားအရွယ်တွင် မိဘများ ကွယ်လွန်သည်။ မိခင် ဒေါ်မယ်ရှင်၏ အကို ဦးဘညွန့်၊ ဒေါ်မယ်သိတို့က ခေါ်ယူမွေးစားသည်။

ဆောမြို့၊ အထကကျောင်းတွင် ဆရာမ ဒေါ်မြသောင်း၊ ဒေါ်အေးကျင်၊ ဒေါ်တင်ကြည်၊ ဦးတင်ရွှေစသည့် ဆရာ၊ ဆရာမများထံတွင် ပညာသင်ယူခဲ့သည်။
ဆောမြို့ တောင်ကျောင်းဆရာတော်ထံ ရှင်သာမဏေ ဝတ်ခဲ့သည်။

မိတ္ထီလာမြို့ အမှတ်(၃)လေ့ကျင့်ရေးတပ်တွင် တပ်သားသစ်အဖြစ် အခြေခံစစ်ပညာသင်တန်း တက်ရောက်ခဲ့သည်။ ပခုက္ကူမြို့ အမှတ် (၈၇) ခြေလျင်တပ်ရင်းတွင် စတင်တာဝန်ထမ်းဆောင်ခဲ့သည်။ ပခုက္ကူမြို့သူ မနှင်းအေးနှင့် အိမ်ထောင်ကျသည်။ သမီး မစန်းစန်းအေးကို မွေးဖွားခဲ့သည်။
ထို့နောက် တပ်မ (၉၉)လက်အောက်ခံ၊ အမှတ် (၁၀၉) တပ်ရင်းသို့ ပြောင်းရွှေ့တာဝန် ထမ်းဆောင်ခဲ့သည်။
၁၉၇၄ ခုနှစ်၊ မတ်လ (၂၇)ရက်နေ့ တပ်မတော် ချီတက်စစ်ကြောင်း စစ်ရေးပြအခန်းအနားတွင် ပါဝင်ခဲ့သည်။

တပ်သားညိုအေး သီဟသူရဘွဲ့ရရှိပုံ
၁၉၇၇ ခုနှစ်၊ အောက်တိုဘာ (၂၀)ရက်နေ့ (၄:၃၀)နာရီအချိန်၊ ဟိုပန်မြို့နယ်၊ ခြူးရွှေ(ပီ-၈၂၀၁၈၀) ဗကပသောင်းကျန်းသူ အင်အား ၁၅၀၀ တို့ဖြင့် စတင်တိုက်ပွဲ ဖြစ်ပွားခဲ့သည်။ မိမိဘက်မှ အမှတ် (၁၀၉)ခြေမြန်တပ်ရင်းမှ တပ်ရင်းမှူး ဒု ဗိုလ်မှူးကြီး မျိုးဆွေ ခေါင်းဆောင်သော စစ်ကြောင်း ဌာနချုပ်နှင့် တပ်ခွဲငါးခွဲတို့ဖြင့် တိုက်ခိုက်ခဲ့သည်။
တပ်သားညိုအေးသည် တပ်ခွဲ (၃) ချေမှုန်းရေး တပ်ဖွဲ့တွင် ပါဝင်ခဲ့သည်။ ရန်သူမှ စတင်ပစ်ခတ်ခြင်း ခံရပြီး လက်နက်ကြီးများ တရစပ်ကျရောက် ပေါက်ကွဲချိန်တွင် ခြံစည်းရိုးကို ဖောက်၍ မိမိလက်အတွင်းမှ ဘီအေ ၆၄ စက်ကလေးဖြင့် တရစပ်ပစ်ခတ် တက်သွားသည်။ ရန်သူ့ ကတုတ်ကျင်းမှ (၁၀) ကိုက်ခဲ့အကွာတွင် ရန်သူ့စက်နက်ဖြင့် အတွဲလိုက် ပစ်ခတ်ခံရပြီး လဲကျသွားခဲ့သည်။
လဲကျသည့် ကြားမှာပင် တပ်သားညိုအေးသည် လက်ပစ်ဗုံးကို တစ်ဖက်က ဆုပ်ကိုင်ရင်း တစ်ဖက်က ဘီအေ ၆၄ ကို ဆွဲယူ၍ ကတုတ်ကျင်းအဝနားအထိ တက်သွားကာ လက်ပစ်ဗုံးကို ပစ်သွင်းခဲ့သည်။ ထိုစဉ်မှာပင် ရန်သူ၏ လက်ယှက်ထိုး ပစ်ခတ်မှုကြောင့် တပ်သားညိုအေးသည် ကတုတ်ကျင်းထိပ်မှာပင် လဲကျ ကျဆုံးသွားခဲ့ပေသည်။
အထက်မှ ပေးအပ်သော အမိန့်နှင့်တာဝန်ကို ကျေပွန်စွာထမ်းဆောင်ရာတွင် မိမိဘက်မှ အောင်ပွဲ ဆင်နိုင်ရေး၊ ရဲဘော်ရဲဘက်များ အထိအခိုက် အကျအဆုံး နည်းနိုင်သမျှနည်းအောင် အသက်ကို ပဓာနမထားပဲ စွန့်လွှတ် စွန့်စားသည့် စိတ်ဓာတ်၊ ရန်သူကို ရဲရင့်ပြောင်မြောက်စွာ တိုက်ပွဲဝင်ခဲ့မှုတို့ကြောင့် နိုင်ငံတော်အစိုးရမှ ၁၉၇၉ ခုနှစ်တွင် သမ္မတအိမ်တော်၌ ''သီဟသူရညိုအေး''ဟု ဘွဲ့တံဆိပ်ချီးမြှင်ခြင်း ခံခဲ့ရပေသည်။ ယင်းဘွဲ့တံဆိပ်ကို သီဟသူရညိုအေး၏ ဇနီးက လက်ခံရယူခဲ့သည်။

သီဟသူရညိုအေးသည် ဆော့မြို့၊ အထက်တန်း ကျောင်းသားဟောင်း တစ်ဦးဖြစ်သည်။ ထို့ကြောင့် ဆောနယ်သူ ဆောနယ်သားများ၊ ဆောမြို့၊ အထက်တန်းကျောင်းသားများ စံနမူနာပြ ဂုဏ်ယူနိုင်စေရန် ဆောမြို့ အထက်တန်းကျောင်းခန်းမကို (သီဟသူရညိုအေး ခန်းမ) အဖြစ် နာမည်ပေးခဲ့သည်။

ဗမာပြည်ကွန်မြူနစ်(ခေါ်) ဘာသာမဲ့များကို ရွတ်ရွတ်ချွံချွံ တိုက်ထုတ်ခဲ့သော သီဟသူရညိုအေးကို ဂုဏ်ယူလျက်

၇-၇-၂၀၁၈ နှာ ၁၄ =ရတနာပုံသတင်းစာ
ယောနကဘိုးထောင်၏ သီဟသူရညိုအေး

သူရဲကောင်းတို့၏ဒဏ္ဍာရီ ( အပိုင်း.၅)
★ ★ ★ ★ ★ ★ ★ ★ ★
သူရဲကောင်း ဝုန်လျံမန်း၊ ဗမတင်အောင်မြင့်ဦးအပါအ၀င် မိုင်းယန်း တိုက်ပွဲကြီးနောက်ခံပြု မြန်မာ့တပ်မတော်၏ဒဏ္ဍာရီဆန်ဆန်သူရဲကောင်းများအကြောင်းရေးသားအဆုံးသတ်ခဲ့ပြီးပါပြီ ၊ သို့ရာတွင် မြန်မာ့တပိမတော်၏ ဒဏ္ဍာရီဆန်သောသူရဲကောင်းတို့ကားပြောမကုန် များစွာကျနိရှိနေပါသေးသည်။ယင်းတို့သည်ကား...........
သူ့အမည်က......
၁။တပ်သားညိုအေး...
ကိုယ်ပိုင်အမှတ်.၃၇၀၇၀၀....
တပ်ရင်းအမည်..ခမရ.၁၀၉
တက်ရောက်မယူလိုက်ရသောဘွဲ့တံဆိပ်က.......
သီဟသူရ ညိုအေး.......
အချိန်က....၁၉၇၇ အောက်တိုဘာလ၂၀ရက်။
နောက်တဦးကား...
၂။.တပ်ကြပ်ထွန်းကြည်
ကိုယ်ပိုင်အမှတ်...၂၇၈၁၄၃
တပ်ရင်းအမည်.....ခမရ ၁၀၉
တက်ရောက်မယူ
လိုက်ရသောဘွဲ့တံဆိပ်ကား....သီဟသူရထွန်းကြည်
ကျန်သူရဲကောင်းတဦးက...
၃။ဒုဗိုလ်စိုးလွင်.....
ကိုယ်ပိုင်အမှတ်....ကြည်း.၁၃၇၆၉
တပ်ရင်းအမည်....ခမရ.၁၀၉
တက်ရောက်မယူနိုင်သော
ဘွဲ့တံဆိပ်အမည်.......သီဟသူရစိုးလွင်
နောက်သူရဲကောင်းတဦးကား
၄။ဗိုလ်ကြီးသူရစစ်မောင်
ကိုယ်ပိုင်အမှတိ....ကြည်း.၁၁၇၁၆
တပ်ရင်းအမည်....ခမရ.၁၀၉
ရရှိသောဘွဲ့တံဆိပ်...သီဟသူရ သူရစစ်မောင်. ယင်းတို့ကဲ့သို့ပင် သူရဘွဲ့.၁၀ ဦး၊သူရဲကောင်းမှတ်တမ်း၀င်.၆ဦးတို့ ရရှိခဲ့သောတိုက်ပွဲကြီးသည်ကား.........
မကြာခင်က မိမိတပ်မတော်ဆယ်ဂဏန်းမျှသာ စခန်းထိုင်ထားသော ခြူးရွှေပန်ကောက်စခန်းများအား ဗကပအင်အား လေးငါးထောင် ဖြင့် ၀င်ရောက်သိမ်းပိုက်လိုက်ခြင်းဖြင့် ဗကပ ဗဟိုကော်မီတီနှင့် စစ်ကော်မီရှင့်် အသစ်ဖွဲ့စည်းခြင်း၏ ပွဲဦးထွက်တိုက်ပွဲကို စတင်လိုက်ပါတော့သည်။ မိမိတပိမတော်သည် ရန်သူသိမ်းပိုက်မိသွားသော စခန်းများပြန်လည်ရရှိရန်ပြန်လည်စုဖွဲ့ကာ အပြင်းအထံ ပြန်လည်တိုက်ခိုက်နေချိန်....
ဗက ဖုန်းစိန်ဦးစီးခမရ.၁၀၉ မှ တပ်ခွဲ ၃သည် ၊ရန်သုကသွပ်ဆူးကြိုးများ၊မိုင်းများ၊ခံကတုတ်နှင့်ဘန်ကာများ ၊လက်နက်ကြီးပုံသေပစ်ကြောင်းအောက် တွင်အပြောင်ရှင်းကာ သတ်ကွင်းပြင်ထားသည် အင်အား၁၅၀၀ ခန့် စခနိးချနေသော ခြူးရွှေစခန်းရှိရာသို့ ညအမှောင်ကိုယူကာ တဖြေးဖြေးချဉ်းကပ်လာနေသည်။ ဗိုလ်ကြီးဖုန်းစ်ိန်တပ်ခွဲသည် ပထမနှင့် ဒုတိယခြံစည်းရိုးကို ချဉ်းကပ်ဖြတ်တောက်လိုက်သည်။ဗိုလ်ကြီးဖုန်းစိနိတပ်ခွဲနောက်မှ ၀င်ရောက်မည့်ကျနိတပ်ခွဲလေးခွဲမှာအသင့်ပြင်ဆင်ထားစဉ်....
ဖောင်း....ဖောင်း...ဒက်..ဒက်..ဒက်...ပတောက်..ပတောက်...
ရန်သူမှ တွေ့မြင်သွားပြီး ဘနိကာများ ၀ပ်ကျင်းများထဲမှ တရုပ်စက်လတ်များ.. လက်နက်ငယ်များဖြင့် စတင်ပစ်ခတ်တော့သည်။ထိုစဉ်...
ဖောက်....... ရွှီး....
ရန်သူမီးကျည်ပစ်သံနှင့်အတူ ကောင်းကင်တခုလုံးလင်းထိနိသွားသည်၊ မိမိတပ်များက သတ်ကွင်းထဲတွင် အထင်အရှား...
ဖောင့်း...ဂျီမ်း....ဖောင်းဂျိမ်း...ဂျိမ်း
ဒက်...ဒက်...ဒက်
ရင်ကွဲတောင်မှ ပစ်ခတ်လိုက်သော ရန်သူ၇၅မမနောက်ပွင့် ၅၇မမ ၊၆၀မမ၊ပွိုင့်.၅ စက်သေနတ်ကြီးအောက်တွင် ဗကဖုန်းစိန်တပ်ခွဲ အလူးအလဲ ဒဏ်ရာရကုန်သည်။ မိမိတပ်များ တိုက်ခိုက်ခံရသည်နှင့်ဗကစိုးလှ ဦးစီးတပ်ခွဲ.၂ ၊ ဗကသူရ စစ်မောင်ဦးစီး တပ်ခွဲ.၁၊ ဗက အောင်သနိးမြင့်ဦးစီး တပ်ခွဲ.၄၊ ဒုဗိုလ်၊စိုးလွင်ဦးစီး တပ်ခွဲ၅ တို့သည်ရန်သူကိုရေလှိူင်းပုံတပ်ဖြန့်ကာ အကာအကွယ်ပင်မယူတော့ဘဲ အတင်း၀င်အတင်းတိုက်တော့သည်၊ ရန်သူဘန်ကာများအတွင်းမှလက်ပစ်ဗုံးများလှိမ်ချခြင်း စက်လတ်များလက်နက်ငယ်များအတွဲလိုက်ပစ်ခတ်သံက မိုးချိန်းသည့်အလား....
လက်နက်ကြီးပေါက်ကွဲသံတို့က မိုးကြိုးပစ်နေသည့်နယ် တဝုံးဝုံးတ၈ျိနိး၈ျိန်း....
ရန်သူကအပြောင်ရှင်းကာသတ်ကွင်းပြင်ထားသည့်စခန်းကုန်းကို.. ရင်ဖွင့်ကာ အတင်း၀င် အတင်းပစ်..ထိုသူတို့ကား သေရမည်ကိုမကြောက့၊်ဘီလူးသဘက်စီးနေသည့်အလား.....ရှေ့ဘန်ကာ ၃ခုကိုစီးမိသည်၊ ဒဏ်ရာရသူ သေဆုံးသူတို့ကအများအပြား..လောက၀ယ်သေမည်မှန်းသိပါလျှက် အသက်ကိုပျော်ပျော်ကြီးပေးဆပ်နေသည့် သူရဲကောင်း မြန်မာ့တပ်မတော်သားတို့၏သွေးကား ရဲရဲ နီလွန်းပေစွ.....ဘာအတွက်များတိုက်နေကြပါသနည်း.. မိမိအတွက်လား၊ နိုင်ငံရးသမားစားဖားတွေပြောသည့် အဘတွေအတွက်ပေလား.... သံလွင်တဖက်ချမ်း မိမိမြေကို၀င်ရောက်သိမ်းပိုက်ကာ တရုပ် ကရိုင်းမီးယား ဒေသ ထူထောင်လိုသည့် တိုင်းတပါးသား စစ်အကြံပေးများပါသည့်၊ကျူးကျော်သူများထံမှ မိမိမြေတလက်မ မကျန် ပြန်လည်ရယူမည့် သတ္တိရှင်များပေလား...
ထိုတိုက်ပွဲအတွင်း ကသူရဲကောင်းများကား ဒဏ္ဍာရီဆန်လွန်းသဖြင့် သာမန်လူ တို့ယုံကြည်ရန်ခက်ခဲပေလိမ့်မည်။
သီဟသူရ ရဲဘော်ညိုအေး
★ ★ ★ ★ ★ ★ ★ ★ ★
ဗကဖုန်းစိန်၏ ပထမဆုံး၀င်ရောက်သည့်တပ်ခွဲ.၃ တွင်ခင်ဗျားတို့ သိပ်အထင်မကြီးလှသော သာမန်အညတရစစ်သည်၊ညိုအေးလဲပါ၀င်သည်။ ရန်သူကစတင်ပစ်ခတ်ပြီး လက်နက်ကြီးများတအုန်းအုန်းပစ်နေသည့်ကြာမှပင် တပ်သားညိုအေးသည်၊ တိုင်းပြည်၏ဂုဏ်၊တပ်မ.၉၉ နှင့် ခမရ.၁၀၉ ၏ဂုဏ်ကိုဆောင်သောရဲရင့်သောဆောင်ရွက်ချက်ကိုပြုလုပ်ခဲ့သည်။ မိမိ၏သေဖေါ်သေဖက်ရဲဘော်များထိမှန်လဲကျသည်နှင့် အသက်ကို မငဲ့ကွက်တော့ဘဲ တတိယခြံစည်းရိုးကိုဖောက်ကာ BA.64ကိုပိုက်လျှက်ပစ်ခတ်ရင်း စက်လတ်ပစ်နေသော ရန်သူကတုတ်ကျင်းဆီသို့ပြေးတက်တော့သည်။ ကတုတ်ကျင်းနှင့် ၁၀ ကိုက်အကွာရောက်မှ ကတုတ်ထဲရှိရန်သူ၏ စက်လတ်ဖြင့်အတွဲလိုက်ပစ်ခတ်ခံရကာလဲကျသွားသည်။ ထိမှန်လဲကျရာမှ ကတုတ်ရှိရာသို့တွားတက်ကာ မိမိရဲဘော်များ တက်နိုင်ရန် နှင့် ဒဏ်ရာရသူများကို တွဲထုတ်နိုင်ရန် BA.64ဖြင့် ဦးနှိမ်ပစ်ခတ်ပေးသည်။ ခေါင်းမဖ်ါနိုင်ဖြစ်နေသောရန်သူက ကတုတ်အတွင်းမှလက်ပစ်ဗုံးကိုလိမ့်ချရာ ပေါက်ကွဲသဖြင့် ဒဏ်ရာရသည်။ တပ်သားညိုအေးသည်ဒဏ်ရာရသည့်ကြားမှပင် BA.64ကိုဆွဲယု လက်ပစ်ဗုံးကို ပိုက်လျှက်ကတုတ်ထိပ်အထိတွားတက်ကာ ကတုတ်အတွင်းလက်ပစ်ဗုံးဖြင့် ထုကာ ရန်သူကိုအပြတ်ရှင်းပြီးမှကတုတ်ကျင်းထိပ်တွင် သူရဲကောင်းပီသစွာကျဆုံးခဲ့ပါသည်။
တပ်သားညိုအေးသည် ၂ကြိမ်တိုင်ထိမှန်ဒဏ်ရာရနေသည့့်ကြားမှပင် မိမိတပ်ဖွဲ့အတွက် အသက်ကိုပဓာနမထား၊ ရန်သူကိုချေမှူန်းလိုသောပြင်းပြသော စိတ်ဓာတ်ဖြင့် နောက်ဆုံးချိန်အထိ ရဲဝံ့စွာအသက် ပေးတိုက်ခိုက်သော ရဲစွမ်းသတ္တိကိုမြင်သော ဗကသူရစစ်မောင်နှင့် ရဲဘော်တို့သွေးများပွက်ပွက် ဆူခဲ့လေပြီ....
အော်.......သူ့နိုင်ငံသား..သံမှူန့်စား မှ ဒို့ဓားတုန်းမည်.... မှတ်တော်တည်လော့.......
သီဟသုရ တပ်ကြပ် ထွန်းကြည်
★ ★ grin emoticon ★ ★ ★ ★ ★ ★ ★
သုရဲကောင့်း အညတရစစ်သည်တပ်သားညိုအေးတယောက်ရဲ့ဝံ့စွာ ကျဆုံးခဲ့ပြီ တပ်ကြပ်ထွန်းကြည် အံကို တင်းကြပ်စွာကြိတ်လိုက်သည်၊ တပ်ကြပ်ထွန်းကြည်သည် ခွဲမှူး ဗကဖုန်းစိန် ခွဲမှဖြစ်သည်၊မိမိတပ်ခွဲ မှူး ဗက ဖုန်းစိန် အပြင်းအထံ ဒဏ်ရာရနေသော်လည်းဒုတိယ၀င်ရောက်လာသော ဗက သူရစစ်မောင်၏အမိန့်အတိုင်း မိမိတပ်စုနှင့်အတူ အတင်းထိုးဖောက်တိုက်သည်၊ ၀ပ်ကျင်းထဲမှ ရန်သူများ ပင်သွေးပျက်နေပြီ..
ဆရာထွန်းကြည်....ခင်ဗျားတပ်စိတ်က ညာဘက်တောင်ပန်က ဘန်ာကာကိုဦးတည်ပြီး တိုက်......
ဗကသူရစစ်မောင်မှာ ရန်သူကို အဆက်မပြတ်ပစ်ရင်း မိမိဒဏ်ရာရစစ်သည်များကိုဆွဲထုတ်နေသည့်ကြားမှပင် တပ်ကြပ်ထွန်းကြည်ကို အမိန့်ပေးလိုက်သည်။ ညာဘက်ဘန်ကာအတွင်းမှအဆက်မပြတ်ပစ်နေသော တရုပ်စက်လတ်ကြောင့်မိမိရဲဘော်အချို ဒဏ်ရာရကုန်သည်။
တပ်ကြပ်ထွန်းကြည်သည်ဒဏ်ရာရနေသည့်ကြားမှပင် မိမိတပ်စိတ်ကို ဦးဆောင်ကာ ညာတောင်ပံ ကိုတိုက်တော့ သည်၊ ဒုက္ခပေးနေသော ညာဘက်ဘန်ကာကိုရှင်းမှ ဒဏ်ရာရသူများကိုဆွဲထုတ်၍ရမည်ကို ကောင်းစွာသိသည်။ ထို့ကြောင့် ထွေထွေထူးထူးစဉ်းစားမနေတော့ ပစ်နေသောကာဘိုင်သေနတ်ကိုပစ်ချကာ ခါးမှ လက်ပစ်ဗုံး၂လုံးကို ပါးစပ်ဖြင့်ကိုက်ခါ ပင်ဖြုတ်လိုက်သည်။ ဗိုလ်ကြီးစစ်မောင် မတားလိုက်နိုင်မှီပင် ရန်သူပစ်ခတ်နေသည့်ကြားမှပင် ညာ တောင်ပန်ရှိဘန်ကာဆီသို့ အတင်းပြေးသည်၊ ရန်သူပစ်ခတ်လိုက်သောကျည်တို့ ထိုးဖောက်ထိမှန်သော်လည်း ဆရာထွန်းကြည်၏ ရဲစွမ်းသတ္တိနှင့် ခိုင်မာသောဆုံးဖြတ်ချက်က်ို လဲကျအောင်ကားမစွမ်းဆောင်နိုင် ဆရာထွန်းကြည်သည်လက်ပစ်ဗုံး၂လုံးကို ပိုက်ကာ ရန်သူကတုတ်ကျင်းအတွင်းလှိမ့်၀င်လိုက်တော့သည်။
၀ုန်းကနဲဝုန်းကနဲဆက်တိုက်ပေါက်ကွဲသံနှင့့်အတူ စက်လပ်ပစ်Crewအဖွဲ့အားလုံးနှင့်ဆရာထွန်းကြည်ပါကျဆုံးသွားခဲ့သည်။ လောက၀ယ် အာဂယောက်ကျား....ဆရာထွန်းကြည်ကား အသက်နှင့်ရင်းကာ မြန်မာတပ်မတော်၏ သတ္တိကို ပြခဲ့လေပြီ ။လေးစားပါတယ်ဆရာထွန်ြးကည်။
သီဟသူရ ဒုဗိုလ်စိုးလွင်
★ ★ ★ ★ ★ ★ ★ ★ ★
ကျောင်းဆင်းကာစ ဒုဗိုလ်ဘ၀၊ အသက်ငယ်ပင်ငယ်သော်လည်း ရဲစွမ်းသတ္တိ အရာ၌ ငယ်သူမဟုတ်။ ကျောင်းဆင်းအရာရှိငယ်တို့စံပြုထိုက်သော သတ္တိအရာ၌ စံနမူနာပြခဲ့သူ ။ ခင်ဗျား တို့ နိုင်ငံရေးသမား လူ့ပေါက်ပန်းတို့ အပုတ်ချနေသည့်စစ်ကျောင်းကြီးမှ မွေးဖွား သန့်စင် လေ့ကျင့်ပေးခဲ့သူ...
ဒုဗိုလ်စိုးလွင်ဦးဆောင်သော တပ်ခွဲ.၅သည် နောက်ဆုံးမှ ၀င်ရသူ...
မိမိ တပ်များ ထိခိုက်ဒဏ်ရာရနေသည်က်ို မြင်သော ဒုဗိုလ်စိုးလွင်နှင့် တပ်ခွဲ.၅ သည် နေရာယူခြင်း၀ပ်ခြင်းပင်မပြုတော့ဘဲ ရှေ့ဆုံးမှဦးဆောင်ကာ ရန်သူကတုတ်ကျင်းများရှိရာသို့ ပြေးတက်ကာလှံစွပ်ထိုးတိုက်ခိုက်တော့သည်။ ရန်သူလက်နက်ငယ်ကျည်ထိမှန်သည်ကိုပင်ဂရုမစိုက်၊ဘန်ကာတခုပြီးတခုကူးကာအတင်း၀င်အတင်းပစ်သည်။ မိမိတို့ တပ်ခွဲမှူး၏ရဲစွမ်းသတ္တိကိုမြင်သောတပ်ခွဲ.၅ သည် ။ နေရာယူခြင်း၀ပ်ခြင်းင်မလုပ်ဘဲ ရန်သူပစ်ခတ်နေသောဘန်ကာများကို သူရဲမင်းရဲစီးသည့်ပမာ အတင်း၀င်လုံးတော့သည်။ဘန်ကာများစီးမိသော်လည်း၊ပြတ်သားသောခေါင်းဆောင်ဖြစ်သည့် ဒုဗိုလ်စိုးလွင်ကား ဘန်ကာထိပ်တွင်လက်နက်ငယ်ကျည်ထိမှန်ကျဆုံးခဲ့့သည်။ ဒုဗိုလ်စိုးလွင်ကား ရဲစွမ်းသတ္တိဆိုင်ရာ သီဟသူရဘွဲ့ကိုရရှိခဲ့ပါသည်။လူငယ်သော်လည်းသတ္တိမငယ်သူပါတကား........
ဆက်ရန်
Star shinester
Credit: Thaung Myint

♥ဆောမြို့နယ်၏ ထူးခြားချက်များ♥
**************************
ဆောမြို့နယ်သည် သနပ်ခါးကြောင့် နာမည်ကြီးပါသည်။ ဆောမြို့နယ် ခွင်းချောင်းကျေးရွာအုပ်စု၊ မင်းလယ်ကျေးရွာတွင် နှစ်စဉ် အောက်တိုဘာလ၌ သနပ်ခါးပါးတို့ပွဲကို ကျင်းပပါသည်။

♥ဆောမြို့နယ်၌ အသက်(၁၈)နှစ်အထက်၊ (၁၈)အောက် ယောက်ျား+မိန်းမဦရေ♥
******************************

ဆောမြို့နယ်၌ အသက် (၁၈)နှစ်အထက် 🌻>မြို့နေ ယောက်ျားဦးရေမှာ (၁၃၆၃)ဦး၊ မိန်းမဦးရေ (၁၇၅၁)ဦး ရှိပါသည်။ မိန်းမဦးရေမှာ ယောက်ျားဦးရေထက် (၃၈၈)ဦး ပိုနေပါသည်။

🌻>ကျေးလက်နေ ယောက်ျားဦးရေမှာ (၁၉၉၂၆)ဦး၊ မိန်းမဦးရေမှာ (၂၂၆၄၄)ဦး ရှိပါသည်။ မ်ိန်းမဦးရေမှာ ယောက်ျားဦးရေထက် (၂၇၁၈)ဦး ပိုနေပါသည်။

🌻ထို့ကြောင့် ဆောသူများအနေဖြင့် ''ရတာမလို လိုတာမရ'' ဂျီးများမနေဘဲ ယောက်ျားယူသင့်ပါသည်။ သို့မဟုတ်က အပျိုကြီး အထီးကျန် ဖြစ်နေပေတော့မည်။😁

`လင်လိုချင်သော အပျိုကြီး´
😝😝😝😝😝😝😝
အပျိုကြီးများ လင်လိုချင်
မြင်ရာစိတ်ကူးယဉ်
ဇီဇာကလည်း ကြောင်ပါဘိ
ပါးစပ္​က ပြစိစိ
အသက်ကလည်း၃၀ကျော်
ယောင်္ကျားမရလို့မျှော်
အလှအပကို အလွန်ထိန်း
ဗိုက်ခေါက်ကြီးကို သိမ်း
အဆီတက်လို့ အ၀လွန်
အပျိုဟိုင်းကြီးမစွံ
တွေ့ရာမြင်ရာ small လေး
အထာအသကုန်ပေး
အထာပေးလည်းမဟန်ပါ
၄၀နားနီးလာ
၄၀ကျော်တော့ ပိုးကရွ
စိပ်ပုတီးလက်ကချ
ဥာဏ်နီဥာဏ်နက် အကုန်ကြံ
လင်လိုချင်စိတ်ထန်
နောက်ဆုံးတော့လည်း လင်မရ
ငှက်ပျောတုံးသာခွ...။ အပျိုကြီးစိတ်ဓါတ်ကျ...။(လင်းသထွန်း)

ဆောမြို့နယ်၌ အသက် (၁၈)နှစ်အောက် 🌻>မြို့နေ ယောက်ျားဦးရေမှာ (၇၈၈)ဦး၊ မိန်းမဦးရေ (၇၆၈)ဦး ရှိပါသည်။
🌻>ကျေးလက်နေ ယောက်ျားဦးရေမှာ (၈၇၆၃)ဦး၊ မိန်းမဦးရေမှာ (၈၈၈၇)ဦး ရှိပါသည်။

28-7-2018=Sat ရေးသားသည်။

ကျမ်းကိုးများ
--------------
၁။ ယောသမိုင်းကျမ်း(မောင်ကျော်) နှာ ၁၅၇၊ ၁၅၈
၂။ စမ္ဗူ့ဒီပဥဆောင်းကျမ်း နှာ ၁၄
၃။ ဂန့်ဂေါခရိုင်မှတ်တမ်း (2016-2017)
၄။ ယောဓလေ့ (စောကြူမောင်)နှာ ၁၅၊ ၁၆
၅။ ယောမြို့ကပြန်ခဲ့တယ် (ဝင်းနွယ်-သစ်တော) နှာ ၁၅၃၊ ၁၅၄
၆။ ပခုက္ကူခရိုင် ဒေသန္တရ ပထဝီဝင် သုတေသနကျမ်း (ဦးအေးကို) နှာ ၁၀၃
၇။ မှတ်တမ်းသမိုင်း ပဲခူး၊ မကွေးတိုင်း (လွင်မောင်) နှာ ၂၈၁
၈။ ပုံတောင်ပုံညာ (မော်ကျွန်း စိုးမြင့်) နှာ ၁၂၅၊ ၁၂၆
Photo=crd

ရေးသားသူ
အရှင်ဉာဏဝရ (ယောနယ်နှင့်သာသနာ)
သာသနတက္ကသီလဓမ္မာစရိယ
သာသနတက္ကသီလမဟာဓမ္မာစရိယ
B.A (Hons;) ၊ M.A (Part-2)
09-401526093

အဆောင် (၇)၊ အခန်း (၄)၊
နိုင်ငံတော်ပရိယတ္တိသာသနာ့တက္ကသိုလ်။(မန္တလေး)

ရွာသစ်ရွာ၊ ဂန့်ဂေါမြို့နယ်။ မကွေးတိုင်း။

24/05/2022

♥ဂန့်ဂေါမြို့သမိုင်း♥
*****************

"ကံ့ကော်ရွာတည်ထောင်ခြင်း''
***********************
သက္ကရာဇ် (၆၁၇)ခုနှစ်၊ ပြာသိုလဆန်း (၆)ရက်၊ ကြာသပတေးနေ့တွင် နန်းတက်သော ပုဂံပြည် နရသီဟပတေ့မင်းလက်ထက် မုတ္တမစား ငရွှေနှင့် မစ္ဆဂီရိစားတို့ သောင်းကျန်းပုန်ကန်ကြကုန်၏။ အမတ်ကြီး ရာဇသင်္ကြန်ကို တိုက်ဆင် (၂၀၀)၊ မြင်း (၂၀၀၀)၊ စစ်သူရဲ (၂၀၀၀၀)နှင့် မုတ္တမသို့ စစ်ချီစေ၏။ အတွင်းသင်းမှူး သရေပစ္စတေ့ကိုလည်း တိုက်ဆင် (၂၀၀)၊ မြင်း (၂၀၀၀)၊ စစ်သူရဲ (၂၀၀၀၀)နှင့် မစ္ဆဂီရိသို့ စစ်ချီစေ၏။ အမတ်ကြီး ရာဇသင်္ကြန်မှာ မုတ္တမကိုနိုင်ပြီး သရေပစ္စတေ့မှာ အစီအမံပေါ့လျော့မှုကြောင့် မစ္ဆဂီရိကို ရှုံး၍ တပ်ပျက်ကာ ထွက်ပြေးရလေသည်။ ထိုအကြောင်းကို နရသီဟပတေ့မင်း သိသောအခါ ''စစ်ရှုံးသော စစ်သူကြီးမည်သည် လူ့ပြည်မှာ ရှိရာသလောဟု ကြီးစွာဒေါသထွက်၍ အမတ်ကြီးရာဇသင်္ကြန်၏သား ညောင်ဦးအုတ်လှကို သရေပစ္စတေ့အား သတ်ချေ။ ကျန်သော ပြန်တမ်း၀င် ဗိုလ်ချုပ်၊ ဗိုလ်မှူး၊ စစ်ကဲ၊ စစ်မင်း၊ တပ်ကြပ်၊ တပ်သားတို့အား မီးလောင်တိုက်သွင်းစေ''ဟု အမိန့်ပေးလိုက်လေသည်။

ရာဇသင်္ကြန်အမတ်ကြီးသည် နရသီဟပတေ့မင်းအား အမျက်တော်ပြေစေအောင် လျှောက်ထားသောကြောင့် အမျက်တော်ပြေကာ အပြစ်ကိုလျှော့ပေါ့၍ ''ကံ့ကော်တော၊ ကလောတော၊ ချေးတော၊ ပိတောက်တော''ဟူသော သစ်တောလေးရပ်သို့ ပို့စေ၏။ သစ်တောလေးရပ်သို့ အပို့ခံရသော ဗိုလ်ချုပ်၊ ဗိုလ်မှူးတို့သည်။ ရွာတည်ထောင်ရန် ကြည့်ရှုကြရာ ရွှေပြည်ဆိပ်ဦးစေတီတော်နှင့် ရှေးအခါက ဧရာမမြွေကြီးတစ်ကောင်၏ အန္တရာယ်ပြုမှုကြောင့် ပျက်စီးနေသော မြို့ဟောင်းကြီးကို တွေ့ရှိကြသည်။ ထိုမြို့ဟောင်းနေရာ ကံ့ကော်တောကို ခုတ်ထွင်ရှင်းလင်း၍ ရွာတည်လေသည်။ ထိုကံ့ကော်တောရွာ၏ ရွာလယ်ခေါင်၌ ကံ့ကော်ပင်ကြီးတစ်ပင် ရှိလေရာ ရွာအမည်ကိုလည်း ''ကံ့ကော်ရွာ''ဟု အမည်ပေးလေသည်။

♥ကံ့ကော် မှ ကန့်ဂေါ် ဖြစ်လာပုံ♥
************************
ယခုဂန့်ဂေါမြို့သည် ကျွန်း၊ ပျဉ်းကတိုး၊ သစ်ရာ၊ အင်ကြင်း၊ ပိတောက်၊ နှောစသည့် ရတနာတန်း၀င် အပင်များနှင့် ဝါးအမျိုးမျိုးပေါက်ရောက်ကြသည်။ ထိုရတနာတန်း၀င်အပင်များကို ခုတ်လှဲပြီး နိုင်ငံတော်ဘဏ္ဍာအတွက် ခေတ်အဆက်ဆက် ပြည်ပသို့ ရောင်းချခဲ့ကြရသည်။ ကုန်းဘောင်ခေတ် သက္ကရာဇ် (၁၂၁၄)ခုနှစ်၊ (၁၈၅၃-၁၈၇၈)၌ နန်းတက်သော မင်းတုန်းမင်းလက်ထက် ယောနယ်မှ ရတနာတန်း၀င်အပင်များကို သစ်တံဆိပ်ရိုက်နှိပ်သောအခါ ''ကန့်ဂေါ်''ဟု ရိုက်နှိပ်ခဲ့ရာ 'ကံ့ကော်'မှ 'ကန့်ဂေါ်' ဖြစ်လာသည်။

♥ကန့်ဂေါ်မှ ဂန့်ဂေါ ဖြစ်လာပုံ♥
***********************
သက္ကရာဇ် (၁၂၄၇)ခုနှစ်တွင် သီပေါမင်းပါတော်မူပြီးနောက် အင်္ဂလိပ်(ခေါ်) နေရာတကာ အနိုင်ကျင့်၊ ဗိုလ်ကျ၊ ခြယ်လှယ်တတ်သော နယ်ချဲ့ဗြိတိသျှတို့သည်။ ''ကန့်ဂေါ်''ကို သိမ်းပိုက်လိုက်ကြသည်။ ထိုနယ်ချဲ့ အင်္ဂလိပ်များက သက္ကရာဇ် (၁၂၅၀)ခုနှစ်တွင် ယောနယ်မှ ရတနာတန်း၀င်အပင်များကို (GAN GAW)ဟု သစ်တံဆိပ် ရိုက်နှိပ်ခဲ့သဖြင့် 'ကန့်ဂေါ်' မှ 'ဂန့်ဂေါ' ဖြစ်လာသည်။

💚ဂန့်ဂေါမြို့မည်ပုံကဗျာ💛
* ကတ်ကော ကံ့ကော် မှ ဂန့်ဂေါ မြို့ဖြစ်ပေါ်လာပုံ*

>နရပတိ ခေါ်
ပြည်တော်ပုဂံ
ထီးနန်းစံသည်
စာဂီဒေါသ
ချောင်းချောင်းထသူ။

>တစ်နေ့သောခါ
"ငဆောင်းချမ်း" ဂါမ
ရွာဒေသမှာ
ထကြွ ပုန်ကန်
တော်လှန်လေသော်
စစ်သည်တော်များ
စေစားပို့လွှတ်
ရွံ့့ရွံ့ချွန်ချွန်
တိုက်စစ်ဆင်စေ
အမိန့်တော်။

>ရှေ့တန်းသို့ထွက်
ရဲမက်စစ်သည်
ဇာနည်ယောင်္ကျား
အိုးစာတူချင်း
တပ်ရင်းတပ်ခွဲ
မိတ်သင်းတွဲလျက်
ချီတက်ခဲ့ပြီ
သားဇာနည်တို့
တိုက်ဖို့ရည်သန်
ပြည်ပုဂံအတွက်။

>သို့လျက်တစေ
ကြာရှည်ချီတက်
ခရီးဆက်ရာ
စကားဝှက်များ
ပြောကြား မှားယွင်း
အချင်းချင်းပင်
မသိခင်ပဲ
တိုက်ပွဲတစ်ပွဲ
ဆင်နွဲမိသတဲ့။

>ထိုသတင်းမှန်
ပုဂံရွှေပြည်
မြိုတော်ဆီသို့
ဟိုးကျော်ပျံ့နှံ့ခဲ့လေပြီ။

>ဒေါသ လွန်ပြင်း
နရမင်းမဟော်
တစ်နည်းခေါ်သေး
"မင်းခွေးချေး"က
တစ်နည်းခေါ်သေး
"တရုတ်ပြေး"က
လှစ်ဟ မိန့်တော်
တိုင်းကျော်ပြည်မှ
ထွက်ခွါစေတဲ့။

>စစ်သည်ဗိုလ်မင်း
ချင်းချင်းတိုင်ပင်
ရင်ခွင်ပုံညာ
ဟေမာပုံတောင်
ခရီးဆောင်ကြ
"လောင်ထောင်"ဒေသသို့။

>မြက်နုရေကြည်
မြစ်သာနဒီဘေး
နေရာရွေး၍
စုဝေးနေထိုင်
အခြေချခိုင်လာ
"မင်းရွာ"ဟုခေါ်
"ဗိုလ်ကုန်း"ဟုခေါ်

>နောက်သော် တစ်နည်း
ပင်ကြီးကံ့ကော်
ချောင်တော်" လောင်ထောင်"
ကွေ့ဝိုက် မှောင်ရီ
ဒေသဆီသို့
လာလို့နေကြ
ထိုဂါမကို
ပင်ပျို ကံ့ကော်
စွဲပြုခေါ်သည်
"ကံ့ကော်မှ"တစ်ဆင့်
ဂန့်ဂေါဖြစ်၏။

>ကတ်သီးကတ်သတ်
မြေဝှမ်းရပ်၌
ကတ်ကတ် ကောကော
ရေပေါရပ်၌
အခြေစိုက်နေလာ
"ကတ်ကော"ရွာဟု
စာပြု ဆရာညွန်း
ဦးကြာထွန်းက
ဆိုမိန့်ဟခဲ့ပြန်ပါသည်။

ကလောင် ပခုက္ကူ အေးဆွေ

နေရပ် ရှုံးရှီရွာ ဂန့်ဂေါ ခရိုင်

ဖုန်း ၀၉၄၀၂၆၄၃၉၀၇

♥မြို့နယ်၊ ခရိုင်ဖွဲ့စည်းခြင်း♥
********************
ပြည်ထဲရေး၀န်ကြီး အမိန့်ကြေငြာစာဖြင့် (၂၇-၈-၁၉၇၃)ခုနှစ်တွင် ဂန့်ဂေါမြို့နယ်ဟု သတ်မှတ်ခဲ့သည်။ (၄-၄-၁၉၉၆)ခုနှစ်တွင် ဂန့်ဂေါခရိုင်ဟု သတ်မှတ်ခဲ့သည်။
ဂန့်ဂေါမြို့ကို ၁။ စည်ပင်သာယာရပ်ကွက်၊ ၂။ မြို့မရပ်ကွက်၊ ၃။ ကျောတိုက်ရပ်ကွက်၊ ၄။ မိုးကောင်းရပ်ကွက်ဟူ၍ ရပ်ကွက် (၄)ခုဖြင့် သတ်မှတ်ထားသည်။

ဂန့်ဂေါမြို့နယ်၌ ကျေးရွာအုပ်စု ၁။ ဘိုင်းဘင် ၂။ ဘော်ပြင်း ၃။ ချောင်းကောက်
၄။ ချောင်းနက် ၅။ အိမ်သစ် ၆။ ဂန့်ဂေါ
၇။ အနောက်ဂန့်ဂေါ ၈။ မွှေ့လယ် ၉။ နှမ်းခါး
၁၀။ ထယ်လှော် (ဆားချက်) ၁၁။ ကန် ၁၂။ ကန်သာ
၁၃။ ကန့်သက် ၁၄။ ခေါင်းတင် ၁၅။ ခေါင်းတုံ
၁၆။ မြောက်ခင်ရမ်း ၁၇။ တောင်ခင်ရမ်း ၁၈။ ကွမ်းဇဲ
၁၉။ ကျော ၂၀။ ကျော်စွာ ၂၁။ ကျဲ
၂၂။ ကြက်ရိုး ၂၃။ ကျွန်းဒတာ ၂၄။ ကျွန်းခုံသာ
၂၅။ လဘို့ ၂၆။ လယ်ကြီး ၂၇။ လယ်မ
၂၈။ လက်ပန် ၂၉။ လီလင်း ၃၀။ မောက်လင်း
၃၁။ မကြီးခင် (မန်ကျည်းခင်) ၃၂။ မောလယ် ၃၃။ မဲ
၃၄။ မင်းရွာ ၃၅။ မိုးစို ၃၆။ မြေနီ
၃၇။ မြင်သား ၃၈။ မြင်းဇာ ၃၉။ နုံးကြီး
၄၀။ ညောင်လယ် ၄၁။ ပနန်း ၄၂။ ပန်းထိပ်
၄၃။ ဖက်၀န်း ၄၄။ ပိုဦး ၄၅။ ပြား
၄၆။ ပြင်သာ ၄၇။ ပြစ်မ ၄၈။ စပယ်
၄၉။ စကား ၅၀။ စိုင်ဒူး ၅၁။ စမိတ်
၅၂။ ရှုံးရှီ ၅၃။ ရွှေတောင် ၅၄။ စင်ပုံ
၅၅။ တောင်ပြင် ၅၆။ တောင်လုံး ၅၇။ တောင်ယာပြင်
၅၈။ တောဘို့ ၅၉။ တဇန်း ၆၀။ သာလင်း
၆၁။ သင်တော ၆၂။ ဝါးဘင် ၆၃။ ၀င်ချီပါ
၆၄။ ၀င်၀ ၆၅။ ရေပုတ် ၆၆။ ရေရှင်မ
၆၇။ ရင်းမာ ၆၈။ ရွာမ ၆၉။ ရွာစည်
၇၀။ ဇဟော ၇၁။ ဇန်မွှေး ၇၂။ ဇီးပြား
၇၃။ မောက် ၇၄။ ရှောက်ပင် ဟူ၍ (၇၄)အုပ်စု၊
ကျေးရွာ (၁၀၇)ရွာ၊ မြို့နေအိမ်ခြေ (၂၅၃၇)အိမ်၊ ကျေးလက်နေအိမ်ခြေ (၂၄၉၂၂)အိမ်၊ စုစုပေါင်း (၂၇၄၅၉)အိမ်တို့ဖြင့် ဖွဲ့စည်းထားသည်။

♥ဂန့်ဂေါမြို့ တည်နေရာနှင့် အကျယ်အ၀န်း♥
************************
ဂန့်ဂေါမြို့သည် မကွေးတိုင်း၊ ဂန့်ဂေါခရိုင်၏ မြို့တော် ဖြစ်သည်။ မြောက်လတ္တီတွဒ် (၂၁ဒီဂရီ၊ ၄၅မိနစ်)နှင့် (၂၂ဒီဂရီ၊ ၄၅မိနစ်)အကြား၊ အရှေ့လောင်ဂျီတွဒ် (၉၄ဒီဂရီ)နှင့် (၉၄ဒီဂရီ ၃၀မိနစ်)အကြားတွင် တည်ရှိသည်။ အရှေ့ဘက်တွင် ပုလဲမြို့နယ် ပုံတောင်၊ တောင်ဘက်တွင် ထီးလင်းမြို့နယ်၊ အနောက်ဘက်တွင် ချင်းပြည်နယ်၊ မြောက်ဘက်တွင် ကလေးမြို့နယ်တို့အကြား တည်ရှိပါသည်။

ဂန့်ဂေါမြို့သည် နရသီဟပတေ့မင်းလက်ထက် ကံ့ကော်ဟု အမည်ပညတ်သည့် သက္ကရာဇ် (၆၁၇)ခုနှစ်မှ ယခု သက္ကရာဇ် (၁၃၈၀)ခုနှစ်အထိ (၇၆၃)နှစ်ခန့် ရှိသည်ဟု ခန့်မှန်းရပါသည်။

ဂန့်ဂေါမြို့၏ အကျယ်အ၀န်းသည် အရှေ့မှ အနောက်သို့ (၂၈)မိုင်ခန့် ရှည်လျားပြီး တောင်မှ မြောက်သို့ (၇၇)မိုင် ကျယ်၀န်းပါသည်။ မြို့နယ်၏ အကျယ်အ၀န်းမှာ (၆၀၈၈၂၃)ဧကရှိပြီး စတုရန်းမိုင်အားဖြင့် (၉၅၀.၄၉၁)မိုင် ကျယ်၀န်းပါသည်။

♥ဂန့်ဂေါမြို့နယ်၏ ရာသီဥတုနှင့် ပင်လယ်ရေမျက်နှာအထက်အမြင့်♥
***************************
ဂန့်ဂေါမြို့နယ်သည် ပူအိုက်စွတ်စိုသော ရာသီဥတုရှိပြီး အမြင့်ဆုံး အပူချိန် (43°C)နှင့် အနိမ့်ဆုံးအပူချိန်မှာ (12 °C) ဖြစ်ပါသည်။ ပင်လယ်ရေမျက်နှာအထက် (၇၀၃)ပေ မြင့်သည်။

♥ဘာသာရေးဆိုင်ရာ အဆောက်အဦးများနှင့် သာသနာ၀င်ပုဂ္ဂိုလ်များ♥
*****************************
ဂန့်ဂေါမြို့နယ်၌ ဘုရား (၁)ဆူ၊ စေတီ(၃၃၅)ဆူ၊ ဘုန်းကြီးကျော်း (၁၄၉)ကျောင်း၊ ရဟန်းတော် (၅၃၅)ပါး၊ သာမဏေ (၁၈၁)ပါး စုစုပေါင်း (၇၁၆)ပါး။ သီလရှင်ကျောင်း (၆)ကျောင်း၊ သီလရှင် (၆၅)ပါး တို့ဖြစ်ကြပါသည်။ ခရစ်ယာန်ကျောင်းအရေအတွက် (၁၆)ကျောင်း ဖြစ်ပါသည်။

🙏ဂန့်ဂေါမြို့နယ်၌ ထင်ရှားသော စေတီတော်များမှာ ဂန့်ဂေါမြို့ ''ရွှေပြည်ဆိပ်ဦးစေတီတော်''၊ " အနောက်ဂန့်ဂေါ စွယ်တော်ရှင်ဘုရား"များ ဖြစ်တော်မူကြပါသည်။

🙏🙏ဂန့်ဂေါမြို့နယ်၌ တန်ခိုးကြီးစေတီတော်များနှင့် ထင်ရှားသော ဆရာတော်ကြီးများ

၁။ ရွှေပြည်ဆိပ်ဦးဘုရား
၂။ စွယ်တော်ရှင်ဘုရား
၃။ အုံတုံးတောင်ဘုရား
၄။ ငွေအိုးကြီးတောင်ဘုရား

ဂန့်ဂေါနယ်ဖွား ထင်ရှားကျော်ကြားသော ဆရာတော်များ
၁။ကောဇာသက္ကရာဇ်(၁၂၂၆-၁၃၂၂)ခုနှစ် ပထမကန်တောရဆရာတော်ကြီး
ဘဒ္ဒန္တကေတုမဟာထေရ် = ကန်ရွာ

၂။ ကောဇာသက္ကရာဇ် (၁၂၇၈-၁၃၆၅) ခုနှစ် ဂျပန်သာသနာပြုဆရာတော်
ဘဒ္ဒန္တဝေပုလ္လမဟာထေရ် =ကန်ရွာ

၃။ ကောဇာသက္ကရာဇ် (၁၂၈၂-၁၃၇၂) ခုနှစ် မုံလယ်ဆရာတော်
ဘဒ္ဒန္တသံဝရမဟာထေရ် =အနောက်ဂန့်ဂေါရွာ

၄။ကောဇာသက္ကရာဇ် (၁၂၉၀-၁၃၆၃)ခုနှစ် မြင်သားတောရဆရာတော်ကြီး
ဘဒ္ဒန္တဒီပဓဇမဟာထေရ်= မြင်သားရွာ

၅။ ကောဇာသက္ကရာဇ် (၁၃၀၄)ခုနှစ် တိပိဋက ယောဆရာတော်
ဘဒ္ဒန္တသီရိန္ဒာဘိဝံသမဟာထေရ် =လက်ပန်ရွာ

၆။ ကောဇာသက္ကရာဇ် (၁၃၁၈) ခုနှစ် ခရစ် (၁၉၅၆)ခုနှစ် ကျောက်ဂူရေထွက်တောရ
ဆရာတော် ဘဒ္ဒန္တဣန္ဒာစရိယမဟာထေရ် = ကန်ရွာ

၇။ ကောဇာသက္ကရာဇ် (၁၃၁၆)၊ ခရစ်နှစ် (၁၉၅၄)ခုနှစ်၊ နိုင်ငံတော်ပရိယတ္တိသာသနာ့တက္ကသိုလ်(မန္တလေး)အဘိဓမ္မာဌာနမှူးဆရာတော်
ဘဒ္ဒန္တဥတ္တမမဟာထေရ် = မောက်ရွာ

ထင်ရှားသော လူပုဂ္ဂိုလ်များ
၁။ မျိုးချစ်ပုဂ္ဂိုလ်ကြီး ဗိုလ်ဖိုးမှီ - မိုးစိုရွာ
၂။ ဗလ မောင်ကျော် - ဂန့်ဂေါ
၃။ ဦးကြာထွန်း(ကျောင်းဆရာ) - မင်းရွာ
၄။ ဦးရုန်းမော် ကဗျာဆရာ - အနောက်ဂန့်ဂေါ
၅။ ဦးဘုန်းရဲနိုင် ကဗျာဆရာ - ပိုဦး

ကျန်သောပုဂ္ဂိုလ်များ လက်လှမ်းမမှီ၍၎င်း၊ မိမိဗဟုသုတနည်း၍၎င်း၊ ကျန်နေခဲ့ပါက ခွင့်လွှတ်ပေးပါ။

♥ကိုးကွယ်သည့် ဘာသာအလိုက်လူဦးရေ♥
*******************************
ဂန့်ဂေါမြို့နယ်၌ ယောက်ျားဦးရေ (၆၁၃၂၆)ဦး၊ မိန်းမဦးရေ (၆၅၈၅၄)ဦး ရှိပါသည်။ မိန်းမဦးရေမှာ ယောက်ျားဦးရေထက် (၄၅၂၈)ဦး ပိုနေပါသည်။
ဂန့်ဂေါမြို့နယ်၌ ဗုဒ္ဓဘာသာကိုးကွယ်သူ (၁၁၅၁၄၀)ဦး၊ ခရစ်ယာန်ဘာသာကိုးကွယ်သူ (၁၂၀၄၀)ဦး ရှိပါသည်။

♥သုံးသပ် အကြံပြုချက်♥
********************
ဂန့်ဂေါမြို့နယ်၌ ဘာသာခြားအင်အား (၁၂၀၄၀)ကျော်သာရှိပါတယ်၊ ဗုဒ္ဓဘာသာအင်အား (၁၁၅၁၄၀)ကျော်ရှိလို့ အဆ (၁၀၀)ကျော် သာလွန်ပါတယ်။ ဒီတော့ အင်အားခြင်း လုံး၀နှိုင်းယှဉ်မရပါ။ မိမိဘာသာ၀င်များက အိမ်ထောင်စု တစ်စု (၁၀၀)ကျပ်ထည့်လျင်ပင် ဗုဒ္ဓဘာသာ အိမ်ထောင်စု (၂၈၇၀၃)ကျော်ရှိလို့ တစ်ရက် (၂၈၇၀၃၀၀)ကျပ် ရရှိပါမည်။ ရဟန်းတော်များကို သာသနာပြုသင်တန်းများဖွင့်လှစ်စေပြီး သာသနာပြုနည်းများ ပို့ချစေကာ သာသနာပြု စေလွှတ်ရပါမယ်။ မိမိဘာသာ၀င်များကိုလည်း နွေရာသီ ယဉ်ကျေးလိမ်မာသင်တန်း၊ ဓမ္မစကူးလ်သင်တန်းများ ဖွင့်လှစ်ကာ ဘာသာရေးအသိညဏ်များ နှလုံးသားထဲအရောက် ထည့်ပေးရပါမယ်။

ဂန့်ဂေါမြို့နယ်၌ အသက် (၁၈)နှစ်အထက်
🌻>မြို့နေ ယောက်ျားဦးရေမှာ (၃၃၂၀)ဦး၊ မိန်းမဦးရေ (၄၂၃၀)ဦး ရှိပါသည်။
👩 မ်ိန်းမဦးရေမှာ 👦 ယောက်ျားဦးရေထက် (၉၁၀)ဦး ပိုနေပါသည်။
🌻>ကျေးလက်နေ ယောက်ျားဦးရေမှာ (၃၇၁၂၃)ဦး၊ မိန်းမဦးရေမှာ (၄၀၈၂၁)ဦး ရှိပါသည်။ 👩 မ်ိန်းမဦးရေမှာ 👦 ယောက်ျားဦးရေထက် (၃၆၉၈)ဦး ပိုနေပါသည်။

ဂန့်ဂေါမြို့နယ်၌ အသက် (၁၈)နှစ်အောက်
🌻>မြို့နေ ယောက်ျားဦးရေမှာ (၂၀၆၁)ဦး၊ မိန်းမဦးရေ (၁၉၃၀)ဦး ရှိပါသည်။
👩 မ်ိန်းမဦးရေမှာ 👦 ယောက်ျားဦးရေထက် (၁၃၁)ဦး ပိုနေပါသည်။
🌻>ကျေးလက်နေ ယောက်ျားဦးရေမှာ (၁၈၈၂၂)ဦး၊ မိန်းမဦးရေမှာ (၁၈၈၇၃)ဦး ရှိပါသည်။ 👩 မ်ိန်းမဦးရေမှာ 👦 ယောက်ျားဦးရေထက် (၅၁)ဦး ပိုနေပါသည်။

🌻ထို့ကြောင့် ဂန့်ဂေါသူများအနေဖြင့် ''ရတာမလို လိုတာမရ'' ဂျီးများမနေဘဲ ယောက်ျားယူသင့်ပါသည်။ သို့မဟုတ်က အပျိုကြီး အထီးကျန် ဖြစ်နေပေတော့မည်။😁

`လင်လိုချင်သော အပျိုကြီး´
😝😝😝😝😝😝😝
အပျိုကြီးများ လင်လိုချင်
မြင်ရာစိတ်ကူးယဉ်
ဇီဇာကလည်း ကြောင်ပါဘိ
ပါးစပ်က ပြစိစိ
အသက်ကလည်း၃၀ကျော်
ယောင်္ကျားမရလို့မျှော်
အလှအပကို အလွန်ထိန်း
ဗိုက်ခေါက်ကြီးကို သိမ်း
အဆီတက်လို့ အ၀လွန်
အပျိုဟိုင်းကြီးမစွံ
တွေ့ရာမြင်ရာ small လေး
အထာအသကုန်ပေး
အထာပေးလည်းမဟန်ပါ
၄၀နားနီးလာ
၄၀ကျော်တော့ ပိုးကရွ
စိပ်ပုတီးလက်ကချ
ဥာဏ်နီဥာဏ်နက် အကုန်ကြံ
လင်လိုချင်စိတ်ထန်
နောက်ဆုံးတော့လည်း လင်မရ
ငှက်ပျောတုံးသာခွ...။ အပျိုကြီးစိတ်ဓါတ်ကျ...။(လင်းသထွန်း)

လင်လိုချင်ရင်တော့ နည်းနည်းလျော့ 🤣🤣
😄😄😄😄😄😄😄😄

သူငယ်ချင်းတို့ရေ
ယောကျာ်းဆိုတာ
အရည်အချင်းရှိရင် ရုပ်ကပုံမလာဘူး .

ရုပ်ချောပြန်တော့ ငွေမရှာတတ်ဘူး ။

ပိုက်ဆံရှာတတ်ရင်
မိန်းမကို အလေးမထားဘူး

မိန်းမနားသိပ်ကပ်နေရင်လည်း
အဲ့ကောင်က အခြားအရာတွေမှာ
ဘာမှမဖြစ်ထွန်းဘူး

အရာရာဖြစ်ထွန်းအောင်မြင်တယ်
ဆိုတဲ့ လူမျိုးကြတော့
ရိုမက်တစ်မဆန်တတ်ပြန်ဘူး .

ရိုမက်တစ်ဆန်ဆန်နဲ့
အီစီကလီ တတ်ပြန်တော့
ယုံကြည်စိတ်ချလို့မရဘူး

ယုံကြည်စိတ်ချအားကိုးရတဲ့
လူမျိုးကျတော့ ခိုင်းစားလို့
ရရုံကလွဲပြီး ဘိုသီဘတ်သီနဲ့
အပေအတေတစ်ယောက်လိုပဲ

အရည်အချင်းလည်းရှိ
ရုပ်ကလည်းချော
ပိုက်ဆံလည်းရှာတတ်
မိန်းမနားလည်းကပ်
အရာရာဖြစ်ထွန်းအောင်မြင်
ခိုင်းစားလို့လဲရ
ယုံကြည်စိတ်ချရ
ရိုမက်တစ်လည်းဆန်
သန့်သန့်ပြန့်ပြန့်နဲ့
ယောကျာ်းမျိုးကိုလိုချင်ရင်တော့

ဒီတသက်
ညည်း လင် မရတော့ဘူး ...
သိလား 🤣🤣🤣🤣ခေ့ခေ့
-to-ownerSapal♥Cherry White 😊
#နော်ဂဲလယ်ထူး (စာပေပရဟိတ)

ဂန့်ဂေါမြို့နယ်နှင့် ဆက်သွယ်ရေး
📞☎🚐🚐🚐🚗🚕🚗☎☎📞
ယောနယ်၌ လူဦးရေ (၂၅၁၃၅၁)ဦးရှိရာ ဖုန်း (၂၀၇၇၅၉)လုံး အသုံးပြုလျက်ရှိသဖြင့် ဖုန်းသုံးစွဲမှု ရာခိုင်နှုန်းမှာ (၈၂.၆၅%) ဖြစ်ပါသည်။

ရထားလမ်းမှာ ဂန့်ဂေါမြို့နယ်၌ တစ်လမ်းရှိကာ အရှည်မိုင် (၆၇.၅၀ မိုင်) ရှိပြီး၊ ရေမျက်နီ+ဂန့်ဂေါ +ကလေး အထိ မီးရထား ပြေးဆွဲပေးနေပါသည်။

ကားဂိတ်များမှာ ဂန့်ဂေါမြို့နယ်၌ (၇)ဂိတ်၊ ပြေးဆွဲသည့် ခရီးစဉ် (၆)ခု၊ ယဉ်အစီးရေ (၄၂)စီးတို့ဖြင့် ပြေးဆွဲပေးနေပါသည်။
🚌။ ယောရွှေပြည်
မန္တလေး=(22+89+90)
09-400300722
09-797102717
ပခုက္ကူ= 09-32224441
09-254626211
မကွေး= 09-796891303
09-5342082
063-23723
ဂန့်ဂေါ= 09-401625885
062-50231

🚌။ ယောဧရာ
မန္တလေး=(22+89+90)
09-402575116
09-797735923
09-798628648
ပခုက္ကူ= 09-256483887
09-793346826
09-33083013
ဂန့်ဂေါ= 09-402711855
062-50664

🚌။ ရွှေမေတ္တာ
မန္တလေး=
09-2450935
09-91006306
09-91011551
ဂန့်ဂေါ= 062-50126
062-50024
062-50035
062-50143
062-50225

♥-ယော(ဂန့်ဂေါ)+ရန်ကုန်-မန်းလေး-ကလေး-တမူး-မြစ်ကြီးနားအတွက် ကားဂိတ် ဖုန်းနံပါတ်များ♥

🚌။ ယောရွှေပြည်
မန္တလေး=(22+89+90)
09-400300722
09-797102717
ပခုက္ကူ= 09-32224441
09-254626211
မကွေး= 09-796891303
09-5342082
063-23723
ဂန့်ဂေါ= 09-401625885
062-50231

🚌။ ယောဧရာ
မန္တလေး=(22+89+90)
09-402575116
09-797735923
09-798628648
ပခုက္ကူ= 09-256483887
09-793346826
09-33083013
ဂန့်ဂေါ= 09-402711855
062-50664

🚌။ ရွှေမေတ္တာ
မန္တလေး=
09-2450935
09-91006306
09-91011551
ဂန့်ဂေါ= 062-50126
062-50024
062-50035
062-50143
062-50225

🚌အောင်မိုးသူ (ကလေး၊မန္တလေး၊
ဖားကန့်၊မိုးညှင်း၊မိုးကောင်း၊လုံးခင်း၊
ကလေးဂိတ်-09789222706
09265593664၊ 09400536788
မန္တလေးဂိတ်-09789222701
09789222702၊ 09789222709
ဖားကန့်ဂိတ်-0973222543
09265593665

🚌စိုးမိုးသူ -မိုးကုတ် > မန္တလေး > ကလေး >
တမူး > တီးတိန် >ဖလမ်း > ဟားခါး
မိုးကုတ်ဂိတ်-09-896504320
-09-402511090
မန္တလေးဂိတ်-02-68864
-02-64100
-09-91038909
-09-441038909
ကလေးဂိတ်-073-22386
-09-47072802
-09-442206776
-09-442227796

🚌ကဘော်ရွှေပြည် ( ကလေး၊ မန္တလေး၊ တမူး၊ မြစ်ကြီးနား)
ကလေးကားဂိတ် - Ph: 09402717772, 09402717773, 09402704222
မန္တလေး - Ph: 09402717774, 09402717776, 0933774422

🚌ကျော်ဇေယျာ ( ကလေး၊ ကလေးဝ၊ တမူး၊ မန္တလေး၊ မုံရွာ)
ကလေး Ph: 07321382, 0947073421, 09400478058
မုံရွာ - Ph: 09259650496, 0930078331
မန္တလေး - Ph: 0947138288, 096500286, 09400310067

🚌ထွန်းတောက်(ကလေး၊မုံရွာ၊မန္တလေး)
ကလေး-ph:073.22807,073.22808
09.400473839,09400310576
09.256368297,09451491505
မန္တလေး-ph:02.61886,
-0947078666 ,09.2005956

🚌ရွှေသဇင်(ကလေး၊တမူး၊မန္တလေး)
ကလေး-ph:073.22672,09257374790,
- . . . . 09.30806696,09.400457725၊


🚌တောင်ဇလပ်(ကလေး၊ဖလမ်း၊ဟားခါး၊တီးတိန်)
ကလေး-ph:073.21820,09252948368,
09.254024804,0933018478
ဟားခါး-ph:070.21932,073.21460
တီးတိႏ္​-ph:09.261252269,09444189527

🚌ဖလမ်းသား(ကလေး၊ဖလမ်း)
ကလေး-ph:09252119959,09.257980865
ဖလမ္​း-ph:070-40343,09.262461735၊

🚌ချင်းတောင်တန်း-ကလေး၊ မန္တလေး၊ရန်ကုန်၊
တီးတိန်၊ ရိဒ်ရေကန်၊ထန်တလန်၊ဖလမ်း၊ ဟားခါး
ကလေး- Ph: 07321893, 07321237, 0933780437, 09400309170, 09256029535, 09250801669
မန္တလေး- Ph: 0271097, 092450355, 0943073012, 09400309311, 09256114927, 0943061904
ရန်ကုန်-၀၉၄၅၁၃၇၃၇၁၇၊၀၉၂၅၃၀၃၇၀၀၃
တီးတိႏ္​-၀၇၀၅၀၂၅၆၊၀၉၃၃၇၇၇၇၃၆၈

🚌ဇွဲမာန်အောင် ( ကလေး၊ တမူး၊ မုံရွာ၊ မန္တလေး၊ ဟားခါး၊ ပြင်ဦးလွင်၊ မိုးကုတ်)
ကလေး- Ph: 0930122326, 09257754057
မန္တလေး- Ph: 0947121447, 09258777847, 09257977669

🚌ရဲဝင့်အောင် ( ကလေး၊တမူး၊ မုံရွာ၊ မန္တလေး )
ကလေး- Ph:09400308728, 0933537469, 09400457479, 09780699225
မန္တလေး- Ph:09400478452, 09259232216, 09797322811
မုံရွာ- 09251045713,09789119680

🚌ရှမ်းတောင်တန်း ( ကလေး၊ တမူး၊ မန္တလေး၊လားရှိုး၊မူဆယ်)
ကလေး- Ph: 07321867, 0947213430, 0947080897
မန္တလေး- Ph: 092016572, 0223981
တမူး- Ph: 0943050204, 0947080578

🚌ရွှေလွင်ပြင် ( ကလေး၊ နေပြည်တော်၊ မန္တလေး၊ မုံရွာ၊ တမူး၊ဟားခါး၊ ကျောက်ပန်းတောင်း၊ ပုဂဲညောင်ဦး)
ကလေး- Ph: 09400502901, 0947177251, 07322803
မန္တလေး- Ph: Ph: 09400502902, 09444030914, 09402696965, 09400505239, 09400505239
တမူး- Ph: 09400502903, 09400551938

🚌ထွန်းရတနာ(ကလေး၊တမူး၊ဂန့်ဂေါ၊မုံရွာ)
ကလေးဂိတ်-09-780665994၊ 09263070198
0933237803 ၊09422121114
မုံရွာဂိတ်-09400477413၊ 09787565492
09780665993

🚌တင့်တိုင်းအောင်
ကလေးဂိတ် ရန်ကုန်ဂိတ်
၀၇၃ ၂၂၈၀၅ ၀၉ ၄၀၀၄၄၂၀၂၀
၀၉ ၃၃၆၆၃၆၇၀ ၀၉ ၄၇၆၀၅၇၀၀

🚌 High Class
ကလေးဂိတ် ရန်ကုန်ဂိတ်
၀၇၃ ၂၂၆၆၂ ၀၉ ၃၀၁၅၅၂၈၅
၀၉ ၄၂၀၂၂၅၉၉၉ ၀၉ ၄၂၀၂၂၅၇၇၇

🚌ချင်းတောင်တန်း
ကလေးဂိတ် ရန်ကုန်ဂိတ်
၀၇၃ ၂၁၈၉၃ ၀၉ ၄၅၁၃၇၃၇၁၇
၀၉ ၄၅၇၇၃၄၅၆၄ ၀၉ ၂၅၃၀၃၇၀၀၃

🚌တက်လမ်း
ကလေးဂိတ် ရန်ကုန်ဂိတ်
၀၇၃ ၂၂၈၁၉ ၀၉ ၄၉၅၉၁၂၁၆
၀၉ ၄၉၅၉၁၂၁၁ ၀၉ ၄၉၅၉၁၂၁၂

🚌ရွှေမန္တလာ
ကလေးဂိတ် ရန်ကုန်ဂိတ်
၀၉ ၂၆၅၉၆၈၄၇၄ ၀၉ ၂၂၂၈၇၃၅
၀၉ ၃၂၉၄၇၁၇၃ ၀၁ ၇၀၁၆၁၅
​

🚌ရွှေစင်စင်္ကြာ
ကလေးဂိတ် ရန်ကုန်ဂိတ်
၀၉ ၅၆၁၇၃၈၃၁၅. ၀၉ ၄၂၅၁၄၀၃၄၁
၇၆၀၉၄၅၉၄၁. ၄၂၅၁၄၀၃၄၂
၅၁၅၅၃၃၉

🚌ထွန်းရတနာ **မုံရွာ-ဂန့်ဂေါ-ကလေး-တမူး**

မုံရွာဂ်ိတ် ကားလေးကွင်းအတွင်း
ဖုန်း 09780665993
09422121113
09778951618
ကလေးဂိတ် ကလေးမြို့ကားကွင်း
ဖုန်း 07321643
09780665994
09422121114

ဖြိုးမေတ္တာ(အောက်ပုံတွင် ဖုန်းနံပါတ်များပါသည်။)

ပစ်တိုင်းထောင် (အောက်ပုံတွင် ဖုန်းနံပါတ်များပါသည်)

မြစ်သာမန်း (အောက်ပုံတွင် ဖုန်းနံပါတ်များပါသည်)

ဂန့်ဂေါမြို့သို့ လာရောက်နိုင်သည့် ကားဂိတ်များ
https://m.facebook.com/story.php?story_fbid=128236191977487&id=100043733211260

ဂန့်ဂေါမြို့နှင့် တည်းခိုနိုင်သော ဟိုတယ်၊ မိုတယ်များ
🏩🏩🏩🏩🏩🏩🏩🏩🏩🏩🏩🏩🏩

ယောဟိုတယ် (ဂန့်ဂေါမြို့)
လမ်းညွှန်
Link
https://www.facebook.com/100032015653239/posts/532155774528273/
062 50775
09401668877
09265012600

ကျန်သော ဟိုတယ်နှင့်မိုတယ်များကို မသိ၍ မရေးလိုက်ပါ။
(မှတ်ချက်/ ဘယ်ဟိုတယ်-ဘယ်မိုတယ်မှ မတည်းဖူးပါ။

ဂန့်ဂေါမြို့နှင့် လည်ပတ်စရာနေရာများ
⛰🚙🚗🚗🚗🚗🚗🚗🚙⛰

၁။ ပုံတောင်နယ်က ကျောက်ဖြစ်ရုပ်ကြွင်း
၂။ ပုံညာဥမင်လိုဏ်
၃။ မဲနတ်တောင်
၄။ ဂန့်ဂေါမြို့ ရွှေပြည်ဆိပ်ဦးဘုရား
၅။ အနောက်ဂန့်ဂေါ စွယ်တော်ရှင်ဘုရား
၆။ အနောက်ဂန့်ဂေါ မုံလည်ကျောင်း
၇။ အုံတုံးတောင်
၈။ ကျောက်ဂူတောရ
၉။ ချောင်းဆုံရွာက တင်ဝင်းထွန်းကျွန်းစိုက်ခင်း
၁၀။ ဒန့်ဒင် ရေတံခွန်
၁၁။ ဆေးမင်းတောက ကျောက်နဂါး
၁၂။ ပြင်သာဆည်
၁၃။ ပျားရွာက ယက္ကန်းလုပ်ငန်း
၁၄။ ငွေအိုးကြီးတောင်
၁၅။ အေးချမ်းလှတဲ့ ရွာသစ်ရွာ (ယခုစာရေးသူနေတဲ့ရွာ)

ကျမ်းကိုးများ
--------------
၁။ ယောဓလေ့ (စောကြူမောင်)နှာ ၂၄၊ ၂၅၊ ၂၆၊ ၂၇
၂။ ယောမြို့ကပြန်ခဲ့တယ်(ဝင်းနွယ်-သစ်တော်) နှာ ၆၄၊ ၆၅
၃။ မှန်နန်းမဟာရာဇဝင်တော်ကြီး သုံးတွဲပေါင်း ပထမအကြိမ် နှာ ၂၀၈၊ ၂၀၉၊ ၂၁၀
၄။ မှတ်တမ်းသမိုင်း ပဲခူး-မကွေးတိုင်း (လွင်မောင်) နှာ ၂၇၇၊ ၂၇၈
၅။ ပုံတောင် ပုံညာ (မော်ကျွန်း-စိုးမြင့်) နှာ ၂၄၊ ၂၅
၆။ ဂန့်ဂေါခရိုင်မှတ်တမ်း (2016-2017)
၇။ ဂန့်ဂေါမြို့နယ် ဖြစ်စဉ်သမိုင်း(၁၉၆၉)မြို့နယ်လုံးခြုံရေးနှင့်အုပ်ချုပ်မှုကော်မတီ နှာ ၁၊ ၂၊ ၃၊ ၄
Photo= အလှဘုရင် ကွန်ပျူတာ

21-7-2018=စနေနေ့တွင် ရေးသားသည်။

မှတ်ချက်/ အချက်အလက်များ မှားယွင်းခဲ့သော် စာရေးသူ၏ အမှားသာ ဖြစ်ပါသည်။
တစ်စုံတစ်ရာ သံသယရှိခဲ့လျင်လည်း အထက်ပါ ကျမ်းကိုးများကို ရှာဖတ်ပါကုန်။ စာမျက်နှာပါညွှန်းပေးထားပါသည်။

ရေးသားသူ
အရှင်ဉာဏဝရ (ယောနယ်နှင့်သာသနာ)
သာသနတက်ကသီလဓမ်မာစရိယ
သာသနတက်ကသီလမဟာဓမ်မာစရိယ
B.A (Hons;) ၊ M.A (Part-2)
09-401526093
၀၉-၄၀၁၅၂၆၀၉၃

အဆောင် (၇)၊ အခန်း (၄)၊
နိုင်ငံတော်ပရိယတ္တိသာသနာ့တက္ကသိုလ်။(မန္တလေး)

ရွာသစ်ရွာ၊ ဂန့်ဂေါမြို့နယ်။ မကွေးတိုင်း။