Gahi Ni Bai News

23/06/2026

MISS PHILIPPINES EARTH 2026 CANDIDATES MIATUBANG SA MEDIA SA CDO UG MISAMIS ORIENTAL

Padayon ang pagpaninguha padulong sa korona alang sa mga kandidata sa Miss Philippines Earth 2026.

Mas sayo karong adlawa, nagtigom ang mga opisyal nga kandidata sa Miss Philippines Earth 2026 sa SM CDO Downtown Premier alang sa usa ka espesyal nga Meet the Press event diin ilang giatubang ang mga miyembro sa media.

Gitubag sa mga kandidata ang nagkalainlaing pangutana bahin sa ilang mga adbokasiya, personal nga hagit sa kinabuhi, ug ilang mga paningkamot sa pagpasiugda sa pag-atiman sa kalikupan.

Nagtambong usab sa kalihukan si Malitbog Mayor Gary Casiño ug Bukidnon First District Congressman Joeman Alba. Gipadayag nila ang ilang dakong suporta sa prestihiyosong pageant ug gipasigarbo ang kaandam sa Bukidnon sa pag-host sa usa sa labing iladong national beauty pageants sa nasud.

Ang Grand Coronation Night mahitabo karong Hunyo 27 sa lungsod sa Malitbog, Bukidnon.

16/05/2026

16/04/2026

‘Zaldy Co nadakpan na’

16/04/2026

BALITA | National

NAG-ANDAM ang Pilipinas sa posibleng pagdugang sa pag-import og bugas karong tuiga aron masiguro ang igo nga suplay sa nasud ug mapugngan ang pagsaka sa presyo sa usa sa pinaka-importanteng pagkaon sa mga Pilipino.

Sumala ni Francisco Tiu Laurel Jr., Kalihim sa Department of Agriculture, andam ang gobyerno nga palapdan ang pag-angkat og bugas gikan sa mga nasud nga kasagaran nilang supplier aron makabuo og mas lig-on nga buffer stock.

Apan, wala pa matino ang eksaktong kantidad sa bugas nga i-angkat. Giingon ni Tiu Laurel nga kini pagahukman pag human sa kasamtangang peak harvest season sa nasud.

Giplano sa gobyerno nga mag-import og mas daghang milled rice gikan sa Vietnam, Myanmar, Cambodia, India, ug Pakistan sulod sa maong tuig.

16/04/2026

BALITA | Manolo Fortich, Bukidnon

NAGPADAYON ang pagbisita ug pakig-dialogo sa komunidad ni Congressman Joeman Alba, kongresista sa Unang Distrito sa Bukidnon, aron maminaw sa kahimtang sa katawhan taliwala sa nagpadayon nga krisis sa kalibutan ug sa nasud.

Ning bag-o, mibisita si Cong. Alba sa mga barangay sa Dahilayan, Mampayag, Lunocan, San Miguel, ug Agusan Canyon sa lungsod sa Manolo Fortich.

Sa maong pagbisita, personal siyang nakigstorya sa mga residente ug naminaw sa ilang mga hunahuna, pagbati, ug mga kabalaka nga ilang giatubang karong panahona.

Sumala sa kongresista, bililhon kaayo ang diretsong pakig-istorya sa komunidad aron masabtan ang tinuod nilang kahimtang ug mga panginahanglan. Pinaagi niini, mas mapalig-on pa ang mga programa ug inisyatiba nga ipatuman alang sa kaayohan sa mga constituents sa distrito.

Gipasalamatan usab ni Cong. Alba ang mga kapitan sa barangay ug ang tanang miyembro sa konseho sa ilang padayon nga suporta ug kooperasyon sa maong pagbisita.

Padayon ang paningkamot sa opisina sa kongresista nga madala ang serbisyo sa katawhan ug matubag ang ilang mga panginahanglan ilabi na sa panahon sa kalisod.