01/12/2025
๐ฃ๐๐ฆ๐๐๐๐ก๐๐ก ๐ฎ๐ฌ๐ฎ๐ฑ | ๐๐ข๐จ๐ฅ-๐ฃ๐๐๐ง ๐๐๐ก๐๐๐
๐๐๐ง, ๐ต๐ถ๐ป๐ถ๐ฟ๐ฎ๐ป๐ด ๐ป๐ฎ ๐ฏ๐ฎ๐ด๐ผ๐ป๐ด ๐ต๐ฎ๐ฟ๐ถ ๐ป๐ด ๐ฐ๐ผ๐๐ฟ๐ ๐น๐ฎ๐ฏ๐ฎ๐ป ๐๐ฎ ๐๐๐ง๐
Hinirang na bagong kampeon sa court ang College of Industrial Technology (CIT) matapos tuldukan ang tatlong taong pamamayagpag ng College of Hospitality and Tourism Management (CHTM) sa Men's Basketball, na nagtapos sa dikit na iskor, 62-59, kahapon, Nobyembre 28, sa Dr. Ernesto T. Nicdao Sports Center.
Matatandang CIT at CHTM din ang naglaban para sa basketball championship noong nakaraang taon ng Intramurals, na nagbigay pananabik at kaba sa madla sa muling pagtatapat ng mga koponan para sa gintong medalya.
Sa unang kwarter, ipinamalas agad ng CHTM ang galing bilang three-peat defending champion, kung saan kanilang pinangunahan ang tatlong magkakasunod na pagpasok ng bola, at tinapos ang round na may kalamangang pitong puntos laban sa CIT, 20-13.
Patuloy na umabante ang defending champs sa ikalawang kwarter, ngunit sinimulan na rin ng naghahamong CIT basketeers ang pagpapakita ng kanilang galing upang makahabol sa laro subalit hindi naging sapat, dahilan upang magtapos ang halftime sa iskor na 39-31, pabor pa rin sa CHTM.
Pagpasok ng ikatlong kwarter, unti-unting natinag ang CHTM matapos mabutasan ang kanilang depensa sa sunod-sunod na agresyon at pagpuntos ng CIT, na nagbigay ng five-point lead sa mga challengers sa pagtatapos ng kwarter, 47-52.
Lalo pang tumindi ang laban sa huling kwarter, kung saan ang umaapaw na kasigasigan ng magkabilang koponan sa pag-angkin ng championship ay nagresulta sa sunod-sunod na foul, dahilan upang magkaroon ng ilang beses na substitution habang patuloy ang palitan ng puntos at agawan ng bola.
Bagamaโt dikit ang iskor ng dalawang grupo, hindi na naging sapat ang pagharang ng CHTM sa mga opensang ibinandera ng determinadong manlalaro ng CIT, na nagresulta sa three-point lead at pagselyo sa ginto ng challengers sa konklusyon ng matchup, 62-59.
Sa isang panayam ng The Industrialist, hindi naitago ni CIT head coach Elyvan Pineda ang tuwa sa nakamit nilang tagumpay, lalo paโt sa mga nakaraang taon ay lagi silang pasok sa semis o finals ngunit bigong maiuwi ang mailap na kampeonato.
"Mga varsity yan (CHTM), mga magagaling, meron silang interbarangay, intertown, tapos yung iba SCUAA player, so proud kami na natalo namin sila," saad ni Pineda.
Inihayag naman ni Keem Kelly Gomez, isang manlalaro ng CIT mula noong first year at ngayoโy huling taon na ng kolehiyo, ang dahilan ng kanilang pagkapanalo.
"Sinipagan lang namin, sinuwerte kami sa tres, nag-usap-usap kami sa loob kaya namin nakuha yung tagumpay,โ aniya.
iyoMedyo kabado po, pero nilalabanan para mapanalunan po yung championship game namin kasi marami po kaming sacrifice na ginawaโpractice, ganoโn, kaya parang deserve naman po naming manalo," pahayag ni Ballescas.
Ang pagkapanalo ng CIT sa finals ang pumutol sa anim na taong paghihintay ng kolehiyo na makamit muli ang titulo sa kinasasabikang taunang patimpalak.
Bigo mang makuha ang four-peat win ng CHTM, napasakmay naman ng koponan ang pilak, habang tanso naman ang naiuwi ng College of Computing Studies (CCS).
Ulat ni Ronalyn Viray
Kuhang larawan ni Sophia Yumul
