14/08/2026
तानसेन - नेपालको ताजमहल भनेर चिनिने पाल्पाको ऐतिहासिक तथा पर्यटकीय सम्पदा रानीमहल क्षेत्रमा रहेको खड्क भक्तेश्वर मन्दिरको संरक्षण, व्यवस्थापन र गुठी सम्पत्तिको खोजी तथा संरक्षणका लागि देवि प्रसाद भट्टराई को अध्यक्षतामा खड्क भक्तेश्वर मन्दिर गुठी व्यवस्थापन समिति गठन भएको छ । मालपोत कार्यालय पाल्पाका प्रमुख दुर्गा प्रसाद खनालको अध्यक्षतामा सम्पन्न भेलाले समितिको सचिवमा विमल पाण्डेय, कोषाध्यक्षमा टंक घिमिरे , सदस्यमा मेघराज बस्याल र विवेक शमशेर जवरालाई चयन गरेको छ। जिल्ला भूमि प्रशासन कार्यालयका प्रतिनिधि, जिल्ला प्रशासन कार्यालयका प्रतिनिधि, सम्बन्धित वडाका जनप्रतिनिधि तथा मन्दिरका पुजारी पदेन सदस्य रहने व्यवस्था गरिएको छ ।
