Эм, эмнэлгийн хэрэгслийн хяналт, зохицуулалтын газар-ЭЭХХЗГ

20/07/2026

📌ДАРХЛАА ДАРАНГУЙЛАХ ЭМИЙН ХУДАЛДАН АВАЛТЫН ЦАХИМ УУЛЗАЛТ БОЛЛОО
https://mmra.gov.mn/?id=202080

13/07/2026

🐍 Могойн хоргүйсүүрийн улсын нөөцийг анх удаа төвлөрсөн байдлаар бүрдүүллээ

ЗГХА-Эм, эмнэлгийн хэрэгслийн хяналт зохицуулалтын газраас могойн хоргүйсүүрийн нөөц бүрдүүлж болзошгүй эрсдлээс сэргийлэх ажлыг яаралтай зохион байгуулж, 2026 оны 07 сарын 08-ны өдөр ЭРҮҮЛ МЭНДИЙН САЙДын багцаас 266 хүн тун могойн олон хорны хоргүйсүүрийг БНЭУ-аас импортлон худалдан авсан. Сүүлийн 5 жилд манай улсад могойд хатгуулсан 559 тохиолдол бүртгэгдсэн байна. Иймд аймгийн нэгдсэн эмнэлгүүд, бүсийн оношилгоо эмчилгээний төвүүд, алслагдсан дүүргийн эрүүл мэндийн төвүүд, тосгоны эрүүл мэндийн төвүүд, Нийслэлийн түргэн тусламжийн төв, Гэмтэл согог судлалын үндэсний төв зэрэг эрүүл мэндийн байгууллагуудад хуваарилан нөөцийг бүрдүүлэн ажиллалаа.

#ЭЭХХЗГ #ЭмийнАюулгүйБайдал #МогойнХоргүйсүүр #ЭрүүлМэнд #ЯаралтайТусламж

10/07/2026

Эрхэм хүндэт ард иргэд, эрүүл мэндийн салбарын ажилтан, албан хаагчид Та бүхэндээ Үндэсний их баяр наадмын халуун мэндийг өргөн дэвшүүлье.
Та бүхний ажил үйлс үргэлж өөдрөг бүтэмжтэй байж, гэр бүл бүхэн эрүүл энх, аз жаргал, амар амгалангаар дүүрэн, төрт ёсны их баяр наадмаа хийморьтой, сайхан тэмдэглэхийг хүсэн ерөөе.

Хүндэтгэсэн, П. Алтанцэцэг
Эм, эмнэлгийн хэрэгслийн хяналт, зохицуулалтын газрын дарга

09/07/2026

📌БҮРТГЭЛИЙН ШИНЖЭЭЧ СОНГОН ШАЛГАРУУЛАХ ТУХАЙ

БҮРТГЭЛИЙН ШИНЖЭЭЧ СОНГОН ШАЛГАРУУЛАХ ТУХАЙ,

09/07/2026

🇲🇳ҮНДЭСНИЙ ИХ БАЯР НААДМЫГ ТОХИОЛДУУЛАН АЖИЛ, МЭРГЭЖЛЭЭРЭЭ БУСДЫГАА МАНЛАЙЛАН АЖИЛЛАСАН АЛБА ХААГЧДЫГ ШАГНАН УРАМШУУЛЛАА

✅Тулгар төрийн 2235 жил, Их монгол улсын 820 жил, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105 жилийн ой тохиолдуулан Эм, эмнэлгийн хэрэгсэл хяналт зохицуулалтын газар 2026 оны 07 дугаар сарын 08-ны өдөр ажил, мэргэжлээрээ бусдыгаа манлайлан ажилласан алба хаагчдыг шагнаж, урамшууллаа.

👏Хөдөлмөр зүтгэлээ үнэлүүлэн салбартаа түүчээлэн ажилласан нийт албан хаагчдадаа баяр хүргэж, ажил үйлсэд нь амжилт хүсье!

Та бүхэн сайхан наадаарай!

08/07/2026

📌Эрүүл мэндийн салбарын төрийн жинхэнэ албан хаагчийн тангараг өргөх ёслол өнөөдөр болж, Эрүүл мэндийн яам, Эрүүл мэндийн даатгалын ерөнхий газар, Эм, эмнэлгийн хэрэгслийн хяналт, зохицуулалтын газрын нийт 9 албан хаагч төрийн жинхэнэ албан хаагчийн тангараг өргөн, төрийн албаны эгнээнд албан ёсоор нэгдлээ.

✅Эм, эмнэлгийн хэрэгслийн хяналт, зохицуулалтын газрын Эм, эмнэлгийн хэрэгслийн үнэ, худалдан авах ажиллагааны мэдээний сангийн асуудал хариуцсан мэргэжилтэн Батбилэгийн Оюундарь танд ажлын амжилт хүсье.

Шинээр тангараг өргөсөн албан хаагчдад төрийн албаны үнэт зүйлсийг эрхэмлэн дээдэлж, нийтийн ашиг сонирхлыг хувийн ашиг сонирхлоос дээгүүр тавин, мэдлэг, ур чадвараа тасралтгүй хөгжүүлж, шударга ёс, хариуцлага, ёс зүйг эрхэмлэн, иргэдийнхээ төлөө чин сэтгэлээсээ ажиллаж, төрийн албаны нэр хүндийг өндөрт өргөж явахыг хүсэн ерөөе.

04/07/2026

📌Эмийн аюулгүй байдлын сургалт зохион байгуулав

Эмийн аюулгүй байдлын сургалт зохион байгуулав

04/07/2026

👩‍🔬“Геронтологийн үндэсний төв”-ийн хамт олонд "Эмийн аюулгүй байдал, зохистой хэрэглээний сургалт" зохион байгуулав

https://mmra.gov.mn/?id=202072

Уг сургалт нь эмийн аюулгүй байдлын талаарх мэдлэгийг сайжруулах, эмийн зохистой хэрэглээг дэмжихэд чухал ач холбогдолтой юм.

30/06/2026

26/06/2026

Тус агентлаг нь Монополын эсрэг газартай хамтран хийсэн эм, эрүүл мэндийн нэмэлт бүтээгдэхүүний зар сурталчилгааны төлөвлөгөөт хяналт, шалгалтын үр дүнд үндэслэн хяналт, шалгалтад хамрагдсан аж ахуй нэгжүүдэд 2026 оны 06 дугаар сарын 26-ны өдөр сургалт зохион байгууллаа.
Тус сургалтад Монополын эсрэг газрын Хэрэглэгчийн эрх ашгийн хамгаалах, зар сурталчилгааны газрын дарга Т.Алтанцоож, Улсын ахлах байцаагч М.Баттуул, Улсын байцаагч Э.Энх-Өлзий, Эм, эмнэлгийн хэрэгслийн хяналт зохицуулалтын газрын Эм, биологийн идэвхт бүтээгдэхүүнийг зах зээлд таниулах, зар сурталчилгааны зохицуулалтын асуудал хариуцсан мэргэжилтэн Э.Ундармаа нар оролцож Эм, эмнэлгийн хэрэгслийн тухай хууль, Зар сурталчилгааны тухай хууль, Хэрэглэгчийн эрхийг хамгаалах тухай хууль бусад холбогдох хууль тогтоомжийн хэрэгжилтийг хангах, шалгалтаар илэрсэн зөрчлийг арилгах, давтан гаргахгүй байх талаар оролцогч нарт мэдээлэл өгч зөвлөн туслах үйлчилгээг үзүүлэв.
Сургалтанд эм ханган нийлүүлэх байгууллага, эмийн үйлдвэр, Гадаад Улсын эмийн төлөөлөгчийн газар, эмийн сан, хувийн эмнэлгийн нийт 50 хүн хамрагдсан.
Сургалтын үеэр эмийн зар сурталчилгааны тухай хуулийн зохицуулалт, хяналт шалгалтын талаар мэдээлэл өгч, санал солилцож хамтарч ажилласан үр дүнтэй сургалт боллоо.
https://mmra.gov.mn/?id=202069