21/11/2024
MANANAGAT, MILANGOY UG 10 MILES ARON SA IYANG KALUWASAN! - DAVAO ORIENTAL
Naila ang maong mananagat nga si Morales, kinsa na-missing samtang nanagat, ug milangoy og mga 10 ka milya paingon sa luwas nga dapit una naluwas sa Barangay Lanca, Mati City.
Nagsugod ang insidente niadtong Nobiyembre 19, 2024 sa gabii, dihang nibuto ang motor sa pump boat ni Morales, hinungdan nga wala na niya ma kontrolar ang iyang banka.
Sa dihang na anod iyang bugsay iya dayun kining gi ambakan aron kwaon, apan tungod sa balud, naanod ang iyang gisakyang banka ug gibiyaan siya sa hawan nga tubig.
Human sa pipila ka oras nga paglangoy, nakakita siya og kahayag gikan sa usa ka beach resort sa Barangay Lanca, Mati City.
Tungod sa ka determinado nga mabuhi, milangoy siya sa pipila ka oras, nga gibana-banaang mikabat ug 10 ka milya sa wala pa makaabut sa baybayon mga alas 11:00 sa gabii sa Nobyembre 20.
Dugang pa, sumala sa mga tao, ang pump boat ni Morales naanod sa baybayon sa Purok 3, Barangay Lanca mga alas 5:00 sa hapon niadtong Nobyembre 20, hinungdan sa pagpangita sa tag-iya niini.
Tungod niini, dali dayun nga naabtik ng mga opisyal sa barangay, ang Mati City Disaster Risk Reduction and Management Office (CDRRMO), ug ang mga lokal nga rescuer nagtinabangay aron masiguro ang kaluwasan ni Morales nga makabalik sa iyang pamilya.
Sa laing bahin, ang Mati City Social Welfare and Development Office (CSWDO) nihatag ug relief package kang Morales ug sa iyang pamilya aron matabangan sila nga maulian sa insidente.
βWe are deeply thankful to everyone who helped ensure Leonβs safety. His survival is nothing short of a miracle,β ingon sa usa ka membro sa pamilya.
Gidayeg sa Mati CDRRMO ang talagsaong kalig-on ni Morales ug ang paspas nga pagtubag sa mga opisyal sa Barangay Lanca.
βThis is a testament to the strength of the human spirit and the importance of community support. Moralesβ determination saved his life,β ingon ni Charlemagne Bagasol sa Mati CDRRMO.
Si Morales mibalik sa Baganga uban sa iyang pamilya, dala ang inspirasyon sa usa ka istorya sa survival ug paglaom, usa ka testamento sa kaisog ug paglahutay atubangan sa mga hagit.
Via | City of Mati LGU/LGU Banganga
