DK-Core News

DK-Core News Helping people to communicate each other like friend,family,and more,
To give the right on informati

CAMP DARAPANAN, MAGUINDANAO DEL NORTE — Nagsagawa ng General Assembly ang United Bangsamoro Justice Party (UBJP) at Moro...
08/08/2026

CAMP DARAPANAN, MAGUINDANAO DEL NORTE — Nagsagawa ng General Assembly ang United Bangsamoro Justice Party (UBJP) at Moro Islamic Liberation Front–Bangsamoro Islamic Armed Forces (M**F-BIAF) sa Camp Darapanan, Maguindanao del Norte, na dinaluhan ng mga miyembro, supporters at lokal na lider.

Tampok sa pagtitipon ang pagpapakita ng suporta ng mga kalahok na tinukoy ang Team: “TOPS Solon Followers,” bilang bahagi ng pagpapalakas ng pagkakaisa at koordinasyon sa hanay ng mga tagasuporta.

Layunin ng General Assembly na pagtibayin ang ugnayan ng mga miyembro at supporters at pagtugmain ang kanilang mga hakbang habang nagpapatuloy ang mga aktibidad kaugnay ng nalalapit na Bangsamoro Parliamentary Elections 2026.

Sa pagtitipon, kapansin-pansin ang presensya ng mga miyembro ng M**F-BIAF, supporters at ilang lokal na lider na nagpahayag ng kanilang pagkakaisa at suporta sa political direction ng UBJP.

Ang UBJP, na itinuturing na political party na naka-ugnay sa M**F, ay kabilang sa mga partidong naghahanda para sa kauna-unahang Bangsamoro Parliamentary Elections ngayong 2026.

Ang naturang pagtitipon ay bahagi ng patuloy na mobilisasyon at pagpapalakas ng organisasyon at suporta ng partido bago ang halalan.

TEAM USTADZ SAAD, RUMARATSADA SA MAGUINDANAO DEL SUR 2ND DISTRICTMAGUINDANAO DEL SUR |: Rumaratsada ngayong Sabado, Agos...
07/08/2026

TEAM USTADZ SAAD, RUMARATSADA SA MAGUINDANAO DEL SUR 2ND DISTRICT

MAGUINDANAO DEL SUR |: Rumaratsada ngayong Sabado, Agosto 8, ang Team Ustadz Saad Caravan na susuyod sa iba’t ibang bayan ng Ikalawang Distrito bilang bahagi ng kampanya para sa kauna-unahang Bangsamoro Parliamentary Elections.

Alas-7:00 ng umaga ang itinakdang simula ng caravan sa Madia, Datu Saudi Ampatuan, bago tatahakin ng convoy ang ilang pangunahing ruta sa distrito.

Mula Datu Saudi Ampatuan, daraan ang caravan sa Datu Saudi Ampatuan Roundball, Datu Unsay, Shariff Aguak Roundball, Shariff Saydona Mustapha, Datu Salibo at Datu Piang, bago magtapos at bumalik sa Datu Saudi Ampatuan.

Layunin ng aktibidad na ilapit ang kampanya sa mga komunidad at makipag-ugnayan nang direkta sa mga residente sa iba’t ibang bahagi ng distrito.

Pinapaalalahanan naman ang mga sasama sa caravan na tiyaking tama ang starting location at gamitin ang QR code sa official caravan poster para sa eksaktong lokasyon.

Si Ustadz Saad Sindatok ang kandidato ng United Bangsamoro Justice Party (UBJP) para sa 2nd District Parliamentary Representative ng Maguindanao del Sur.

Nakatakda ang unang Bangsamoro Parliamentary Elections sa Setyembre 14, 2026.

MAHARDIKA PARTY, PINALAKAS ANG GRASSROOTS COORDINATION SA COTABATO; ‘FREEDOM’ AGENDA, IPINALIWANAGCOTABATO CITY — Pinala...
07/08/2026

MAHARDIKA PARTY, PINALAKAS ANG GRASSROOTS COORDINATION SA COTABATO; ‘FREEDOM’ AGENDA, IPINALIWANAG

COTABATO CITY — Pinalakas ng Mahardika Party ang koordinasyon nito sa antas-barangay at mga sektor sa pamamagitan ng isang Barangay and Sectoral Coordinators Orientation na isinagawa sa Cotabato.

Dumalo sa aktibidad ang mga opisyal at kasapi ng Moro National Liberation Front (MNLF), kabilang sina MNLF Chairman at Deputy Speaker MP Ustadz Abdulkarim Misuari, MP Randolph Parcasio, at Ministry of Social Services and Development (MSSD) Deputy Minister at Mahardika Party first nominee Nur-Ainee T. Lim.

Layunin ng orientation na higit na mapatatag ang koordinasyon ng mga barangay at sectoral coordinators, gayundin ang aktibong pakikilahok ng mga ito sa mga programa at community-level activities ng organisasyon.

Binigyang-diin ng mga organizer ang kahalagahan ng malinaw na ugnayan sa grassroots level upang maging mas organisado at epektibo ang pagpapatupad ng mga inisyatiba ng partido at ng mga katuwang nitong komunidad.

Samantala, ipinaliwanag ni Nur-Ainee T. Lim, first nominee ng Mahardika Party, ang ikalawang kahulugan ng salitang “MAHARDIKA,” na iniuugnay sa konsepto ng FREEDOM o kalayaan.

Ayon sa kanyang pagpapaliwanag, ang FREEDOM ay kumakatawan sa sumusunod na mga adhikain:

F – Final Peace Agreement
R – Real Autonomy
E – Education para sa kabataan at Essential Health Services for all
E – Ekonomiya, Trabaho at Business
D – Durable and Lasting Peace
O – Open and Honest Governance
M – Mobilize

Iginiit na ang mga prinsipyong ito ay nagsisilbing gabay sa pagsusulong ng kapayapaan, tunay na awtonomiya, edukasyon, oportunidad sa kabuhayan, mabuting pamamahala at aktibong mobilisasyon ng komunidad.

Sa pagtatapos ng orientation, nagpahayag ang mga kalahok ng kahandaang ipagpatuloy ang kanilang tungkulin bilang mga coordinator at suportahan ang mga programang nakatuon sa organisasyon at pagpapaunlad ng komunidad.

07/08/2026

MAHARDIKA PARTY, PINALAKAS ANG GRASSROOTS COORDINATION SA COTABATO; ‘FREEDOM’ AGENDA, IPINALIWANAG

‎F: Final Peace Agreement
‎R: Real Autonomy
‎E:Education para sa kabataan at Essential Health Services for all
‎E: Ekonomiya, Trabaho, business
‎D:Durable and lasting Peace
‎O:Open and Honest Governance
‎M: Mobilize

Ganito inilarawan ni MAHARDIKA Party First Nominee, Nur-Ainee Tan Lim ang ibang kahulugan ng MAHARDIKA Party.

LBIAA UMINIT ANG KAMPANYA: INDEPENDENT CANDIDATE MARIAM KADATUAN, TUMANGGAP NG SUPORTA MULA SA TRADITIONAL LEADERS SECTO...
07/08/2026

LBIAA UMINIT ANG KAMPANYA: INDEPENDENT CANDIDATE MARIAM KADATUAN, TUMANGGAP NG SUPORTA MULA SA TRADITIONAL LEADERS SECTOR

COTABATO CITY,BARMM |: HINDI lamang voter education ang naging sentro ng aktibidad ng League of Bangsamoro Islamic Advocate Association o LBIAA ngayong Agosto 7.

Kasabay ng voters education and orientation para sa kanilang mga officers, coordinators, chapter presidents at mga miyembro, lumutang din ang malinaw na political support para sa kandidatura ni Mariam A. Kadatuan, number two (2) sa balota para sa Women Sectoral Representative

Pinangunahan mismo ni Independent Candidate Kadatuan ang aktibidad, na nakatuon sa paghahanda at pagbibigay ng sapat na kaalaman sa kanilang mga miyembro hinggil sa halalan.

Lalong naging kapansin-pansin ang pagtitipon matapos ipahayag ang suporta ni Sultan Abdul Hamidullah Tominaman Atar, Ph.D., kandidatong Traditional Leaders Sector Representative, number three sa balota, sa kandidatura ni Kadatuan.

Nagpaabot ng pasasalamat ang grupo ni Kadatuan sa naturang endorsement at sa pagtitiwalang ibinigay sa kanilang kandidatura bilang isa sa mga susuportahang kandidato sa Women Sectoral Representative race.

Para sa kampo ni Kadatuan, ang naturang suporta ay indikasyon ng lumalawak na pagkakaisa sa pagitan ng mga grupong nagsusulong ng mas malakas na representasyon ng kababaihan at traditional leaders sa Bangsamoro Parliament.

Hindi rin nagtatapos sa endorsement ang ipinakitang suporta.

Ipinahayag ng grupo ni Kadatuan ang kanilang kahandaang bumisita sa Marawi upang personal na makiisa at magpaabot ng suporta kay Sultan Tominaman Atar.

Sa papalapit na halalan, malinaw ang mensahe ng LBIAA: hindi lamang boto ang kanilang pinaghahandaan—organisado rin ang kanilang hanay at aktibo sa pagpapalakas ng kanilang mga kandidatura.

MARIAM A. KADATUAN — WOMEN SECTORAL REPRESENTATIVE, #2 SA BALOTA.

SULTAN ABDUL HAMIDULLAH TOMINAMAN ATAR, Ph.D. — TRADITIONAL LEADERS SECTOR REPRESENTATIVE, #3 SA BALOTA.





League Of Bangsamoro Islamic Advocate Association.Inc
Dhen Kadatuan
Maguindanao news Updates

06/08/2026

NEXT on.......BOTO MO, BILANG MO | Episode 2

Paano nga ba gumagana ang Parliyamentaryo? Bakit mahalagang maunawaan natin ang sistemang ito

Sa ikalawang episode ng Boto Mo, Bilang Mo, hihimayin at ipapaliwanag natin nang mas malalim ang mga proseso, estraktura, at kahalagahan ng Parliamentary System sa Bangsamoro.

Farhana Kabalo, Information Officer II from Bangsamoro Information Office (BIO) as resource person.

Kailan: August 8, 2026 (Sabado)

Oras: 7:00 PM

Saan: ZLive Stream and DK-CORE NEWS

06/08/2026

Ang Mahabang Biyahe Patungong Setyembre:
Ito ung Dahilan ng Pagkaantal ng 1st BARMM Parliament Election.

Guest Speaker : Atty. Mohammad Nabil Mutia, Maguindanao Del Norte Election Supervisor as Resource Person from the Office of the COMELEC .

TAMONTAKA III, NAGPABIDA NG SUPORTA KAY WOMEN SECTORAL CANDIDATE #2 MARIAM KADATUANNagpakita ng suporta ang mga taga-Ta...
05/08/2026

TAMONTAKA III, NAGPABIDA NG SUPORTA KAY WOMEN SECTORAL CANDIDATE #2 MARIAM KADATUAN

Nagpakita ng suporta ang mga taga-Tamontaka III Volunteers sa paglalagay ng campaign tarpulin ni Women Sectoral Representative Candidate #2, Mariam Abusama Kadatuan, bilang bahagi ng patuloy na kampanya para sa BARMM Parliamentary Elections 2026.

💪 Suporta ng komunidad, lakas ng kababaihan, boses ng sektor!

#2 sa Balota | Mariam Abusama Kadatuan

02/08/2026

Ang Halaga ng Kapayapaan (Ang Hatol ng Bayan)

Ang totoong tagumpay ng Bangsamoro ay nakasandig sa kapayapaan at sapat na representasyon ng bawat isa. Sa ating kauna-unahang 1st BARMM Parliament Election 2026, ang boses ng mamamayan ang magsisilbing gabay at hatol para sa mas matatag na kinabukasan.Ang kapayapaan ay hindi lamang pangarap—ito ay responsibilidad nating lahat. Sama-sama nating ilatag ang pundasyon ng mas maunlad, makatarungan, at pederatibong pamamahala sa ating rehiyon.

Vote wisely. Safeguard our peace.

Sponsored by: Bangsamoro Federalist Party

01/08/2026

Handa ka na ba sa kasaysayan? Samahan kami sa kauna-unahang episode ng Boto Mo, Bilang Mo Podcast!

Sa episode na ito, hihimayin natin ang "Ang Mahabang Biyahe Patungong Setyembre" para sa makasaysayang 1st BARMM Parliament Election ngayong Setyembre 14, 2026. Gaano nga ba kahanda ang rehiyon, at ano ang dapat mong malaman bilang botanteng Bangsamoro?

Host: Fahad Latip
Special Guest: Atty. Mohammad Nabil Mutia (COMELEC-BARMM)

Makinig, Manood, matuto, at maging bahagi ng pagbabago. Dahil sa bawat boto, may boses ka!

Sponsored by: Bangsamoro Federalist Party
-CoreNews

Address

Cotabato City
9600

Website

Alerts

Be the first to know and let us send you an email when DK-Core News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to DK-Core News:

Shortcuts

Share

Category