Занадиа.мн

Занадиа.мн Contact information, map and directions, contact form, opening hours, services, ratings, photos, videos and announcements from Занадиа.мн, Social Media Agency, Ulaanbaatar.

Өнөөдөр МАН-ын Удирдах зөвлөл хуралдаж, НИТХ-ын даргаар Д.Ихбаярыг батламжлах шийдвэр гаргажээ. Шийдвэртэй холбоотойгоор...
01/05/2026

Өнөөдөр МАН-ын Удирдах зөвлөл хуралдаж, НИТХ-ын даргаар Д.Ихбаярыг батламжлах шийдвэр гаргажээ. Шийдвэртэй холбоотойгоор өнөө орой НИТХ-ын төлөөлөгчид ээлжит бусаар хуралдаж, Д.Ихбаярыг НИТХ-ын даргаар сонгох юм байна. Ташрамд дурдахад, НИТХ-ын МАН-ын бүлгийн төлөөлөгчид энэ долоо хоногийн эхээр ээлжит бусаар хуралдаж, НИТХ-ын дарга А.Баярыг огцруулсан юм.

Д.Ихбаяр нь 2006 онд МУИС-ийн МХСС-ийг монгол хэл, япон судлаач, 2013 онд ХУИС-ийг хэл шинжлэлийн магистр, 2015 онд Их засаг олон улсын их сургуулийг эрх зүйчээр төгсжээ.

https://www.zanadia.mn/n/41x/

УИХ-ын чуулганы өнөөдөр /2026.05.01/-ийн нэгдсэн хуралдаанаар Шинжлэх ухаан, технологийн тухай хуульд нэмэлт, өөрчлөлт о...
01/05/2026

УИХ-ын чуулганы өнөөдөр /2026.05.01/-ийн нэгдсэн хуралдаанаар Шинжлэх ухаан, технологийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг гишүүдийн олонх дэмжиж, эцэслэн баталлаа.

Хэрэг хянан шийдвэрлэх ажиллагаанд илэрч байгаа системийн зөрчил, хүний эрхийн баталгааг хангах талаар авах зарим арга хэмжээний тухай УИХ-ын тогтоолын төслийг хэлэлцэв. Хүний эрхийн дэд хорооноос 2012-2016 онд гарсан иргэний хэрэгт шинжээч томилон ажиллуулж, дүгнэлтийг сонсжээ. Цаашид хууль сахиулагчдыг бэлтгэж байгаа их дээд сургуулиудын сургалтын системд өөрчлөлт оруулах, прокурорын байгууллагыг улс төрөөс ангид ажиллуулах, эрүү шүүлт тулгадаг байдлыг арилгах зэрэг асуудлыг анхаарах шаардлагатай гэв. Тогтоолын төслийн хүрээнд Засгийн газарт үүрэг чиглэл өгч, хэрэгжилтэд хяналт тавьж ажиллах хэрэгтэй гэсэн саналуудыг дурдав. Тогтоолын төслийг хуралдаанд оролцсон гишүүдийн олонх дэмжиж батлав.
https://www.zanadia.mn/n/41y/

Монгол Улсын Төрийн далбааг тээгч, Үндэсний агаарын тээврийн МИАТ компани нь нийгмийн хариуцлагын хүрээндээ олон төсөл, ...
01/05/2026

Монгол Улсын Төрийн далбааг тээгч, Үндэсний агаарын тээврийн МИАТ компани нь нийгмийн хариуцлагын хүрээндээ олон төсөл, хөтөлбөрийг амжилттай хэрэгжүүлдэг. Үүний нэг нь тус компани БНХАУ-ын Бээжин хотод үйл ажиллагаа явуулдаг гуравдугаар шатлалын “Beijing Unicare” иж бүрэн нэгдсэн эмнэлэгтэй хамтын ажиллагааг эхлүүлжээ. Энэхүү хамтын ажиллагааны хүрээнд МИАТ-аар үйлчлүүлсэн зорчигчид тус эмнэлгийн үйлчилгээг хөнгөлөлттэй нөхцөлөөр авах боломж бүрдэж байна. Тодруулбал, иргэд МИАТ-ийн нислэгээр зорчсон тасалбар (boarding pass)-аа ашиглан эмнэлгийн үйлчилгээнд тодорхой хэмжээний хөнгөлөлт эдлэх боломжтой боллоо. “Beijing Unicare” эмнэлэг нь орчин үеийн оношлогоо, эмчилгээний дэвшилтэт технологи, олон улсын стандарт бүхий эрүүл мэндийн үйлчилгээ үзүүлдгээрээ онцлогтой. Тус эмнэлгийн зүрх судас, яс үе, дотор, мэс засал зэрэг олон чиглэлээр мэргэшсэн туршлагатай эмч, мэргэжилтнүүдийн баг нь урьдчилан сэргийлэх үзлэг, оношлогоо, эмчилгээ, нөхөн сэргээх үйлчилгээг цогцоор нь үзүүлж, өвчтөн бүрд тохирсон чанартай, аюулгүй эмчилгээний шийдлийг санал болгодогоороо үйлчлүүлэгчдийн итгэлийг хүлээсэн хамт олон юм.

https://www.zanadia.mn/n/41u/

16 настай охиныг хэрцгийгээр хөнөөсөн хэргийн давж заалдах шатны шүүх хурал эхэлж байна. Гэвч хуралдааны эхэнд прокурор ...
01/05/2026

16 настай охиныг хэрцгийгээр хөнөөсөн хэргийн давж заалдах шатны шүүх хурал эхэлж байна. Гэвч хуралдааны эхэнд прокурор н.Баясгалан зүгээс шүүх хурлыг хойшлуулах хүсэлт ирүүлсэн байна. Учир нь тэрбээр Өмнөговь аймагт шүүх хурал давхацсан үндэслэлээр өчигдөр шүүхэд хүсэлтээ хүргүүлсэн байна. Харин прокурор н.Түмэн-Өлзий хүндэтгэн үзэх шалтгаангүйгээр шүүх хуралд ирээгүй аж.

Тиймээс хохирогчийн өмгөөлөгчдийн зүгээс “н.Баясгалан прокурорын хүндэтгэн үзэх шалтгааныг ойлгож байна. н.Түмэн-Өлзий прокурор шалтгаангүй ирээгүй учраас шүүх хурлыг үргэлжлүүлэх хүсэлтэй байна. н.Түмэн-Өлзий прокурорт хариуцлага тооцох саналтай байна” гэлээ.
https://www.zanadia.mn/n/41p/

Ерөнхийлөгчийн санаачилсан “Эрүүл монгол хүн” хөтөлбөрийн хүрээнд улсын хэмжээнд анх удаа орон нутгийн хөрөнгөөр 200 ор,...
01/05/2026

Ерөнхийлөгчийн санаачилсан “Эрүүл монгол хүн” хөтөлбөрийн хүрээнд улсын хэмжээнд анх удаа орон нутгийн хөрөнгөөр 200 ор, 100 автомашины зогсоол, ногоон байгууламж бүхий Сэлбэ нэгдсэн эмнэлэг барьж байна. Энэ эмнэлэг дүүргийн 140 гаруй мянган иргэнээс гадна Чингэлтэй, Баянзүрх дүүргийн, төвөөс алслагдсан хорооны иргэдэд эрүүл мэндийн тусламж, эмчилгээ үзүүлэх юм...

https://www.zanadia.mn/n/41l/

01/05/2026

Наран гэрэлт, Түмэн наст Х Богдын лагшин мэндэлсэн өдөр тохиож байна

Өнөөдрөөс хаврын морин уралдаан эхэлж байна. Үүнтэй холбоотойгоор ГБХНХ-ын сайд Т.Аубакир мэдээлэл хийлээ. Тэрбээр “8 на...
01/05/2026

Өнөөдрөөс хаврын морин уралдаан эхэлж байна. Үүнтэй холбоотойгоор ГБХНХ-ын сайд Т.Аубакир мэдээлэл хийлээ. Тэрбээр “8 нас хүрээгүй хүүхдээр морь УНУУЛАХГҮЙ. 2025 оны байдлаар 12 мянган хүүхэд морь унаж уралдсанаас 343 хүүхэд мориноосоо унаж, 88 хүүхэд нь хөнгөн, 5 хүүхэд хүнд бэртэл авсан байдаг” гэлээ.
https://www.zanadia.mn/n/41g/

Үндсэн хуулийн цэц энэ сарын 8-ны өдөр Ерөнхийлөгчийн бүрэн эрхийн хугацаатай холбоотой хуулийн заалтууд хоорондоо зөрчи...
01/05/2026

Үндсэн хуулийн цэц энэ сарын 8-ны өдөр Ерөнхийлөгчийн бүрэн эрхийн хугацаатай холбоотой хуулийн заалтууд хоорондоо зөрчилдөж байгаа эсэхийг хэлэлэцэхээр болжээ.

Ерөнхийлөгчийн тухай хуульд төрийн тэргүүний бүрэн эрхийн хугацааг дөрвөн жил гэж заасан байдаг. Харин Үндсэн хуульд “Ерөнхийлөгчөөр 50 нас хүрсэн, сүүлийн таваас доошгүй жил эх орондоо байнга оршин суусан, Монгол Улсын уугуул иргэнийг зургаан жилийн хугацаагаар зөвхөн нэг удаа сонгоно” гэж заасан юм.

Энэ зохицуулалтууд нь хоорондоо зөрчилдөж байгаа эсэхэд маргаан гараад байгаа. Үндсэн хуулийн цэц уг асуудлыг нээлттэй хуралдаанаар хэлэлцэж, аль заалт нь хүчин төгөлдөр үйлчлэх, хуульд өөрчлөлт оруулах шаардлагатай эсэхийг шийдвэрлэх юм. Хэрэв үнэхээр зөрчил байна гэж үзвэл Үндсэн хуульд нийцүүлэх үүднээс Ерөнхийлөгчийн тухай хуулийн холбогдох заалтыг өөрчлөх шаардлага үүсэх төлөвтэй байгаа аж.

https://www.zanadia.mn/n/41f/

УИХ-ын гишүүн Ж.Золжаргал Улаанбаатар хотын төсөв, мега төслийн хэрэгжилттэй холбоотой ерөнхий хяналтын сонсгол зохион б...
01/05/2026

УИХ-ын гишүүн Ж.Золжаргал Улаанбаатар хотын төсөв, мега төслийн хэрэгжилттэй холбоотой ерөнхий хяналтын сонсгол зохион байгуулах хүсэлтийг УИХ-ын даргад өгөх гэж буй талаар өнөөдөр Төрийн ордонд мэдээлэл өглөө.

Тэрбээр "УИХ-ын гишүүний үндсэн чиг үүргийн нэг бол хууль тогтоомжийн хэрэгжилтийг хангуулах, тэр дундаа төсвийн зарцуулалт дээр хяналт тавих. Хүмүүс төсөв аваад ажил хийж байвал сайн. Гэхдээ санаа зовоосон нэг зүйл байна.

Улаанбаатар хотод эргэлдэж буй нийт мөнгөн дүн улсын төсвийн гуравны нэгтэй тэнцэх болсон. Хэрэв ямар нэгэн шалтгаанаар амжилтгүй болох тохиолдолд зээлийн эргэн төлөлт, батлан даалт улсын төсөв дээр дарамт учруулна. Эдийн засгийн хямрал руу хөтөлж болзошгүй. Нийтийн өргөдлийн систем дээр нийслэлийн төсвийн зарлагад хяналт шалгалт хийхээр 13 мянган гарын үсэг зурсан байсан.

2024-2026 онд нийслэлийн төсөв жил бүр 30 хувиар өссөн байна. 2026 оны төсвийн тодотголоор нийт зардал нь 6.5 их наяд төгрөг хүрэхээр төлөвлөгдсөн. Мөн том төслүүдийн хөрөнгө оруулалтын дүнг нэгтгэвэл нийлбэр дүнгээр улсын төсвийн гуравны нэг болж байна.

Бид янз бүрийн мэдэгдэл хийж байгаа ч тодорхой үр дүнд хүргэсэн акц үйлдэл хэрэгтэй. Тиймээс УИХ-ын хяналт шалгалтын хуулийн 29.1-д заасны дагуу хууль тогтоомжийн хэрэгжилтийг үнэлж дүгнэх, хариуцсан байгууллага албан тушаалтны ажлыг шалгах чиг үүрэг бий. Энэ хүрээнд хяналтын ерөнхий сонсгол зохион байгуулна. Яригдаад буй маргааныг гаргаж тавиад дүгнэлт гаргая.

15 гишүүн гарын үсэг зураад ерөнхий хяналтын сонсголыг шууд хийдэг, чуулганаар хэлэлцэж санал хураахгүй. Одоогоор 20 гишүүн гарын үсэг зураад байна" гэв.

01/05/2026

#АНХААР: Хянамгай байж амархан хялбар аргаар мөнгөө өсгөх саналд итгэхгүй байвал цахим залилах гэмт хэргээс өөрийгөө хамгаалж чадна. Нягтал, шалга!!!

Цахилгаан дугуйнаас унаж гэмтэх эрсдэлээс сэргийлэх зөвлөмжийг Гэмтэл Согог Судлалын Үндэсний Төв (ГССҮТ)-өөс хүргэлээ.Ц...
01/05/2026

Цахилгаан дугуйнаас унаж гэмтэх эрсдэлээс сэргийлэх зөвлөмжийг Гэмтэл Согог Судлалын Үндэсний Төв (ГССҮТ)-өөс хүргэлээ.

Цахилгаан дугуй нь тоглоом биш тээврийн хэрэгсэл юм.

Суррон, скүүтер, мопедоос унаж гэмтэх бусдыг мөргөж гэмтээх тохиолдол жил ирэх тусам нэмэгдэж байна. Цахилгаан дугуй /e-bile/ унах нь орчин үеийн хөдөлгөөний хялбар, байгальд ээлтэй шийдэл боловч анхаарал болгоомжгүй унавал осол, гэмтэлд өртөх эрсдэлтэй.

Иймд цахилгаан дугуйнаас унаж гэмтэхээс сэргийлэх зөвлөмжийг дагаж мөрдөхийг зөвлөсөн юм.

Замын тэмдэг, дохиог дагах
Автомашин, явган зорчигчдоос зай барих
Гэнэт зогсох, эргэхээс зайлсхийх
Цахилгаан дугуй, скүүтер, скэйборд унаж буй үедээ гар утас, чихэвч хэрэглэхгүй байх
Цахилгаан дугуй, скүүтер, скэйбордыг зөвхөн явган хүний болон тусгай тэмдэглэсэн замаар унаж хөдөлгөөнд оролцох
Тохой, өвдөг, бугуйндаа хамгаалалт зүүх
Зориулалтын малгай өмсөх
Биед эвтэйхэн тод өнгийн хувцас өмсөхийг зөвлөлөө.

Засгийн газраас хэрэгжүүлж буй “Чөлөөлье” санаачилгын хүрээнд цахилгаан хөдөлгүүртэй автомашины хэрэглээг дэмжих, цахилг...
01/05/2026

Засгийн газраас хэрэгжүүлж буй “Чөлөөлье” санаачилгын хүрээнд цахилгаан хөдөлгүүртэй автомашины хэрэглээг дэмжих, цахилгаан тээврийн хэрэгслийн хэрэглээг нэмэгдүүлэх бодлого шийдвэрийн хүрээнд цахилгаан тээврийн хэрэгслийг тодорхой ангиллын дагуу дугаарын хязгаарлалтад хамруулахгүй ногоон дугаар олгох талаар Зам, тээврийн яамнаас өнөөдөр мэдээлэл хийлээ.

Дараах тээврийн хэрэгслийг дугаарын хязгаарлалтад хамруулахгүй ногоон дугаар олгоно:

100 хувь цахилгаан буюу BEV төрлийн автомашинд шууд ногоон дугаарыг олгох юм байна.
Мөн EREV төрлийн буюу үндсэн хөдөлгүүр нь цахилгаан, түүн дээрээ нэмээд батарей цэнэглэх зориулалтын нэмэлт эх үүсвэртэй, цахилгаан тээврийн хэрэгслийг эко ангилалд оруулж, дугаарын хязгаарлалтаас чөлөөлөх шийдвэр гарчээ.
Олон нийтийн дунд энэ шийдвэр приус, акуа, хосолмол хөдөлгүүртэй Hybrid тээврийн хэрэгслүүдэд мөн хамаатай гэсэн ташаа ойлголт явж байна. Hybrid тээврийн хэрэгслүүдэд ногоон дугаар олгохгүй гэдгийг онцлов.

100 хувь цахилгаан болон түүн дээрээ нэмэлт батарей цэнэглэх эх үүсвэр буюу жижиг хэмжээний генератор суурилуулсан тээврийн хэрэгсэлд ногоон дугаар олгоно гэв.

Address

Ulaanbaatar

Telephone

+97680377036

Website

Alerts

Be the first to know and let us send you an email when Занадиа.мн posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Занадиа.мн:

Shortcuts

Share

Category