23/04/2026
✅ Монголын Маркетингийн Холбоог үүсгэн байгуулсаны 32 жилийн ойн хүрээнд Хөдөө аж ахуйн их сургуулийн Маркетингийн тэнхимийн профессор, доктор Сундуйн Бадарчийн нэрэмжит “Маркетинг, бизнесийн хөгжлийн асуудлууд” сэдэвт судлаач оюутны эрдэм шинжилгээний хурлыг үндэсний хэмжээнд зохион байгууллаа 🎉🎉
✅ Монголын Маркетингийн Холбоо нь 1994 онд эдийн засгийн шинжлэх ухааны доктор, профессор Д.Дагвадоржийн санаачлагаар үүсгэн байгуулагдсан бөгөөд 32 жилийн хугацаанд, их дээд сургууль, бизнесийн байгууллага, Мэргэжлийн холбоодын түншлэлээр Монгол улсад Маркетингийн ухааныг хөгжүүлэн төлөвшүүлэхэд томоохон хувь нэмэр оруулсаар байна.
✅ Монголын Маркетингийн Холбоо үүсгэн байгуулагдсан цагаас эхлэн доктор, профессор С.Бадарч нь УЗ-ийн гишүүн, Маркетингийн багш нарын зөвлөлийн гишүүнээр ажилласан, маркетингийн анхны багш нарын нэг юм.
✅ Мөн ХАА-н үйлдвэрлэл, ХААИС-д 50 гаруй жил ажилласан, мах, махан бүтээгдэхүүний судалгаагаар мэргэшсэн, 10 гаруй доктор, 40 гаруй магистрын судалгааны ажлыг удирдан хамгаалуулж, 35 ном, сурах бичиг туурвиж, хянан найруулж, 50 орчим эрдэм шинжилгээний өгүүлэл нийтлүүлж, 40 орчим төслийн удирдагч, судлаачаар ажилласан, ХАА-н эдийн засаг, маркетингийн чиглэлийн тэргүүлэх эрдэмтэн юм.
📌 Судлаач оюутны Үндэсний ЭШХ-ыг ХААИС-ийн ЭЗБС-ийн Маркетингийн тэнхим болон Монголын Маркетингийн Холбоо хамтран хоёр шаттайгаар зохион байгууллаа.
📌 Тус хурлаар хэлэлцсэн сэдвийн хүрээ нь
- Маркетингийн стратеги, инновац, бизнесийн өсөлт,
- Хэрэглэгчийн зан төлөв, худалдан авах шийдвэр,
- Дижитал маркетингийн үр нөлөө,
- Брэндийн үнэ цэн, хэрэглэгчийн сонголт
- Нийгмийн хариуцлагатай маркетинг
- Хиймэл оюуныг маркетингийн салбарт хэрэглэх боломж
- Их өгөгдлийг ашиглан шийдвэр гаргалтыг оновчлох
- Сүүлийн үеийн маркетингийн салбарт гарч буй өөрчлөлтүүдийн үр нөлөө зэрэг сэдвүүд байлаа.
📌 Судлаач оюутны Үндэсний ЭШХ-д МУИС, ХААИС, СУИС, СЭЗИС, ХИС, Мандах ИС, Отгонтэнгэр ИС, Сити ИС, Идэр ИС, IMAU зэрэг нийт 11 их сургуулийн 54 оюутан илтгэл бүртгүүлснээс II шатанд аман 10, ханан 12 илтгэл шалгарч хэлэлцүүлэв.
📌 Хэлэлцүүлсэн илтгэлээс:
🥇 I байр: “Виртуал аялал жуулчлалыг хөгжүүлэх боломжийн судалгаа” сэдэвт илтгэл, илтгэгч ХААИС-ийн Байгалийн АЖ-ын IV ангийн оюутан Б.Ирмүүн. Удирдагч багш, доктор, З.Ундрах
🥈 II байр: “Хэрэглэгчийн эго болон материаллаг байдал нь хуучин хувцас худалдан авах шийдвэр гаргалтад нөлөөлөх үү” сэдэвт илтгэл, илтгэгч МУИС-ийн Маркетинг IV ангийн оюутан Ц.Намуунаа, Маркетинг III ангийн оюутан Б.Мөнхжаргал. Удирдагч багш, доктор Г.Урандэлгэр
🥉 III байр: "Хэрэглэгчийн болон нөлөөлөгчийн бүтээсэн контентын харьцуулсан судалгаа” илтгэгч Мандах ИС-ийн Маркетинг III ангийн оюутан Б.Толкан, Удирдагч багш, доктор Б.Сайнжаргал нар шилдгээр шалгарч, мөнгөн шагнал, ивээн тэтгэгчийн гарын бэлэг, өргөмжлөлөөр шагнагдлаа.
📌 Тусгай байранд:
🏅 "Fomo(үлдэж хоцрох айдас)-ийн худалдан авалтын дараах харамсалд үзүүлэх нөлөөлөл: онлайн хэрэглэгчдийн судалгаа" илтгэгч Мандах ИС-н оюутан П.Ичинхорлоо, Удирдагч багш доктор Т.Ганхуяг
🏅 "Брэндийн үнэнч байдалд хэрэглэгчийн хүлээн зөвшөөрсөн чанар, сошиал медиа маркетинг нөлөөлөх нь", илтгэгч Мандах ИС-н оюутан Г.Наранжаргал, Удирдагч багш доктор Т.Ганхуяг
🏅 "Улаанбаатар хотын иргэдийн орон сууц худалдан авах хүсэл эрмэлзэлд нөлөөлөх хүчин зүйлсийн судалгаа", илтгэгч СЭЗИС-ийн оюутан Б.Номин, О.Мөнхтулга, Д.Мэндбаяр нар, Удирдагч багш Т.Алтангэрэл
🏅 "Хэрэглэгчийн худалдан авалтад нөлөөлөх хүчин зүйлийн судалгаа (Органик хүнсний жишээн дээр)", илтгэгч ХААИС-ийн оюутан Д.Номин-Эрдэнэ, Удирдагч багш Д.Туул
🏅 "Дуурь, балетын үзэгчдийн сэтгэл ханамж ба дахин үзэх эрмэлзэл", илтгэгч МУИС-ийн оюутан Э.Лхагвабаяр, Удирдагч багш П.Баасанжаргал
🏅 "Брэндийн нөлөөллийн маркетингид хийсэн шинжилгээ", илтгэгч СУИС-ийн оюутан Н.Намуунаа, Удирдагч багш Н.Туул
🏅 Шилдэг ханан илтгэл: Ханан 10 илтгэлээс “ЕБС-ийн бага ангийн зарим сурах бичигт хийсэн шинжилгээ” сэдэвт Отгонтэнгэр ИС-ийн магистрант У.Хандмаагийн илтгэл шалгарлаа.
🎉🎉 Тус эрдэм шинжилгээний хурал нь Монгол улсад “Маркетинг” хөтөлбөр хэрэгжүүлж, сургалт явуулдаг их дээд сургуулиудын бакалавр магистрын түвшний оюутан судлаачид маркетингийн чиглэлээр хийсэн судалгаа, шинжилгээний ажлын үр дүнгээ танилцуулах, түгээн дэлгэрүүлэх, хэлэлцүүлэг өрнүүлэх, оюутнуудын бие даан судалгаа, шинжилгээ хийх ур чадвар, бүтээлч сэтгэлгээг хөгжүүлэх, харилцан суралцах, туршлага солилцох боломжийг бүрдүүлсэн, онцгой ач холбогдолтой хурал боллоо.
📌 Эрдэм шинжилгээний хурлын эмхэтгэлийг комментоос хүлээн авна уу.
