Hon. Babangida Abdullahi kurfi media team Reporters

19/09/2026

SHUGABAN ƘARAMAR HUKUMAR KURFI YA KAI ZIYARAR TA’AZIYYA.

Shugaban Ƙaramar Hukumar Kurfi, Malam Babangida Abdullahi Kurfi, ya kai ziyara unguwar Gabas da Kasuwa domin yin ta’aziyya bisa rasuwar Marigayi Lille Mai Kaji, mazaunin Gabas da Kasuwa.

A yayin ziyarar, shugaban ya jajanta wa iyalan marigayin, ’yan uwa da abokan arziki bisa wannan babban rashi, tare da addu’ar Allah Ya gafarta masa, Ya jiƙansa da rahama, Ya sanya Aljannatul Firdausi ce makomarsa, sannan Ya bai wa iyalansa haƙurin jure wannan babban rashi.

Ofishin Yaɗa Labarai na Shugaban Ƙaramar Hukumar Kurfi
19/09/2026.

19/09/2026

SHUGABAN ƘARAMAR HUKUMAR KURFI YA DUBA AYYUKAN GYARAN OFISHIN ’YAN SANDA DA MOTAR MOPOL

Kurfi, Jihar Katsina — 19 ga Satumba, 2026

Mai girma Shugaban Ƙaramar Hukumar Kurfi, Malam Babangida Abdullahi Kurfi, ya kai ziyarar duba ayyukan gyaran Ofishin ’Yan Sandan Ƙaramar Hukumar Kurfi (Police Station), wanda ya bayar da umarnin a gudanar domin inganta yanayin aiki da samar da kyakkyawan muhalli ga jami’an tsaro.

A yayin ziyarar, shugaban ya duba yadda aikin renovation na ofishin ke gudana, tare da bibiyar matakan da aka ɗauka domin tabbatar da cewa aikin ya gudana yadda ya kamata.

Daga nan, Mai girma shugaban ya wuce zuwa duba motar Mobile Police (MOPOL) wadda ya bayar da umarnin gyarawa domin kasancewa cikin shiri na gudanar da ayyukan tsaro a kowane lokaci.

Alhamdulillah, motar a halin yanzu an kammala gyarata kuma ta shirya tsaf domin gudanar da aikinta.

Wannan mataki na daga cikin ƙoƙarin gwamnatin Ƙaramar Hukumar Kurfi na tallafawa hukumomin tsaro da samar da yanayin da zai taimaka wajen ƙarfafa zaman lafiya da tsaro a cikin al’umma.

Ofishin Yaɗa Labarai na Shugaban Ƙaramar Hukumar Kurfi
19/09/2026.

19/09/2026

ƘUNGIYAR S.A/S.S.A TA SHUGABAN ƘARAMAR HUKUMAR KURFI TA GUDANAR DA TARON MUSAMMAN

Kurfi, Jihar Katsina — 19 ga Satumba, 2026

Ƙungiyar S.A/S.S.A ta Shugaban Ƙaramar Hukumar Kurfi ta gudanar da wani taro na musamman ƙarƙashin jagorancin Shugaban Forum na S.A/S.S.A, Alhaji Umaru Mai Nasara, wanda ya samu wakilcin Mataimakinsa, Babangida Abdullahi Tamu, tare da sauran shugabannin Forum ɗin.

Babban manufar taron ita ce tattauna hanyoyin da ƙungiyar za ta ƙara bayar da gudummawarta wajen hidimar jam’iyyar APC a matakin Ƙaramar Hukumar Kurfi, Jihar Katsina, da ma Najeriya baki ɗaya.

A yayin taron, an tattauna muhimman batutuwa da s**a shafi ci gaba, haɗin kai da kuma hanyoyin da za su taimaka wajen ƙarfafa jam’iyyar da tabbatar da nasararta daga sama zuwa ƙasa, musamman a babban zaɓen shekarar 2027, Insha Allah.

A ƙarshe, ƙungiyar ta miƙa godiyarta ta musamman ga ɗan takarar Majalisar Dokokin Jihar Katsina mai neman wakiltar Ƙaramar Hukumar Kurfi, Hon. Shu’aibu Iliyasu Shagali, bisa kyautar ₦100,000 da ya bayar domin S.A/S.S.A su samu abin sha a yayin taron.

Ƙungiyar ta yaba da wannan karamci tare da addu’ar Allah Ya saka masa da alheri.

Allah Ya tabbatar da zaman lafiya, haɗin kai da ci gaban al’umma, Ya kuma ba kowa nasarar abin da ya dace da shi a babban zaɓen 2027. Amin.

SSA Media to the Executive Chairman of Kurfi LGA
19-09-2026.

17/09/2026

لا حول ولا قوة إلا بالله

17/09/2026

SHUGABAN ƘARAMAR HUKUMAR KURFI YAYIN DA YAKE ƘADDAMAR DA MOTOCIN AMBULANCE DA GWAMNATIN JIHAR KATSINA TA SAMAR ƘARƘASHIN JAGORANCIN MALAM DIKKO UMAR RADDA.

17/09/2026

Hajiya Halima Isa ingawa, state Coordinator ta NDE Ta Ziyarci Shugaban Ƙaramar Hukumar Kurfi.

Kurfi, Jihar Katsina — 17 ga Satumba, 2026

Mai kula da Hukumar NDE ta Jihar Katsina (State Coordinator), Hajiya Halima Isa Ingawa, tare da tawagarta, ta kai ziyara ga Shugaban Ƙaramar Hukumar Kurfi, Malam Babangida Abdullahi Kurfi, a ofishinsa da ke hedikwatar Ƙaramar Hukumar Kurfi.

Ziyarar ta kasance ne domin tattauna wani sabon shirin NDE da hukumar ke shirin gudanarwa a Ƙaramar Hukumar Kurfi, wanda zai mayar da hankali wajen koyar da matasa sana’o’in dogaro da kai, ciki har da ɗinki, samar da gawayi na zamani, yin jika da kuma sana’ar kera takalma.

Shirin zai bai wa mutane 50 damar samun horo domin su samu sana’o’in dogaro da kai da za su taimaka wajen inganta rayuwarsu da kuma bunƙasa tattalin arzikin al’umma.

A yayin ziyarar, Hajiya Halima Isa Ingawa ta nuna jin daɗinta tare da yabawa Shugaban Ƙaramar Hukumar Kurfi bisa irin gudummawar da ya bayar a baya wajen tallafawa shirye-shiryen NDE, musamman horar da maza da mata a ƙaramar hukumar.

A nasa jawabin, Shugaban Ƙaramar Hukumar Kurfi, Malam Babangida Abdullahi Kurfi, ya bayyana cewa ƙaramar hukumar a shirye take ta bayar da dukkan gudummawar da ta dace domin ganin an samu nasarar shirin, tare da tabbatar da cewa al’ummar Kurfi sun amfana da wannan dama.

Ya kuma jaddada muhimmancin shirye-shiryen koyar da sana’o’i wajen samar da damar dogaro da kai ga matasa da sauran al’umma.

Ofishin Yaɗa Labarai na Shugaban Ƙaramar Hukumar Kurfi
SSA Media Office.

17/09/2026

KURFI LOCAL GOVERNMENT CHAIRMAN LAUNCHES AMBULANCE VEHICLES PROVIDED BY THE KATSINA STATE GOVERNMENT UNDER THE LEADERSHIP OF MALAM DIKKO UMAR RADDA

Kurfi, Katsina State — 17 September 2026

The Executive Chairman of Kurfi Local Government, Malam Babangida Abdullahi Kurfi, has officially launched ambulance vehicles to further strengthen healthcare services and facilitate the transportation of patients to healthcare facilities across the Local Government Area.

The Chairman carried out the commissioning in the company of the Secretary of Kurfi Local Government, Hon. Mustapha Bello Tsauri, and the Head of the Health Department of Kurfi Local Government, Muhammadu Adamu Tudawa.

The ambulances were allocated to the following healthcare facilities:

- Kurfi B – Tamawa PHC
- Rawyau B – Sabon Gari PHC
- Tsauri A – Tsauri MPHC
- Rawyau A – Rawyau MPHC
- Birchi – Birchi MPHC
- Tsauri B – Kaware MPHC
- Kurfi A – Kurfi PHC

During the commissioning, the Executive Chairman urged those entrusted with the vehicles to take proper care of them and ensure that they are used responsibly and strictly for the purpose for which they were provided.

Malam Babangida also directed that each of the ambulances be inspected, serviced, and refuelled, with their fuel tanks filled to ensure that they remain ready for emergency response and the transportation of patients to different locations within the Local Government Area.

In his remarks, the Head of the Health Department of Kurfi Local Government, Muhammadu Adamu Tudawa, commended the Katsina State Government under the leadership of Malam Dikko Umar Radda, PhD, as well as the Kurfi Local Government administration under the leadership of Malam Babangida Abdullahi Kurfi, for their continued efforts towards improving healthcare services and providing regular support to healthcare facilities.

Similarly, the Chairman of the Kurfi Hospital Friends Association, Alhaji Ibro, delivered a vote of appreciation on behalf of other members of the association. He stated that they would continue to monitor the ambulances to ensure that they are properly maintained and effectively utilised for the benefit of the people.

Office of the Media and Publicity to the Executive Chairman of Kurfi Local Government
17 September 2026.

17/09/2026

SHUGABAN ƘARAMAR HUKUMAR KURFI YA ƘADDAMAR DA MOTOCIN AMBULANCE DA GWAMNATIN JIHAR KATSINA TA SAMAR ƘARƘASHIN JAGORANCIN MALAM DIKKO UMAR RADDA.

Kurfi, Jihar Katsina — 17 ga Satumba, 2026

Shugaban Ƙaramar Hukumar Kurfi, Malam Babangida Abdullahi Kurfi, ya ƙaddamar da motocin ɗaukar marasa lafiya (Ambulance Vehicles) domin ƙara inganta harkokin lafiya da sauƙaƙa jigilar majinyata zuwa cibiyoyin lafiya a faɗin ƙaramar hukumar.

Shugaban ya gudanar da ƙaddamarwar ne tare da rakiyar Sakatare na Ƙaramar Hukumar Kurfi, Hon. Mustapha Bello Tsauri, da Shugaban Sashen Lafiya na Ƙaramar Hukumar Kurfi, Muhammadu Adamu Tudawa.

An raba motocin zuwa cibiyoyin lafiya kamar haka:

- Kurfi B – Tamawa PHC
- Rawyau B – PHC Sabon Gari
- Tsauri A – MPHC Tsauri
- Rawyau A – MPHC Rawyau
- Birchi – MPHC Birchi
- Tsauri B – MPHC Kaware
- Kurfi A – PHC Kurfi

A yayin ƙaddamarwar, Shugaban Ƙaramar Hukumar ya yi kira ga waɗanda aka damƙa wa motocin da su kula da su yadda ya kamata, tare da amfani da su bisa amana da manufar da aka samar da su.

Malam Babangida ya kuma bayar da umarnin a duba kowace daga cikin motocin tare da yi mata juyin bakin mai, sannan a cika tankunan motocin da fetur domin su kasance cikin shirin kai ɗauki da jigilar majinyata zuwa sassa daban-daban na ƙaramar hukumar.

A nasa jawabin, Shugaban Sashen Lafiya na Ƙaramar Hukumar Kurfi, Muhammadu Adamu Tudawa, ya yabawa Gwamnatin Jihar Katsina ƙarƙashin jagorancin Malam Dikko Umar Radda, PhD, da kuma Gwamnatin Ƙaramar Hukumar Kurfi ƙarƙashin jagorancin Malam Babangida Abdullahi Kurfi, bisa irin ƙoƙarin da suke yi wajen inganta harkokin lafiya da kuma tallafa wa cibiyoyin lafiya lokaci zuwa lokaci.

Haka kuma, Shugaban Ƙungiyar Abokan Asibiti ta Kurfi (Hospital Friends), Alhaji Ibro, ya gabatar da jawabin godiya a madadin sauran mambobin ƙungiyar. Ya bayyana cewa za su ci gaba da sa ido kan motocin domin tabbatar da ana kula da su yadda ya kamata tare da amfani da su wajen taimaka wa al’umma.

Ofishin Yaɗa Labarai na Shugaban Ƙaramar Hukumar Kurfi
17 ga Satumba, 2026

17/09/2026

ƘARAMAR HUKUMAR KURFI

Ƙarƙashin Jagorancin Mai Girma Hon. Babangida Abdullahi Kurfi

MANYAN AYYUKA DA GUDUNMAWAR SHUGABAN ƘARAMAR HUKUMAR KURFI

1. FANNIN KIWO DA LAFIYA

- Samar da kayan haihuwa kyauta ga cibiyoyin lafiya daban-daban.
- Gyare-gyare tare da sabunta MPHC Kaware zuwa CHC Kaware.
- Cikakken gyara da inganta CHC Kurfi.
- Daukar ma’aikacin wucin gadi a Asibitin Wurma.
- Ware fili domin gina sabuwar cibiyar lafiya a Sabon Gari, Rawayau B.
- Taimakawa ma’aikatan lafiya da ƙungiyoyin NGO wajen samun damar guraben aiki.

2. ADDINI DA JIN ƘAI

- Raba likkafani da sauran kayan jana’iza ga al’umma kyauta, fisabilillahi.
- Gyaran Masallacin Juma’a na ’Yan Darika da ke Wurma, tare da gina wuraren tsafta.
- Gina sabon Masallacin Juma’a a ’Yar Rumfar Koza, Gundumar Birchi.

3. TSARO

- Gyaran motar JTF tare da sanya sabon injin.
- Gyaran motar kashe gobara.
- Samar da sabuwar motar Hilux domin jami’an tsaro.
- Samar da kayan aiki da tallafi ga jami’an tsaro a duk lokacin da buƙata ta taso.

4. MULKI DA OFISOSHIN GWAMNATI

- Gyaran ofisoshin Daraktoci a Sakatariya.
- Gina wurin ajiye taraktoci da kayan aikin gyara da kulawa.
- Gina rijiyar burtsatse domin amfanin ma’aikata.
- Gina wuraren bandaki a sassan Ayyuka, Noma, da Ruwa da Tsaftar Muhalli.
- Gina bandaki na musamman ga mata a Sakatariya.

5. ILIMI DA CI GABAN MATASA

- Daukar malamin wucin gadi a Dan Amarya, Kurfi B.
- Biyan diyya kan filayen noma da aka yi amfani da su wajen gina makarantu a Kurfi, Mankara da Huta.
- Ba da gudunmawar ₦250,000 domin gasar ƙwaƙwalwa ga ɗaliban makarantun firamare.
- Horas da mata 100 kan sana’o’in ɗinki, ƙera jaka da kwalliya.
- Ba da gudunmawar ₦100,000 ga ƙungiyar ɗalibai da ke tallafawa masu buƙata.

6. FANNIN NOMA

- Raba takin zamani, injinan feshi, magungunan kashe ƙwari, ingantattun iri da sauran kayan aikin noma.
- Samar da taraktoci guda biyu domin rage wa manoma wahalar noma.

7. RUWA DA ABABEN MORE RAYUWA

- Gyaran famfunan ruwa guda 300 — guda 30 a kowace gunduma daga cikin gundumomi 10.
- Gina kwarurruka da sauran ababen more rayuwa na ruwa a hanyoyin:
- Tsauri → Bakiyawa
- ’Yar Budu → Kudewa
- Birchi → Wurma
- Kurfi A → Rawayau B
- Faɗaɗa Dam ɗin Wanzamai da ke Rawayau B.
- Gyara da farfaɗo da ababen more rayuwa na ruwa a Kurfi A da sauran sassan ƙaramar hukumar.

8. JIN ƘAI DA CI GABAN AL’UMMA

- Samar da ayyukan wucin gadi ga masu kula da makabartu a Kurfi da Tsauri A.
- Gina kwarurruka guda biyu a Rawayau.
- Gyaran Babban Masallacin Koza.
- Gyaran kwarurrukan Fadamawa.
- Gyaran famfunan ruwa a Maimani da Makarantar Almajirai.
- Gyaran Dam ɗin Wurma.
- Gina rijiyar burtsatse mai amfani da hasken rana a Lambo.
- Gina rijiyar burtsatse mai amfani da hasken rana a Wurma.
- Samar da sabon transfoma a ’Yan Unguwa, Yakin Rawayau B.
- Gyaran motar Sakataren Ilimi kan kuɗi har ₦700,000.
- Biyan kuɗaɗen wutar lantarki a madadin mazauna Ƙaramar Hukumar Kurfi da wasu al’ummomin da ke kewaye.
- Gina hanyar Kofa (Kohwa) mai tsawon kilomita 1.5, tare da kwarurruka da magudanan ruwa.
- Gina hanyar ’Yar Marke Feeder Road.

SHIRIN ƘARFAFA HARKOKIN SANA’O’I NA 2025

Wanda Mai Girma Hon. Babangida Abdullahi Kurfi ya bayar

Jerin Kayan Tallafi da Adadin Masu Amfana

- Motocin Peugeot 206 – guda 10 ga Kansiloli.
- Na’urorin gano cututtuka – guda 2 ga Babban Asibitin Kurfi da CHC Kurfi.
- Babura – guda 100 ga Kansilolin Kula da Sassa, ma’aikatan L.E.A., ma’aikatan ƙaramar hukuma, Magaddai, masu rajistar E-Birth, shugabannin APC da matasa.
- Kekuna – guda 1,000 ga ’Yan Tara-Tara daga rumfunan zaɓe 140 da ma’aikatan ƙaramar hukuma.
- Injinan ƙera taliya – guda 1,000, tare da buhunan fulawa mai nauyin 50kg guda 1,000, domin mata 1,000, ciki har da ’Yan Tara-Tara 140 da sauran mata.
- Injinan ɗinki – guda 250 ga Shugabannin Mata na Gundumomi, iyaye mata da matasa domin ƙarfafa sana’o’insu da ƙwarewarsu.
- Kartunan Indomie – guda 1,000, da tiren ƙwai – guda 1,000, domin masu sana’ar shayi a faɗin Ƙaramar Hukumar Kurfi.
- Buhunan kayan tallafi tare da tallafin kuɗi na ₦10,000 ga kowane mai amfana – guda 350.

JIMILLAR ADADIN MASU AMFANA:

3,445

Ofishin SSA Media
Zuwa ga Mai Girma Shugaban Ƙaramar Hukumar Kurfi

16/09/2026