25/06/2026
STOP BULLYING!
Ayon sa San Marcelino Municipal Police Station, may apat na pangunahing uri ng bullying: pisikal, berbal, sosyal, at cyber bullying.
SOSYAL NA PANANAKOT (Social Bullying) β Tumutukoy ito sa paninira ng ugnayan o reputasyon ng isang tao sa pamamagitan ng pagsisinungaling at pagpapakalat ng tsismis, sinasadyang hindi pagsali o pag-iwas sa isang tao, paghikayat sa iba na huwag makipagkaibigan, pagpapahiya sa publiko, at pagsira sa sosyal na relasyon ng isang indibidwal.
BERBAL NA PANANAKOT (Verbal Bullying) β Kabilang dito ang panlalait, pang-iinsulto, panunukso, pananakot, pagpapahayag ng homophobic o racist na salita, hindi angkop na sekswal na komento, at direktang pagbabanta ng pananakit.
Cyber Bullying β Isinasagawa ito gamit ang teknolohiya tulad ng pagpapadala ng masasakit na mensahe, email, larawan, o video; pagbabanta online; panggagaya sa ibang tao o paggamit ng kanilang account; sinasadyang hindi isama ang iba sa mga online na grupo o aktibidad; at pagpapakalat ng maling impormasyon o tsismis sa internet.
PISIKAL NA PANANAKOT (Physical Bullying) β Tumutukoy ito sa anumang uri ng pisikal na pananakit o pang-aabuso tulad ng paghampas, pagsipa, pagsampal, pagkurot, pagdura, panunulak, pagharang, pagnanakaw o pagsira ng gamit ng iba, paggawa ng malaswa o bastos na hand gestures, at panghihipo o hindi angkop na paghawak sa katawan ng ibang tao.
MGA MAAARING KAHARAPIN NG NAMBU-BULLY
1. Parusa sa Paaralan ( RA 10627 o Anti-Bullying Act of 2013)
Ayon sa batas, ang lahat ng pampubliko at pribadong paaralan ay may Child Protection Policy. Ang mga estudyanteng mapapatunayang nambu-bully ay maaaring patawan ng:
β’ Suspensionβ pansamantalang hindi pagpasok sa paaralan
β’ Dismissal o Expulsion β permanenteng pagpapatalsik sa paaralan
β’ Intervention programs β counseling, community service, o anger management sessions
2. Mga Posibleng Kaso sa Batas
Kapag ang pambu-bully ay umabot sa pisikal na pananakit o matinding pang-aabuso, maaari itong magresulta sa mga kasong:
β’ Physical injuries
β’ Grave o light threats
β’ Slander o oral defamation
β’ Child abuse (RA 7610)
β’ Cyber liber (RA 10175), kung ginawa online
3. Pananagutan ng Magulang at Paaralan
Kung menor de edad ang nambu-bully, saklaw sila ng Juvenile Justice and Welfare Act (RA 9344) at hindi agad maaaring makulong. Gayunman, maaaring managot ang mga magulang sa civil liability para sa danyos o pinsala.
Maaari ring managot ang mga opisyal ng paaralan o g**o kung mapapatunayang may kapabayaan sa pag-aksyon sa mga ulat ng bullying.
Kung ikaw o ang iyong kakilala ay biktima ng pambu-bully, agad na humingi ng tulong sa guidance counselor ng paaralan, sa lokal na tanggapan ng Department of Education (DepEd), o sa pinakamalapit na himpilan ng pulisya.
Source: PNP
"Edukasyon...Respeto...Serbisyong tapat para sa inyo...MARCELINEANS!"
