25/09/2026
Баянхонгор: 50 ЖИЛИЙН ОЙГОО УГТАН ХӨГЖИМТ ДРАМЫН ТЕАТРЫН ХАМТ ОЛОН ҮЗВЭРИЙН ТАНХИМ, ГЭРЭЛТҮҮЛЭГ, ТАЙЗЫН ШИНЭЧЛЭЛ ХИЙЛЭЭ
Баянхонгор аймгийн ХДТ -ын хамт олон 50 жилийн түүхт ойгоо угтан үзэгчдийн танхим, тайз гэрэлтүүлэгтээ иж бүрэн засвар шинэчлэлийг хийжээ.
Тодруулбал,
1. Үзвэрийн танхим дахь сандлын түвшин тайзны өндрийн харьцаа нь хоорондоо уялдсан, хүний харааны төв цэгт тэгш хэмтэй байх стандарттай хэдий ч хуучин суудлын түвшин хэт нам, тайз өндөр байгаа нь үзэгч үйлчлүүлэгчдэд тоглолт үзэхэд хүндрэлтэй, тав тухгүй зэрэг шүүмжлэлийг дагуулсаар ирсэн. Энэ хүрээнд үзэгчдийн их танхимын шалыг өндөрлөх засвар тохижолтын ажлыг тус хамт олон өөрийн хөрөнгөөр дотоод нөөц боломжоо дайчлан хийж гүйцэтгэжээ. Улмаар 2009 онд суурилуулж байсан үзвэрийн танхимын суурин сандлаа ССАЖЗЯ-ны хөрөнгө оруулалтаар /79,0 сая/ 17 жилийн дараа шинэчилж 440 ширхэг сандлыг бүрэн суурилуулжээ.
2. Улсын төсвийн хөрөнгө оруулалтаар 2026 оны 07 дугаар сард 9м х 6м буюу 54м2 хэмжээтэй 135,150,000 төгрөгийн өртөг бүхий Лед дэлгэц /төмөр хийцлэл, цахилгааны шит, хамгаалалтын хайрцагтай, мөн зөөврийн i5 1334U 13th 8GB үзүүлэлттэй компьютертай/
3. Театрын 1, 2 давхар, тайз зеритлийн хэсэг, гадна үүдний орчинд бүрэн Камержуулалт нэвтрүүлсэн
4. Гэрэлтүүлгийн техник хэрэгсэл, тоног төхөөрөмжийн шинэчлэлийг тус тус хийжээ.
Эдгээр хөрөнгө оруулалт, техник хэрэгслийн шинэчлэлтийн ажлууд нь 2027 онд болох Театрын түүхт 50 жилийн ойг угтсан 50 бүтээлч ажлын хүрээнд хийгдэж байгаараа онцлогтой аж.
