24/04/2026
BABALA: SENSITIBONG BALITA!
HIGIT P218k HALAGA NG ILEGAL NA SIGARILYO, NASABAT SA ANTI-CRIME OPERATIONS SA NUEVA ECIJA
Nasabat ng Nueva Ecija Police Provincial Office (NEPPO) ang mahigit P218,000 halaga ng ilegal at pekeng sigarilyo sa magkakahiwalay na anti-criminality operations sa iba’t ibang bayan sa lalawigan.
Kabilang sa mga operasyon ang buy-bust, checkpoint, at mobile patrol na nagresulta sa pagkakaaresto ng ilang suspek at pagkumpiska ng mga kahon at reams ng sigarilyong walang tax stamps.
Sa Cabanatuan City, Lupao, Licab, at Zaragoza, nadiskubre ang iba’t ibang brand ng sigarilyo na pinaghihinalaang smuggled o counterfeit.
Ayon sa pulisya, mahaharap sa kasong paglabag sa Republic Act 8424 o Tax Evasion/Illicit Ci******es ang mga naaresto.
Ipinagdiinan ng NEPPO na paiigtingin pa ang operasyon laban sa ilegal na kalakalan upang mapanatili ang kaayusan at batas sa lalawigan.
Courtesy: Nueva Ecija Police Provincial Office
