06/08/2026
PROTIPS - Aug 06, 2026
Hone Your Craft
By Maloi Malibiran-Salumbides
Ang bakal na di nalalangisan, kinakalawang. Ganun din ang ating mga talento, kaalaman at kakayahan. Pag di masyadong nagagamit, malamang ay kapitan din ng kalawang. God has given you several talents and abilities. Sayang naman kung hindi mapakikinabangan. Maraming tao ang pwedeng mapagpala kapag ginamit mo ang iyong talento. Baka nga pwede mo pa iyan pagkakitaan sa iyong trabaho o negosyo. Your talents, skills and knowledge are God given resources which you should use. Kaya ngayon, ang paalala ko sa iyo, hone your craft.
Magandang araw, ako si Maloi Malibiran-Salumbides para sa Protips, partner mo sa trabahong inspirado at negosyong umaasenso.
Ano ang kaibahan ng talented musician sa professional musician? Pareho silang may talento, pero ang isa ay hinasa at nagpakadalubhasa kaya siya naging professional sa kanyang ginagawa. Are you simply talented or do you want to level-up and hone your craft? Kung excellence at mastery ang habol mo, dapat ay handa kang magpursige at magbanat ng buto. Here are 3 ways by which you can hone your craft.
1) Help-out and volunteer. Kung may talento ka sa pagsusulat, pag-arte, pagtuturo, pagde-decorate o kung ano pa man ang kaya mong gawin, mas lalo mo pa itong hasain sa pamamagitan ng pagvo-volunteer sa community outreach o iba't-ibang NGO. Nakatulong ka na, nadagdagan ka pa ng experience at nahasa pa ang talents at skills mo. Doing volunteer work is good, lalo na kung naghihintay ka pa lang na magkatrabaho. O kahit may work ka na, volunteering for socio-civic organizations provide you with valuable experiences. Nadaragdagan pa ang mga kakilala mo at lumalawak ang iyong network. Who knows, baka magbukas pa ito ng career at business opportunities para sa iyo.
2) Level-up through training. Hasain ang iyong talento sa pamamagitan ng patuloy na pag-aaral at pag-eensayo. Kung may kakayahan kang magsulat at gusto mong mapagyaman pa ito, attend workshops on writing. Learn from the experts. Magsulat ka ng magsulat hindi lamang kapag inspirado ka. Write as often as you can at baka magulat ka may libro ka na palang naisulat.
3) Use your talent to serve and honor God. Ang bawat talentong meron tayo ay kaloob ng Diyos. Wala ng pinakamagandang pasasalamat kundi ang gamitin mo ang talento mo para sa Kanya. Naaalala mo ba ang parable of the talents sa Bibliya? A certain master entrusted varying amounts money to 3 servants. Yun isa ay ibinaon lang ang pera sa lupa para daw hindi manakaw. Samantalang yung dalawa ay pinalago pa nila ang mga halagang kanilang natanggap. Nagalit ang amo sa una niyang tauhan dahil sinayang nito ang perang ibinigay sa kanya. At pinagkatiwalaan niya ng dagdag na yaman ang dalawang marunong magpalago ng talentong ibinigay sa kanila. Gamitin at pagyamanin mo ang mga talento at kakayahang ibinigay sa iyo ng Diyos.
I know a stay-at-home mom who is really very talented in cooking and baking. Masaya siyang nagluluto para sa kanyang asawa at mga anak. Kagalakan din niyang ipagluto ang mga kaibigan at kamag-anak na bumibisita sa kanila. Until she realized that her talent in cooking and baking can be a good capital for business. Ang dating hobby ay naging negosyo na ngayon ay nakapagbibigay ng dagdag kita para sa kanyang pamilya. When we hone our craft, when we use our talents, wider doors become open for us.
Ano ba ang iyong mga talento? Hasain at gamitin mo na ngayon.
BE A BLESSING IN THE WORKPLACE TODAY!
