13/09/2019
हामीले जानकी नै राख्नुपर्छ भन्ने अडान लिएका छैनौं, यो एउटा सुझाव मात्र हो । प्रदेशको नामाकरणमा अधिकतम् सहमति जुन नाममा हुन्छ, त्यसलाई हामीले स्वीकार गर्छौं । नेकपाले कुनै पनि प्रदेशको नामाकरण यो वा त्यो भनेको छैन । त्यो अधिकार प्रदेशलाई दिएको छ, हामीले निर्देशित गरेका छैनौं । यस्ता विषयहरूमा केन्द्रले प्रदेशमा निर्देशन गर्नु संघीयताको भावना विपरीत हुन जान्छ । यो प्रादेशिक अधिकार हो, यसमा केन्द्रले लाद्ने होइन । ६ वटा प्रदेशमा हाम्रो बहुमत भए तापनि हामीले कुनै पनि प्रदेशमा यो नाम राख वा त्यो नाम राख भनेर केन्द्रबाट दबाब दिँदैनौं । सुझावसम्म दिन्छौं, निर्णय गर्ने अधिकार त प्रदेशकै हो । त्यसैले, हामीले सुझाव दिन चाहन्छौं कि भूगोल, संस्कृति र समुदायलाई प्रतिनिधित्व हुने अधिकतम् सम्बोधन हुने विषयमा निर्णय गर्नुपर्छ । त्यसमा मधेश प्रदेश, मध्य मधेश, जनक यी सबै नामहरू आएका छन् । यही हुनुपर्छ भन्ने छैन ।
० नेपालकै इतिहासमा सबैभन्दा शक्तिशाली सरकार नेकपाको नेतृत्वमा रहेको छ, तर त्यसअनुसारको अनुभूति जनताले गर्न सके.....
