Rumah Panjang Tr. Manggi, Sungai Rambutan, Jalan Kampung Iran Suai

02/06/2026

Terima kasih Penghulu

Meri besai terima kasih ngagai Penghulu Epat enggau TR laban udah datai ngabang kena ka 1hb tu tadi.

Ngarapka ba taun tu semua kitai gayu guru gerai nyamai, lantang senang nguan menua 🙏🏻.

02/06/2026

“Ngabang Hari Gawai 2026”

Terima kasih ngagai Yang Behormat Datuk Majang anak Renggi, Pusat Khidmat Masyarakat DUN N.70 Samalaju enggau bala rombongan laban udah ngabang gawai ngagai Rumah Manggi anak Gimat lalu meda taba ti endur ka berumah.

Ngarapka taun ti deka datai YB ulih datai ngabang baru ngagai rumah kami. 😁

Selamat Hari Gawai 2026. Ooohhhaaa 🌾🌾

02/06/2026

“Berat sama ngesan, lempung sama nanggung”

Taja tubuh enda mayuh tang bala kami serumah udah besaup mela pemakai enggau niri ke ranyai dikena ngintu pengerami hari gawai malam 31hb.

Terima kasih ke sukung enggau tulung semua kitai serumah. ❤️

02/06/2026

Selamat Hari Gawai 2026 ❤️

Kenaka malam 31/5/2026, bala komiti enggau JKKK udah besemekih ngatur pekit nyerumba pengerami Hari Gawai. Pekit enggau main iya ka bisi diatur iya nya:

1. Pekit Ratu Ibu
2. Pekit Cinta Itu Buta
3. Pekit Ngirup Beer ngena straw
4. Pekit Karaoke Anak Mit
5. Pekit Karaoke Orang Tuai
6. Pekit Poco - Poco Kreatif
7. Cabutan Bertuah
8. Penyampaian Hadiah Sukaneka
9. Ngajat ngelingi Ranyai

Enggau tu mega, JKKK meri besai terima kasih ngagai sukung enggau tulung bala YB, NGO, Pihak Swasta enggau kitai serumah iya ka udah gerah jari meri sumbangan hamper, mata duit enggau awak kena ngemujurka program beserimbai enggau hari gawai tu tadi.

Meri pengaga ati mega ngagai semua pemekit enggau pemenang lalu ngarapka Hari Gawai ke taun tu mai tuah mai limpah ke manah agi ngagai kitai serumah. Selamat Hari Gawai Dayak, Gayu Guru Gerai Nyamai, Lantang Senang Nguan Menua. Oooohhhaaaa 🌾🌾🌾

30/05/2026

28/05/2026

24 Mei 2025

Pengawa baumka program beserimbai enggau pengerami hari gawai 2026

17/05/2026

Ngulu pengawa Niti Daun nyerumba pengerami Hari Gawai Dayak bagi Taun 2026 😊