22/03/2026
ππ§π πππ’π°πππ πππ€π? ππ
Idan mun gamsu cewa kowa yana da wani abu da yake zuwa masa da sauΖi a rayuwarsa, ko da shi bai gano hakan ba, to yana da kyau mu gane cewa, abu yana zuwa da sauΖi ne a dalili biyu. Dalilin farko da abu zai zo wa mutum da sauΖi shi ne baiwa, an haife shi da abun, kawai yana jiran a motsa baiwar ne. Dalili na biyu kuma shi ne horo.
Idan mutum ya samu horo a wannan fanni, bayan wasu shekaru zai samu Ζwarewa ta ban mamaki har a Ιauka ma iya baiwa ce kawai. Kenan dai ba kowanne abu da yake maka sauΖi ba ne yake cikin zubin halittarka ba, wasu abubuwan yau da gobe ce take horar da kai a kansu. Idan ka tashi a gidan wanzanci abu ne mai sauΖi ka samu gogewa a yin aski, har ya zama yana zuwa maka da sauΖi.
Wannan batu na kasa bambance abun da yake zuwa da sauΖi na baiwa, da wanda aka koya saboda mutum ya taso a cikin abun ya sa wasu ko da suna da baiwar ma ba sa iya gane cewa baiwa ce. Wasu kuwa kokonto hakan zai Ζara musu, su dinga tunanin anya wannan baiwa ce ko don na taso a haka ne. Wasu hakan ma na iya jefa su cikin halin Ζin yarda da suna da wata baiwa, abun da s**a saba da shi kawai za su riΖe, daga sun gwada wani abu ya zo da tangarΙa sai su sa a ransu ba su da baiwa a wajen.
Ba koyaushe ba ne tsoron abu, ko gwadawa a karon farko a ji ba daΙi yake nuna babu baiwa a wajen. Misali, ban san cewa ina gane darasin lissafi ba sai da na shiga aji biyu (2) na Ζaramar sakandare saboda wata malama da muka samu. WataΖila da ba don ta yi irin koyarwar da zan fahimta ba, da yanzu ina cikin masu gudun darasin
lissafi. Abun da ya fi wannan mamaki kuma, ita wannan malamar ta ba mu labarin yadda take Ζin lissafi, da yadda ba ta zama a ajin lissafi, amma kuma cikin ikon Allah a nan ta samu gurbin karatu a jamiβa, haka ta daure ta yi, har ta zama haΙaΙΙiya.
Abun da ya kawo wannan batu shi ne, wani lokacin ba cikin sauΖi mutum yake iya yarda da abu a matsayin baiwarsa ba, saboda ko dai bai taso a kansa ba, ko kuma bai samu wanda zai koyar da shi a yadda zai fahimta ba. Wannan ya sa gane baiwa yake da alaΖa da yadda mutum yake koyo.
ππ₯ππ’π¬π‘π’π«: A halin yanzu ππππππππ π°ππ π©ππππππ π»πππ? ya riga da ya kammala. In sha Allahu nan da wani lokaci za a bayyana inda za a samu softcopy Ιin ga masu buΖatar saye. A saboda haka ba mamaki wannan ya zama rubutu na Ζarshe da zan kawo daga cikin wannan littafin. Allah ya taimake mu.
πΌππ’ππ πππ£π
#πππͺπ¨πππ‘π€πππ‘πππππ
22/3/2026
