The Cinema Times

22/05/2026

हाम्रो यस सिनेमा टाइम्स डटकमका सञ्चालक स्वर्गिय दिनेश सिटौला ज्यूलाई चलचित्र पत्रकार संघ नेपालद्धारा मरणोपरान्त विशेष सम्मान अर्पण

22/05/2026

'काजी'लाई दर्शकले उत्कृष्ट प्रतिक्रिया दिएपछि विपिन र केकीले के भने ?

22/05/2026

'काजी'को दर्शक प्रतिक्रिया बबला, पहिलो दिन सुखद् व्यापार

21/05/2026

भोली जेठ ८ गतेबाट रिलिज हुने सिनेमा काजीको पत्रकार सम्मेलनका केही झलकहरु
अग्रिम टिकट बुकिङ खुला भैसकेको छ । अनि सिनेमाको टिकट बुकिङ राम्रो भैरहेको हलका अनलाइन टिकटिङ्ग साइटमा हेर्न सकिन्छ ।

20/05/2026

नेपाल चलचित्र चलचित्र कलाकार संघको अध्यक्षमा उत्तम केसी निर्वाचित भएका छन् । आइतबार काठमाडौंमा सम्पन्न २१ औँ महाधिवेशनमा केसी २१६ मत प्राप्त गर्दै अध्यक्षमा विजयी भएका हुन् । कुल ३५६ मत खसेकोमा उनका प्रतिद्वन्द्वी सविन श्रेष्ठले १३२ मत प्राप्त गरे । सविन संघका निवर्तमान महासचिव हुन् ।

त्यस्तै, उपाध्यक्षमा शिवहरी बैरागी र पूजना प्रधान, महासचिवमा सुनील कटुवाल, सचिवमा गोपाल ढकाल (छन्दे), कोषाध्यक्षमा तेजुला खतिवडा र सह–कोषाध्यक्षमा पवन केसी विजयी भए । उनीहरूमध्ये पवन मात्र सविन प्यानलका हुन् । यसरी हेर्दा पदाधिकारीमा उत्तम प्यानलको वर्चश्व देखिएको छ ।

कार्यसमिति सदस्यतर्फ भने १० पदका लागि २८ जनाबीच प्रतिस्पर्धा भएको थियो । त्यसमध्ये दमन रुपाखेती, इन्द्रबहादुर लामा ‘खम्बे’, चन्द्रकला राई ‘लब्ली संगम’, छुल्ठिम गुरुङ, नवीनकुमार श्रेष्ठ, जीवन थापा, सुलेमान शंकर (इकु), रश्मि भट्ट, चन्द्रकला दाहाल र श्रीदेव भट्टराई विजयी भएका छन् । संघको नयाँ कार्यसमितिको कार्यकाल ३ वर्षको हुनेछ ।

20/05/2026

नेपाल चलचित्र निर्देशक समाजको अध्यक्षमा अरुण कुमार प्रधान निर्वाचित भएका छन् ।

मंगलबार काठमाडौंमा भएको समाजको १८औं वार्षिक साधारण सभा तथा महाधिवेशनमा उनले आफ्ना निकटतम प्रतिद्वन्द्वी जनकदीप पराजुलीलाई ६३ मतले पछि पार्दै जित निकालेका हुन् । उनले १०९ मत प्राप्त गर्दा निवर्तमान अध्यक्ष समेत रहेका जनक ४६ मतमा सीमित भए ।

त्यस्तै, दुई उपाध्यक्ष पदमा सुवास गजुरेल र दीपक वली विजयी भएका छन् । सुवासले ९५ मत ल्याउँदा दीपकले ७१ मत प्राप्त गरे । महासचिवमा भने समुन्द्र भट्ट १०६ मतका साथ विजयी भइन् । उनका निकटतम प्रतिद्वन्द्वी कमल एक्चै मगरले ४७ मत पाए । सचिव पदमा राजबहादुर साने ८० मतसहित विजयी भए भने उनका निकटतम प्रतिद्वन्द्वी दिनेश लिङ्देनले २८ मत प्राप्त गरे ।

यसैगरी, कोषाध्यक्षमा जनक खड्का निर्विरोध निर्वाचित हुँदा सह-कोषाध्यक्षमा उत्सव केसी विजयी भए । उनले ६६ मत पाउँदा उनका निकटतम प्रतिद्वन्द्वी अमृतमान महर्जनले ४४ मत प्राप्त गरे । सोही पदमा भीषण राई पनि प्रतिस्पर्धी थिए । उनले ४२ मत ल्याए । निर्देशक समाजको पदाधिकारीमा निर्वाचित भएका अधिकांश अरुण प्यानलका हुन् ।

६ जना सदस्यमा भने लक्ष्मण सुवेदी, लक्ष्मण सुनार, साकार पन्त, अमरदीप सापकोटा, शिव शर्मा कँडेल र हस्तबहादुर लिम्बू निर्विरोध निर्वाचित भएका छन् । महाधिवेशनबाट निर्वाचित कार्यसमितिको कार्यकाल ३ वर्षको हुनेछ । यो संस्था निर्देशकको हकहित तथा पेशागत सुरक्षाका लागि २०५७ सालमा स्थापना भएको हो ।

20/05/2026

दर्शकको उत्कृष्ट प्रतिक्रियासहित साथ पाएपछि उत्साहित निर्माता म्याक्स दिपेस खत्री, अभिनेता विशाल देवकोटा र प्रशंसा सुवेदी

20/05/2026

दोस्रो हप्तामा पनि हाउसफूल 'लालीबजार', हलबाट खुशीले रुँदै निस्कन्छन् दर्शक

20/05/2026

केकीले ‘काजी’ लाई केवल प्रेमकथा नभई विश्वास, त्याग र सम्बन्धको गहिरो संसारको रूपमा व्याख्या गरेकी छन् ।

द सिनेमा टाइम्स, काठमाडौं । नेपाली सिनेमा उद्योगमा आफ्नो फरक पहिचान बनाएकी अभिनेत्री केकी अधिकारी ‘काजी’ मार्फत ...

19/05/2026

निर शाहको निर्देशनमा ‘कमला मिस’को पहिलो पोस्टर सार्वजनिक

नेपाली सिनेमा क्षेत्रमा अनुभवी निर्देशक निर शाहले 'कमला मिस'मार्फत पुनः निर्देशनमा सशक्त पुनरागमन गरेका छन् । साउन २२ गतेबाट देशव्यापी प्रदर्शनमा आउने तयारीमा रहेको यस सिनेमाको फस्टलुक पोस्टर सार्वजनिक भएसँगै दर्शकमाझ उत्सुकता थपिएको छ ।

सार्वजनिक पोस्टरमा मुख्य अभिनेत्री बासना तिमिल्सिनालाई विशेष मनोवैज्ञानिक भावभंगिमामा प्रस्तुत गरिएको छ, जसले सिनेमाको कथावस्तु गहिरो, रहस्यमय र संवेदनशील हुने संकेत गर्छ । निर्माण पक्षले सिनेमाको अफिसियल टिजर यही बिहीबार सार्वजनिक गर्ने जनाएको छ ।

मनोवैज्ञानिक कथामा आधारित 'कमला मिस'मा निर्देशक निर शाह स्वयंको अभिनयसँगै रमेश बुढाथोकी, बासना तिमिल्सिना, शिवम सराफ क्षेत्री, आरभ दाहाल, भावना मगर, सुशान्त कुमार श्रेष्ठ, जयन्त रेग्मी, सुरेश थापा, राजन केसी र संजय खतिवडा लगायत कलाकारहरूको अभिनय रहेको छ ।

19/05/2026

उपासना र सोनमको ‘जलाकी’ ३९ दिनमा प्याकअप, कहिले होला रिलिज ?

अशोक थापा मगरको निर्देशनमा निर्माण भैरहेको सिनेमा ‘जलाकी’को इन्डक्ल्याप गरिएको छ । गत शनिबार पोखरा इन्टरनेशनल म्युजियममा अन्तिम दृश्य खिच्दै ३९ दिनमा छायांकन सकिएको जानकारी निर्माण टिमले दिएको हो ।

शनिबार पोखरामा गीतको दृश्य खिचिएको थियो । जहाँ सिनेमाका मुख्य कलाकारहरुलाई प्रस्तुत गरिएको छ । छायांकन सकिएसँगै पोष्ट-प्रोडक्सनको काम सुरु गरिएको निर्देशक अशोकले बताए । केही दिनमा सिनेमाको फर्स्टलुक पोस्टर सार्वजनिक गर्दै सिनेमाको प्रदर्शन मिति घोषणा गर्ने तयारी निर्माण टिमको छ ।

यो सिनेमाको मुख्य भूमिकामा अभिनेत्री उपासना सिंह ठकुरी छिन् ।