15/06/2026
LA VITA — Амьдралд түр саатах орон зай
:
LA VITA нь зөвхөн кофе уудаг газар бус, хотын завгүй хэмнэлээс түрхэн ч болов холдон амсхийх боломжийг олгох орон зай бүтээх зорилготой байв. Тиймээс брэндийн үндсэн сорилт нь орчин үеийн кофе шопын соёлыг тансаг зэрэглэлийн интерьер, тайван уур амьсгал, байгальтай холбогдох мэдрэмжтэй нэгтгэн илэрхийлэхэд оршсон.
Бидний өмнө зөвхөн кофе, коктейлийн үйлчилгээ бус, үйлчлүүлэгчдэдээ өдөр тутмын хурдаас түр саатан, дотоод амар амгаланг мэдрүүлэх брэндийн ертөнцийг бий болгох шаардлага тулгарсан. Энэхүү үзэл санааг лого, өнгөний систем, интерьер график, сав баглаа боодол болон хэрэглээний бүх элементүүдэд нэгдмэл байдлаар шингээх нь төслийн гол зорилго байлаа.
:
Брэндийн үндсэн бэлгэдлээр амьдралын модыг сонгож ажилласан. Эртний домогт өгүүлдэг мөнхийн ундаргатай ариун булгийн эхэнд орших амьдрал ивээгч эх мод нь тасралтгүй өсөлт, амьдралын эрч хүч, хязгааргүй чанарыг илэрхийлдэг. Энэхүү утга санааг LA VITA брэндийн философитой уялдуулан хөгжүүлэв.
Логог гар аргаар сийлбэрлэсэн мэт нарийн дүрслэлтэйгээр боловсруулж, байгалийн гоо зүй болон тансаг хэрэглээний мэдрэмжийг нэгэн зэрэг илэрхийлэхийг зорилоо. Өнгөний палитрт гүн хөх өнгийг суурь болгон сонгосон нь итгэлцэл, тогтвортой байдал, тайвшралыг бэлгэдэхийн зэрэгцээ алтлаг өнгөтэй хослон премиум зэрэглэлийн өнгө төрхийг бүрдүүлж байна.
Брэндийн нэмэлт график элементүүд нь модны үндэс, мөчир, урсгал хөдөлгөөнөөс санаа авсан органик хээ дүрслэлүүд бөгөөд эдгээр нь сав баглаа боодол, орчны график болон бүх хэрэглээний материал дээр уялдаа холбоотойгоор ашиглагдсан. Ингэснээр LA VITA нь кофе шоп гэхээсээ илүү байгаль, амар тайван, тансаг хэрэглээний огтлолцол болсон өвөрмөц брэндийн туршлагыг бүтээж чадсан юм.
LA VITA буюу "Амьдрал" гэх нэр нь брэндийн үндсэн философийг шууд илэрхийлдэг. Амьдралын үнэ цэн, тайван хэмнэл, дотоод тэнцвэрийг эрхэмлэсэн энэхүү брэнд нь үйлчлүүлэгч бүрт өдөр тутмын амьдралаас түрхэн ч болов тасарч, өөрийн цаг хугацааг мэдрэх боломжийг санал болгож байна.
Харилцагч: LA VITA Coffee & Cocktail
Захиалагч: "Мастер Түншлэл" ХХК
Гүйцэтгэл: Брэнд стратеги, Лого дизайн, Брэндбүүк
Luna Branding Agency
Мэргэжлийн өндөр түвшинд #ЛОГО #БРЭНДБҮҮК бүтээнэ!
☎️ Утас: 8515 8501
📨 Имэйл: [email protected]
🌐 Вебсайт: www.Luna.mn
