Shorts Post

Shorts Post Short, real-time news from Nepal and around the world. Stay informed in seconds.

नेपाल र विश्वभरका छोटा, वास्तविक समाचार—केही सेकेन्डमै जानकारी पाउनुहोस्।

02/06/2026

शीर्षक :
प्रधानमन्त्री शाहको उपस्थितिमा मन्त्रिपरिषद्को नियमित बैठक जारी

प्रधानमन्त्री बालेन शाहले बोलाएको मन्त्रिपरिषद्को बैठक सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी रहेको छ । प्रधानमन्त्रीको सचिवालयका अनुसार केही बेरअघि सुरु भएको बैठक नियमित बैठकका रूपमा बसिरहेको हो । बैठकमा समसामयिक राजनीतिक, प्रशासनिक तथा सरकारी कार्यसूचीसँग सम्बन्धित विषयमा छलफल हुने अपेक्षा गरिएको छ । बैठकका निर्णयबारे औपचारिक जानकारी आउन बाँकी रहेको छ ।

follow us : Shorts Post

Hashtags:

02/06/2026

शीर्षक :
अमेरिकाको रणनीतिक तेल भण्डारण दुई वर्षयताकै न्यून स्तरमा

अमेरिका–इरान युद्धको प्रभावबीच अमेरिकाको रणनीतिक तेल भण्डारण दुई वर्षयताकै तल्लो स्तरमा पुगेको छ । ट्रम्प प्रशासनले आपूर्ति संकट कम गर्न करिब ५ करोड ८० लाख ब्यारेल तेल बजारमा पठाएपछि भण्डार घटेर ३५ करोड ७१ लाख ब्यारेलमा झरेको हो । अन्तर्राष्ट्रिय ऊर्जा एजेन्सीका सदस्य राष्ट्रहरूले पनि संयुक्त रूपमा ४० करोड ब्यारेल तेल बजारमा उपलब्ध गराउने निर्णय गरेका छन् ।

follow us : Shorts Post

Hashtags:

02/06/2026

शीर्षक :
तेक्वान्दो खेलाडी वैभवीले सिक्किम अन्तर्राष्ट्रिय प्रतियोगितामा नेपालको प्रतिनिधित्व गर्ने

तेक्वान्दो खेलाडी वैभवी सापकोटाले भारतको सिक्किममा हुने प्रथम सिक्किम खुल्ला अन्तर्राष्ट्रिय तेक्वान्दो प्रतियोगितामा नेपालको प्रतिनिधित्व गर्ने भएकी छन् । ११ वर्षीया वैभवीले क्योरुगी र पुम्से दुई विधामा प्रतिस्पर्धा गर्नेछिन् । गान्तोकस्थित पाल्जोर रंगशालामा हुने प्रतियोगितामा विभिन्न देशका खेलाडी सहभागी हुनेछन् । हालै बागमती प्रदेशस्तरीय प्रतियोगितामा स्वर्ण जितेकी वैभवी भक्तपुरकी उत्कृष्ट महिला खेलाडीसमेत घोषित भएकी थिइन् ।

follow us : Shorts Post

Hashtags :

02/06/2026

शीर्षक :
घरेलु बक्स अफिसमा ‘लालीबजार’ सुपरहिट, ८ करोडभन्दा बढी कमाइ

नेपाली फिल्म ‘लालीबजार’ले घरेलु बक्स अफिसमा ८ करोडभन्दा बढी ग्रस कमाइ गर्दै सुपरहिट बनेको छ । चलचित्र विकास बोर्डका अनुसार फिल्मले ८ करोड १ लाख रुपैयाँभन्दा बढी कमाइ गर्दा २ लाख ७६ हजारभन्दा बढी दर्शकले हेरेका छन् । यम थापाको निर्देशनमा बनेको फिल्मले वादी समुदायकी महिलाको संघर्षको कथा प्रस्तुत गरेको छ । फिल्मले चौथो सातासम्म पनि उत्साहजनक व्यापार गरिरहेको छ ।

follow us : Shorts Post

Hashtags :

01/06/2026

शीर्षक :
ज्ञानेन्द्र शाहीको माग– नेपालले भारतको सीमा मिचेको प्रमाण देखाउन

राप्रपा सांसद ज्ञानेन्द्र शाहीले प्रधानमन्त्री बालेन्द्र शाहको अभिव्यक्तिलाई गैरजिम्मेवारपूर्ण भन्दै नेपालले भारतको सीमा मिचेको भनाइको तथ्य र प्रमाण सार्वजनिक गर्न माग गरेका छन् ।

प्रतिनिधि सभाको बैठकमा बोल्दै उनले अनुमानका आधारमा राज्य सञ्चालन हुन नसक्ने बताए ।
शाहीले सरकारसँग स्पष्ट विवरण माग गर्दै उक्त भनाइ संसदको रेकर्डबाट हटाउन पनि आग्रह गरेका छन् ।

Follow Us : Shorts Post

Hashtags :

01/06/2026

शीर्षक :
प्रधानमन्त्री शाहले माफी मागेर मार्ग प्रशस्त गर्न एमालेको माग

नेकपा एमालेले नेपाल–भारत सीमाबारे दिएको अभिव्यक्तिप्रति प्रधानमन्त्री बालेन्द्र शाहले संसद् र जनतासँग माफी माग्दै मार्ग प्रशस्त गर्न माग गरेको छ । एमाले महासचिव शंकर पोखरेलले प्रधानमन्त्रीको भनाइ गैरजिम्मेवारपूर्ण रहेको बताएका छन् । एमालेले उक्त अभिव्यक्तिले नेपालको स्थापित कूटनीतिक अडान र राष्ट्रिय एकतालाई कमजोर बनाएको दाबी गर्दै राष्ट्रिय हितका विषयमा सरकार तथ्यपरक र जिम्मेवार ढंगले प्रस्तुत हुनुपर्ने जनाएको छ ।

follow us : Shorts Post

Hashtags:

01/06/2026

शीर्षक :
रवि लामिछाने नयाँदिल्ली प्रस्थान, भारतमा भेटवार्ता गर्ने

राष्ट्रिय स्वतन्त्र पार्टीका सभापति रवि लामिछाने भारतीय जनता पार्टीको निमन्त्रणामा भारत भ्रमणका लागि नयाँदिल्ली प्रस्थान गरेका छन् । भ्रमणका क्रममा भाजपाका पार्टी अध्यक्ष नितिन नवीनसहित अन्य शीर्ष नेताहरूसँग भेटवार्ता हुने जनाइएको छ । रास्वपाका अनुसार लामिछाने शुक्रबारसम्म भारतमा रहनेछन् । भारत बसाइका क्रममा उनी व्यक्तिगत भ्रमणका रूपमा अयोध्यासमेत पुग्ने कार्यक्रम रहेको बताइएको छ ।

follow us : Shorts Post

Hashtags :

01/06/2026

शीर्षक :
हत्या आरोपमा झापाबाट एक जना पक्राउ, अनुसन्धान जारी

झापाको मेचीनगर–१५ निलकोठीका ५५ वर्षीय रूद्र श्रेष्ठको हत्या अभियोगमा तनहुँ घर भएका ३५ वर्षीय रामबहादुर गौतम पक्राउ परेका छन् । आपसी विवादका क्रममा आइतबार राति भएको कुटपिटबाट गम्भीर घाइते भएका श्रेष्ठको प्रादेशिक अस्पताल भद्रपुरमा उपचारका क्रममा सोमबार बिहान मृत्यु भएको प्रहरीले जनाएको छ । घटनापछि प्रहरी चौकी ज्यामिरगढीबाट खटिएको टोलीले गौतमलाई पक्राउ गरेको हो । घटनाबारे थप अनुसन्धान भइरहेको प्रहरीले जनाएको छ ।

follow us : Shorts Post

Hashtags ( #):

01/06/2026

शीर्षक :
मानव अधिकार आयोगविरुद्ध रास्वपा सांसद दीपक बोहोराको सर्वोच्चमा रिट

रास्वपा सांसद दीपक बोहोराले राष्ट्रिय मानव अधिकार आयोगविरुद्ध सर्वोच्च अदालतमा रिट दायर गरेका छन् । आयोगको प्रतिवेदनमा आफ्नो नाम अन्यायपूर्ण रूपमा समावेश गरिएको भन्दै उनले न्यायको माग गरेका हुन् । बोहोराले सम्बन्धित अवधिमा आफू अस्पतालमा रहेको र जेनजी आन्दोलनसँग कुनै सम्बन्ध नरहेको दाबी गरेका छन् । आयोगले बोहोरासहित रास्वपाका १७ सांसदमाथि अनुसन्धान गर्न सिफारिस गरेको छ ।

follow us : Shorts Post

Hashtags :

31/05/2026

शीर्षक :
नेपालले भारतको कुन भूमि मिच्यो ? बासना थापाको माग

नेपाली काँग्रेसकी प्रमुख सचेतक बासना थापाले प्रधानमन्त्री बालेन्द्र शाहको अभिव्यक्तिमाथि आपत्ति जनाउँदै नेपालले भारतको कुन भूमि मिचेको हो भन्ने जानकारी माग गरेकी छन् । प्रतिनिधि सभामा बोल्दै उनले तथ्यसहित प्रमाण प्रस्तुत गर्न वा अभिव्यक्ति रेकर्डबाट हटाउन आग्रह गरिन् । प्रधानमन्त्री शाहले नेपालले पनि भारतको भूमि मिचेको थाहा पाएको भन्दै लिपुलेकसहितका सीमा विवाद वार्ताबाट समाधान गर्ने बताएका थिए ।

follow us : Shorts Post

Hashtags :

Address

New Baneshwor
Kathmandu
44660

Opening Hours

Monday 09:00 - 18:00
Tuesday 09:30 - 18:00
Wednesday 09:00 - 18:00
Thursday 09:30 - 18:00
Friday 09:00 - 18:00
Sunday 09:00 - 18:00

Website

Alerts

Be the first to know and let us send you an email when Shorts Post posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shorts Post:

Shortcuts

Share