Katsina State Environmental Protection Agency

22/01/2025

Rundunar yan sanda ta jihar Katsina ta k**a mutanen da ake zargi da satar abun zuba shara (Container) mallakar hukumar kare muhalli ta jihar Katsina (SEPA) a Unguwar tudun Yarlehidda dake cikin garin Katsina.

Mutanen su biyar (5) da ake zargi yanzu haka suna hannun rundunar yan sanda ta jihar Katsina reshen sabon gari domin cigaba da gudanar da bincike.

Domin samun cikakken bayanai na sauran masu irin wannan mugun aiki da masu saye a cikin al'umma.

Hukumar ta kare muhalli ta jihar Katsina SEPA tana karkashin jagorancin shugaban hukumar Alh. Kabir Usman Amoga.

17/01/2025

Motocin hukumar kare muhalli ta jihar Katsina lokacin da aka maidasu sabbi bayan sun mutu ko tashi basuyi.

Zuwan Alh. Kabir Usman Amoga amatsayin shugaban hukumar ne yayi wannan kokari domin ganin hukumar tayi aiki yanda yak**ata.

10/01/2025

Gwamnatin Jihar Katsina ƙarƙashin jagoranci Malam Dr. Dikko Umaru Radda ta samar da ƙarin wasu Makewayin zamani a wasu daga cikin Asibitoci da Makarantu dake cikin garin Katsina dama wasu ƙananan hukumomi.

Wannan aiki ne da Gwamnatin tayi Ƙarƙashin hukumar kare Muhalli ta Jihar Katsina (SEPA).

Wuraren da akai wannan aiki sun haɗa da:

1. General Hospital Funtua
2. College of Administration Funtua
3. School of Legal Studies Daura
4. School of Nursing Katsina
5. Filin Kanada
6. Katsina Eye Centre
7. Turai Yar'adua Hospital

A ɓangaren Muhalli ma zamu iya cewa Gwamnatin jihar Katsina ta taka rawar gani sosai don ganin ta samar da ingantaccen muhalli a faɗin Jihar.

▪︎ Aysha Hamzat Honey

19/12/2024

Ayaune Alhamis 19-12-2024 Shugaban hukumar kare muhalli ta jihar Katsina Alh. Kabir Usman (Amoga) yayi taro na bayyanawa Ma'aikatan wucin gadi na hukumar abin arzikin da maigirma Gwamna Mal. Dikko Umaru Radda Ph.D yayi masu na Ƙara masu kudin albashinsu daga wata maik**awa.

Ɗinbin ma'aikatan sun nuna jindadinsu kwarai da gaske tareda godiya da addu'a ga Maigirma Gwamna Malam Dikko Umaru Raɗɗa cewa Allah ya saka mashi da alkhairi, Allah ya kareshi yakuma cigaba dayimashi jagoranci ga dukkan al-amurran dayasa gaba amin.

Call now to connect with business.

27/10/2024

Yadda aka gudanar da sharar karshen wata a jihar Katsina.

26/10/2024

An gudanar da sharar gari ta karshen wata wata (Monthly Sanitation) a cikin garin Katsina da sauran kananan hukumomi talatin da hudu (34) dake fadin jihar Katsina.

A ranar asabar 26-10-2024 hukumar kare muhalli ta jihar Katsina (Sepa) karkashin jagorancin Alh. Kabir Usman Amoga ta gudanar da aikin sharar a cikin garin Katsina.

Da yake gabatar da jawabin sa shugaban hukumar ta kare muhalli Alh. Kabir Amoga ya fara da godiya ga Allah da ya nuna masa wannan rana wadda yazo domin gudanar da wannan aiki na sharar karshen wata.

Wanda wannan aiki ana gudanar da shi ne a fadin jihar Katsina kuma in sha Allah za'a cigaba da yinsa duk ranar karshen wata daga karfe 7am na safe zuwa karfe 10am na safe, dan haka muna rokon al'umma da su bamu hadin kai.

Daga karshe muna godiya ga gwamnan jihar Katsina Mal Dikko Umar Radda bisa irin kulawa da yake ba wannan hukuma ta mu babu dare babu rana domin kare al'umma daga kamuwa daga cututtuka.

Shima a nasa jawabin babban sakatare na ma'aikatar muhallahi ta jihar Katsina wanda ya samu wakilcin Nura Kankia ya yayi godiya ga gwamnan jihar Katsina bisa dawo da wannan aiki gami da yin yabo ga da jin jina ga hukumar SEPA bisa yadda suke gudanar da ayyukan su.

Shima a nasa jawabin na godiya magajin garin Katsina wanda ya samu wakilcin magaji Abdu Iliyasu ya nuna farin cikin su da dawowar wannan aiki mai tarihi wanda a shirye suke su bada gudunmuwar su domin samun nasarar sa a fadin jihar Katsina.

Aikin sharar ya samu halartar manyan daraktocin hukumar kare muhalli ta jihar Katsina da sauran su.

28/08/2024

Hukumar kare muhalli ta jihar Katsina (SEPA) ta fara gudanar da aikin feshin haki a wasu makabartu dake cikin garin katsina.

A ranar laraba 28-08-2024 shugaban hukumar Alh. Kabir Usman Amoga ya jagoranci aikin feshin hakin a makabartar Dan Takun dake bayan babbar asibitin Katsina.

Dayake gabatar da jawabin sa shugaban hukumar Alh. Kabir Usman Amoga yace" wannan aiki mai muhimmanci ne sosae domin idan ka gyara makabarta muhallinka ka gyara.

Irin wannan aikin dama anayin shine a wannan lokaci na damuna da ciyawa ke fitowa ta cika makabartu har ta kaiga ba'a iya ganin kaburbura.Shine mukaga ya dace mufito muyi wannan aiki na feshi duk da dama hakki ne akan wannan hukuma tamu.

Domin ya kashe wannan haki dake fitowa dan asamu iya banbance kabari idan anzo binne gawa.Sannan ina kira ga sauran daukacin al'ummar musulmi duk wanda Allah yaba dama ya shigo ya bada gudunmurwar sa wajen gudanar da irin wannan aikin alhairi.

Taron aikin feshin ya samu halartar daraktocin da sauran ma'aikata na hukumar ta kare muhalli.

19/08/2024

Shirin Kwalliya Ta Biya Kudin Sabulu, Kashi na ashirin. Tare da - Hon. Kabir Usman Amoga, Shugaban Hukumar Tsaftace Muhalli Ta Jihar Katsina (SEPA)

A cikin shirin, Hon. Amoga yayi bayani cewa a tarihin Jihar Katsina ba a taɓa samun gwamnan da ya yi aikin da Dr. Dikko Umaru Radda ya yi, a cikin shekara ɗaya ba. Musamman a bangaren daukar ma'aikata, kiwon lafiya, inganta harkar tsaro, inganta harkar noma, da sauran su.

Daukar nauyi: Hon. Nasir Almu Ðanye Jibia, shugaban jam'iyyar APC (All Progressives Congress) a ƙaramar hukumar Jibia.

08/08/2024

Shugaban hukumar kula da tsabta da kuma kare muhali ta jihar Katsina SEPA, Alhaji Kabir Usman Amoga ya jagoranci cigaba da ayyukan kwashe shara da hukumar ta sabayi a fadin jihar Katsina.

A rana laraba 07-08-2024, hukumar ta SEPA karkashin jagorancin shugaban ta s**a gudanar da aikin kwashe shara a Unguwanni da dama a cikin garin Katsina da s**a hada da Farin Masallaci, UPE K/Kaura, Yar'kasuwa, Gidan Shema Sabon Layi, Gidan Tati K/Marusa, Ladan Wapa Roundabout, C.P.S Junction, Lambusu, Kamitawa, Rafindadi, Kwauron Dorowa, da Layout.

Kamar yadda Katsina Post ta samu, aikin ya gudana ne tare da ma'aikatan hukumar a nan cikin karamar hukumar ta Katsina kuma hakan ma ya gudana a wasu kananan hukumomin dake jihar ta Katsina.

Da yake jawabi a wurin Shugaban hukumar, ya kara godiya ga Allah da kuma gwammati jihar karkashin jagorancin Gwamna Mallam Dikko Umar bisa irin kokarin da take tare da ba shi dukkan goyon baya domin ganin an tsaftace jihar daga dukkan datti tare kuma da kare muhallin al'ummar jihar a kowane lungu da sako.

Daga karshe ya Kuma yi kira ga al'ummar jihar da su rika zubar da sharar su a cikin inda gwamnati ta tanada domin samun saukin aikin hukumar da kuma kare muhallin su.