23/07/2026
Зуны нарлаг өдрийн мэнд дэвшүүлье! ✨
Artwave Mongolia та бүхнийг дараагийн чухал хөтөлбөртөө урьж байна.
Short Film Lab Mongolia 2026
Богино киноны хөгжүүлэлтийн лаборатори
Танд кино болох түүх бий юу?
Тэр түүхээ зөвхөн санаа хэвээр үлдээх биш, олон улсад хүлээн зөвшөөрөгдсөн найруулагч, кино зохиолчийн чиглүүлгээр мэргэжлийн түвшинд хөгжүүлж, богино киноны төсөл болгон боловсруулах боломжийг бид танд санал болгож байна.
Short Film Lab Mongolia нь Artwave Mongolia болон найруулагч П.Лхагвадулам хамтран хэрэгжүүлж буй, Монголын богино киноны төсөл хөгжүүлэлтэд дагнан төвлөрсөн лаборатори (Lab) хэлбэрийн хөтөлбөр юм.
🎬 Хөтөлбөрийн ментор | Найруулагч Лхагвадулам
Пүрэв-Очирын Лхагвадулам бол Канн, Венец, Торонто, Локарно Бусан зэрэг дэлхийн нэр хүндтэй кино наадмуудад бүтээлээрээ шалгарч, олон улсын шагналуудыг хүртсэн Монголын шинэ үеийн онцлох зохиолч, найруулагч юм. Түүний “Mountain cat”, "Snow in September", "City of Wind",
"A South-Facing Window" зэрэг бүтээлүүд дэлхийн кино ертөнцөд өндрөөр үнэлэгдэж байна.
Лабораторид хамтрагдсанаар: Хөтөлбөрийн төгсгөлд оролцогчдын төсөл бүр зохиол хөгжүүлэлт болон бүтцийн хувьд дараагийн шатанд гарсан байна. Ингэснээр дараа дараагийн олон улсын лаб, хөгжүүлэлтийн хөтөлбөрүүдэд хамрагдах болон кино хөгжүүлэлтийн сангуудад төслөө илгээх шаардлагад нийцсэн төсөлтэй болох юм. Лабораторийн онцлог нь оролцогч бүр өөрийн кино төслийг хөгжүүлж, мэргэжлийн менторын удирдлага дор дараагийн шатанд хүргэхэд оршино. Онолын мэдлэгийг практиктай хослуулан ажиллаж, санаанаас эхлэн олон улсын түвшинд нийцэхүйц төсөл болгох хөгжүүлэлтийн үйл явцыг хамтдаа бүтээнэ.
Киноны төрөл
🎞 Уран сайхны богино кино
🎥 Баримтат богино кино
🎨 Анимейшн богино кино
Хэн хамрагдах боломжтой вэ?
• Богино кино бүтээх хүсэлтэй уран бүтээлчид
• Кино сонирхогчид
Нас : 18+
Лабораторийн бүтэц:
20–30 оролцогч хамрагдан 15 цагийн танхимын лаборатори сургалтад оролцоно.
Хөтөлбөрийн хүрээнд:
• Зохиол хөгжүүлэлт
• Найруулгын үндэс
• Зохиол ба найруулгын уялдаа
• Богино киноны төсөл хөгжүүлэлт гэсэн үндсэн сэдвүүдээр ажиллана.
Нэмэлт боломж:
Лабораторийн дараа оролцогч бүр нэг сарын хугацаанд өөрийн богино киноны төслийг боловсруулж, хөгжүүлэн илгээнэ.
Ирүүлсэн төслүүдээс цаашид хөгжүүлэх боломжтой 8–10 төсөл сонгон найруулагч Лхагвадулам төсөл бүртэй хоёр удаагийн ганцаарчилсан цахим ментор уулзалт хийж, зохиол болон төслийн хөгжүүлэлт дээр хамтран ажиллана. Ингэснээр оролцогчид зөвхөн суралцахаас гадна бүтээлээ олон улсын түвшинд өрсөлдөх боломжтой хэмжээнд хөгжүүлэх юм.
Хөтөлбөрийн мэдээлэл
👥 Оролцогч: 20–30 хүн
💰 Төлбөр: 550,000₮
📅 Бүртгэл
• Нээгдэх: 2026.07.23
• Хаагдах: 2026.08.23
📍 Танхимын лаборатори
🗓 2026.09.10–09.13
🕛 12:00–17:00
📌 Байршил:
Америкийн төв
(Улаанбаатар хотын нийтийн номын сангийн 1 давхар)
Short Film Lab Mongolia бол зөвхөн киноны талаар сурах хөтөлбөр биш.
Энэ бол өөрийн дуу хоолойг нээж, санаагаа төслийн хэмжээнд хөгжүүлж, богино киногоо бүтээх эхлэл болох хөгжүүлэлтийн лаборатори юм.
Таны дараагийн богино кино эндээс эхэлнэ.
🎟 Бүртгэлийн холбоос:
https://docs.google.com/forms/d/e/1FAIpQLSeIBY5p8ARApaKt2LOe5yaOGxSeMwgMlcLWZ37hakyyJ5AV0Q/viewform?fbzx=7571179737660659657
