22/12/2021
Үйлчилгээ № 1 - Арьс цайруулах, элэг цэвэрлэх, хөгшрөлтийн эсрэг олон талт үйлчилгээтэй тарилга 10 удаагийн тариа
Бүх биеийн хөгшрөлтийн эсрэг, арьсны өнгийг сэргээх үйлчилгээ бүхий энэхүү тарилгыг Өмнөд Солонгос төдийгүй дэлхийн олон орны одууд хийлгэдэг. Cinderella, Glutation, Vit C хэмээх 3 төрлийн эмийн бодисыг 0,9%-ийн NaCl-ийн уусмалд нийлүүлэн хольж, венийн судсанд дуслаар хийх ба 30 минут үргэлжилнэ.
Cinderella: “Baby face injection” гэж нэрлэгддэг энэ тарианы үндсэн найрлага нь alpha-lipoic acid буюу ус, тосонд уусдаг синтетик өөхний хүчил бөгөөд биохимийн үйлчлэлээрээ В төрлийн витаминуудтай төстэй. Энэ нь цусан дахь глюкозын концентрацыг багасгах, бодисын солилцоо тэр дундаа өөхний болон нүүрс усны солилцоог сайжруулах, эсийг гэмтээж, хөгшрөлд хүргэдэг чөлөөт радикалуудыг устгах, биед энерги үүсэхэд нөлөөлдөг гол нэгдэл юм.
Мөн элэгний үйл ажиллагааг сайжруулах, хорт бодисууд, түүний дотор архины хортой нөлөөг багасгах, элэг хамгаалах, холестериныг бууруулах нөлөө үзүүлнэ. Уг тарианы антиоксидант нөлөө витамин С, Е-гээс 400 дахин их юм.
Glutation: Энэ нь цистеин, глутамин, глицин хэмээх 3 төрлийн амин хүчлээс бүрдэх бөгөөд хүний биеийн дотор бий болдог хүчтэй антиоксидантуудын нэг юм. Элэгэнд хамгийн их агуулагдах бөгөөд биеийг хоргүйжүүлэх, элэгийг хамгаалах, дархлаа сайжруулах, бодисын солилцоог идэвхжүүлэх нөлөө үзүүлдэг. Вируст гепатит А, В, С –ын туслах эмчилгээ, архины хордлого, эмийн хордлого, химийн болон туяа эмчилгээний үед биеийг хоргүйжүүлэх зорилгоор хэрэглэнэ.
Vitamin C: Энэ нь холбогч эд болон ясны эдийн хэвийн үйл ажиллагаанд зайлшгүй шаардлагатай, хоол хүнсний үндсэн бодисын нэг болох органик нэгдэл бөгөөд цус төлжүүлэх, судасыг бэхжүүлэх, дархлаа сайжруулах, хөгшрөлтийн эсрэг нөлөөлж С дутагдлын үед хамар, амнаас цус гарах, үе мөч өвдөх, ядрах, өвчлөмтгий болох шинжүүд илэрнэ.
Үр дүн: Тарилгыг курсээр хийлгэснээр дараах үр дүнд хүрнэ.
Бүх биед:
• Дархлаа сайжруулна
• Цусны эргэлтийг нэмэгдүүлнэ.
• Бодисын солилцоог идэвхжүүлнэ.
• Биеийг хоргүйжүүлж, хордлого тайлна
• Элэг хамгаална.
• Ядаргаа тайлж, нойр сайжруулна.
• Дотор өөх болон целлюлитыг багасгаж, жин бууруулна.
• Бүх биеийг залуужуулж, эрч хүчийг сэлбэнэ.
Арьсанд:
• Сэвх толбо бүдгэрч, арьс цайрч, өнгөлөг болно.
• Арьс чангарч, үрчлээ багасна.
• Арьсыг зөөлөн булбарай, толигор болгож, залуужуулна
Ямар үед уг тариаг тариулах хэрэгтэй вэ?
• Арьс өнгөө алдаж, сэвх нөсөө, хөгшрөлтийн толбо ихсэж байгаа
• Үрчлээ, нугалаа үүссэн
• Арьсны уян хатан чанар алдагдаж, хуурайшин, суларсан
• Амархан ядарч, сульддаг, нойр муутай хүмүүс
• Дээрх шинж тэмдэг илрээгүй боловч түүнээс урьдчилан сэргийлэх, хөгшрөлтийн процессийг удаашруулах, эрүүл, залуу байдлаа удаан хугацаанд хадгалах хүсэлтэй 18-аас дээш насны эрэгтэй, эмэгтэй хүмүүс
Хориглох заалт:
• Жирэмсэн болон хөхүүл эмэгтэйчүүд
• Тарианы найрлага дахь бүрэлдэхүүн бодист хэт мэдрэг байх
• Сүүний харшилтай хүмүүс
• Эрхтэн шилжүүлэн суулгасан хүмүүс
• Халдварт болон ямар нэг үрэвсэлт өвчний хурц үед хийхийг хориглоно
Анхаарах зүйл:
• Хоолны дэглэм, дасгал хөдөлгөөн, нүүрний массаж, арьс арчилгаатай хослуулвал илүү үр дүнтэй.
• Гоо заслын бусад ажилбаруудтай (PRP, MTS, Filler гм) хавсран хэрэглэж болно.
• Эмчилгээ хийлгэж байгаа болон эмчийн хяналтанд байдаг хүмүүс эмчлэгч эмчтэйгээ зөвлөж, уг тариаг хийлгэх эсэхээ шийднэ.
Тарилгын курс: Тухайн үйлчлүүлэгчийн биеийн болон арьсны байдлаас шалтгаалан долоо хоногт 1-2 удаа, нийт 10 удаа хийх нь нэг курс болно.
Эрсдэл:
• Тарилгыг хийхийн тулд таны судсанд хатгалт хийхэд хэсэг газар өвдөх дараа нь тэр хэсэгхэн газар хөхөрч болзошгүй.
• Мэргэжлийн эмч, эмнэлгийн ажилтан шаардлага хангасан нөхцөлд, халдвар хамгааллын дэглэмийг чанд баримтлан, нэг удаагийн ариун зүү, тариур, хэрэглэгдэхүүн ашиглана уу
Үнэ- 280.000
