28/03/2025
๐ฅ๐ฒ๐ธ๐น๐ฎ๐บ โ ๐๐ป๐ป ๐๐ฎ๐บ๐ฒ, ๐๐ป๐ป ๐๐ฒ๐๐ฝ๐๐ฎ๐ฟ, ๐๐ป๐ป ๐ฉ๐ถ๐๐๐ผ๐ป ๐จ๐
Depi 2021, Reklam finn kre - li ti zis enn paz Facebook a lepok, enn ti group kamarad ki ti anvi arive, avan ki nou tou separe. Mo ti pe kan mem kontiy poste bann travay ki mo ti pe fer akote mo full time job lor paz la ziska fin 2021, san realize ki mo ti pe batir enn zafer pli gran.
Zanvie 2022 ziska Avril 2022 mo travay dan enn kompani kouma Creative Director, mo pa ggn letemp post ou pren lezot travay lor Reklam - mem lepok mo gagnn bann problem de sante kot mo al kone ki mo ena l'endometriose sever. Mo nepli kav travay full time.
Fin Avril 2022 mo lans mwa en Freelance, mo repren Reklam mo pa les li teign , mo bat bann ti travay parsi parla avek enn BRN individuel lakaz mem. Mo koumans ggn bann ti kontra retainer lor Linkedin ek gagnn plis klien.
Fevrye 2023 mo lans enn siteweb - reklam.mu (siteweb ki mo bien bizin update zordi) Touzour en 2023, mo koumans ggn plis workload et mo desid pren bann freelancers lor bann gro proze. Bann premye freelancers ki mo ti finn pren sey met baton dan mo larou, pren klien dan mo ledo, mo desid travay tousel mo manz ek li ziska finalmen mo repren enn freelancer en Zilye 2023 - avek ki sa pass bien ek mo onboard enn pli gro klien.
Septam 2023 - Mo register Reklam kouma enn kompani ek nou ress travay kouma bef ziska Mars 2024 kot mo pren enn vrai konze - 2 semenn, avan repren travay.
Septam 2024, mo nepli anvi travay ek certains klien akoz bann zafers pe ress monte me zot pa lai paye plis ek zot nek rod kass pri.
Ziska ler mo enkor pe dibout akoz zamai mo finn baiss lebra mem si mo ti anvi fer li a plizier repriz, kot ena impe dimounn finn sey met baton dan mo larou. Si monn ressi ariv kot mo ete zordi, se akoz mpan laiss tombe, mem si mpa ti repren Reklam - si mo ti fer enn lot zafer apar si , mo kone mti pou resi, Akoz mo travay inn koz plis ki mwa mo finn koze - a traver bann posters rezo socio, billboards, catalogues, pub press etc.
Zordi mo ena
โ
+50 brands dan mo portfolio
โ
+1000 social media designs ki mo finn fer
โ
+5 ans lexperians
Mo finn aprann boukou ek sa se zis koumansman โจ
hashtag hashtag hashtag