https://www.facebook.com/105583234670950/

Yadav digital media, Janakpur (2026)

29/04/2024

के तपाईं ब्यबसाय गर्न चाहनुहुन्छ भने हामीलाई सम्झनुहाेस

27/01/2021

निशुलक तालिम सम्बन्धि सुचना।

10/12/2020

लोक सेवा अायाेग को सुचना

10/12/2020

भ्रम र सम्बन्ध

एउटा सुन व्यापारीको मृत्यु पछि उसको परिवारमा खानबस्नकै समस्या परेछ । एक दिन खाने कुरा केही नहुँदा त्यो सुन व्यापारीकी श्रीमतीले आफ्नो छोरालाई (नीलम) नीलमणीको हार दिंदै भनिछन् - 'छोरा, तिमीले यो हार काकाको पसलमा लैजाऊ र यसलाई बेच्न लगाऊ अनि केही रूपैयाँ लिएर आऊ ।
छोराले त्यो हार लिएर काकाको पसलमा गएछ।काकाले त्यो हार राम्ररी हेरेछन् र भनेछन् - छोरा, तिमी गएर आमालाई भन कि अहिले बजारमा एकदमै मन्दी छ। यसलाई केही समय कुरेर बेच्ने हो भने अलि राम्रो मूल्य पाइने छ। यति भन्दै काकाले उसलाई थोरै पैसा दिएछन् र भनेछन् - बाबु भोलिदेखि तिमी आएर यो पसलमा काम गर !
अर्को दिनदेखि ऊ हरेक दिन काकाको पसलमा हिरा आदि रत्नहरूको परीक्षण गर्ने काम सिक्न थालेछ ।
विस्तारै ऊ रत्नहरुको ठूलो पारखी भएछ । टाढा टाढादेखि रत्नहरूको परीक्षण गराउनका लागि मान्छेहरु उसकहाँ आउन थालेछन् ।
एक दिन उसलाई काकाले भनेछन् - छोरा आमालाई भनेर त्यो हार बेच । अहिले बजार भाउ एकदमै बढेको छ । अब त्यसको राम्रो मूल्य पाइन्छ।
आमाको त्यो हार जाँच्दा त नक्कली परेछ । उसले हार घरमै छोडेर काकालाई त्यो हार नक्कली भएको बताएछ।
त्यसपछि काकाले भनेछन् - 'तिमीले पहिलो चोटि त्यो हार ल्याउँदा नै मैले नक्कली भन्ने चिनेको थिएँ । त्यतिबेला नक्कली भनेको भए तिमीले आज हाम्रो समय खराब छ त्यसैले काकाले हाम्रो सामानलाई पनि नक्कली भन्न थाले भन्ने सोच्छौ कि भनेर मैले भनिन बरु तिमीलाई नक्कली सक्कली छुट्याउने सीप दिने विचार गरें । त्यसमा तिमी धेरै सीपालु भयौ र आज तिमीलाई स्वयं ज्ञान भयो र तिमीले जान्यौ कि हार साँच्चै नै नक्कली रहेछ जसले गर्दा हाम्रो सम्बन्ध बिग्रिन पाएन ।
सच्चाइ यो हो कि ज्ञान बिना हामीले यस संसारमा जे सोच्छौं, देख्छौं र जान्दछौं प्राय सबै गलत हुन सक्छन् र त्यसबाट उत्पन्न भ्रमहरुद्वारा हाम्रा सम्बन्धहरू बिग्रन्छन्।