Mero Share official

28/01/2023

09/06/2022

दोर्दी खोला जलविद्युतको आइपीओमा आवेदन दिनुअघि हेर्नुहोस् कस्तो छ कम्पनी



दोर्दी खोला जलविद्युत कम्पनीको जेठ २६ गते बिहीबारबाट सर्वसाधारणका लागि आइपीओ बिक्री खु्ला भएको छ । कम्पनीले २१ करोड ९५ लाख ५० हजार ९ सय रुपैयाँ बराबरको आइपीओ जारी गरेको हो । यसले प्रतिकित्ता १०० अंकित मूल्यका दरले २१ लाख ९५ हजार ५०९ कित्ता साधारण सेयर बिक्री गर्नेछ । यो मध्ये ५% अर्थात् १ लाख ९ हजार ७७५ कित्ता सामूहिक लगानी कोष र ३% अर्थात् ६५ हजार ८६५ कित्ता सेयर कर्मचारीहरुका लागि छुट्याइएको छ ।

बाँकी २० लाख १९ हजार ८६९ कित्ताका लागि सर्वसाधारणले आवेदन दिन सक्नेछन् । यसमा जेठ ३१ गतेसम्म आवेदन दिन सकिनेछ । त्यस अवधिमा सबै सेयर बिक्री नभएमा असार ९ गतेसम्म आवेदन दिन सक्ने कम्पनीको भनाई छ । लगानीकर्ताले यसमा न्यूनतम १० कित्तादेखि अधिकतम १७ लाख कित्ताका लागि आवेदन दिन सक्नेछन् । सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् । यो आइपीओमा सिद्धार्थ क्यापिटल बिक्री प्रबन्धक रहेको छ ।

रेटिङ

रेटिङ एजेन्सी कियर नेपालले दोर्दी खोला जलविद्युतको आइपीओलाई ‘कियर एनपी आइआर डबल बी माइनस’ प्रदान गरेको छ । जसले कम्पनीको दायित्व बहन गर्ने क्षमतामा औसत जोखिम रहेको जनाउँछ । केयरले २०७८ फागुन २२ गते उक्त रेटिङ दिएको थियो । यो रेटिङको म्याद २०७९ पुस १४ फागुन २१ गतेसम्म बहाल रहन्छ ।


कति कित्ताका लागि दिने आवेदन ?

दोर्दी खोला जलविद्युतको आइपीओ पाउन लगानीकर्ताले भाग्यमै भर पर्नुपर्ने देखिएको छ । कम्पनीले सर्वसाधारणका लागि २० लाख १९ हजार ८६९ कित्ता मात्र सेयर निष्कासन गरेकाले माग भन्दा निकै धेरै आवेदन पर्ने अनुमान गर्न सकिन्छ । पछिल्लो समय आइपीओमा आवेदन दिने लगानीकर्ताको संख्यामा पनि उल्लेख्य वृद्धि भएको छ । विगतलाई आधार मान्दा आवेदन दिएका सबैलाई आइपीओ पर्ने सम्भावना कम देखिन्छ ।

दोर्दी खोलाको आइपीओ न्यूनतम १० कित्ताका दरले बाँडफाँट गर्दा २ लाख १ हजार ९ सय जनाले मात्र सेयर हात पार्नेछन् । यस आधारमा हेर्ने हो भने दोर्दी खोलाको आइपीओमा पनि १० कित्ताका लागि आवेदन दिँदा पर्याप्त हुने देखिन्छ । यद्दपि, कम्पनीले न्यूनतम १० कित्तादेखि अधिकतम १७ लाख कित्ताका कित्तासम्म आवेदन दिन पाउने व्यवस्था गरेको छ ।

कम्पनी सम्बन्धी जानकारी

दोर्दी खोला जलविद्युत कम्पनी लिमिटेड, कम्पनी ऐन, २०६३ अन्तर्गत स्थापित भएको कम्पनी हो । यो कम्पनी २०६६ साल फागुन १४ गते कम्पनी रजिष्ट्रारको कार्यालयमा पब्लिक लिमिटेड कम्पनीको रुपमा दर्ता भएको हो । यसको रजिष्ट्रर्ड कार्यालय काठमाडौं महानगरपालिका, वडा. नं ११, त्रिपुरेश्वरमाा रहेको छ ।
आवश्यकता अनुसार सम्बन्धित निकायबाट स्वीकृति लिएर अन्य ठाउँमा पनि शाखा विस्तार गर्न सकिने कम्पनीले जनाएको छ । कम्पनीको जलविद्युत उत्पादन केन्द्र लम्जुङ जिल्लास्थित दोर्दी गाउँपालिकामा रहेको छ ।

कम्पनीले लम्जुङको दोर्दी खोलाको पानी प्रयोग गरी १२ मेगावाट क्षमताको दोर्दी १ जलविद्युत आयोजना निर्माण गरिरहेको छ । कम्पनीले विद्युत उत्पादन गर्ने अनुमति २०६९ माघ १२ गते प्राप्त गरेको थियो । र, यो अनुमतिपत्र विसं २१०४ माघ ११ गतेसम्म बाहल रहने कम्पनीले जनाएको छ । यस आयोजनाको कुल अनुमानित लागत २ अर्ब ६९ करोड ४४ लाख ३ हजार रुपैयाँ रहेको छ । यसको प्रतिमेगावाट लागत भने २२ करोड ४५ लाख ३३ हजार रुपैयाँ छ ।

पुँजी संरचना र वित्तीय प्रक्षेपण


दोर्दी खोला जलविद्युतको अधिकृत पुँजी २ अर्ब रुपैयाँ रहेको छ । यस्तै, जारी पुँजी १ अर्ब ५ करोड ४२ लाख ६० हजार रुपैयाँ रहेको छ । यसमध्ये संस्थापक सेयरधनीबाट ७५ करोड ९० लाख ६७ हजार रुपैयाँ चुक्ता भइसकेको छ । आयोजना प्रभावित स्थानीयलाई बिक्री गरेको १० करोड ५४ लाख २६ कित्ता सेयर बाँडफाँट गरिसकेको छ ।

उक्त सेयर र हाल सर्वसाधारणका लागि जारी हुन लागेको सबै सेयर पुँजीकृत भएपछि चुक्ता पुँजी जारी पुँजीको बराबर अर्थात १ अर्ब ५ करोड ४२ लाख रुपैयाँ पुग्नेछ । कम्पनीमा संस्थापक सेयरधनीको हिस्सा ७२%, आयोजना प्रभावित स्थानीयको १०%, सर्वसाधारण तथा कर्मचारीको १८% कायम हुनेछ । कम्पनीले आर्थिक वर्ष २०८०–८१ सम्म पुँजी बढाउने कुनै योजना बनाएको छैन ।

उक्त आवसम्म आइपीओ बिक्रीपछि कायम हुने १ अर्ब ५ करोड ४२ लाख रुपैयाँ नै यथावत रहनेछ । चालु आर्थिक वर्षको अन्त्यसम्म ५ करोड २० लाख ६४ हजार रुपैयाँ नोक्सानमा हुने वित्तीय प्रक्षेपणमा उल्लेख गरेको छ । यस्तै, चालु आर्थिक वर्षमा प्रतिसेयर आम्दानी ४ रुपैयाँ ७७ पैसा हुने र प्रतिसेयर नेटवर्थ १०५ रुपैयाँ २७ पैसा पुग्नेछ । आर्थिक वर्ष २०७९–८० सम्ममा प्रतिसेयर आम्दानी ५ रुपैयाँ ७५ पैसा पुग्नेछ । प्रतिसेयर नेटवर्थ १११ रुपैयाँ ०२ पैसा हुने प्रक्षेपण छ ।

व्यवस्थापन तथा आधारभूत सेयरधनीहरु

दोर्दी खोला जलविद्युत कम्पनीमा सबैभन्दा धेरै सेयर स्वामित्व राधी विद्युत कम्पनीको रहेको छ । राधीले १६ लाख ४४ हजार ८८८ कित्ता सेयरमा लगानी गरेको छ । यस्तै, राष्ट्रिय प्रजातन्त्र पार्टीका पूर्वअध्यक्ष पशुपति शमशेर ज.ब.रा. ले पनि १ लाख कित्ता सेयर स्वामित्व लिएका छन् । दोर्दी खोलामा दिपेन्द्र लाल कर्णले वरिष्ठ प्रबन्धकको जिम्मेवारी सम्हालेका छन् ।

16/02/2022

राष्ट्र उत्थानको आइपीओमा पहिलो दिनमै ७ लाख २८ हजार जनाको आवेदन

राष्ट्र उत्थान लघुवित्तको आइपीओ पहिलो दिनमै ७ लाख २८ हजार १९३ जना सर्वसाधारणले आवेदन दिएका छन् । बुधबार (फागुन ४ गते) साँझ ५ः५६ बजेसम्म कुल ८६ लाख ८६ हजार ४९० कित्ताका लागि आवेदन परेको हो । लघुवित्तले कुल ८ करोड ५० लाख रुपैयाँ बराबरको आइपीओ जारी गरेको हो । प्रतिकित्ता १ सय रुपैयाँ अंकित मूल्यमा राष्ट्र उत्थानले ८ लाख ५० हजार कित्ता आइपीओ जारी गरेको छ ।

यसमध्ये ४२ हजार ५ सय कित्ता सेयर आर्थात् ५% सेयर सामूहिक लगानी कोष र १३ हजार कित्ता अर्थात् ०.५% कर्मचारीहरुका लागि छुट्याइएको छ । सर्वसाधारणले बाँकी ७ लाख ९४ हजार ५ सय कित्ताका लागि आवेदन दिन सक्नेछन् । लगानीकर्ताले यसमा फागुन ८ गतेसम्म आवेदन दिन सक्नेछन् । यसमा न्यूनतम १० कित्तादेखि अधिकतममा १ हजार कित्ता सम्मका लागि आवेदन दिन पाइनेछ ।

यसमा बिक्री प्रबन्धकको काम एनआइबिएल एस क्यापिटलले गरेको छ । रेटिङ एजेन्सी इक्रा नेपालले राष्ट्र उत्थान लघुवित्तलाई समयमै वित्तीय दायित्व पूरा गर्ने सम्बन्धमा मध्यम जोखिम जनाउने डबल बी रेटिङ दिएको छ । लगानीकर्ताले नेपाल धितोपत्र बोर्डबाट सी–आस्वा अनुमति प्राप्त बैंक तथा वित्तीय संस्था र तिनका शाखा कार्यालयबाट आवेदन दिन सक्नेछन् । साथै, मेरो सेयर मार्फत पनि आवेदन दिन सक्नेछन् ।

01/10/2021

न्यादी हाइड्रोपावरको आइपीओ : कस्तो छ कम्पनीको अवस्था ?
Q
न्यादी हाइड्रोपावरले शुक्रबार असोज १५ गतेदेखि सर्वसाधारणका लागि आइपीओ निष्कासन गरेको छ । कम्पनीले २२ करोड ५० लाख रुपैयाँ बराबरको २२ लाख ५० हजार कित्ता साधारण सेयर बिक्री खुला गरेको हो । यसमध्ये ५% अर्थात् १ लाख १२ हजार ५ सय कित्ता सामूहिक लगानी कोष र २% अर्थात् ४५ हजार कित्ता सेयर कर्मचारीहरुका लागि छुट्याइएको छ । बाँकी २० लाख ९२ हजार ५०० कित्ताका लागि सर्वसाधारणले आवेदन दिन सक्नेछन् ।

यसमा असोज १९ गतेसम्म आवेदन दिन सकिनेछ । सो अवधिमा सबै सेयर बिक्री नभएमा भने असोज ३१ गतेसम्म खुला रहने कम्पनीले जनाएको छ । लगानीकर्ताले यसमा न्यूनतम १० कित्तादेखि अधिकतम ५० हजार कित्ताका लागि आवेदन दिन सक्नेछन् । यसमा ग्लोबल आइएमई क्यापिटलले बिक्री प्रबन्धकको काम गरेको छ । लगानीकर्ताले सि–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न सक्नेछन् ।



रेटिङ


रेटिङ एजेन्सी केयर रेटिङ्ग नेपालले न्यादीको आइपीओलाई औसत आधार जनाउने ‘केयर एनपी आइआर डबल बी’ रेटिङ दिएको छ । केयरले सन् २०७७ असोज २३ गते उक्त रेटिङ दिएको थियो । यो रेटिङको म्याद यही असोज २२ गते सकिँदैछ ।



कति कित्ताका लागि दिने आवेदन ?



न्यादी हाइड्रोपावरको आइपीओ पाउन लगानीकर्ताले भाग्यमै भर पर्नुपर्ने देखिएको छ । कम्पनीले सर्वसाधारणका लागि २० लाख ९२ हजार ५०० कित्ता मात्र सेयर निष्कासन गरेकाले माग भन्दा निकै धेरै आवेदन पर्ने अनुमान गर्न सकिन्छ । पछिल्लो समय आइपीओमा आवेदन दिने लगानीकर्ताको संख्यामा पनि उल्लेख्य वृद्धि भएको छ । पछिल्लो पटक प्रत्येक आइपीओमा २४ लाख भन्दा बढी लगानीकर्ताले आवेदन दिन थालेका छन् ।



न्यादीको आइपीओ न्यूनतम १० कित्ताका दरले बाँडफाँट गर्दा २ लाख ९ हजार २५० जनाले मात्र सेयर हात पार्नेछन् । यस आधारमा हेर्ने हो भने न्यादीको आइपीओमा पनि १० कित्ताका लागि आवेदन दिँदा पर्याप्त हुने देखिन्छ । यद्दपि, कम्पनीले न्यूनतम १० कित्तादेखि अधिकतम ५० हजार कित्तासम्म आवेदन दिन पाउने व्यवस्था गरेको छ ।



आयोजना सम्बन्धी विवरण



न्यादी हाइड्रोपावर लिमिटेड कम्पनी ऐन, २०६३ अन्तर्गत मिति २०६३ फागुन १७ गते कम्पनी रजिष्ट्रारको कार्यालयमा पब्लिक लिमिटेड कम्पनीको रुपमा दर्ता भएको थियो । न्यादी जलविद्युत आयोजना निर्माण तथा सञ्चालन गर्ने र अन्य विद्युत उत्पादन आयोजनामा लगानी गर्ने उद्देश्यका स्थापना भएको यस कम्पनीले २०६४ फागुन २६ गतेदेखि कारोबार सञ्चालन गर्दै आएको छ ।

यसको रजिष्टर्ड कार्यालय गंगादेवी मार्ग–३१३, बुद्धनगर, काठमाण्डौंमा रहेको छ । कम्पनीको जलविद्युत उत्पादन केन्द्र लमजुङ जिल्लास्थित मस्र्याङदी गाउँपालिका वडा नं ६ र ७ मा रहेको छ । कम्पनीले लमजुङको न्यादी खोला तथा सिउरी खोलाको पानी प्रयोग गरी ३० मेगावाट क्षमताको न्यादी जलविद्युत आयोजना निर्माण गरिरहेको छ ।

कम्पनीले विद्युत उत्पादन गर्ने अनुमति २०६९ फागुन ३ गते प्राप्त गरेको थियो । र, यो अनुमतिपत्र विसं २१०४ फागुन २ गतेसम्म बाहल रहने कम्पनीले जनाएको छ । यस आयोजनाको कुल अनुमानित लागत ६ अर्ब ११ करोड ७७ लाख ५५ हजार रुपैयाँ रहेको छ । यसको प्रतिमेगावाट लागत भने २० करोड ३९ लाख २५ हजार रुपैयाँ छ ।





पुँजी संरचना र वित्तीय प्रक्षेपण



न्यादी हाइड्रोपावरको अधिकृत पुँजी १ अर्ब ५० करोड रुपैयाँ रहेको छ । यस्तै, जारी पुँजी पनि १ अर्ब ५० करोड रुपैयाँ नै रहेको छ । यसमध्ये संस्थापक सेयरधनीबाट १ अर्ब ९ करोड ५० लाख रुपैयाँ चुक्ता भइसकेको छ । आयोजना प्रभावित स्थानीयलाई बिक्री गरेको १५ लाख कित्ता र संस्थापक सेयरधनी कम्पनीका कर्मचारीका लागि बिक्री भएको ३ लाख कित्ता सेयर पनि असोज ६ गते बाँडफाँट गरिसकेको छ ।

उक्त सेयर र हाल सर्वसाधारणका लागि जारी हुन लागेको सबै सेयर पुँजीकृत भएपछि चुक्ता पुँजी जारी पुँजीको बराबर अर्थात १ अर्ब ५० करोड रुपैयाँ पुग्नेछ । कम्पनीमा संस्थापक सेयरधनीको हिस्सा ७३%, आयोजना प्रभावित स्थानीयको १०%, संस्थापक सेयरधनी संस्थाका कर्मचारीको २% र सर्वसाधारणको १५% कायम हुनेछ ।

कम्पनीले आर्थिक वर्ष २०८०–८१ सम्म पुँजी बढाउने कुनै योजना बनाएको छैन । उक्त आवसम्म आइपीओ बिक्रीपछि कायम हुने १ अर्ब ५० करोड रुपैयाँ पुँजी नै यथावत रहनेछ । चालु आर्थिक वर्षको अन्त्यसम्म २ करोड ९३ लाख ३९ हजार रुपैयाँ खुद नाफा गर्ने वित्तीय प्रक्षेपणमा उल्लेख गरेको छ ।



आर्थिक वर्ष २०७९–८० मा २० करोड ३८ लाख ५८ हजार रुपैयाँ खुद नाफा गर्ने प्रक्षेपण गरिएको छ । यस्तै, चालु आर्थिक वर्षमा प्रतिसेयर आम्दानी १ रुपैयाँ ९६ पैसा र प्रतिसेयर नेटवर्थ ९६ रुपैयाँ १० पैसा पुग्नेछ । आर्थिक वर्ष २०७९–८० सम्ममा प्रतिसेयर आम्दानी १३ रुपैयाँ ७२ पैसा पुग्नेछ । प्रतिसेयर नेटवर्थ १०९ रुपैयाँ ८३ पैसा हुने प्रक्षेपण छ ।





व्यवस्थापन तथा आधारभूत सेयरधनीहरु



न्यादीको प्रमुख कार्यकारी अधिकृत (सीइओ) को रुपमा उत्तम अमात्यले जिम्मेवारी सम्हालेका छन् । वाटर रिसोर्स इन्जिनियरिङमा स्नातकोत्तर र सिभिल इन्जिनियरिङमा स्नातक गरेका अमात्यसँग ३१ वर्षसम्म नेपाल विद्युत प्राधिकरणमा कार्य गरेको अनुभव रहेको कम्पनीले जनाएको छ ।

न्यादीका संस्थापक सेयरधनीहरु बुटवल पावर कम्पनी र लमजुङ विद्युत विकास कम्पनी हुन् । बुटवल पावरको १ करोड ७ लाख ५१ हजार ५४३ कित्ता र लमजुङ विद्युतको १ लाख ९८ हजार ५४७ कित्ता सेयर स्वामित्व रहेको





22/09/2021

साहस उर्जाको आइपीओ बिक्री खुला
Ipo alert
साहस उर्जाले आज असोज ६ गते बुधबारदेखि सर्वसाधारणका लागि आइपीओ बिक्री खुला गरेको छ । कम्पनीले कुल ७० लाख कित्ता आइपीओ निष्कासन गरेको हो । जसमध्ये ५% (३ लाख ५० हजार कित्ता) म्युचुअल फन्ड र ३% (२ लाख १० हजार कित्ता) कम्पनीका कर्मचारीलाई छुट्याइएको छ । बाँकी ६४ लाख ४० हजार कित्तामा सर्वसाधारणले आवेदन दिन सक्नेछन् ।

न्यूनतम १० कित्तादेखि अधिकतम १० लाख ५० हजार कित्तासम्म आवेदन दिन पाउने व्यवस्था छ । प्रतिकित्ता १०० रुपैयाँमा आवेदन दिन सकिन्छ । साहजको आइपीओ असोज १० गतेसम्म भर्न सकिन्छ । उक्त अवधिमा सबै आइपीओ बिक्री नभएमा भने असोज २० गतेसम्म खुला रहनेछ । लगानीकर्ताले सि–आस्वा सदस्यता प्राप्त बैंक तथा वित्तीय संस्था तथा मेरो सेयरमार्फत अनलाइनबाट सेयर भर्न सक्नेछन् ।

यसमा बिक्री प्रबन्धकको काम एनआइबीएल एस क्यापिटलले गरेको छ । इक्रा नेपालले साहस उर्जालाई समयमै वित्तीय दायित्व पूरा गर्ने सम्बन्धमा मध्यम जोखिम जनाउने डबल बी माइनस रेटिङ दिएको छ । साहसले हाल सोलुखुम्बु जिल्लामा ८६ मेगावट क्षमताको जलविद्युत आयोजना निर्माण गरिरहेको छ । जसको प्रतिमेगावाट लागत १३ करोड ७९ लाख ७ हजार रुपैयाँ रहेको छ । सर्वसाधारणलाई आइपीओ बिक्रीपछि यसको कुल सेयर पुँजी ३ अर्ब ५० करोड रुपैयाँ पुग्नेछ ।

10/09/2021

तेह्रथुम पावरको आइपीओ बाँडफाँट, रिजल्ट यसरी हेर्नुहोस्
Good luck
https://iporesult.cdsc.com.np
तेह्रथुम पावर कम्पनीको आइपीओ शुक्रबार बाँडफाँट भएको छ । बिक्री प्रबन्धक एनआइबीएल एस क्यापिटलको आफ्नै कार्यालयमा आइपीओ बाँडफाँट भएको हो । यसमा गोलाप्रथामार्फत कुल ७४ हजार ४०० जना सर्वसाधारणले १० कित्ताका दरले सेयर हात पारेका छन् । तेह्रथुमको आइपीओमा कुल २३ लाख ५५ हजार ४४७ जनाले आवेदन दिएकामा ८ हजार ८२० जनाको आवेदन रद्द भएको छ ।

रितपूर्वक आवेदन दिएका २३ लाख ४६ हजार ६२७ जनालाई गोलाप्रथामा सहभागी गराइएको थियो । तेह्रथुम पावरले भदौ ९ गतेदेखि १३ गतेसम्म कुल ८ लाख कित्ता आइपीओ निष्कासन गरेको थियो । जसमध्ये ५% (४० हजार कित्ता) म्युचुअल फन्डलाई र २% (१६ हजार कित्ता) सेयर कर्मचारीलाई छुट्याएर बाँकी ७ लाख ४४ हजार कित्ता सर्वसाधारणलाई बिक्री गरिएको थियो ।

लगानीकर्ताले बिक्री प्रबन्धक एन्आइबीएल एस क्यापिटलको वेबसाइट र मेरोसेयर एकाउन्टबाट आइपीओको नतिजा हेर्न सक्नेछन् । साथै, सीडीएस एन्ड क्लियरिङले आइपीओ रिजल्ट हेर्न बनाएको वेबसाइट https://iporesult.cdsc.com.np/ बाट पनि रिजल्ट हेर्न सकिन्छ । आइपीओ नतिजा हेर्न भने केही समय प्रतिक्षा गर्नुपर्नेछ ।

25/08/2021

तेह्रथुम पावरको आइपीओ खुल्यो
OPEN
तेह्रथुम पावर कम्पनीले आज बुधबार (भदौ ९ गते) बाट सर्वसाधारणका लागि आइपीओ बिक्री खुला गरेको छ । कम्पनीले कुल ८ लाख कित्तामध्ये ५% (४० हजार कित्ता) म्युचुअल फन्डलाई र २% (१६ हजार कित्ता) सेयर कर्मचारीलाई सुरक्षित गरेको छ । बाँकी ७ लाख ४४ हजार कित्ताका लागि सर्वसाधारणले

उक्त समयसम्म सबै आइपीओ बिक्री नभएमा भने भदौ २३ गतेसम्म खुला रहनेछ । तेह्रथुमको आइपीओमा आवेदन दिन सक्नेछन् । यसमा भदौ १३ गतेसम्म आवेदन दिन सकिन्छ । न्यूनतम १० कित्तादेखि अधिकतम ६० हजार कित्तासम्म आवेदन दिन पाउने व्यवस्था छ । प्रतिकित्ता १०० रुपैयाँमा आइपीओ भर्न सकिन्छ । यसमा एनआइबीएल एस क्यापिटल बिक्री प्रबन्धक रहेको छ ।

लगानीकर्ताले सि–आस्वा सदस्य बैंक तथा वित्तीय संस्थाबाट आवेदन दिन सक्नेछन् । मेरो सेयर एपमार्फत अनलाइन आवेदन पनि दिन सकिन्छ । तेह्रथुम पावरले तेह्रथुम जिल्लामा ७.५ मेगावाटको अपर खोरुङ स्मल हाइड्रोपावर प्रोजेक्ट निर्माण गरिरहेको छ । यस आयोजनाको कुल लागत १ अर्ब ३४ करोड १७ लाख रुपैयाँ रहेको छ ।

यसको प्रतिमेगावाट लागत भने १७ करोड ८९ लाख रुपैयाँ छ । यसअघि कम्पनीले साउन ५ देखि १९ गतेसम्म आयोजना प्रभावित स्थानीयलाई ४ लाख कित्ता आइपीओ बिक्री गरेको थियो । अब सर्वसाधारणलाई पनि आइपीओ बिक्री गरिसकेपछि यसकोे चुक्ता पुँजी ४० करोड रुपैयाँ पुग्नेछ ।

08/07/2021

युनियन लाइफ इन्सुरेन्सको आइपीओ, कस्तो छ कम्पनीको अवस्था !
युनियन लाइफ इन्सुरेन्सले बिहीबार (आज २४ गते) बाट आइपीओ बिक्री खुला गरेको छ । कम्पनीले प्रतिकित्ता १०० रुपैयाँ दरमा ६४ लाख ५० हजार कित्ता सेयर बिक्री गरेको हो । यसमध्ये ५% (३ लाख २२ हजार ५०० कित्ता) कर्मचारी र ५% (३ लाख २२ हजार ५०० कित्ता) म्युचुअल फन्डका लागि छुट्याइएको छ । बाँकी ५८ लाख ५ हजार कित्ताका लागि सर्वसाधारणले आवेदन दिन सक्नेछन् ।

आइपीओमा न्यूनतम १० कित्तादेखि अधिकतम ३२ हजार २५० कित्ताका लागि आवेदन दिन सकिनेछ । यस आइपीओमा असार २८ गतेसम्म आवेदन दिन सकिन्छ । उक्त समयमा सबै आइपीओ बिक्री नभएमा साउन ७ गतेसम्म आवेदन खुला रहने कम्पनीले जनाएको छ । सी–आस्वाको माध्यमबाट आवेदन दिन सकिन्छ । यो आइपीओमा प्रभु क्यापिटल बिक्री प्रबन्धक रहेको छ ।

रेटिङ

क्रेडिट रेटिङ एजेन्सी इक्रा नेपालले युनियन लाइफलाई ‘इक्राएनपी आइआर बीबीबी’ रेटिङ दिएको छ । यसले कम्पनीको वित्तीय दायित्व बहन गर्ने क्षमतामा औसत जोखिम रहेको भन्ने जनाउँछ । इक्राले सन् २०२१ मे १७ मा उक्त रेटिङ दिएको हो । यो रेटिङ सन् २०२२ मे १६ सम्म बाहल रहनेछ ।

कति कित्ता सेयर भर्ने ?

पछिल्लो समय आइपीओमा आवेदन दिने लगानीकर्ताको संख्या २० लाख भन्दा बढी पुग्न थालेको छ । बुधबार बाँडफाँट भएको जीवन विकास लघुवित्तको आइपीओमा हालसम्मकै उच्च २० लाख ८७ हजार ३१७ जना लगानीकर्ताले आवेदन दिएका थिए । यस्तै, सोमबार (असार २१ गते) बिक्री बन्द भएको मनकामना स्मार्ट लघुवित्तको आइपीओमा पनि २० लाख ३६ हजार २४५ जनाले आवेदन दिएका छन् ।

तसर्थ, विगतमा परेको आवेदनलाई आधार मान्ने हो भने युनियन लाइफको सेयर पाउन पनि लगानीकर्ताले भाग्यमै भर पर्नुपर्ने अवस्था आएको छ । यस कम्पनीले सर्वसाधारणका लागि ५८ लाख ५ हजार कित्ता निष्कासन खुला गरेको हो । यसआधारमा, न्यूनतम १० कित्ताका दरले बाँडफाँट गर्ने हो भने पनि जम्मा ५ लाख ८० हजार ५०० जना लगानीकर्ताले मात्र यो आइपीओ हात पार्ने देखिन्छ ।

तसर्थ, युनियन लाइफको आइपीओमा पनि १० कित्ताका लागि आवेदन दिए पर्याप्त हुने देखिन्छ । यद्दपि, यस कम्पनीले भने न्यूनतम १० कित्तादेखि अधिकतम ३२ हजार २५० कित्तासम्म आवेदन दिन पाउने व्यवस्था गरेको छ ।

कम्पनी सम्बन्धी विवरण

युनियन लाइफ इन्सुरेन्स कम्पनी लिमिटेड कम्पनी ऐन २०६३ अन्तर्गत स्थापित भई बिमा ऐन, २०४९, बिमा नियमावली २०४९ बमोजिम बिमा व्यवसायको कारोबार गर्ने इजाजत प्राप्त संस्था हो । यस कम्पनीको रजिष्टर्ड कार्यालय सिद्घार्थनगर नगरपालिका वडा न. ८, रुपन्देहीमा रहेको छ । कारोबार गर्ने मुख्य स्थान काठमाडौ महानगरपालिका वडा नं. १०, नयाँ बानेश्वर काठमाडांैमा रहेको छ ।

युनियन लाइफ विसं २०७४ असोज ४ गतेदेखि बिमा व्यवसाय गर्दै आइरहेको छ । हाल यस इन्सुरेन्सले विभिन्न शाखा तथा उपशाखा गरी २०४ वटा कार्यालयबाट बिमा सेवा प्रदान गरिरहेको छ । आवश्यकता अनुसार सम्बन्धित निकायको स्वीकृती लिई स्वदेश भित्र शाखा तथा उपशाखा कार्यालय स्थापना गरी कारोबार गर्न सक्नेछ ।

पुँजी संरचना र वित्तीय प्रक्षेपण

युनियन लाइफ इन्सुरेन्सको अधिकृत पुँजी २ अर्ब १५ कारोड रुपैयाँ र जारी पुँजी पनि २ अर्ब १५ करोड रुपैयाँ नै रहेको छ । जारी पुँजीमध्ये १ अर्ब ५० करोड ५० लाख रुपैयाँ संस्थापक सेयरधनीबाट चुक्ता भइसकेको छ । बाँकी ६४ करोड ५० लाख रुपैयाँ बराबरको आइपीओ जारी गर्न लागिएको हो । आइपीओपछि चुक्ता पुँजी जारी पुँजी बराबर अर्थात २ अर्ब १५ करोड रुपैयाँ पुग्नेछ ।

आइपीओ बिक्रीपछि कम्पनीमा संस्थापक हिस्सा ७०% र सर्वसाधारण हिस्सा ३०% हुनेछ । चालु आर्थिक वर्षको अन्त्यसम्म युनियन लाइफले ८ करोड ९५ लाख ७५ हजार रुपैयाँ खुद नाफा कमाउने प्रक्षेपण गरेको छ । यस्तै, आव २०७८–७९ मा १३ करोड ३९ लाख ४९ हजार रुपैयाँ र आव २०७९–८० मा १८ करोड ८३ लाख २० हजार रुपैयाँ नाफा कमाउने अनुमान छ ।

कम्पनीले तत्काल पुँजी वृद्धि गर्ने कुनै पनि योजना बनाएको छैन । आव २०७९–८० सम्म आइपीओ बिक्रीपछि कायम हुने २ अर्ब १५ करोड रुपैयाँ पुँजी नै यथावत रहने प्रक्षेपण छ । यता, चालु आर्थिक वर्षको अन्त्यसम्ममा प्रतिसेयर आम्दानी ४ रुपैयाँ १७ पैसा पुग्ने प्रक्षेपण रहेको छ ।

यस्तै, आर्थिक वर्ष २०७८–७९ मा प्रतिसेयर आम्दानी ६ रुपैयाँ २३ पैसा र आव २०७९–८० मा ८ रुपैयाँ ७६ पैसा पुग्ने अनुमान रहेको छ । साथै, चालु आर्थिक वर्षको अन्त्यमा यस इन्सुरेन्सको प्रतिसेयर नेटवर्थ १३६ रुपैयाँ ५२ पैसा र आव २०७८–७९ मा १४२ रुपैयाँ ७५ पैसा पुग्ने अनुमान रहेको छ ।

व्यवस्थापन तथा आधारभूत सेयरधनीहरु

युनियन लाइफ इन्सुरेन्सको प्रमुख कार्यकारी अधिकृतको जिम्मेवारी मनोज कुमार लाल कर्णले सम्हालेका छन् । कर्णले स्नातकोत्तरसम्म अध्ययन गरेका छन् । कर्णसँग बिमा क्षेत्रमा २० वर्ष भन्दा बढी अवधी कार्य गरेको अनुभव रहेको छ । उनले निर्जीवन तथा जीवन बिमा कम्पनीको उच्च व्यवस्थापन तहमा रहेर कार्य गरेको कम्पनीले जनाएको छ । यता, यस कम्पनीमा १३ जना आधारभूत सेयरधनीहरु रहेका छन् ।

जसमध्ये सबैभन्दा धेरै शेखर गोल्छाले ३० लाख र शाहिल कुमार अग्रवालले पनि ३० लाख कित्ता सेयर होल्ड गरेका छन् । यस्तै, शुलभ अग्रवालले २७ लाख १५ हजार कित्ता सेयर होल्ड गरेका छन् । हाल कम्पनीको सञ्चालक समितिमा अध्यक्ष शुलभ अग्रवालसहित सीमा गोल्छा, संदिप कुमार अग्रवाल, जीवन कुमार अग्रवाल र स्वतन्त्र विज्ञ संचालकको रुपमा देवी प्रसाद शर्मा रहेका छन् ।

02/07/2021

01/07/2021

मनकामना स्मार्ट लघुवित्तको आइपीओ खुल्यो

मनकामना स्मार्ट लघुवित्तले आज बिहीबार असार १७ गतेबाट आइपीओ बिक्री खुला गरेको छ । यस लघुवित्तले प्रतिकित्ता १०० रुपैयाँ दरको ३ लाख ८९ कित्ता आइपीओ बिक्री खुला गरेको हो । यसमध्ये ०.५% अर्थात ६ हजार ५८ कित्ता कम्पनीका कर्मचारी र ५% ले हुने १९ हजार ४५० कित्ता सेयर म्युचुअल फन्डहरुलाई छुट्याइएको छ । बाँकी ३ लाख ६३ हजार ४९२ कित्ताका लागि सर्वसाधारणले आवेदन दिन सक्नेछन् ।

मनकामनाको आइपीओमा न्यूनतम १० कित्तादेखि अधिकतम १ हजार कित्तासम्म आवेदन दिन सकिनेछ । छिटोमा असार २१ गतेसम्म आइपीओ भर्न सकिनेछ । उक्त समयमा सबै आइपीओ बिक्री नभएमा भने असार ३१ गतेसम्म खुला रहने छ । यसमा बिक्री प्रबन्धक एनएमबि क्यापिटल रहेको छ । लगानीकर्ताले आस्वा सदस्य बैंक तथा वित्तीय संस्थाका शाखा तथा मेरो सेयरमार्फत अनलाइन आवेदन पनि दिन सक्नेछन् ।

क्रेडिट रेटिङ एजेन्सी इक्रा नेपालले मनकामना स्मार्ट लघुवित्तलाई ‘इक्राएनपी इस्यूअर रेटिङ डबल बी माइनस’ रेटिङ दिएको छ । यसले निष्कासनकर्ता कम्पनी समयमै वित्तीय दायित्व पूरा गर्ने सम्बन्धमा मध्यम जोखिम रहेको जनाउँछ । इक्राले गत फागुन ११ गते उक्त रेटिङ दिएको हो । यो रेटिङ आगामी फागुन ११ गतेसम्म बाहल रहनेछ ।