DK-Core News, Cotabato City (2026)

08/09/2026

𝐀𝐁𝐎𝐓 𝐏𝐀𝐑𝐓𝐘 𝐄𝐍𝐃𝐎𝐑𝐒𝐄𝐒 𝐔𝐁𝐉𝐏 𝐘𝐎𝐔𝐓𝐇 𝐑𝐄𝐏𝐑𝐄𝐒𝐄𝐍𝐓𝐀𝐓𝐈𝐕𝐄 𝐀𝐋-𝐇𝐀𝐀𝐅𝐈𝐃𝐇 𝐒𝐔𝐋𝐅𝐅𝐘 𝐀𝐁𝐁𝐀𝐒, 𝐑𝐄𝐂𝐎𝐆𝐍𝐈𝐙𝐄𝐒 𝐇𝐈𝐒 𝐆𝐄𝐍𝐔𝐈𝐍𝐄 𝐀𝐒𝐏𝐈𝐑𝐀𝐓𝐈𝐎𝐍𝐒 𝐅𝐎𝐑 𝐁𝐀𝐍𝐆𝐒𝐀𝐌𝐎𝐑𝐎 𝐘𝐎𝐔𝐓𝐇

Opisyal na inendorso ng ABOT Party, sa pangunguna ng kanilang 𝐏𝐚𝐫𝐭𝐲 𝐏𝐫𝐞𝐬𝐢𝐝𝐞𝐧𝐭 na si 𝐃𝐫. 𝐒𝐚𝐦𝐬𝐨𝐝𝐢𝐧 𝐀𝐦𝐞𝐥𝐥𝐚, si 𝐔𝐁𝐉𝐏 𝐘𝐨𝐮𝐭𝐡 𝐑𝐞𝐩𝐫𝐞𝐬𝐞𝐧𝐭𝐚𝐭𝐢𝐯𝐞 𝐀𝐥-𝐇𝐚𝐚𝐟𝐢𝐝𝐡 𝐒𝐮𝐥𝐟𝐟𝐲 𝐀𝐛𝐛𝐚𝐬 bilang kinatawan ng sektor ng kabataan sa Bangsamoro Parliament. Ang endorsement ay ipinaabot sa pamamagitan ng kanilang 𝐏𝐚𝐫𝐭𝐲 𝐍𝐨𝐦𝐢𝐧𝐞𝐞 𝐍𝐨. 𝟏 na si 𝐑𝐚𝐡𝐢𝐛 𝐋. 𝐊𝐮𝐝𝐭𝐨, bilang pagpapahayag ng suporta sa kakayahan at mga adhikain ni Sulffy para sa Bangsamoro Youth.

Para kay Sulffy, ang endorsement ay higit pa sa pagpapahayag ng suporta. Isa itong karangalan at pagkilala sa kaniyang kakayahan, mga adhikain, at hangaring maging kinatawan ng sektor ng kabataan sa Bangsamoro Parliament. Ipinapakita rin nito ang kahalagahan ng pagkakaroon ng mga lider na handang makinig sa mga pangangailangan at pananaw ng bagong henerasyon.

Bilang isang kabataang Bangsamoro, dala ni Sulffy ang pananagutang isulong ang mga usaping may direktang epekto sa kanilang pangangailangan at kinabukasan ng kanilang sektor.

Ang pagkilalang ito ay nagsisilbing paalala na ang kinabukasan ng Bangsamoro ay nangangailangan ng pagtutulungan, paggalang sa magkakaibang pananaw, at pagbibigay ng espasyo sa kabataan upang makibahagi sa paghubog ng susunod na yugto ng rehiyon.

08/09/2026

PAMAKIKINIGEN TAW |: KATIGAN ENDO PAMANDO KANO MGA TAGAPEDA MIGKAKATAW SA KITAB ENDO HADITH BY: Sheik Saguir Salendab

08/09/2026

BBOI PINALALAKAS ANG INVESTMENT LINKAGES SA HONG KONG

COTABATO CITY,BARMM |: Pinalalakas ng Bangsamoro Board of Investments (BBOI) ang ugnayan nito sa mga international partners at business community sa Hong Kong bilang bahagi ng pagsisikap na makahikayat ng mas maraming pamumuhunan sa Bangsamoro.

Pinangunahan ni BBOI Chairperson Mohamad Omar Pasigan ang isang coordination meeting kasama si Consul General Romulo Victor M. Israel Jr. at mga opisyal ng Philippine Consulate General sa Hong Kong.

Sa naturang pagpupulong, inilahad ng BBOI ang mga oportunidad sa pamumuhunan, potensiyal na pang-ekonomiya, at mga prayoridad na industriya ng Bangsamoro Autonomous Region in Muslim Mindanao o BARMM.

Nagpalitan din ng mga pananaw ang magkabilang panig hinggil sa mga posibleng larangan ng kooperasyon at mga hakbang upang maisulong ang investment promotion para sa rehiyon.

Ayon sa BBOI, bahagi ito ng patuloy nitong hakbang upang mapalawak ang investment network ng Bangsamoro at mapalakas ang ugnayan sa mga international partners at business community sa Hong Kong.

Sa ilalim ng pamumuno ni Chief Minister Abdulraof A. Macacua at ng kaniyang “Mas Matatag na Bangsamoro” agenda, layunin ng BBOI na maitaguyod ang BARMM bilang isang kompetitibo at promising na destinasyon para sa mga mamumuhunan.

Inaasahang makatutulong ang mga naturang investment linkages sa paglikha ng mga trabaho, pagpapalago ng ekonomiya, at pagsusulong ng napapanatiling kaunlaran sa Bangsamoro.

08/09/2026

PACQUIAO, BAGONG NAPC CHIEF; PINALALAKAS ANG HAKBANG KONTRA KAHIRAPAN

PORMAL nang nanumpa si dating senador Emmanuel “Manny” Pacquiao bilang bagong kalihim at lead convenor ng National Anti-Poverty Commission (NAPC), matapos siyang italaga sa naturang posisyon ni Pangulong Ferdinand Marcos Jr.

Sa kanyang bagong tungkulin, inaasahang tututok si Pacquiao sa pagpapalakas ng mga programa at polisiya ng pamahalaan na naglalayong mabawasan ang kahirapan at mapabuti ang kalagayan ng mga mahihirap at iba pang sektor na higit na nangangailangan ng tulong.

Ayon kay Pangulong Marcos, malaki ang kanyang tiwala sa kakayahan ni Pacquiao na makatulong sa pagpapaigting ng mga hakbang ng administrasyon laban sa kahirapan.

Binigyang-diin din ng Pangulo ang kahalagahan ng mga repormang maglalapit sa pamahalaan at mga serbisyo nito sa mga mamamayan, lalo na sa mga komunidad na nangangailangan ng mas direktang suporta mula sa gobyerno.

Bilang dating mambabatas at kilalang personalidad sa bansa, haharap si Pacquiao sa hamon na maisalin sa konkretong programa at resulta ang mandato ng NAPC, partikular sa pagtugon sa mga pangunahing suliraning kinakaharap ng mga pamilyang Pilipino.

Samantala, inaasahang magiging mahalaga ang koordinasyon ng NAPC sa iba’t ibang ahensya ng pamahalaan at sektor ng lipunan upang matiyak na ang mga anti-poverty program ay mas epektibong nakararating sa mga benepisyaryo.

Sa bagong pamumuno ni Pacquiao, nakatuon ang pansin sa kung paano mapapalakas ang pagtutulungan ng pamahalaan at mga komunidad upang makapaghatid ng mas inklusibo at pangmatagalang solusyon sa kahirapan.

Via |: UNTV News and Rescue

08/09/2026

IBOTO!
🔵 4. BFP
Partido Para sa Bangsamoro

Si BFP 10th Nominee MP Michael Midtimbang sa hangarin nyang nagkakaisang Bangsamoro.

08/09/2026

ULAMA, NANAWAGAN NG PAGKAKAISA SA GITNA NG TUMITINDING POLITICAL DIVIDE SA BANGSAMORO

Hinikayat ng kilalang Ulama na si Sheik Ismael Calalagan ang mga Bangsamoro na pairalin ang paggalang, pagkakapatiran at mapayapang pakikilahok sa pulitika habang papalapit ang unang Bangsamoro Parliamentary Election.

Sa gitna ng tumitinding palitan ng pananaw at pagkakaiba ng political affiliations, binigyang-diin ni Calalagan na hindi dapat maging dahilan ang halalan upang mahati ang mga komunidad at masira ang matagal nang ugnayan ng magkakapatid na Bangsamoro.

Ayon sa Ulama, mahalagang matutong tanggapin ng bawat isa ang pagkakaiba sa pagpili ng kandidato o partido, basta’t nananatiling nakabatay sa respeto, maayos na pakikipag-ugnayan at mapayapang proseso ang pakikilahok sa halalan.

Iginiit din ni Calalagan na higit na mahalaga ang pagkakapatiran ng mga Bangsamoro kaysa sa pansamantalang pagkakaiba sa larangan ng pulitika.

Binigyang-diin niya na sa kabila ng magkakaibang pananaw at political choices, dapat manaig ang prinsipyo ng pagkakaisa at pagmamahalan sa ngalan ng Islam upang maiwasan ang anumang hidwaan na maaaring makaapekto sa kapayapaan at pagkakaisa sa rehiyon.

Nanawagan ang Ulama sa mga botante na gawing responsable, mahinahon at mapayapa ang kanilang pakikilahok sa makasaysayang halalan, at huwag hayaang ang pagkakaiba sa pulitika ay mauwi sa personal na alitan o pagkakawatak-watak ng komunidad.

Video Credit to the Owner: Jom Dimapalao

08/09/2026

BCOBARMM, INC., NAGPAABOT NG BUONG SUPORTA KAY FORMER MP ONGpin SA SETTLER COMMUNITIES SECTOR

COTABATO CITY, BARMM |: Nagsagawa ngayong araw ng courtesy visit ang mga opisyal at kinatawan ng BCOBARMM, Inc., na pinamumunuan ni National Chairman Amroding Rasul, kasama ang mga chapter mula sa Marawi City, Lanao del Sur, at Special Geographic Area (SGA), kay dating Member of Parliament (MP) Narciso Yu “FMP” Ongpin, kandidato para sa Settler Communities Sectoral Representative sa unang Bangsamoro Parliamentary Elections.

Tinalakay sa pagpupulong ang kasalukuyang kalagayan ng BCOBARMM, Inc., kabilang ang mga hinaing ng kanilang mga miyembro, mga hamong kinakaharap ng organisasyon, at mga plano para sa pagpapaigting ng kanilang mga programa sa hinaharap.

Isa sa mga pangunahing usapin sa meeting ang pagpapalawak ng serbisyo at suporta para sa mga Bangsamoro at iba pang mga komunidad na naninirahan sa labas ng Bangsamoro Autonomous Region in Muslim Mindanao (BARMM).

Sa nasabing pagpupulong, idineklara ni BCOBARMM, Inc. National Chairman Amroding Rasul ang buong suporta ng kanilang organisasyon sa kandidatura ni Former MP Ongpin bilang Settler Communities Sectoral Representative sa halalan na nakatakda sa Setyembre 14, 2026.

Ayon sa panig ng BCOBARMM, ang suporta ay bahagi ng kanilang layunin na maisulong ang mga interes at pangangailangan ng mga komunidad na kabilang sa Settler Communities Sector, lalo na ang mga naninirahan sa labas ng BARMM.

Samantala, kapwa nagpahayag ng kahandaang magtulungan ang BCOBARMM, Inc. at ang kampo ni Ongpin, hindi lamang sa panahon ng halalan kundi maging sa mga susunod na panahon upang maisulong ang mga programang makatutugon sa pangangailangan ng mga komunidad.

Nagtapos ang pagpupulong sa pagpapahayag ng tiwala at pangakong pagtutulungan ng magkabilang panig para sa pagsusulong ng maayos, makatarungan at moral na pamamahala sa BARMM.

Ang unang Bangsamoro Parliamentary Elections ay nakatakdang idaos sa Setyembre 14, 2026, kung saan kabilang sa mga sectoral representation ang Settler Communities.

08/09/2026

MUGSHOTS NI ROMUALDEZ, INILABAS NG CIDG MATAPOS PAGSILBIHAN NG WARRANT SA OSPITAL

Inilabas ng Philippine National Police–Criminal Investigation and Detection Group (PNP-CIDG) ang official mugshots ni dating House Speaker Martin Romualdez kasunod ng pagsisilbi sa kanya ng arrest warrant habang nasa ospital nitong Lunes.

Ayon sa CIDG, inisyu kay Romualdez ang warrant kaugnay ng kasong plunder.

Ang paglalabas ng mugshots ay kasunod ng pormal na proseso ng mga awtoridad matapos maipatupad ang warrant laban sa dating House Speaker.

Samantala, nananatiling nakapailalim sa kaukulang legal na proseso ang kaso ni Romualdez habang nagpapatuloy ang mga hakbang ng mga awtoridad kaugnay sa kanyang pag-aresto at pagharap sa mga alegasyon laban sa kanya.

📸: PNP-CIDG

08/09/2026

4BFP, IPINAKITA ANG LAWAK NG SUPORTA SA BANGSAMORO SA HULING ARAW NG CAMPAIGN PERIOD

Ipinakita ng Bangsamoro Federalist Party (4BFP) ang lawak ng kanilang kampanya at mobilisasyon sa pamamagitan ng pagsasagawa ng caravan sa iba’t ibang lugar sa Bangsamoro at karatig na mga lugar, anim na araw bago ang unang Bangsamoro Parliamentary Elections sa Setyembre 14.

Dumaan ang caravan sa ilang bahagi ng Cotabato City, Maguindanao del Norte, Maguindanao del Sur, North Cotabato, at Special Geographic Area (SGA), bilang bahagi ng mga aktibidad ng partido bago ang araw ng halalan.

Isinagawa ang caravan habang nagpapatuloy ang mga huling campaign activities ng mga partidong kalahok sa unang parliamentary elections ng Bangsamoro Autonomous Region in Muslim Mindanao (BARMM).

Layunin ng naturang aktibidad na maipaabot sa mga botante ang mensahe ng partido at higit pang palakasin ang kanilang kampanya sa iba’t ibang komunidad bago sumapit ang election period.

Sa nalalapit na halalan, inaasahang magiging mas maigting ang mga aktibidad ng mga political party at kandidato habang papalapit ang Setyembre 14, ang itinakdang araw para sa makasaysayang unang parliamentary elections ng BARMM.

08/09/2026

₱400K ARI-ARIAN, NAPINSALA SA SUNOG SA COTABATO CITY

Tinatayang higit ₱400,000 halaga ng ari-arian ang napinsala matapos sumiklab ang sunog sa Governor Gutierrez Avenue, Purok 1, Barangay RH IX, Cotabato City, pasado alas-2 ng madaling araw kahapon.

Ayon kay Cotabato City Fire Station Chief Intelligence and Investigator SFO1 Rolly Sulaiman, isa sa tatlong magkakatabing establisimyento ang tuluyang natupok ng apoy.

Kabilang sa mga naapektuhan ng sunog ang isang lechon manok hauz at barber shop, na kapwa magkakatabi sa lugar.

Sa isinagawang paunang imbestigasyon, dalawang posibleng sanhi ng sunog ang tinitingnan ng Bureau of Fire Protection (BFP) habang patuloy ang kanilang masusing pagsisiyasat upang matukoy ang eksaktong pinagmulan ng insidente.

Samantala, muling nanawagan ang BFP Cotabato City sa publiko na agad ipagbigay-alam sa mga awtoridad ang anumang sunog o kahina-hinalang insidente upang mabilis na maaksyunan.

Hinimok din ng mga awtoridad ang publiko na unahin ang kaligtasan at agarang pag-uulat sa mga kinauukulan kaysa pagkuha o pagla-live ng insidente sa social media, lalo na habang isinasagawa ang rescue at firefighting operations.

DK-Core News

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

08/09/2026

Address

Website

Alerts

Contact The Business

Shortcuts

Share

Category

Listing takedown request