30/09/2025
Hindi muna “Another day, another raket” ang ipopost ko today.
Gusto ko lang ishare sa inyo itong experience ko guys, simple lang sya pero gusto ko pa rin ibahagi,
So meron akong wireless keyboard and mouse na ginagamit ko na for 3 years. Hindi naman tayo mayaman so hangga’t gumagana pa, hindi tayo bibili 😁
Last month, August, umuwi ang parents ko na may dalang keyboard galing sa friend nila. Ididispose na sana pero hiningi nalang ng parents ko dahil naisip nila na baka magamit ko. Surprisingly, same brand and model ito ng gamit kong keyboard. Kaya lang, hindi ko magagamit yun kasi walang dongle. Tinry ko kasi na gamitin yung dala nila pero hindi sya na dedetect nung dongle ko kahit same na same ang keyboard. So tinabi ko nalang sya sa baul.
Ang storya: Umuwi ako kanina galing sa work at raraket na sana sa printing business ko. Kaya lang, pag uwi ko, sira yung keyboard ko. Hindi na gumagana yung majority ng letters and pag pumindot ka naman ng ibang keys, iba ang lumalabas na characters. Tinry ko pa ayusin yung loob pero ayaw na talaga. Bilang nag raraket raket tayo, nakakatamlay yung hindi mo pa nakukuha yung kikitain mo eh may gastos na agad na kapalit. Plus, pressured pa ako kasi need ko na matapos yung gagawin ko. Buti nalang bigla kong naalala yung dala ng parents ko na keyboard. Kahit alam kong hindi gumana yon sa dongle ko eh nagbaka sakali pa rin ako. Binaklas ko yung dalawang keyboard at tinry kong pagpalitin yung parts nila.
At thank you, Lord, kasi gumana sya 🥹
What are the chances na yung gamit kong keyboard for 3 years eh just a month ago eh bigla akong nagka spare, diba?
So ano yung gusto ko ishare sa long post ko na to hehehehe
Narealize ko lang na huwag natin babalewalain or iqquestion yung mga dumadating sa atin na blessings or challenges maliit man yan o malaki. Kasi alam ni Lord yung dahilan bakit Nya binigay sayo yan. Marerealize nalang natin isang araw na “Ah, kaya pala.” Kaya ko pala naranasan yon, kaya ko pala natanggap to, kaya pala may ganito ako. Kaya pala.
Kaya tiwala lang. Tuloy lang. Every blessing has a purpose and every failure has a reason 🙏
Tuloy lang tayo rumaket kahit mahirap. ❤️
