BISDAK Banat ug Balita

15/09/2026

15/09/2026

𝗠𝗚𝗔 𝗔𝗥𝗧𝗪𝗢𝗥𝗞 𝗦𝗔 𝗣𝗗𝗟, 𝗚𝗜-𝗗𝗜𝗦𝗣𝗟𝗔𝗬 𝗦𝗔 𝗕𝗝𝗠𝗣 𝗠𝗔𝗡𝗗𝗔𝗨𝗘 𝗖𝗜𝗧𝗬 𝗝𝗔𝗜𝗟

GIPAKITA SA BJMP Mandaue City Jail–Male Dormitory ang nagkadaiyang artwork nga gihimo sa mga Persons Deprived of Liberty o PDL isip kabahin sa mga programa alang sa ilang pagpalambo sa talento ug rehabilitasyon.

Pinaagi sa art, gihatagan ang mga PDL og higayon nga mapadayag ang ilang pagkamamugnaon, pagbati ug talento samtang anaa sa kustodiya.

Ang maong mga programa nagpakita nga ang prisohan dili lamang lugar sa pagkabilanggo, kondili usa usab ka dapit alang sa pagkat-on, pag-uswag sa kahanas ug ikaduhang higayon alang sa mga PDL.

I Mandaue City Jail Male Dormitory

15/09/2026

𝗖𝗘𝗕𝗨, 𝗜𝗣𝗔𝗞𝗜𝗧𝗔 𝗔𝗡𝗚 𝗣𝗢𝗧𝗘𝗡𝗦𝗬𝗔𝗟 𝗦𝗔 𝗜𝗡𝗧𝗘𝗥𝗡𝗔𝗧𝗜𝗢𝗡𝗔𝗟 𝗠𝗔𝗥𝗞𝗘𝗧 𝗦𝗔 𝗖𝗔𝗘𝗫𝗣𝗢 𝟮𝟬𝟮𝟲

Andam nang ipakita sa Cebu ang turismo, lokal nga produkto, negosyo ug investment potential niini sa international market pinaagi sa 23rd China-ASEAN Expo o CAEXPO 2026 sa Nanning, Guangxi, China.

Manguna si Cebu Governor Pamela S. Baricuatro sa opisyal nga delegasyon sa probinsya gikan Septiyembre 19 hangtod 21, diin ang Cebu mopasundayag isip “Province of Charm” sa maong expo.

Apil sa ipakita ang mga lokal nga produkto sama sa Tuburan Coffee, mga negosyo, tourism destinations ug mga serbisyo gikan sa pribadong sektor ug mga lokal nga pangagamhanan.

Kabahin usab sa delegasyon ang mga opisyal sa Cebu Chamber of Commerce and Industry ug Mandaue Chamber of Commerce and Industry.

Gilauman nga pinaagi sa CAEXPO, mas mapalapad ang koneksyon sa mga Cebuano nga negosyo ngadto sa mga potensyal nga buyers, investors, tourism partners ug international markets.

Sumala kang Gov. Baricuatro, tumong sa maong international engagement nga dili lamang ipakita ang Cebu, kondili mangita usab og mga oportunidad sa pamuhunan, patigayon, turismo ug ubang pakigtambayayong nga mahimong mapuslan sa mga Cebuano.

📷CAPITOL PIO

15/09/2026

PHILHEALTH, ORTHO EXPERTS NAGPALIG-ON SA KAHIBALO SA IMPLANT COVERAGE

Gipasiugda sa PhilHealth ug mga orthopedic experts ang kahinungdanon sa pagkahibalo sa publiko bahin sa health benefits alang sa mga nanginahanglan og orthopedic surgery.

Sa press conference niadtong Septiyembre 11 sa Gov. Celestino Gallares Memorial Medical Center, gipatin-aw sa Philippine Orthopedic Association (POA), Philippine Hip and Knee Society (PHKS), ug PhilHealth ang Z Benefit Package for Selected Orthopedic Implants.

Ang package naghatag og coverage alang sa nagkalain-laing hip, knee, fracture, ug upper-extremity implants, lakip ang hangtod P260,000 alang sa cementless total hip prosthesis ug P251,000 alang sa total knee replacement.

Matud sa mga eksperto, makatabang ang programa sa pagpakunhod sa gasto sa mga pasyenteng nanginahanglan og major orthopedic procedures ug makahatag kanila og mas maayong kahigayunan nga makabalik sa normal nga paglihok.

Sa 27 ka contracted hospitals sa tibuok nasud, duha ang naa sa Central Visayas—ang GCGMMC sa Bohol ug Vicente Sotto Memorial Medical Center sa Cebu.

I via Wilmer Promito

PhilHealth Region VII

15/09/2026

𝗖𝗘𝗕𝗨, 𝗡𝗔𝗞𝗜𝗚-𝗨𝗕𝗔𝗡 𝗦𝗔 𝗡𝗔𝗧𝗜𝗢𝗡𝗔𝗟 𝗗𝗔𝗬 𝗦𝗔 𝗖𝗛𝗜𝗡𝗔; 𝗖𝗢𝗡𝗦𝗨𝗟 𝗚𝗘𝗡𝗘𝗥𝗔𝗟 𝗭𝗛𝗔𝗡𝗚 𝗭𝗛𝗘𝗡, 𝗚𝗜𝗣𝗔𝗦𝗔𝗟𝗔𝗠𝗔𝗧𝗔𝗡

CEBU, NAKIG-UBAN SA NATIONAL DAY SA CHINA; CONSUL GENERAL ZHANG ZHEN, GIPAABOTAN OG PAGPANAMILIT

Mitambong si Cebu Governor Pamela Baricuatro sa National Day celebration sa People’s Republic of China ug sa farewell reception alang kang Consul General Zhang Zhen, nga nagtapos na sa iyang diplomatic assignment sa Cebu.

Gipasiugda sa maong okasyon ang padayong maayong relasyon sa Cebu ug sa international community, ilabina sa trade, turismo, pamuhunan, cultural exchange ug relasyon tali sa mga katawhan.

Mitambong usab ang ubang lokal nga mga opisyal, lider sa negosyo ug tourism sector.

Gipasalamatan sa Cebu Province si Consul General Zhang sa iyang serbisyo ug kontribusyon sa pagpalig-on sa relasyon tali sa Cebu ug China.

📸 Cebu Provincial Information Office

14/09/2026

𝘾𝙇𝘼𝙍𝙆 𝘼𝙉𝘿 𝘽𝙀𝙔𝙊𝙉𝘿 𝙍𝙊𝘼𝘿𝙎𝙃𝙊𝙒 𝙂𝙄𝙋𝘼𝙃𝙄𝙂𝘼𝙔𝙊𝙉 𝙎𝘼 𝘾𝙀𝘽𝙐

Malampusong gipahigayon ang Clark and Beyond Roadshow niadtong Septiyembre 14, 2026 sa Radisson Blu Cebu, nga nagtigom sa mga stakeholder sa turismo ug negosyo.

Gipasiugda sa maong kalihokan ang Clark, Pampanga isip emerging gateway sa turismo ug pamuhunan, samtang gipalig-on ang koneksyon tali sa Cebu ug Central Luzon.

Sumala kang Selrahco founder Charles Lim, tumong sa roadshow ang pagpalapad sa domestic connectivity ug pag-abli sa dugang oportunidad sa turismo ug negosyo sa nasud.

Nahimong plataporma usab kini alang sa partnerships ug kolaborasyon aron mapalambo pa ang turismo ug ekonomiya sa nagkalain-laing rehiyon.

I via Wilmer Promito

12/09/2026

₱𝟴𝟲.𝟴𝟱-𝗠𝗜𝗟𝗟𝗜𝗢𝗡 𝗧𝗔𝗥𝗚𝗘𝗧 𝗦𝗔 𝗔𝗚𝗢𝗦𝗧𝗢, 𝗡𝗔𝗕𝗔𝗧𝗢𝗡𝗔𝗡 𝗨𝗚 𝗡𝗔𝗟𝗔𝗚𝗣𝗔𝗦𝗔𝗡 𝗦𝗔 𝗕𝗢𝗖 𝗣𝗢𝗥𝗧 𝗢𝗙 𝗖𝗘𝗕𝗨

Malampusong nasapawan sa Bureau of Customs (BOC) Port of Cebu ang revenue collection target niini alang sa Agosto 2026.
Base sa preliminary collection report, nakolekta sa BOC Port of Cebu ang kinatibuk-ang ₱4,061,858,713.18, kumpara sa target nga ₱3,975,002,780.97.

Nagpasabot kini og ₱86,855,932.21 nga surplus, o 2.19 porsyento nga labaw sa gitakdang collection target alang sa maong bulan.
Dakong nakatampo sa maong positibong performance ang Subport of Mactan ug Subport of Dumaguete, nga parehong milabaw sa ilang tagsa-tagsa ka target.

Sa Subport of Mactan, nakolekta ang ₱534,792,471.76 batok sa target nga ₱179,764,200.00. Nakarekord kini og ₱355,028,271.76 nga surplus, o 197.50 porsyento nga labaw sa target.

Samtang, ang Subport of Dumaguete nakolekta og ₱683,860,642.10 batok sa target nga ₱582,996,480.00, nga adunay surplus nga ₱100,864,162.10, o 17.30 porsyento nga labaw sa target.

Matud ni District Collector Atty. Zsae Carrie C. De Guzman, nakatampo sa maayong collection performance ang mas hugot nga revenue monitoring, hustong valuation ug assessment, ug ang hiniusang paningkamot sa mga personnel sa pantalan aron masiguro ang episyente nga pagkolekta sa hustong duties ug buhis.

Gipasiugda ni De Guzman nga magpadayon ang BOC Port of Cebu sa pagpalig-on sa ilang mga proseso aron mahimong episyo, transparent ug responsive sa panginahanglan sa trading community.

Padayon usab nga gimonitor sa pantalan ang ilang collection performance ug gipakusgan ang koordinasyon sa nagkalain-laing mga opisina aron masiguro ang tukmang assessment, tukma sa panahon nga collection, ug pagsunod sa mga balaod ug regulasyon sa customs.

I via Aileen Navarro

11/09/2026

WALAY ARRAIGNMENT

Nagpabiling lig-on si Bise Presidente Sara Duterte atubangan sa iyang mga tig-suporta sa Quezon City Regional Trial Court karong Biyernes, Setyembre 11, human ipalabay ang iyang arraignment may kalabotan sa kaso nga grave threats.

Gipadayag ni Duterte ang iyang determinasyon samtang nag-atubang sa iyang mga supporters bisan pa sa pag-postpone sa unang hearing sa maong kaso.

11/09/2026

𝗠𝗢𝗕𝗜𝗟𝗜𝗧𝗬 𝗦𝗢𝗟𝗨𝗧𝗜𝗢𝗡𝗦, 𝗚𝗜𝗣𝗔𝗟𝗜𝗚-𝗢𝗡 𝗦𝗔 𝗖𝗘𝗕𝗨 𝗖𝗔𝗣𝗜𝗧𝗢𝗟

Gipahigayon sa Cebu Provincial Capitol ang Mobility Chat 1 sa Philippine Mobility Series 2026, nga nagtutok sa pagpalambo sa public spaces ug paggamit sa teknolohiya ug datos aron matubag ang mga hagit sa transportasyon.

Gipasiugda sa kalihokan ang people-first public spaces ug data-driven nga mga pamaagi alang sa mas luwas, episyente ug inklusibong pagbiyahe sa mga Sugboanon.

Nakigtambayayong ang Kapitolyo sa AltMobility PH alang sa pagpalambo sa mga solusyon sa mobility ubos sa administrasyon ni Governor Pamela Baricuatro.

CAPITOL PIO

11/09/2026

𝗧𝗔𝗡-𝗔𝗪: Nakig-uban mismo sa mga nanambong si Governor Pamela Baricuatro niadtong Huwebes atol sa Sinugdan sa Danao 2026, diin mainiton siyang nangumusta sa mga residente ug nakig-istorya sa mga bata nga miduol kaniya alang sa mga litrato ug mubo nga panag-istoryahanay.

Kauban sa gobernador ang mga opisyal sa siyudad ug pipila ka mga executive sa Kapitolyo sa maong selebrasyon nga nagtimaan sa pagsugod sa usa ka bulan nga kapistahan sa Danao City.