17/05/2026
युवा उद्यमशीलताको उदाहरण बन्दै हरिवनमा सञ्चालनमा आयो Rejoice Mobile Hub & Communication
हरिवन, सर्लाही | सुपर मिडिया नेपाल
हरिवन नगरपालिका–११, कैलाशपुरी गेट नजिक Rejoice Mobile Hub & Communication औपचारिक रूपमा सञ्चालनमा आएको छ।
युवा व्यवसायी उमेश बिश्वकर्मा द्वारा सञ्चालनमा ल्याइएको उक्त व्यवसायमार्फत मोबाइल सम्बन्धी सम्पूर्ण सेवा, मोबाइल एक्सेसरिज, रिपेयरिङ, रिचार्ज, अनलाइन डकुमेन्टेशन तथा विभिन्न कम्युनिकेशन सेवा स्थानीयस्तरमै उपलब्ध गराइने जनाइएको छ।
स्थानीय नागरिकलाई सहज र भरपर्दो सेवा प्रदान गर्ने उद्देश्यसहित सुरु गरिएको यस व्यवसायले युवाहरूलाई आफ्नै ठाउँमा स्वरोजगार तथा उद्यमतर्फ प्रेरित गर्ने अपेक्षा गरिएको छ।
पछिल्लो समय रोजगारी तथा भविष्यको खोजीमा ठूलो संख्यामा युवाहरू विदेश पलायन भइरहेका बेला आफ्नै ठाउँमा बसेर व्यवसाय सुरु गर्नु सकारात्मक र प्रेरणादायी कदमका रूपमा हेरिएको छ।
“स्वदेशमै केही गर्न सकिन्छ” भन्ने सन्देश यस प्रयासले दिएको स्थानीयवासीहरूको भनाइ छ।
उद्घाटनको अवसरमा स्थानीय समाजसेवी, बुद्धिजीवी, पत्रकार तथा विभिन्न क्षेत्रका व्यक्तिहरूको उल्लेखनीय उपस्थिति रहेको थियो। सहभागीहरूले युवा व्यवसायी उमेश जीलाई सफल व्यवसायिक यात्राको शुभकामना व्यक्त गरेका छन्।
Rejoice Mobile Hub & Communication ले आगामी दिनमा गुणस्तरीय सेवा प्रदान गर्दै स्थानीय समुदायसँग अझ नजिक भएर काम गर्ने विश्वास लिएको जनाएको छ।
