09/02/2026
नबुझेको कुरो
सिंहदरबार जल्दा मेयर मात्रै दोषी, बच्चा मर्दा सत्ता निर्दोष?
करिब ३०० मिटर पर आगो बलिरहँदा एउटा प्रश्न गुञ्जियो दमकल किन गएन?
तर त्यो प्रश्न यति ठूलो स्वरमा सोधियो
मानौँ, काठमाडौं महानगरपालिकामा एउटा मात्रै पद छ मेयर।
मानौँ, उपमेयर छैनन्।मानौँ, ३२ वटा वडा छैनन्।मानौँ, वडाध्यक्ष छैनन्।मानौँ, कार्यपालिका छैन, बहुमत छैन,
माहानगर को सबै सत्ता, सबै चाबी, सबै आदेश एकै जनाको खल्तीमा मात्र थियाे त?
यदि साँच्चै त्यस्तो हो भने प्रश्न मेयरलाई मात्रै होइन, उपमेयरले के हेरेर बस्नुभयो? अनि वडा अध्यक्ष र कार्यपालिका सदस्यहरु
कार्यपालिकामा बहुमत भएका वडाध्यक्षहरू कुन ध्यानमा मग्न हुनुहुन्थ्यो?
कार्यपालिका सदस्यहरू कुन जिम्मेवारीबाट भागिरहनुभएको थियो?
कि उनीहरू सबै लोकतन्त्रको सौन्दर्य हेर्दै थिएसिंहदरबार जलिरहेको,र जिम्मेवारी धुवाँजस्तै उडिरहेको।
अचम्म लाग्छ एउटा नगर प्रमुखले दमकल नपठाएको आरोप लाग्दा देशभर हल्ला,
तर कार्यपालिकामा बहुमत रहेको पुराना दलका प्रतिनिधिहरू मौन।किनकि प्रश्न सोध्नेहरू नै उनीहरू हुन्,
र मौन बस्नेहरू पनि उनीहरू नै।यो प्रश्न आगो निभाएन भन्ने मात्रै होइन।यो प्रश्न जिम्मेवारीको नाटक हो। सिंहदरबार बालेको निजि सम्पति थिएन त्यसको संरक्षण गर्नु सबैको दायित्व हो।
जब जित्दा सबैको जित हुन्छ,तर संकट पर्दा ऊ एक्लै दोषी ।नगर प्रमुख र नैतिकताको आधारमा जिम्मा लिनुपर्छ ।
अघिल्लो दिन बालबच्चा मारिँदा तत्कालीन सत्ता प्रमुखले जिम्मा लिनुपर्थेन?
त्यो बेला किन संयन्त्र, परिस्थिति, जटिलता सम्झाइयो?
आज किन सबै जटिलता हराएर एउटै नाममा दोष थोपर्ने सरल राजनीति?
सिंहदरबार जल्दा दोष मेयरको,
बालबालिका मारिदा दोष कसैको होइन।यो नै हाम्रो तितो यथार्थ । जहाँ आगो निभाउन नसक्नेहरू नै प्रश्न सोध्छन्,
र प्रश्न सोध्नेहरू नै आगो बाल्छन्।यदि सिंहदरबार जलाउने मेयर सजायको भागिदार हुन् भने,त्यो आगो टुलुटुलु हेरेर बस्ने
उपमेयर, वडाध्यक्ष,बहुमत कार्यपालिका सदस्यहरु
सबै सजायको भागीदार हुन कि होइनन् । तर यहाँ अपराध खोजिँदैन,
यहाँ बलिको बोका खोजिन्छ। भ्रष्टाचारी र हतियारा जोगाउन को लागि लाजनिती हुन्छ।जबसम्म प्रश्न सबैलाई बराबरी सोधिँदैन,त्यतिन्जेल सिंहदरबार मात्रै होइन,
जिम्मेवारी, नैतिकता र सत्य सबै जलेर खरानी हुँदै जान्छ।
बात करताहै
