25/11/2025
သေတော့လည်း အေးသွားတာဘဲဟူသည့် စကားမပြောရ။
မိခင်ကြီး အာအိရှဟ် (ရသွိ)က ဆင့်ပြန်ပြောပြသည်မှာ လူများက အို - အလ္လာဟ့်၏ရစူလ် ဘယ်သူဘယ်ဝါ အမျိုးသမီးကတော့ သေသွားပါပြီး။ သူမအနေဖြင့် အေးချမ်းသွားပြီးပေါ့ဟု ပြောကြရာ တမန်တော်မြတ်ကြီး (ဆွ)က ဒေါသထွက်ပြီး "အလ္လာ့ဟ်၏ ခွင့်လွတ်ခြင်းခံရသူသာ အေးချမ်းတာ"ဟု ပြန်လည် မိန့်ကြားတော်မူခဲ့၏။
ကြည့်-(စိလ်စလသွလ်ဆွဟီးဟဟ်ကျမ်း ဟဒီးဆ်နံပါတ် (4286)
တစ်ချို့သောလူတွေ သေလို ဆန္ဒဖြင့် ငါသေမှ အေးမယ် သေတော့လည်း အေးသွားတာဟု ပြောဆိုခြင်းဟာ အလွန် မကောင်းတဲ့ စကားပါ။
သောင်ဗဟ်လုပ်ပါ။ အိစ်တေဂ်ဖွာ များများဖတ်ပါ။
(ဒီခေတ်မှာလည်း ဒီလိုအပြောအဆိုတွေကို လူအများစု ပြောလေ့ပြောထ ရှိပါတယ်။ ဘယ်သူ သေသွားတော့ အေးသွားပြီးပေါ့ စသည်ဖြင့် ပြောကြပါတယ်။ တကယ်တော့ သေတိုင်း မအေးသေးပါဘူး။ အရှင့်ခွင့်လွတ်ခြင်း ခံရသူများသာ အေးချမ်းမှာဖြစ်ပြီး သို့မဟုတ်ပါက မအေးချမ်းနိုင်ပါ။) ဆင်ခြင်နိုင်ကြပါစေ။
