03/06/2026
https://www.facebook.com/share/1Eq9hBjEkn/?mibextid=wwXIfr
"๐ฌ๐ผ๐ ๐ฎ๐ฟ๐ฒ ๐๐ฒ๐ฟ๐ ๐ณ๐ผ๐ฟ๐๐๐ป๐ฎ๐๐ฒ ๐ฒ๐ป๐ผ๐๐ด๐ต ๐๐ผ ๐ฏ๐ฒ ๐ฎ๐๐๐ฒ๐ป๐ฑ๐ถ๐ป๐ด ๐ฎ ๐ฝ๐ฟ๐ฒ๐๐๐ถ๐ด๐ถ๐ผ๐๐, ๐ด๐น๐ผ๐ฏ๐ฎ๐น๐น๐ ๐ฟ๐ฒ๐ฐ๐ผ๐ด๐ป๐ถ๐๐ฒ๐ฑ ๐๐ป๐ถ๐๐ฒ๐ฟ๐๐ถ๐๐, ๐ฎ ๐ฝ๐ฟ๐ถ๐๐ถ๐น๐ฒ๐ด๐ฒ ๐บ๐ฎ๐ฑ๐ฒ ๐ฝ๐ผ๐๐๐ถ๐ฏ๐น๐ฒ ๐ฏ๐ ๐๐ผ๐๐ฟ ๐ด๐ผ๐๐ฒ๐ฟ๐ป๐บ๐ฒ๐ป๐ ๐๐ฐ๐ต๐ผ๐น๐ฎ๐ฟ๐๐ต๐ถ๐ฝ... ๐๐ผ ๐ป๐ฒ๐๐ฒ๐ฟ ๐ณ๐ฎ๐น๐น ๐๐ถ๐ฐ๐๐ถ๐บ ๐๐ผ ๐๐ต๐ผ๐๐ฒ ๐๐ต๐ผ ๐ต๐ฎ๐๐ฒ ๐ฑ๐ฎ๐ฟ๐ธ ๐ถ๐ป๐๐ฒ๐ป๐๐ถ๐ผ๐ป๐ ๐ฎ๐ป๐ฑ ๐ฎ๐ถ๐บ ๐๐ผ ๐น๐ฒ๐ฎ๐ฑ ๐๐ผ๐ ๐ฎ๐๐๐ฟ๐ฎ๐ ๐๐ต๐ฟ๐ผ๐๐ด๐ต ๐ฝ๐ฟ๐ผ๐ฝ๐ฎ๐ด๐ฎ๐ป๐ฑ๐ฎ ๐ฎ๐ป๐ฑ ๐ฑ๐ฒ๐ฐ๐ฒ๐ฝ๐๐ถ๐ผ๐ป." - Phil. Army Commanding General Lt.Gen Antonio Nafarrete
Gin-agda ni Philippine Army Commanding General Lt. Gen. Antonio Nafarrete ang mga graduate sang West Visayas State University (WVSU) nga magpabilin nga mabinantayon batok sa mga indibidwal ukon grupo nga nagagamit sang propaganda para mang-engganyo nga mag-upod sa ila hublag.
Sa iya mensahe bilang recognition speaker sa Recognition Program sang unibersidad subong nga adlaw, Hunyo 3, ginpabutyag ni Nafarrete nga tuman ka maswerte ang mga estudyante nga nakatapos sa isa ka prestihiyoso kag kilala nga unibersidad sa bug-os nga kalibutan pinaagi sa bulig sang gobyerno.
Suno sa iya, indi dapat magpadala ang mga estudyante sa mga tawo ukon grupo nga may malain nga katuyuan paagi sa propaganda, pagpanunto kag pagganit sang mga matam-is nga tinaga kag promesa.
Ginpahayag man ni Nafarrete nga nagahatag sang daku nga paglaum sa iya ang mga graduate kag nagapakita sang masanag ang palaabuton sang pungsod.
Ginhingyo niya ang mga estudyante nga magpadayon sa pagpamati kag mangin mapinasalamatun sa ila mga manunudlo, ginikanan kag pamilya.
Sa tunga sang kontrobersiya naangot pagpili sa iya bilang recognition speaker, ginpabutyag man sang heneral nga ang WVSU nagatudlo sang critical thinking kag bukas nga diskusyon.
Suno sa iya, kabahin sang edukasyon ang pagpamati sa nagkalainlain nga perspektibo, pagpamangkot nga may respeto kag paghukom sang mga ideya nga may prinsipyo.
Dugang pa niya, ang pag-imbitar sa iya bilang speaker wala nagakahulugan nga ginasuportahan sang unibersidad ang tagsa ka aksyon sang bisan ano nga institusyon kundi isa ka paghatag dungog bilang kabahin sang prinsipyo sang eskwelahan.
Ginpangabay man ni Nafarrete nga indi paghimuon nga sentro ang kontrobersiya sa selebrasyon agud indi matabunan ang pagpasidungog sa mga awardee kag graduate sang unibersidad.
Nagpasalamat man siya sa mga manunudlo, propesor, ginikanan, paryente kag mga abyan nga nagbulig sa paggiya kag pagsuporta sa mga estudyante tubtob sa ila pag-graduate
Matandaan nga antes ang programa, pila ka mga estudyante sang WVSU ang nagbutang sang itom nga ribbon sa ila uniporme bilang simbolo sang protesta sa pagpili kay Nafarrete bilang recognition speaker.
Nagpabutyag man sang pagpamatok ang WVSU Student Council kag pila ka mga organisasyon bangud sa ginapahayag nga mga kontrobersiya nga nalakip sa operasyon sang militar sa idalum sang iya administrasyon.
Gindepensahan naman ni WVSU President Joselito Villaruz ang pagpili kay Nafarrete, nga suno sa iya nakabase sa mga naangkon sini nga kadalag-an kag kontribusyon bilang isa sa mga ginapabugal nga alumni sang unibersidad.
|DEstante
