08/05/2026
Waxaa usoo muuqday maalinta qiyaame cadaabka Alle iyo xisaabtiisa iyagoo aan maleysaneynin ama aysan filaneynin markii ay adduunka joogeen, waxay moodayeen in ay badbaadayaan oo ay acmaashooda ku filan tahay.
Waxaa u soo muuqday dambiyo ay iska fududeysan jireen balse xaga Alle aad uga weynaa.
Waxaa usoo muuqday ciribta xumaanta acmaashooda oo ay wanaag moodayeen.
Aayadan waxay inooga digeysaa in uusan qofka ku kadsoomin naftiisa ama camalkiisa, marwalba qofka looga baahan yahay iqlaas, towbad, malo wanaagsan ayadoo laga cabsanaayo wixii aan ka gaabinay oo camal ah.